北海道3.6 (已結業)

3/4(六) 6.30pm甫出地鐵站後,途經此店,阿梁給其店號迷惑了;買下沖繩咖啡籽碳燒奶茶$12;北海道3.6沖泡的奶茶彆扭到不行;沒奶香,遑論滑度;除酷甜的味道外,絕沒別的!咖啡籽味甘質彈,唯一增值位.以北海道3.6牛奶作招徠"北海道3.6",誠然把此牛奶沾污了...

尋日同老公去荃灣搵朋友吃飯又經過之前系果度飲過野嘅一間奶茶店，北海道3.6不過之前啱開業只是得野飲宜家就多咗好多小吃添同老公未同朋友吃飯就吃咗好多小吃因為幾平而且D小吃睇起身都幾吸引豆腐花 ，開頭以為佢地響門口出面果豆腐花桶到筆豆腐花，估唔到原來佢地入面做，幾滑、有豆香，仲幾大碗炸燒賣 ，即叫即炸，炸得幾香，幾脆，都幾新鮮日芒牛奶爆爆珠 ，奶味好濃，爆爆珠幾彈牙，但是就是覺得甜咗少少，如果無咁甜嘅話就應該更加好味啦而且佢地呢段時間仲做Promote第二杯半價.....所以幫老公叫多杯榛果奶茶試試，都幾好味啊，真是有果仁嘅香味不過唔明點解地方咁細會有咁多出品，而且試過嘅小吃都覺得味道唔錯下次再來試埋其他嘅小吃

話說上次個朋友買糖心蛋果陣見到呢間有D特別野食~炸燒賣，炸牛奶，芝士薯條...好似好好味咁!點知就中招啦...未食過咁難食~買左炸燒賣，炸牛奶，蒸燒賣，芝士薯條，水蜜桃爆爆珠飲品，牛乳豆花飲品~無樣得...=﹏=...炸燒賣- 太乾太硬...而且無味...真係好難食...一份6粒食左1粒就全數跳進垃圾桶~炸牛奶- 完全唔知咩黎...無鮮味..得個炸字...而且炸得好怪...似食緊舊粉=.=""難食指數爆燈~~~蒸燒賣...以為無衰既小食...=.=...點知..佢比左3粒新加的燒賣,3粒蒸過龍的燒賣...而個豉油D味同個色都怪怪地...好似加左水咁..芝士薯條...好似放左好耐...炸完再炸...真係勁難食飲品算不過不失....但唔係好飲囉~~><牛乳豆花都無牛奶味...又無豆花味...唔知咩飲品黎架!!浪費金錢...一定無下次

今天小妹第一次學D friend上黎openrice寫食評，如有不敬，請見諒!昨天同同事放工行街經過地鐵站口，見到之前那間牛牛奶茶店，見幾個人等緊飛，之前都有飲過佢地既士多啤利牛奶爆爆珠，非常OK，見琴日落雨濕濕，原本無乜心情，就飲番杯雲呢拿朱古力甜甜地開心下吧!味道果然有咁上下, 水準唔錯，有朱古力奶味，一定再黎!

今晚又飲，都係因為太熱，而且成個荃灣開到。。。。。。行幾步就有一間係左近，分分鐘多過７仔就黎。。飲左木瓜奶茶加珍珠成間都係北海道3.6牛乳，唔會差掛。點知，假木瓜加奶加水最慘係木瓜粉都未開好，呃我都呃全套。。好失望，而且珍珠冇味得黎，硬掘掘下次貢茶，臺杯好似穩陣ｄ。。而家買三送一，　買一送一都唔要飲。。／＼

隻牛牛好吸引我ar........杯珍珠奶茶.....茶味勁過奶味我覺得啦珍珠就少的,不過咬口幾好....我下次會再買,因為末飲北海道奶味ar..ha張牛牛咭都好正...十杯就送一杯抵俾笑面

前日來左呢間店到試下,叫左個巨峰提子綠茶,等左五分鐘到就有得飲,有落好清新,d味遁好夾,好有提子果汁味,夠曬消暑,不錯!!可以一試!!

