北海道爐端燒 (已結業)

找地方食消夜，之前睇過OpenRice，即管來一試。來到有空枱，但是沒有人理我們。終於坐低了，等左好耐都無人來落單，佢哋只係得兩個店員，兩個都忙到飛起！叫佢哋落單，晦氣地說：等等。明白其實佢哋都好忙，見到佢哋不停做做做，真係唔容易，亦都好明白忙起上嚟就好炆憎，不過對於客人來說感覺不好受....希望佢哋老闆請多個人，因為覺得呢度嘅食物真係幾有特色，味道亦都好不錯，可惜服務真係強差人意。攞嘢飲來嘅時候「呯」放在枱上，叫佢嘅時候嘴藐藐.... 如果我自己心情唔好來到又要受佢哋氣，真係好難受囉。我返食物，網上見到有芝士意粉，不過九點左右order已經沒有了。玉子燒真好味！由於細碟咗d,偏鹹。煙肉豪卷，都幾特別喎。唔係講笑，炸雞果然好味！整體來說食物會令到我再想來，服務希望有待改善。

去尖沙咀吃飯，亞士厘道的樓上舖是不錯的選擇，旺中帶靜，最近新開了一間「北海道爐端燒」，地點方便，周五晚與朋友一聚最好。 餐廳採開放式廚房，可以看到大廚即席爐端燒，讓人吃得放心。 辛辣蓮藕、芥末山芋燒、日本番薯 ($28@) 蓮藕用泰式辣醬調味，爽口；山芋即日本淮山，味噌味道突出，爽甜帶微辣；番薯質感粉粉的夠甜美。 明太子牛油燒魷魚鬚 ($58) 嫌魷魚鬚太普通？可以試這個布滿了明太子的，加上牛油香，更添鮮味！ 味肉噌溫泉蛋飯 ($58) 朋友很喜歡這個溫泉蛋飯，肉碎甜甜的，帶微辣；最喜歡是那隻溫泉蛋，熟度剛好，帶點黏口，好正！ 神奇炒麵 ($62) 日式炒麵，加了豚肉和椰菜，麵條炒得分明，不油膩，OK。 香味醬油燒鱈場蟹 ($188) 這是今晚最期待的美食。鱈場蟹用醬油吊起了鮮味，味道不錯，可惜燒得略乾，可以更好。

真係黎開食飯有條路  其實平時去開尖咀食飯 多數都係去K11個頭食好少係亞士厘道呢頭食  但係咁岩得咁橋 兩個星期都過左去呢頭食上次係食韓燒   今次食我另一最日本料理估計呢呢間日本餐廳應該開左業唔耐   入面既裝橫都好新重點係咩?  行去坐低時都聽倒有幾枱係日本人黎  證明有返咁上下質素入正題喇  今晚叫既野食唔算多 但係每一款都有唔錯既感覺先食個刺身精選刺身併盤如果你有選擇困難既  咁簡呢個併盤就岩哂喇 店入面既師傅會幫你簡當然我相信三文魚就真係鐵膽黎 唔洗擔心  甜蝦同吞拿魚都唔失色  食魚生最怕冰鮮既感覺 今次又唔需要擔心 食落去只有鮮味  點少少鼓油 好新鮮  好正呀  絕對係睇得 影得又食得北海道炸八爪魚平時食炸物  多數都係食雞軟骨 今次想新嘗試食炸八爪魚  結果證明係冇選擇錯既唔油膩之餘咬落去既口感唔錯可惜既係我地身邊只有一杯茶  而唔係單酒 如果唔係真係PERFECT呀帶子魷魚燒其實感覺有少少似大阪燒  不過入面既配料係用帶子同埋魷魚份量唔太大  不過就岩哂兩個口痕想食下野 又唔想食太多野既我地醬料份量岩岩好   始終太多既話 就會太咸煙肉芝士奶油意大利麵到今晚我認為

