十二味麻辣小當家 (已結業)

十二味麻辣小當家大角咀海泓道1號奧海城3期地下28號舖• 雖然地方不大,但店內的橫裝卻看得出下了一點心思,用上面譜做主題,佈置連食具都是面譜,很有中國風!• 很喜歡枱墊紙上的這句話,"世間唯有美食與愛不能辜負! 簡單一段話道出好一份吃貨精神!• 水煮魚,上枱時香氣撲鼻,紅咚咚的椒海中,隱隱浮現一片片嫩白的魚片!辣椒辣而不燥，麻而不苦!魚片口感滑嫩,油而不膩!• 細膩的刀功,切出薄薄的雙飛片!• 乾煸肉鬆四季豆,做得到味濃!此菜味若不濃帶不出其特色!伴飯或粥一流!• 香辣脆骨蝦,份量十足,超值!• 還以為這味香辣炒蝦只有蝦,原來一點都不平凡,除了蝦還有雞軟骨.腰果伴炒,可謂錦上潻花!海蝦還已除去蝦頭及附肢,走油再炒後可一口連殼吃!

夏天天氣真係好熱，熱到食咩都無胃口。不過之前聽講奧海城有間食辣野好好味，忍唔住就約左朋友去試下。一入到餐廳，一眼見到一片綠色牆，即刻覺得成個餐廳好清新😂😂泡椒鳳爪一咬落去，有種意料之外既感覺，肉感脆脆地，唔會話軟身，岩曬鍾意有咬口既我，仲好開胃。蒜泥青瓜叫左幾樣辣野食，緊係叫返一碟開胃菜。一擺青瓜落口，即刻食到好香既麻油味，蒜蓉味。一啖辣野，一啖青瓜，正正。口水雞面面同口水雞分開，認真醒目，可以當兩個餸✌雖然見到一片紅，以為好辣，食落岩岩好，朋友平時食開小小辣，都接受到。熱情果蘇打好多氣，一啖飲落去，好爽，入面有一粒粒熱情果，好岩夏天飲，特別食辣野，更加需要飲好多飲品

陪太太食四川菜一向係我嘅職責，雖然本身唔係太鍾意食辣野，但係因為太太太鍾意食，所以不經不覺都令我對四川菜開始有一點點嘅要求！呢度嘅經典香辣鍋，同平時食開嘅川菜好唔同！鍋入邊嘅餸菜完全可以自己揀嘅，而我最欣賞佢可以食首次肥牛粒，食麻辣之餘但又可以食牛肉真係好好，惹果得黎，又唔會完全辣到入唔到口，亦都唔會姐牛肉嘅鮮味。另外提一提，呢度嘅豆漿非常新鮮，而且唔會太甜，非常之好飲！必叫。酒釀小丸子，呢啲平時喺上海譜先至食到嘅甜品，估唔到食川菜都可以品嘗得到！清甜好味，鍾意食糖不甩或者湯圓嘅人一定都會好鍾意食。太好啦，太太又有一個新地方可以比去食辣野！

食辣野其實真係會上癮，明明以前都唔食辣，點知一開始左就無辣不歡，好彩身邊既朋友都係同類人，講起食辣野就流晒口水，呢晚又約左姐妹們覓食喇，搵到呢間麻辣干鍋勁吸引，點可以唔去試一試首先揀好鍋底先，有幾款鍋底可以選擇，辣度都可以自選，仲可以有特別要求剔走唔食既配料材料有好多選擇，每個鍋最少有5個餸，另外亦都有涼拌同埋特色小菜，我地就order左一個干鍋同一個小菜飲品方面就一致決定要酸梅湯材料材料都好入味，而且小辣都已經夠辣，可能個碟太大，所以份量望落唔多，但食落其實係好夠孜然寸骨，第一次食覺得唔錯，d肉好鮮嫩，而且好易咬得開酸梅湯同呢餐飯好夾，食得好滿足呀