見新店就試下啦, 好味喎!蜂蜜綠茶味新清又唔會太甜, 夏天真真好! 大大杯都飲晒見佢仲有好多新鮮的選擇,下次再來!

呢次飲左珍珠奶茶,,d奶茶ok..5鞋,,但係係咪真係用左北海道3.6牛乳就5知la..根住d珍珠超硬..應該5係煮左好奈..硬到好似食緊d彈彈波咁 -.-同埋珍珠係冇味ge..最憎食d冇味ge野..下次好心情先俾多次機會你la..

系荃灣行街 無意見到北海道3.6奶茶店有很多人排隊買奶茶, 我又過去買翻杯招牌珍珠奶茶飲,個杯既設計都唔錯喔.個杯面封得密實,左搖右擺都冇事..奶味同茶味都算香濃,珍珠好彈牙，店主好主動問是否要少甜.我簡佐少甜.甜度不會太高,味道啱牙好，飲完也不會覺得甜膩,服務態度第一印象覺得都幾好,,下次繼續幫襯.

因為看到星島介紹尼間…所以…一於試下!首先.服務態度好好…雖然細細間.又唔係好多人但有客人問佢野…佢都好有耐性答.又講下邊隻最多人叫.好!芒果爆爆珠我自己叫左個芒果爆爆珠.(其實應該叫日芒爆爆珠,我叫錯左)因為佢賣點就係日本生果&牛奶ma.佢d爆爆珠其實係份子料理.好新奇.試下.$12 360ml.芒果味係濃.=)爆爆珠就…試過就知咩..自己唔會再試.出面一層”衣”包住d超級濃縮我芒果汁.係得意嘅.但口感麻麻.我會再試.下次試雪沙.應該唔錯.佢又有得印仔卡,買夠10次就送一杯.!正

見佢開係阿土麵線隔離,稔著應該係好配搭. 個日又咁熱, 趁無乜人排隊, 所以試試!買咗杯焦糖珍珠, 一般水位, $12一杯360ml.睇著仍佢沖, 滴咗幾滴焦糖, 所以無乜焦糖味.茶味淡, 有奶味, 但佢打正招牌係北海道牛奶就真係唔得, 事關我真係飲過北海道牛奶, 個種奶味唔係好特別, 但係就似80年代飲個種奶味, 依家D奶...淡哂! 而且無北海道奶酪奶茶, 完全唔貼題!最藉得一讚就係加咗嘅珍珠, 好彈牙! 奶味又唔及貢茶, 爆珠附近台灣麵都有, 情願行遠D, 排耐D, 都去Comebuy囉, 因為間唔時有優惠!

天時暑熱，最好飲珍珠奶茶細杯(360ml)就$10，大杯(700ml)就$12，梗係買大杯啦~奶味好夠，入口香滑，不錯~不過好少茶，飲唔到茶味...珍珠大粒，有咬勁，數量都ok~依家有買10送1~應該會再試下其他飲品

想試爆爆珠好耐上綱見呢間有!收工即刻飛奔嚟試~叫左:100%溫室白桃汁+乳酸爆爆珠$18味道清新不太甜,爆爆珠咬落好似三文魚子包住乳酸汁咁...冇想像中咁特別囉...整體ok嘅~佢另外有咩日芒雪沙,我下次應該都會試下~荃灣----繼米線後嘅新力量:台式飲品爭奪戰!!!三間comebuy/貢茶/新天地/阿兵哥...本人誓要飲盡區內台飲店~~!!!! >0<

其實一心想再回味貢茶，不過最好來了這裡，因為被這可愛的牛牛吸引了﹗在店員的推介下點了烤珍珠奶茶($12)。這間的珍珠不算多，而且是頗腍的，不對我胃口。奶茶奶味比茶味重，也不是我所好。畢竟我是因為這隻牛才點的，所以也沒有什麼好怨啦。