香港雖然成街都係日本野，但要搵一間好食，價錢又合理既，其實都唔係甘易。上網SEARCH，見到尖沙咀有間新開既日本野，就上左去試下。裝修唔算好有特色，不過幾有日本LOCAL果D居酒屋既感覺。日式枝豆 $28見到枝豆就會好想叫黎食，呢到唔會整到好咸，一路食，一路飲酒傾計岩哂~冷燒小茄子$28呢個小茄子細細隻好的色，茄子已經去皮，食果時就唔怕食到皮既苦味，而且凍凍地加埋D醬油柴魚片，用黎做前菜都真係幾清新。明石燒風雞蛋卷 $58雞蛋卷蛋香唔太夠，但煎得好軟熟，蛋卷入面亦係好濕潤。食落仲有淡淡既柴魚高湯味，真係好日本呀!海膽 $98呢到$98竟然已經有成底海膽，平時出去食兩件海膽軍艦都唔只呢個價。見佢甘平，其實個心真係唔敢抱咩期望，但估唔到食落又唔錯WOR，雖然唔算得上勁甜同CREAMY，但都夠新鮮，呢個價錢，我係收貨有餘既。燒日本蕃薯 $28佢呢到仲有燒物同串燒，我地叫左個日本蕃薯，蕃薯本身質素唔錯，好甜。不過最正既係，佢比埋片牛油你，溶左既牛油渗哂落D蕃薯到，真係香到不得了。芥末山芋燒 $28山芋係我好鍾意食既野，輕輕燒過之後，質感仲係好爽脆，而個芥末醬真係不得了，唔會太辣太剌激，但成功甘

10個女仔9個都鍾意日本菜㗎啦，我家A姐都唔倒外，香港嘅日本菜選擇唔少，但要做到連日本feel都有呢就難啲！今日同A姐就去到尖沙咀試吓呢間東瀛風味好濃嘅北海道爐端燒，仲要指定坐他他咪嘅位，咁仲唔係啱晒feel？明太子雞蛋卷即叫即整嘅明太子雞蛋卷，雞蛋滑嫩，加埋中間大量嘅明太子，好好味呀！香味醬油燒鱈場蟹腳蟹腳燒到啱啱熟，鮮味同海水味都keep到，好彩A姐不嬲都唔太鍾意食蟹，呢個份量我一個人食啱啱好！地獄拉麵無想像中咁地獄，仍然食得出香濃嘅豬骨湯底，配料有粟米、木耳、竹筍、日式叉燒同紫菜，最正當然係個溏心蛋啦。招牌酥脆雞塊 香口嘢幾時都係我的最愛！連雞皮炸到金黃色，外層脆卜卜，內裡就滑嘟嘟！ 海膽忌廉蟹炸肉薯餅用上海膽、蟹肉再加埋忌廉製作而成，好creamy，好似飲緊忌廉湯咁，一啲都唔漏！

位於尖沙咀鬧市小巷內嘅樓上鋪用餐環境寧靜 啱晒情侶拍下拖呢度嘅炭爐火候十足一上黎見到師傅燒緊茄子好澎湃所以忍唔住要拍照一張 哈哈精選刺身拼盤 (5款) $278刺身分別有帶子甜蝦油甘魚三文魚同埋吞拿魚全部都好新鮮 流露自然嘅海鮮甜味赤身好香 而三文魚亦都超級肥美一場黎到 當然都要一嚐佢嘅串燒啦串燒火候十足 惹味可口雞頸肉 $26 口感特別而且出邊好少食到串燒五款 $112 分別有燒香菇煙肉包蝦章魚小丸子雞翼同埋帶子每款都各具特色至於鹽燒牛舌更加係爽口味美 牛味突出之後都萬眾期待嘅芝士意大利麵 $128/2人份量店員推出一個大大嘅芝士再刮出一啲芝士碎之後就將熱騰騰嘅意大利麵撈勻芝士上到枱啦 賣相精美而且香氣撲鼻而且食落去真係好重芝士味超香濃超好食 ！