一向鍾意食辣野，之前朋友介紹食麻辣干鍋，點知一試便愛上，成日都好想再食，朋友又搵到一間食干鍋既小店，梗係要去試一試啦，位於奧海城三期地鋪，好易搵餐廳裝修都幾清新，同以往食麻辣野既鋪頭唔同，而且設有坐室外座位，都幾寫意坐低第一時間梗係要叫野食啦，餐廳主打做干鍋，最少要叫5款材料，另外都仲有好多冷盤同熱菜叫我地叫左小辣，平時食開係成碗都辣椒遮住晒d材料，呢度辣椒唔會太多，顯得材料會多d，本人覺得小辣都已經好夠，味道唔會太鹹，啱啱好，可以食晒成鍋孜然寸骨，第一次食覺得幾得意，味道唔錯，而且啖啖肉必點酸梅湯，唔會太甜，中和返辣味埋單400幾都唔算太貴，有驚喜呀

一路想試試十二味麻辣小當家，聽講評價不錯，麻辣夠正宗！一於收工即興約嗜辣的朋友黎晚餐！對於奧海城不太熟路的我地都搵左一陣，原來麻辣小當家係地面舖，要從simply life 旁的門口穿出去再右轉直走就會見到～～餐碟印著中國面譜寫著中國味道，一枱一椅以至擺設都仿如打著正宗麻辣菜的味道！想食咩自己揀自己剔，基本上選擇算多～～超惹味川式口水雞，雞肉嫩滑入口即化，麻辣夠惹味，愈食愈開胃～～雞肉下還有爽脆拍青瓜，正嘩～超級豐富的麻辣鍋自選五項配料，有牛舌、牛柏葉、木耳、連藕片及豆腐乾～～～牛舌牛柏葉完全入曬味，配埋爽口的連藕，木耳完全愈食愈過癮，不止辛辣惹味，回麻的感覺更刺激，直頭食到停不了～～桂花冰釀👍鮮豆漿👍👍👍土豆絲夠正宗味道帶點酸辣又夠爽口～～超香口的蔥油拌麵，看似簡單賣相一般，但味道冇令我失望，麵條夠爽滑，蔥油夠香，簡單美味！最簡單的菜色才是最考功夫！沒有美麗的包裝及浮誇的賣相，只有正宗的麻辣美味，實而不華！食辣的朋友必定愛上這裏～～

岩岩返完大陸，已經好掛住內地既麻辣鍋上OPENRICE碌兩碌，即比我搵到間差唔多既係就係遠左D，不過要碌都碌到過去既呢到有秘製醬香鍋、酸辣泡椒鍋、特式麻辣鍋、孜然香辣鍋、經典香辣鍋 選擇同內地一樣既多，唔知味道又會唔會相似呢我地就揀左經典香辣鍋，保險D，睇下呢到既辣度如何，廢事去到最後食唔到拉整鍋火紅火紅，賣相吸引，香味都足配料有嫩牛肉、牛柏葉、寬粉，貪佢地夠吸味呢到既中辣似乎係內地既小辣，適應返香港人既口味，此意見就可以比大家參考參考，挑返合適既辣度入口有點點麻，但最主要還是辣的香配上牛柏葉、寬粉真的不錯雖說嫩牛肉有點貴，但真的十分好吃，很嫩又有牛味，沒有被辣味蓋過這三款配料還真是選對了想要解解辣，還可點酒釀小丸子和高屋酸梅湯酸梅湯比內地的，還要好飲，酸甜度取得平衝最重點是那塊檸檬帶出不一樣的酸!!!

今天預約了八時到十二味麻辣小當家一嘗正宗川菜的味道。餐廳有分室內和室外，但基於天氣和食物的關係，還是選擇在室內進餐。食物款式真的很多，但看見很多人點麻辣香鍋，實在忍不住要試試。點了經典香辣鍋，另外需再點五個配料以上才起炒。等了一會，才上菜，香氣撲鼻，果然好東西是需要較長的等候！我們另點了白飯配麻辣香鍋，除了可減輕辣味，這樣的配搭更佳，因為有點像小菜配白飯。不得不讚這餐廳的薯粉真的很好吃，配上麻辣味，是絕佳的配搭，很後悔沒有點上兩份薯粉...另外，手切肥牛粒較細粒，所以也很入味。再配上我很喜歡的午餐肉，飯也吃下兩碗！吃完後，一直沒有口渴口乾，看來是沒有加味精的正宗川菜呢！

