北方餃子源 (水街)

营业中

休息中

第一次食，喺店外見到有塊好大嘅餐牌棟咗喺度，好詳盡。因為照計啲餐廳擺得咁詳盡嘅餐牌喺門口，都實同店內塊餐牌一模一樣㗎啦，於是我就下意識認為呢塊餐牌就係佢哋塊餐牌嘅放大版。而我揀都要啲時間，要揀幾個麵，咁所以我企喺店外睇住果塊餐牌揀，店舖細細間費事喺入面揀阻住入面。佢啲名都長長哋，我大概記住咗啲麵喺餐牌上面嘅咩位置。入到去落order啦，睇住店內個餐牌，一打開，點知估唔到原來店外同店內兩個餐牌啲排版完全唔一樣。而可能係因為我先喺店外塊餐牌揀咗一陣，先再睇店內塊餐牌，導致我更加覺得店內塊餐牌啲字好多加有啲混亂，而佢又無圖，當刻我覺得個人有啲混亂，我唔知自己睇緊咩。或者我一開始唔睇店外塊餐牌唔會覺得店內塊餐牌混亂啦唔知。咁我諗自己要叫果啲麵嘅名稱都可能同另外2、3個我唔叫嘅麵嘅名稱類同嘅，如果類同咁照計都應該會放埋一齊啦。點知係楚河漢界咁分開放嘅。真係俾塊餐牌搞到好亂，我就order錯咗一兩次，就拿拿臨say sorry。呢位男店員就覺得唔耐煩，有啲俾氣我受咁。我就覺得愕然加委屈同嬲嬲哋，真心覺得塊餐牌咁樣排版同設計好難睇，店外同店內塊餐牌完全唔一樣係估唔到。除非話店外塊餐牌擺到明只係sho

北方餃子源 🥟 （灣仔/西環/旺角/銅鑼灣/筲箕灣）薄扶林大學學生在課堂之間有較多時間會行去水街覓食🥰餃子控表示幸福！😍💗［芹菜豬肉餃擔擔麵 $61 🌶 配豆漿🤍］（7/10）擔擔麵沒有濃稠花生醬，湯底較稀，偏辣！🥵餃子加入芹菜口感豐富，芹菜爽口！💚重口味人士還是較喜歡吃京蔥羊肉餃😍少見又好吃🥰回頭率：✅✅✅✅推介：京蔥羊肉餃！#西環foodhealsme #灣仔foodhealsme #銅鑼灣foodhealsme#旺角foodhealsme#筲箕灣foodhealsme #港式foodhealsme 📍北方餃子源 (皇后大道東) (灣仔)灣仔皇后大道東259號地下📍北方餃子源 (水街) (西環)西環水街1號地下📍北方餃子源 (砵蘭街) (旺角)旺角砵蘭街134號地舖📍北方餃子源 (榮華商業大廈) (銅鑼灣)銅鑼灣駱克道401-403號榮華商業大廈地下B舖📍北方餃子源 (筲箕灣東大街) (筲箕灣)筲箕灣筲箕灣東大街42號地下A舖

可能應該試餃子好啲🙈但總之豬扒擔擔麵就唔掂😟豬扒好薄，睇相都睇得出，仲要係微温得黎又乾爭爭🥺無乜肉味擔擔麵啲青瓜幾得意，但個湯嘅感覺係溝稀左嘅味精湯😟唔會想試第二次🤦‍♀️

坐咗入去，先醒起之前去過一次， 印象好似一般般， 不過既然坐低咗就算， 為安全起見，點了餐廳推薦的京蔥羊肉餃和擔擔麵 擔擔麵($47)總共點了兩碗， 一碗走辣，一碗小辣， 走辣的那一碗吃了第一啖， 已經懷疑這個究竟是不是擔擔麵， 全沒有擔擔麵應有的香味， 基本上是無味來形容， 初頭以為可能走辣所以唔好食，再試一下小辣的那一碗， 辣度是有的， 但僅此而已，味道基本上是一個冇味的湯底再加上辣椒油，再講麵底， 淋到一個點完全沒有韌度可言， 配料少得可憐， 什麼肉碎什麼蔥， 和麵撈一撈， 已經很快消失了， 吃麵的時候也不見得掛上了什麼配料京蔥羊肉餃($33五隻)，羊肉唔靚，好重騷味， 餡料係甜嘅， 好奇怪， 應該係用多了甜的醬料去蓋過羊肉的唔靚質素，結果很難食薑湯黑芝麻湯圓上菜的時候，呆了，盛載糖水的碗非常細，五粒湯圓迫埋一齊不特止，碗糖水基本上兩三羹就飲完，湯圓好幾粒爆開咗都算 ，個皮淋pat pat， 芝麻香味就冇喇，苦味就好多， 係一碗非常之冇用心去做嘅糖水

