北海道活壽司 (已結業)

因為要放工後要上堂的關係，放學到最就近的食肆晚膳，還不錯的選擇。三文魚壽司d 三文魚唔似其他壽司店的薄到飛得起，魚肉頗新鮮。八爪魚泡菜壽司就有d 失望，因為order 時以為有泡菜，但結果只有泡菜的漿汁，不過咪道還可以。最後補充一下個"針"水位，唔知係唔係本人生得個子小，我覺得個"針"水位好高，高到水位快要滿出杯口才見到，會燙手的，這不太好。其實都食左唔少款式，不過唔記得名稱，又唔可以post 哂d 相出黎，大概食左8碟左右。

鵝肝手卷, 鵝肝份量都幾多, 不過太熟, 攪到肝硬化 (佢d鵝肝應該係一早燒定, 你order 時番熱俾你, 因為我一落單個手卷唔駛2分鐘就黎, 如果即燒邊有咁快, 咁個鵝肝燒完又燒, 唔over cook 就奇.)最激氣係個蒸蛋, $18, 個分量細到嚇死你, 一啖就食哂…. 枝茶匙已經棟到落杯底, 仍然有少少露出黎, 你話d蛋小到.....有相為証.總結, 質素好過元祿小小, 同mk 羽壽司差唔多, 但係羽壽司平過佢. 如冇必要, 不會有下次2人食左250, 下次寧願行兩步去荃灣廣場食元氣好過.

昨晚第一次試, 大約7點入坐, 人不太多, 一入去就有位坐.兩個人共點以下食物:1. 醬油拉麵 $43: 麻麻地2. 燒三文魚腩條 $26: 幾好味3. 燒三文魚骹 $13: 好味, 好大份, 超值 !4. 燒牛舌 $13: 幾好味, 前後要了兩碟5. 八爪魚鬚壽司: 好爽口, 幾好食6. 吞拿魚沙律壽司: 好普通 (其實係自己叫錯嘢食)7. 牪丹蝦壽司: 朋友食, 我冇試8. 雜錦天婦羅: 幾好食, 粉好薄, 炸得幾脆口埋單$230, 唔算貴, 可以再去.

The price is reasonable when you make a comparison with 元祿. The service is good. The food is as good as 峄壽司 (I love峄壽司very much) . I want to go to Kokkaido Katsu Sushi in Causeway Bay to see whether both shops make tasty food.

前日同女友試試荃灣o既北海道活壽司,一去到見到d小二o係度玩,冇野呀,佢地又落錯單,唔只我地,隔離果兩臺都係o廿,佢d壽司用筷子一夾就散,係d魚生叫ok,三文魚同三文魚腩食落都冇分別,唉!o廿o既價錢,但比依d質素,想點呀!

By chance went to CityWalk, and wanted to have some sushi yesterday....Only found this, seems the other Japanese restaurant was not opened yet.Still 30% empty inside, so walked in with no waiting... Sat down for a while, found all sushi on the rolling-tray were not that attractive, so looked at the menu for some better (and more expensive) dishes...Here comes the 'service' of this restaurant: I first asked a young waitress if she could take some orders for me but the reply I got was that I shoul

out of all the sushi chain restaurant in HK, i would say this is the worst one out there. the fish for the sushi are cut so thin that i couldn't even taste what i was eating. they also provide really funky sushi like pringles chips with sushi. even though this restaurant is just below my home i would rather go to MK or Causeway Bay for sushi. i would never go back here. i left the restaurant on an empty stomach and had to buy Das Gute bread from next door.

　　近日一直想吃久違了的日本菜。選擇了這間而捨元氣，全因朋友說想嘗試高級一點的日本料理－－而偏偏他又對"北海道"這個名字情有獨鍾。結果．．．真後悔沒有先上來看看。 　　飯團，基本上沒有一舊可以完整挾進口中。三文魚完全不合格，居然有雪水的味道，還有不知是何物醬汁多得溢出來的"雜錦壽司"，我整件吐了出來(絕對沒誇張)。　　如此素質，我真佩服它的老闆。不用多說，立刻BLACKLIST了．

上月某星期日, 經過荃新天地咪去試下d 壽司好唔好食可能9點才進場的關係 , 沒什麼人坐上迴轉枱, 只來最普通的壽司, 沒什麼特別亦沒什麼款的壽司三文魚 不算太新鮮有個不知名的卷 太多醬汁..不算很好只能算是不過不失, 相比附近(荃灣廣場, 綠楊坊, 城市) 的日本食肆似乎了欠缺些什麼再過幾個月希望會有改善啦!