夜晚到奧海城逛街，發現了這間川菜，餐廳外也有座位，但今天天氣實在不太適宜坐外面等了一會，便有位了，餐廳環境與一般川菜館有點不一樣，是較新潮的設計，場內座位不算多，較適合三五知己來聚會。而且大部分客人也是內地人士，相信味道應該較正宗才能吸引他們來吃吧！我們只有兩人，所以能吃的也不多。我們只點了麻辣香鍋（配料是油麥菜、鹵水肥腸、午餐肉、薯粉和手切肥牛粒）、白飯和飲品。豆漿是香港製造的，味道不算甜。等了大概十五分鐘，麻辣香鍋才上菜。乍眼一看辣椒也不少，配上香莞，聞起來是麻麻辣辣的川味。 這個肥腸有點驚喜，原以為是厚身肥肥的那種，但卻是薄身有點脆口的，炒過後，豬腸的味道完全是麻辣的，很好吃！這個薯粉真的很好吃！如果餐廳有售麻辣薯粉是這個味道，我相信我可以吃多兩三碗這個是手切肥牛粒，不算特別，可以不試。吃晚餐途中，發現原來廚師也是內地人，難怪能煮出這樣正宗的味道！而且它的辣也不是只有辣沒有麻，但可能比較正宗，辣度也比平常的高一點點，所以我們也點了白飯來「解辣」這餐廳還有很多款式可以選，下次很想試試「開胃菜」和湯麵類

今天放假，與表弟相約於奧海城食午飯逛街，一直聽聞奧海城三期開了很多新食肆還沒有去過，一於鎖定目標前去覓食一去到，愛辣的我見到大大字字寫住（十二味麻辣小當家），馬上兩眼發光，馬上拉住表弟往內衝店面明亮，架上放著很多麻辣醬如果冬天還可以考慮坐户外，相信別有一番風味午餐時段還有午餐set,很抵食連碟子也很有中國風味跟餐的豆漿土豆絲爽脆 有鑊氣 麻辣味十足 十分過癮青椒皮蛋 糖心皮蛋入口即溶泡椒雞腳，非常入味！酸辣勁十足田雞香鍋 單單配料已經非常豐富，有薯條，蓮藕，芽菜，海帶等等醬料以大紅袍辣椒爲主，食落辣勁十足花椒也放了不少，麻香和辣勁混在一起非常惹味麻辣燙肥腸湯底滿滿的麻辣味，配飯一流餐廳坐得很舒服，地方乾淨，食物對味，服務良好下次可以再戰

從前確實不喜歡食麻辣，覺得那種使舌頭跟咀唇都痺痺的感覺好古怪，然而人越大，飲食習慣真的會逐漸改變，以前到譚仔只吃酸辣的我，現在都改吃麻辣了~ 這間位於奧海城三期外圍的十二味麻辣小當家，連星期六都有午市套餐供應。 店鋪雖小，但一碗一筷都頗有心思，而且店內顧客9成9都是國內人，這裡的出品應該夠正宗吧？ 在上食物之前，先來一個例湯，眼見湯中有豆腐跟菜，為我們先清一清食道。 蒜泥青瓜 $28我一向喜歡食蒜泥青瓜，一道涼菜只要夠凍，青瓜又夠爽口的話就應該不會有甚麼閃失，而這個前菜亦都算平穩。 糖醋排骨飯 $48套餐價$48，認真抵食！眼見碟中排骨的份量也不少，而且不會全是瘦肉，當中夾雜少許肥肉，肉質就更腍身了。 口水雞麵 $52這個口水雞麵同樣是套餐，不過我並沒有預想到口水雞跟麵會是分開的，看著那碗麵實在清淡得可憐。 我二話不說便把口水雞上的辣椒油移到麵上，這樣才挽回點吸引力呢。不過口水雞的骨多過肉，食完一小碟都感覺沒有吃到二兩肉。 熱情果梳打 $18超多汽的梳打水，加入熱情果顯得特別清新，一入口梳打水就好像在為你的內臟揼氣似的，夏天飲一流！ 酸梅湯 $18這個酸梅湯的味道比平日打邊爐飲到的要