昨晚收工帶媽咪去食日本野，早排有朋友食過話唔錯，所以一直想試下依間餐廳環境唔錯，座位舒適闊落，好適合傾計聚會，晚飯時間人客都幾多，食物種類都多，價錢都唔算太貴特上壽司盛盒 $168十款壽司，款款都好新鮮尤其係我最鍾意食嘅海膽壽司，味道濃厚入口嫩滑比較特別嘅係燒左口魚邊，係唯一有燒過，未放入口都嗅到好香鰻魚壽司$32、左口魚邊壽司$48、鵝肝帆立貝火炙壽司$68食得一舊左口魚邊唔夠喉所以叫多咗兩舊正鰻魚壽司味道都唔錯，另外帆立貝火炙壽司味道濃郁芝士意大利麵 $128 必叫超級特別嘅菜式職員會將煮好既意粉再放入超大芝士入面撈，令意粉有更香芝士味除咗芝士意粉外，配料亦唔輸蝕，新鮮蝦爽口彈牙，加上煙肉更有口感，雖然芝士味重，不過都唔會覺得「濟」另外亦都有得選擇2/4人份量

睇完飲食男女介紹😝就急不及待去試..我地book 左8:30😙眼見坐冇虛席。好在訂左枱咋🤗好快就安排我地入坐。..坐低左見到有位侍應拎左好大個芝士出黎好得意甘。於是我地都叫左個。個刺身超正好新鮮👍🏻3文魚腩好肥美😋吞拿魚好潤澤看得出不是平價吞拿魚又冇渣🍣帶子好鮮甜😙♦️之後我地叫左d串燒，豚肉蕃茄，小小嘅蕃茄肉汁豚肉好可口♦️我地叫左杯ginger whiskey soda好易入口，酒精濃度岩岩好🍸🥂🔻最後嗰意利都到了。在我們面前拌芝士🥄喜歡吃芝士嘅一定要試下！♦️成餐晚飯都好滿足。好值得去試下👍🏻👍🏻

最近去咗一間新開嘅過江龍餐廳，本身朋友叫我去我都唔係太想去，因為見到OpenRice好似「伏味濃」，因為啲Foodie影相真係唔太吸引，感覺好似係扮高級嘅廢野⋯不過算啦，見價錢合理就同朋友幾個一齊來，餐廳安排左我哋坐「榻榻米」，隻腳伸得唔舒服但係另有一番風味。經過一番篩選之後，就揀咗幾款比較有特色或者性價比高嘅食品。煙肉芝士奶油意大利麵二人＄128依個真心好得意，佢本身有一個熱住咗嘅意粉，火候啱啱好所以最尾食落都唔會太林。有一舊好似石爐嘅嘢其實就係芝士，喺裏面攪拌一下就會黏咗好多芝士上嚟！上碟嘅時候仲有埋蝦仁同埋好多芝士汁，蝦仁就夠晒爽口，仲要個意大利麵啱啱好配搭埋芝士味道一流，絕對值得一試，口味好濃郁。豬軟骨醬油拉麵＄88相對啱啱個意大利麵，豬軟骨拉麵就冇咁特別，不過裏面都有好多材料包括紫菜，香蔥，木耳，溫泉蛋，筍和粟米粒等等！湯底雖然係普普通通嘅醬油，但係我個朋友竟然飲晒（佢好鍾意味精😕）拉麵嘅質感就冇咩特別，一方面，性價比唔算特別高，但勝在食完飽肚。明石燒風雞蛋卷＄58睇落平平無奇，一睇側面就知道做得好好，雞蛋嘅甜甜地，但係唔係砂糖（我）嘅味道，我想甜係非常之自然，而且口感非常滑

每一間餐廳都有佢獨特既地方，同特色食物，如果唔係好難留得住客人。今日就係度試左兩樣幾特別既食物，大家黎到一定要食下！第一樣就係稻草燒三文魚唔係講笑，佢真係用稻草燒三文魚架。我都係第一次見同食。即叫即燒，睇見都正！呢碟就係成品啦。三文魚肥美，個邊薄薄地燒熟左。食落有陣煙燻、稻草既味道，好香、好特別！因為個邊燒左，所以咬落去，個邊硬少少，內裡好林。另一樣叫左意大利粉呢個唔係普通既意大利粉，係係芝士上"煮"既意大利粉。好大舊芝士啊！職員會一路搖鈴一路推架車出黎，係你面前撈個麵。首先，職員係大芝士度刮啲芝士出黎，然後放啲煮熱左既麵落去，快手撈混。完成左啦！配料仲有蝦、蟹柳絲同煙肉等。芝士融晒，意粉沾滿晒芝士，芝士味超濃！有少少似blue cheese既味道，好香，好creamy！好好味！以上呢兩款都好特別，黎到一定要試！剩食上面果啲梗係唔夠喉啦，仲叫左幾樣其他食物！小食-炸蠔好脆，外脆內林，咬開個蠔好熱，好多蠔汁流出黎，點埋佢配埋酸酸地個汁更好食！甜蝦新鮮，蝦多過飯鰻魚汁好正，個皮韌韌地有咬口，鰻魚肉燒過，焦焦地，唔錯。醬油拉麵醬油唔係太咸，岩我口味！配料有粟米、木耳、竹筍、豬軟骨同紫菜等。個

