十三座牛雜 (已結業)

早一排盲中中咁去左北角, 八點幾未食飯咁飱 仲要好肚餓, 正係度諗下有咩好食啦, 點知比師傅我見到呢間小食店, ,一眼望埋去就已經比佢個招牌吸引住, 於是乎就去試一試啦!行到埋去聞到d牛什好香, 左諗右諗都係決定要一串牛肚試下先! 牛肚好腍好鬆好入味, 好鬼正, 加少少辣醬, 非常好味, 食完一串之後, 真係好想安歌架, 不過為免食唔落飯, 所以唯有下次啦!難得師傅行開呢頭, 都總算同呢間食店有緣, 不過就真係唔知何時再聚? 食店都算乾淨, 感覺舒服, 絕對值得一試!

吃完一串牛雜口渴到弊有多好吃可想而知~~~

今日行過, 試左一串牛肺and大腸, 又腍又入味又干淨, 完全無異味, 未試過咁好味既牛雜....... 正

其實我從少都唔係好鍾意食牛雜，心理上覺得唔夠乾淨，不過有朋友介紹過呢一間野之後，我又心思思想試下，上星期經過一次，奈何因為牛肉供應不足，竟然無牛雜賣，唯有叫了一串齋試試佢個汁，試完無乜感覺，前日經過見到有牛雜，睇見幾衛生，連我本身無食開牛雜既人都聞到口水流，即時試了一小碗，25蚊，食完結論係以後經過北角又多一樣必食街邊野。

由北角帶了一大碗牛雜($30)返西環，搭左成個鐘車，再等埋屋企人返黎，足足相隔個幾兩個鐘，但仍然暖暖地，好香好入味，尤其係肥美既大腸，擠滿奶白色既肥膏，搞到我搭車果陣都忍唔住偷食一舊。

早兩日陪女兒往北角補習，等待期間行去新光戲院側的十三座牛雜買三十元牛雜回家做餸，剪食物個哥哥幾老實，說金錢肚唔夠稔，剪多幾塊牛肚代替，回家翻熱食仍然好味又夠稔，食後不會口渴，幾好幾好。下次要試魚蛋及腸粉。

接太座放工。又行過呢間人龍店，照舊人流不絕...奇怪...記得上次試過，認真不外如是...口痕，再俾多次機會您la...照樣係牛雜一串。一口咬下，夠腍夠入味。腸異味全無，肚及膀亦係相當入味...咁究竟點解同上次食差咁遠lei?一個謎..睇嚟要問問Adam Cheng及貽興黄sin...

要了一盒$20的, 兩人分. 哥哥仔好比心機仔細禁剪, 店面亦好明亮. 一試…嘩! 好味喎! 唔會好似出面d檔, 一味得個鹹字, 佢好香, 味道亦適中, 食完都唔係好口渴順便一讚, 佢d魚蛋都唔錯, 我指的不是魚蛋本身, 魚蛋ok而已, 但個醬好好味!

真係忍唔住,飛電叫個fan去買外賣,話咁快就送到!佢買個陣仲勸我唔好試?! 嫌佢賣相唔好,擔心.....我當然采你都傻啦,一於去馬,跟外賣有芥辣同辣醬,好老實,兩種醬都唔係咁收貨,芥辣無「攻鼻」feel,辣醬又唔多夠辣!打開盒料,以二十大元,份量係「抵」ge~牛腸處理過,已去肥膏,值得一讚,其他膀呀,肺呀,牛肚等,根本唔夠入味,鹵水湯料d香料唔夠同埋藥材係下價野,所以無咩香味!不過咁ge收費就算啦!亦都好過好多地檔。聽聞西灣河有檔仲堅d,一個四十零歲ge牛雜佬處理,會去探下路!

難得到北角, 緊係試下啦。可能我無見佢落漿, 我覺得d味唔係好夠。人大個左... 買碗細o既一半都食唔落。順便試埋d 奶茶, 真係好香好滑喎!不過甜左小小, 同埋唔夠凍。試得過o既。

同男友行使北角,雖然食飽飽,但見咁近都要去食返串牛雜,$6一串,樣樣都有,最鍾意食牛膀,仲有隻碟仔盛住,啲汁唔會滴到周圍都係,正呀~

<img src="http://bp1.blogger.com/_Zc1fOtdu8B8/RnHesvgg_FI/AAAAAAAAABE/ehOPsrksTYQ/s400/IMG_0606s.jpg">前往第２間小店食餃途中，遇上聞名已久的牛雜店，即外賣了一串牛雜加一串燒賣到附近的HKUSPACE吃。問了阿姐有否加醬，她說有，最後發現什麼醬也沒有，算了吧！說回牛雜，各部位也非常入味，肚、肺、腸更是十分可口，一點也不韌。至於燒賣，這次魚肉多過粉，感覺像吃魚旦。有機會再來會叫＄２０肚肺腸！

i saw so many good comment so i go to try it in this morning. thats quite jucy n the taste will not very heavy. however, not really like those say veryveryveryvery nice law, just better then ok. actually just like most 牛雜檔in mongkok .d 牛腸就真係幾好食但好肥唔知有幾多人敢食.但我梗食啦!i also try the fish ball that is really common nothing any special. i like causeway bay 生記more! but totally is ok gei!

同媽媽二人專登黎食,每人食左一串$6牛什,每個部位都有,好入味,好腍,味道唔錯,最好0既係佢會將串牛什放0係個細碟度,等d汁唔會滴到周圍都係,呢個安排真係好有心思,掂呀!

在新光戲院地下舖，一串賣$6，細碗賣$20，大碗賣$30賣一碗細的，唔同部位都有，每件都好淋，而且剪得都頗細件，所以都可易食。我比較喜歡吃牛膀，吃上來很粉。賣相很衛生，比西灣河更吃得放心。