I am a huge of of their branch in Causeway Bay - especially their set lunches. Although I generally ended up ordering a couple of dry pots and sides for sharing. It works well for a group of 4 or more.I was ecstatic to find out that they had open a branch in Olympian City! Last review that i had written was for Emma's noodles- a very forgettable sichuan meal that I had. I was glad that they shut it down but what I didn't realise was Charlie's Chilli kitchen was from the same parent group. Actua

變臉是四川國粹，可以在於短時間內變出多款面譜。非常神奇。不管喜、怒、哀、樂、或是驚訝、憂傷都可以在一剎那間變化和表演出來，令人嘆為觀止。懷著敬佩的心情來到呢間小店，感受地道川味。涼菜是一小碟海帶絲，平時食的海帶絲都是這種，切成1條條細絲，然後加上辣椒絲，簡簡單單，就是食海帶的爽和特有的海水味。夫妻肺片，麻辣的醬油撈勻之後，香辣的味道，令人好開胃，刺激得很。豬手切成細粒，並經過炸煮，變得好乾身，可能炸過的原因，沒有一般豬手的油膩感。加上青紅辣椒，看似很辣，其實又沒有想像中辣，還挺易入口的。鴨肉本身會有一種騷味，不是每個人可以接受到，但經過餐廳處理後，其實已經少了騷味，多了香味，鴨肉比較乾身，充滿嚼勁，香味俱全。不用多說它的外型已經告訴你它是虎皮尖椒，本來以為四川菜館食虎皮尖椒會好辣，其實原來不辣，反而好爽好甜。過往喝酸辣湯的經驗都是在上海菜館，今次用四川人手法做出來的效果，比想像中辣，不過，辣得又的確挺過癮的。

呢排真係超熱，攪到我無哂胃囗！老公帶左我去食我至愛嘅辣野！之前已經食過銅鑼灣分店，覺得好惹味好開胃！今次去到奧海城分店，裝潢一樣都係走「中國風」！呢間分店有室外同室內嘅座位，不過天氣咁熱，我地當然諗都唔諗揀坐室內！我地點左至愛嘅「麻辣香鍋」，餸方面今次點左嫩牛肉、午餐肉、金菇、寬粉同豆皮！另外仲加點左一個酸辣土豆絲！「香鍋」一如銅鑼灣分店一樣香噴噴，麻辣味十足！最重要係香辣得黎一啲都唔油膩，唔會話食到成口都係油！呢樣超正！之前喺銅鑼灣次次都係order肥牛，今次就選擇左嫩牛肉，個人覺得比肥牛更好食，牛味更濃郁之餘口感亦更嫩滑，而且份量亦多！午餐肉係預先煎過，出左啲油反而冇咁油，同埋更惹味呢！金菇係每次必點，索哂啲麻辣汁好好食！如果唔係怕食唔哂，真係要叫返碗白飯黎食先夠perfect呢！寬粉同豆皮份量超多，好味之餘又飽肚！酸辣土豆絲我地叫左唔辣，怕老公頂唔順咁多麻辣野！哈哈！土豆絲非常爽脆，蒜味亦十足，雖然唔辣但係亦非常開胃!最後叫左個擂沙湯圓，湯圓係芝蔴餡，煙煙韌韌咁，唔會太甜，可以中和一下成口麻辣味，得三粒真係唔係幾夠喉呢！奧海城分店整體質素同銅鑼灣店差不多，價錢差不多，地點亦方便，

奧海城探完兒甥女 一個人去搵食。聞到好香既辣味 尋找之下 原來是十二味麻辣的分店 正喎 二話不說入去獨食啦～ 麻辣香鍋 必吃～ 自己點選辣度 餐廳建議肉類 蔬菜類 比例2:1。食之前緊記要撈混 確保味道均勻～鮮牛肉嫩滑 豆皮煙韌有咬口 薯粉 金菇沾滿辣汁 好正～ 麻麻辣辣 川味很濃 配上蔥花芫茜花生碎 真是好惹味！涼拌土豆絲 爽口 幼絲 很香的麻油味 不會太咸 夏天的好選擇！今日好想食甜品 選了餐廳推介的四川冰粉 很清新～清甜 冰凍 冰粉口感似啫喱 帶有淡淡的玫塊香 可以一解食川菜的油膩～食辣野 最好飲凍野 小當家選擇都幾多 有泰國梳打水 又有椰青水清熱氣 讚！