早幾日去左試尖沙咀一間爐端燒，初初見到個位置就無咩期望，但估唔到食落又唔錯喎！呢間餐廳有少少似居酒屋咁，咩都有得食又有酒飲，又唔會好多人，同人傾下計食餐飯都好唔錯。講返食物，有一系列稻草燒嘅食物都好唔錯，以我就試咗稻草烤醬油三文魚刺身（ ＄98）同埋都稻草烤安格斯牛扒（ ＄168 )，兩款食物嘅燒烤味都好濃烈，刺身唔會過熟，微微燒香，味道幾特別。而安格斯牛扒就更加驚喜，稻草既味道深入牛扒入面，而且中間仲係粉紅色，呢個真心勁好味！我哋仲叫左個煙肉芝士奶油意大利麵（$128），佢係用好熱嘅意粉放喺一舊好大個既芝士入面再炒，芝士味好香濃，而且芝士痴在每一條意粉入面，如果鍾意食芝士嘅都一定要啊呢個！總括來講，呢間餐廳嘅味道都幾似日本嗰啲居酒屋，一大班人食都幾唔錯！

之前有黎過食lunch覺得質素唔錯於是今次捉埋老公黎試下dinner座位雖然唔算多，但通道闊，坐得幾舒服仲有tatami位我地叫左油甘魚刺身，厚切，價錢合理，擺上冰盤先上，盡量保持溫度，而唔係就咁放係碟到刺身無雪味，厚切夠咬口串燒叫左帆立貝，燒完之後好細粒，有少少乾，唔算抵食，但味道ok帶子魷魚燒，我地叫呢個因為係menu睇到覺得幾吸引，問侍應係咪即係大阪燒，侍應話比大阪燒好食 ，所以我地都要左一份試下味道果然唔錯，薄餅唔算太厚，仲包住帶子魷魚，口感同味道似食緊章魚小丸子茄子味噌田樂茄子口感比較油膩，應該係炸過，加上茄子表面既田樂醬一齊食，味道都唔錯見到menu有鹽燒是日鮮魚魚鮫，就問下今日係咩魚啦，通常都係三文魚或者油甘魚既侍應話係油甘魚，於是就叫埋呢個唔好以為魚鮫無乜肉，其實都好好肉，而且無骨無魚腥加上係油甘魚，油脂及膠質重，用黎鹽燒真係啱哂食完未算太飽，就加多個煙肉芝士奶油意大利麵，雖然感覺有d奇怪，日式居酒屋竟然有意粉食，但鍾意芝士既我，照叫返碟先等緊既時候，無啦啦聽到有鈴鈴聲，原來侍應推埋個芝士磚係會你面前撈，就係咁，我地無啦啦成為全場焦點😂侍應將煮好既意粉直接放入芝士磚，再