借問聲有無人開返個香港餃子關注組？😋😋餃子絕對係除左米線之外我嘅最愛🥳🥳呢間位於水街嘅餃子店唔單止係黃店，餃子選擇仲勁多，牛羊豬素菜餃都有，可以揀5/10隻，仲可以配麵添。佢嘅手撕雞飯亦非常出名，個飯仲係菜飯而唔係白飯，朋友話又大碗個汁又好食，等我下次試下先！京蔥羊肉餃子麵 $45超香嘅羊肉餃，唔單止隻隻飽滿多汁，羊肉味濃郁，食完會齒脥留香！啲麵都幾彈牙，食完好滿足ψ(｀∇´)ψ。🥟🥟🥟🥟🥟🥟🥟

今日好想吃有湯的食物，所以就找了這間餃子店了。這間餐廳門外很有唐人街中餐館的感覺。星期六都有午餐餐牌，看到上面寫著這是星期三和六的。沒想到一間餃子店會有每天不同的餐牌，真夠特別。餐廳主打是吃餃子，所以大苯和小呆都選擇了餃子（５隻）配麵的組合，跟餐送小食涼拌青瓜及飲品。小呆點了西洋菜餃子麵（$49），以及凍山楂水（凍熱同價），大苯選了韭菜豬肉餃麵及凍豆漿。前菜拍青瓜之上會有一點麻辣醬，只要不是一口吃很多醬的話其實不太辣。這青瓜有一點點的麻香，是一道很好的開胃菜。山楂水酸酸甜甜，我頓時想起的是像不太酸的酸梅湯，不錯的。凍豆漿味道及大小一般，若果能更大杯就更好了。主菜韭菜豬肉餃麵/西洋菜餃子麵，餃子有五粒，粒粒飽滿，差不多有一粒乒乓球大，兩款餃子的味道偏濃，若然單吃餃子的話可能較重口味，但配上清淡的麵其實好夾。而且相比之下湯底比較清甜，飲了都不太口渴。麵條份量十分充足，不用擔心吃不飽。麵的份量雖然多，但都讓小呆不經不覺地吃光了。

武漢肺炎搞到我呢排冇同friend打麻雀，呢排武漢肺炎靜咗d, 係時候開枱喇~去打牌之前， 食個light lunch先~ 諗諗吓， 好耐冇食呢間餃子源， 一於食餃子~ 好耐冇嚟過堂食， 次次都叫外賣，今次坐定定，食返夠本我地叫咗兩個餃子，芹菜豬肉餃同西洋菜豬肉餃， 我呢d淨係鐘意食餸嘅， 緊係唔要面啦， 再加廿蚊轉酸辣湯底~ 佢個酸辣湯係堅杰嘅酸辣湯，絶對唔係響本身個湯加少少酸辣湯俾你，好稀嗰種， 所以係堅叫咗碗大嘅酸辣湯， 所以食埋真係好飽， 我地咁食， 真係堅飽， 但係本身大食，食得晒，冇難度 點解？！ 因為好食先食得晒咁多嘅~ 佢嘅餃子皮好食， 餡又超多， 正呀！

去到港大唔知食咩好，search一下就見到呢間黃店，所以就去試下。白菜豬肉餃面 ＋ 前菜 ＋ 山楂茶 ($49)星期六都竟然有lunch set，有面有前菜有飲品都只係49蚊，都算好抵，而且款式都好多。見到個set menu寫住三，六，所以一星期應該有3個唔同嘅menu。侍應話山楂茶啱啱煲起，當然要試試，味道不錯，很開胃。前菜係青瓜粒，好清新。白菜豬肉餃有菜味，比朋友叫的其他餃味道較淡，桃桃喜歡，而且沒有味精的感覺。

今次介紹一下我嘅飯堂，食勻哂嗌佢地嘅湯餃，次次都要嗌15隻起跳今日想試吓新口味就叫咗京蔥羊肉煎餃同擔擔麵，估唔到都有驚喜！京蔥羊肉煎餃好明顯係即叫即炸，一上枱直頭熱到入唔到口餃子皮炸到酥脆，入面嘅京蔥羊肉餡帶點點騷香，鍾意食羊嘅必點記得整碟辣椒油撈黑醋黎點，食過返唔到轉頭擔擔麵食得出似四川師傅做嘅味 辣味重 口味濃惹 搞到我越食越餓怕辣嘅朋友記得嗌少辣，習慣醋味重啲枱面亦有提供黑醋最後照舊加杯凍豆漿，正常發揮，飲落同一般粥鋪啲豆漿差唔多。

