影片
还记得刚开业时第一次吃他们的叉烧惊为天人，然后每星期总会购买一两次。发现他们的出品越来越甜，甜到好似砂糖唔使钱咁，甜到乸喉。今日买的叉烧已经走汁，但仍然比叉烧包内涵更甜！叉烧炒蛋更以为变咗甜品！拜托，而家个个都怕甜，好好叉烧为甚么要做得像甜品？之前买过他们的云南猪手，也是甜到漏！麻烦你哋自己试下味，上好叉烧败在疯狂加糖，可惜。但烧鹅是好吃的，外皮松化，鹅肉嫩滑，调味也比较正常。不过怕食糖食到脂肪肝应该唔会再帮衬。
继续阅读
新开呢间外卖烧味店，见到佢荔枝柴烧鹅只系$170 半只，真系想试一试。因为平，所以对佢嘅期望细啲，但系咁平都ok 啦！点知性价比高，以我食惯一乐烧味嘅舌头，虽然唔系脆皮鹅（买咗唔系即刻食，唔知系咪林左），但系肉质松软，皮薄小肥，食落鹅油还算香！原本系去食现烧乳鸽($39)，最后重点变咗烧鹅。 乳鸽就瘦咗啲啦，可能外卖返去几个钟头后先食啦，我都感觉唔到佢系咪红烧。太好啦，附近有间咁好食嘅小店可以加𩠌！如果水准维持，应该可以成为我每周买外卖嘅地方。
继续阅读
同小朋友行完利东街打卡，顺便去附近好多食店嘅湾仔道，睇吓顺便买啲去妈咪同加𩠌😄见到有间新开嘅烧味店，原来都唔少款做紧新开张优惠，而且店里灯光光猛，open kitchen睇落都几卫生。烧味店有片皮鸭都几新颖，店家同我推介，会配齐京葱、青瓜丝，片皮鸭拿到返屋企，个皮都仲keep到脆，都几好😍好惊喜。配嘅皮就类似薄嘅春卷皮，味道都几好！相信下次啲鸭摆落气炸锅热一热，会更正。我哋仲买咗推介烧鹅～只系¼只，已经大大盒，肉质尚算嫩滑，无雪味，外皮有油香，食得出嘅新鲜。下次都试多几款先！
继续阅读
行完街之后, 谂起要返屋企食饭, 就决定喺湾仔附近, 一于加𩠌, 斩个料,湾仔街市真系乜都有,, 一间烧腊档好多人排队, 外表光鲜, 原来有即制嘅烧鸭烧鹅, 跟住入去啦, 叫咗一个烧腩仔, 再加个烧鸭, 烧腩仔最紧要系化皮, 回家之后, 个皮咬口保持松脆, 肉质非常细致, 五层肉得通透, 入口松化, 点一点酱汁一齐食, 非常之正另外烧鸭保持光线嘅色泽, 鲜红嘅皮, 咬落去一样松脆, 多汁的肉质一啲都唔黐牙, 有咬口之余, 保持细致嘅肉汁, 今晚加𩠌真系非常之正
继续阅读
唔知有无人同我一样，无饭不欢 🍚 但有时又想食少餐饭，减低食咁多丰富美食嘅罪恶感。今日午饭时间，我有一种「肉念」，外面天气又热又焗。外卖烧味，I see you~唔好睇佢位置系街市，你可以透视所有烧味👀 包装好嘅冷盘及饮品任君选择。更特别系，仲有见到原只未烧嘅烧鹅，环境舒适干净。我嘅午餐拣左烧鹅及叉烧双拼，走饭。荔枝木烧鹅烧鹅髀🍗 我自细钟意食，肥而不腻，又唔会净系得层皮，烧鹅肉连皮食系一大享受。古法黑叉烧叉烧外层焦焦的，啖啖肉，唔会睇落营养不良咁。其实平时食叉烧就硬系想送口饭，所以你地选择可以拣配饭，又可以拣斩料加𩠌。今日又系无淀粉嘅一餐。
继续阅读