日本野係香港其門其市 要揾間坐舒服食物質素好好就會好貴 今次去尖沙咀樓上鋪 環境舒適 食物質素唔錯 選擇多種類也多 價錢合理同朋友上到去即刻有人招呼 安排坐位之後放低menu 斟茶比我地 服務唔錯 特上壽司盛盒我最like壽司 所以無可能唔叫囉 一盤有成10款壽司 壽司飯細細 魚生大大件 了解到唔需要 帶子鮮甜 左口油脂重 生蝦爽甜 各有特色 豬軟骨拉麵煮雞蛋 湯底唔夠熱 拉面上嘅餸還帶點凍 美中不足 所以要食拉面真係要專門店較合適 只是朋友們好想食先叫 材料係足 味道正常 明太子蛋卷 顏色搶眼 味道鬆軟 有蛋香又滑 熱辣辣 還出晒煙 中間夾左明太子 鹹鹹地帶點鮮 正呀招牌酥脆雞塊 炸得金黃色 脆仆仆 連雞皮炸 內裡雞肉嫩滑 所以食不停 煙肉芝士奶油意大利麵意大利粉煮得質地剛好 唔會過淋或硬 每條麵都沾滿芝士奶油 好香又creamy煙肉碎鹹鹹地 增加口感 出色 其實還可加錢加topic 如明太子 海膽 或者三文魚籽添 視乎大家喜好啦 . 油豆腐烏冬 甜甜的油豆腐皮 魚蛋平 烏冬彈牙 湯底夠熱 份量也不少 炸年糕 (醬油味)炸得金黃 外皮脆 一口咬落去內裡芝士即流出 好軟即叫即燒嘅串物

放工約埋晚飯吹水 成為減壓一部份 講真我算係幸運的一員 無論同上司同事都好融洽 所以久不久就整翻個飯聚 輕輕鬆鬆笑下八吓咁囉 今晚就有同事揾左間係尖沙咀亞士厘道嘅日本爐端燒餐廳 食吓壽司盛 天婦羅 串燒 多元化的店鋪 去到已經有幾枱客 我地安排好座位已經急不及待睇Menu 同事們話好肚餓了 環境舒服 日本style 好多清酒裝飾明太子雞蛋卷 $68賣相一般 但味道一流 即叫即整 上枱還出緊煙 而蛋卷香嫩 加上中間明太子嘅鮮鹹味好味 整體出色 芝士煙肉意大利麵 $128 供1-2位份量招牌菜有賣點 店員會去到Order 左嘅客人面前 直接將熱辣辣煙肉虾蟹肉意大利麵倒入原個芝士上 撈埋 自自然然地熱力將芝士溶化掛在每條意大利麵上 但有唔會過多 而值得讚係意大利麵的口感軟韌適中 最緊要唔漏 煙肉 蟹柳 同虾配搭得而燒物方便選左兩款燒牛舌 $38燒得金黃微焦 牛舌部位近芯醃得夠入味兼厚道適中 正 $22 燒雞皮 燒雞皮燒到脆仆仆 可以加多少許調味就perfect 唔算油 一般香酥雞軟骨 $48送上枱時好精美 賣相似雀籠 都炸得好金黃咁 唯有落檸檬汁減低熱氣感 夠味脆口食完想再食 送酒無得輸

早前老友曾經推介過係荔枝角果邊開左間爐端燒，不過因為比較遠，所以一直都未約得成。近日得知呢間北海道爐端燒係尖沙咀開左分店，咁方便，所以今晚趁老婆有約我就約呢位自由自在的老友收工直接係尖沙咀等。我地兩個收工都比較早，行左一陣I Square，上到北海道爐端燒都未到7點。餐廳係尖沙咀亞士厘道，不經不覺呢條街已經開滿了食肆，北海道爐端燒位於商業大廈的3樓，從街外都看到店內全著了燈的燈籠燈飾，好容易搵到。餐廳裝修設計富有日式風格，尤以傳統日式卡坐別具特色。用稻草燒烤的燒烤爐擺左係店面，客人可以一邊食一邊欣賞師傅燒烤。來到爐端燒當然要點燒物啦，眼見師傅手上燒的稻草燒塩鰹刺身大大份都係$98，我地先點了一份。稻草燒塩鰹刺身超抵食，每一片刺身都好厚身，好鮮甜，外層師傅用稻草燒得好香脆，配上微辣的汁醬，非常醒胃又惹味，$98確抵食。😍雖然我唔太好熟左的魚，但因為老友好鍾意食，所以我地點左一份魚鮫，我試左少少，魚肉唔會燒得太乾，好鮮嫩，而且富有魚油。 特上壽司盛盒$168有11件，都係比較貴價的壽司，用料好新鮮，尤其件吞拿魚壽司，油鮨豐富超鮮甜，可惜的一件老友無份食。🙊明太子雞蛋卷做得好出色，蛋味夠香濃