之前沒有去過這間店的任何分店，所以原先並沒有什麼寄望……今日同個 fd 唔知食咩好….於是諗住走去試吓…..起門口睇睇價錢後，即刻有 d 寄望….因呢個價錢，應該唔係大型迴轉壽司的 level 啩…..好可惜坐唔到 bra 枱…..只能夠 tick 紙仔……款式都算多，價錢不便宜，但又未至於好貴，我哋兩個大約點了壽司加小食十三、四碟左右加兩罐汽水。三文魚等魚生都算新鮮…..鰻魚都唔錯…..另外叫咗兩件手卷，件餸都幾大件…..但我就略嫌 d 壽司飯太淋身….其餘吃了餃子、雞軟骨、枝豆等小食，只能話樣樣都 ok，唔會有特別驚喜，又唔會有唔滿意啦！結果兩個人吃了$380…… 雖然都 ok，但唔平…..間唔時好喇….呵呵~~

小妹向來比食評都比得較鬆手，如果間食肆介乎 ok 同笑面之間，通常都係比笑面... 如果喊面同 ok 之間，通常都係比 ok ~ 始終以食得開心為上，無謂插到咁絕。lunch 同朋友去食 ... 壽司都叫快上既，但全部都係一夾即散... 仲衰過羽壽司。三文魚壽司好奇怪，第一舊食落 ok，但之後食果舊就好腥， 真係 'r' 爆頭。叫左個元貝壽司，林 pat pat 既，睇樓下仲話靠佢起家？真係好驚訝咯唔該 板前果 d 係好有口感同質感，食落去真係好滿足。但呢度.. 無論味道、質感、口感都冇，真係唔知佢點解會靠佢起到家？鵝肝壽司.. 一件咁上，貴不在話下. 佢上果時係好熱，但唔知點解係唔香，食落去又冇肉汁，乾「增增」.. 仲有，塊鵝肝係好簿身，唔講差 d 以為係豬潤呀﹗仲有配埋果隻汁好鹹 ~ 個鰻魚哩，又反而唔夠汁架喎，突顯左佢既腥味﹗仲有個劍魚腩真係一絕。事關個 fd 係我入去之前幫我嗌定 (即係我初時唔知佢叫左乜)，食完之後就心諗係咩魚咁腥，點知原來係自己最喜愛的劍魚腩... 平時出街食好好味架﹗可以係入口即溶，但唔知點解佢係霉架咯。兩個人食左十一二碟左右，用中銀卡埋單都要 $297

未食之前，心裏正盤算着這裏喊臉是少不了。望見那些貌似MK look嘅所謂師傅，所謂嘅壽司賣相弄至東歪西倒，已知所料不錯...點解仲要嚟 ? 無他嘅，這個新商場真的是冇啖好食嘛。太座食完蘭香後仍不夠飽，要再食多少少。對das gute嘅麵包冇興趣，大阪王將嘅餃子餐又太多太飽，來幾碟迴轉就應該剛好...望見咁嘅陣容，真係只叫數碟好嘞，無謂浪費金錢la..劍魚腩雪味還未除，死實實；uni顏色暗啞，吃落還有一點怪味，不新鮮嘅貨色仲攞出嚟奉客，開玩笑la....壽司雖然係手揑，但質感極鬆，一夾即散，而且揑得樣子四四方方，你估家陣食緊箱押壽司ar ?把幾火，即刻埋單走人...

難得一個得閒的假期, 呢間又咁近屋企, 唔係就只有元氣 u_u"下午茶時間冇咩人, 唔使等~ 叫左大約十款壽司. 服務員得2個, 所以冇服務可言, 要好似睇concert o係山頂嗌落台咁狂揮手先有人應 我叫左玉子燒, 佢比左玉子壽司.... 叫佢換番, 但成個鐘都冇比番我, 算數~心血來潮對一對餐牌既價錢 (因為第一次幫襯同埋太多價錢喇) 佢竟然將一碟$13既壽司, 比左一個$22既碟我!!!!! 要知道, 藍色同綠色差好遠囉.... 想搵人換, 等左好耐終於有個剛剛食完飯的女服務員返來, 咪叫佢幫幫手. 點知佢超串囉!! 又話冇比錯, 要我解釋左3次佢先有少少明, 仲要攞我碟壽司去問師傅係咪錯...... 唔記價錢點做野呀! 廚房出錯都唔知啦! 仲要好差的語氣叫我夾起嚿壽司: 夾起嚿壽司佢啦! 你唔夾起我點幫你換呀!!無論邊間分店, 我都唔會再幫襯!!!!!!

可能係食慣元朗d 大大件壽司關係,覺得佢地d 魚生真係又細又薄....叫左個北海度三文魚湯,其實係滾薯仔蘿白湯加d 三文魚咋,毫無誠意...麵豉湯都好飲過佢手卷d紫菜淋到死,咬極都咬唔開...服務方面,明明大把枱都安排客人搭枱,有d 九唔搭八.....埋單又要出去排隊埋喎2個人食左$200都唔係幾飽,不過都唔想再點菜喇~寧願去第二度食過~

我係鬧自己，食完太子果間同旺角果間活壽司，都重要比機會呢間。雖然麻麻地鍾意食迴轉壽司，但係真係未見過有迴轉壽司店的轉帶上，可以一樣都食物都無，係得碟Wasabi係度轉轉下。唔係我奄尖揀唔落，真係一樣野都無，好不容易等到有野出，真係整你個製，清一色三文三文三文，香港人真係鍾意食都唔係咁嘛。算數，我剔紙叫，放件鰻魚入口，係腥既，個汁唔得；手巷放左太耐，紫菜好淋身；燒吞拿魚唔錯；活赤貝帶子通通無貨，聽講你靠呢幾樣野起家喎﹖起身，每人食左$100，唔飽，去Mos Burger買包食。我再去活壽司就真係...