厚皮良心餃餃子多款口味任你選🥟🍜💛🥟🍜 茡薺牛肉餃麵 $43好少見呢個口味，其實係馬蹄牛肉牛肉饀足料 食落牛肉嘅醬汁幾濃 配合清湯唔會滯膩 反而幾滋味混合馬蹄粒增加爽口嘅口感餃皮頗有厚度另外友人叫咗西洋菜豬肉餃，唔差不過西洋菜味可以更出，相對上清淡咗啲📍北方餃子源西環水街1號地下

本來諗住同個friend出去食飯，而家爆緊武漢肺炎，都記得二人限聚令， 但係唔醒起夜晚冇堂食呢個垃圾正苦幾時先封關，唔再俾武漢肺炎入嚟呀， 爆完一鑊又一鑊， 搞到民不聊生，d食肆就嚟俾佢整死晒喇都冇辦法，香港人都係靠自己，結果係個friend買嘢上我屋企食，咁我就唔駛出街懶得我吖叫個friend響水街買，我就揀咗餃子源。我平時都俾佢落幾間嘅排骨面吸咗入去， 好少食餃子， 但係呢日排骨面冇開門， 其實食餃子都幾好吖我揀咗10 隻西洋菜豬肉餃， 轉酸辣湯底， 個friend就食京蔥羊肉餃， 我地仲好為食， 加咗個棗泥鍋餅， 所以呢餐好飽.佢個西洋菜豬肉餃好好味，勁多西洋菜， 好香好好食， 原本食10 隻都好飽， 再加埋我飲晒成碗酸辣湯， 好多料， 少少辣， 啱晒我飲， 好正 再食埋個棗泥鍋餅， 真係飽到即刻想瞓覺， 全部都好味， 正呀！！！下次等我再試埋其他餃先~

📍超大碗抵食手撕雞飯 -- 北方餃子源🥟💛上次食過呢到嘅餃子覺得唔錯，今次同朋友嚟就試下佢哋嘅飯類🙈------------------------------⭐️手撕雞飯（$45）首先係超級大碗勁多飯，兩個女仔share食應該都無問題😂小編最中意係佢個特製辣醬，可以話係成個飯嘅mvp😹食落好有蔥香，辣辣哋好惹味，用嚟送飯一流🤤手撕雞則正正常常，肉質略為有少少乾柴🥺但整體嚟講係幾抵食嘅🙈------------------------------⭐️五香牛展飯（$49）呢碗係朋友食嘅，小編試咗一塊牛展😂食落幾腍，肉味算濃💁🏻‍♀️------------------------------賣相：6.8/10味道：6.9/10性價比：7/10回頭度：7/10------------------------------店舖資料名稱：北方餃子源地址：西環水街1號地下前往方法：香港大學站B2出口

========================📍大大粒餃子 -- 北方餃子源🥟💛已經好耐未返過campus上堂啦，前排開始返f2f終於可以喺西營盤搵下好嘢食😋前幾日放lunch就同朋友去咗呢間餃子黃店🥟呢到嘅午市套餐算係幾抵食，而且仲有好多款嘅餃子可以揀😍------------------------------⭐️木耳香菇素菜餃麵套餐（$50）包小菜，飲品小編想食清啲所以叫咗素菜餃🥬一碗麵有五大隻餃子，隻隻脹卜卜好足料！🥰雖然係素菜餃，但味道一啲都唔會寡～入面嘅餡有混合木耳絲、冬菇絲同菜，食落好香，調味頗出色😋惟小編覺得餃子皮煮得腍咗少少🥺湯底清清哋唔會太鹹，麵條食落滑捋捋，仲帶少少煙韌😋不俗！❤️------------------------------整體嚟講餃子味道不俗，麵嘅份量亦好足❣️下次嚟再試下佢哋嘅肉餃先🥰------------------------------賣相：6.8/10味道：7.9/10性價比：7/10回頭率：8/10------------------------------店舖資料名稱：北方餃子源（水街分店）地址：西環水街1號地下前往方法：香港大學站B

疫情期間來過堂食及外賣，等餐時間不會太久。每次去都看到員工姨姨在包餃子。招牌餃子大隻足料，非常飽肚。期間有不少街坊來取外賣，老闆待客非常有禮，對待一些上年紀的客人還很有耐性，是難得的人情味。

食過上環嘅餃子，再去遠少少去到西營盤食。咁今次揀咗北方餃子源，每次試新餃子一定要試吓最難做得好食嘅羊肉餃子。午餐方面，五隻羊肉餃麵，配一個前菜 - 辣椒油青瓜同一杯豆漿。.羊肉餃麵評分：4.2/5.0羊肉餃味道濃郁但一啲都唔羶，餃皮唔算太好，係幾好嘅羊肉餃。而麵就配咗清湯比較清淡，加入咗辣椒醬，辣味帶返起啲味道，更香口好味。.辣椒油青瓜評分：3.8/5.0青瓜清爽，配住辣椒油十分開胃，又可以清一清苦澀嘅口腔。