北京樓 (新都會廣場)

营业中

休息中

本身想去隔離潮庭飲茶，無奈佢整水喉要停下午茶，為有去北京樓口，一坐底又無QR CODE又無點心紙我問侍應點落單佢先比張QR紙我，QR CODE落單對我嚟講真係好普通，我同我妹只係用左幾分鐘叫左8樣野當我確定訂單佢叫我聯絡職員，好啦叫左部長嚟問佢我個訂單點解出錯碼，佢同我講超過5分鐘就會落唔到單或者有食物售罄，我問佢甘我係咪需要重新落過部長重複同我講你超過5分鐘，唔緊要我想知我係咪要重新落過因為我真係好肚餓，試問我用開QR落單都落唔切請問老人家點落到單叫到野食？個apps又無相啲字又細老人家帶得老花眼鏡都超時，叫左炸雲吞同蓮藕餅，一見到已經油到反光，將蓮藕餅個牒移開小小一掂個牒都熱既就已經知炸物係叮熱唔係即炸，個炸雲吞仲要有油益味，最好食就係馬拉糕，牛柏葉個樣唔錯架不過無味，好啦我兩點半坐底3點半就行嚟問我兩次啲野到齊未我話仲有一個，再隔一陣又行嚟問我都係講仲差一個侍應就問咩嚟已經衝入廚房拎出嚟一放底就話埋單要下班，都唔緊要既埋單先啦因為比信用咭所以侍應根本就係等我地拎銀包出嚟一嘟就已經完成，比左錢後5分鐘已經熄左我地張枱燈，因為我坐1A枱係自成一角，其實大家都知北京樓就算有下午茶優惠都

～兩大人連一個小朋友～本身諗住去隔離潮庭飲下午茶，但因為水管爆裂，唔做下午茶。甘見隔離都係飲茶就試下啦～14:40 落單15:15左右問我地啲野到齊未仲淨個珍珠雞15:25左右再問啲野到齊未隻珍珠雞都仲未跑到過黎～職員即刻轉身入廚房拎個珍珠雞連埋張單過黎入左黎唔夠一個鐘就催我埋單啲野食都已經難食服務又差15:30已經有啲裝修工人係側邊又揼又盛15:40仲熄埋啲燈炸雲吞：食到成咀油煎藕餅：佢送黎既時候係個碟都熱🫠 煎都無煎過， 你係連碟蒸返熱定叮返熱架？麻沙煎堆：不過不失，芝麻餡，都係凍既蝦餃：啲蝦得胡椒粉味，無蝦既鮮味珍珠雞：啲飯又太濕，但夾落又好散叉燒包：個包皮濕既，個餡唔係好好食薑蔥牛柏葉：牛柏葉正常味道， 底個啲豆卜一啲汁都索唔到黑糖馬拉糕：唯一覺得好食既野 但我係籠拎起馬拉糕既時候 佢一啲痴低既感覺都無 令我不禁懷疑，係米現成🤔總括：甘既

今日同叻媽補祝母親節👩🏻‍🦰去咗葵芳北京樓食片皮鴨，之前食過一次覺得好好食所以今次再食，可惜d野食有點失望🥺所有嘢食都冇之前咁好食🥹🥹我哋叫咗呢個北京填鴨四人套餐⭐️酒槽醉雞⭐️個肉好有小小鞋🥹吾夠滑⭐️海蜇頭⭐️正常運作⭐️黃金鹹蛋蝦球⭐️啲蝦同鹹蛋都夠味嘅不過就好似淋咗啲⭐️濃湯海皇儈仿翅⭐️呢個我就覺得冇乜特別而且個湯又唔算特別好味⭐️ 烤北京填鴨⭐️依個真係無之前咁好食🥹⭐️茶樹菇蒸魚方⭐️呢個魚就不錯的👍🏻個汁都夠味⭐️酒釀丸子⭐️值得推介的是酒釀丸子👍🏻呢個丸子入邊是豆沙餡真係好好味😋

2022年4月28日大約12:30 與朋友一共2人都新都會飲茶。 被通知有枱後，被安排坐17A號枱。 但進入了堂坐區域差不多半分鐘，完全沒有職員帶位入座。 後來才有一個女職員出來，我們被帶領安排入座17A枱後，該女職員不是幫我們落單開茶，而是立即和鄰枱一位女士傾偈。後來進食時聽到，鄰枱的女食客向酒樓職員派利是。 可能是美心集團改變了，食客要派利是給職員才可享有正常服務。 食物質素就是美心集團的點心，水準是正常。 上述發生的事情我相信是有閉路電視記錄的。

Follow🐷 @chuchu_hkfoodietag埋你啲朋友仔like下我啲po♥️需要你的支持喔🥺🙆🏻‍♀🐷💬每一篇食評都好認真打架—————————————————————📍北京樓呢間連鎖酒樓質素不嬲都不俗，葵芳新都會嘅分店都好闊落，枱唔算多，但都一定有足1.5米距離！—————————————————————❣️ 北京填鴨套餐4人餐 $966 都好抵食！咁多野食！人均都係$200幾！🐣泠艷雙拼（酒糟醉雞及海蜇頭）海蜇頭好小見，都幾爽幾好食！醉雞都可以，略嫌肉質有啲嚡，但味道唔錯🍤黃金鹹蛋蝦球呢個好食，蝦好大隻好彈牙，有脆玉瓜，全部都包滿咸蛋黃！🥘濃湯海皇燴仿翅有蝦、帶子同仿翅，好食！味道唔會太咸！🦆烤北京填鴨片皮鴨，um佢係片肉鴨🙂不過皮係脆嘅，即叫即整，一坐低就嗌因為要等45分鐘，所以佢最後先黎都好飽了！🐟茶樹菇蒸魚方—>炸黃花魚本身成個set最唔想食呢個，點知佢賣曬🥳經理話轉松子魚比我哋，但🐷姨話想食黃花魚，所以經理轉比我哋，比夠4條，成條炸，上堂都幾恐怖，不過味道唔錯，但應該解唔夠凍，所以肉有啲霉，但之前食係好食！🥗蟲草花上湯小豆苗上堂嘅時候份量有啲小，但因為真係太

突然很想吃粵式以外的中國菜了，今天中午，我和家中就選了一家吃北方美食的酒樓 - 北京樓，今次是到葵涌新都會廣場分店呢！之前試過到北京樓其他分店享用晚膳，很從未試過日晚惠顧，故想試一下有什麼不同呢！跟大家分享一下吧！(有驚喜小彩蛋推介在食品介紹的最後一項呢！)《老醋排骨》($68)這道菜式，老少咸宜，口感軟硬適中，煮得入味之餘，肉帶軟身夠嫩滑，但又可保留肉應有的口感，所以老人及小朋友都可吃到。味道方面，那甜酸汁調較得令人很開胃，甜中一點酸，一點也不覺得油膩。《雪菜肉絲炒粉皮》($90)這道菜賣相很精美，粉皮很晶瑩剔透，很吸引，但配襯著這令人賞心悅目的粉皮，卻不是色彩斑斕的餸菜，而是素色的肉絲，故視覺上未能出現令人「嘩」一聲的衝擊，很浪費那美麗的水晶粉皮呢！味道方面，更令人失望，真的達至健康效果 - 少鹽少糖少味道（包括當中的雪菜），這道菜不算是很難吃，但沒有味道的衝擊，令這道菜失色不少，其實如果加點麻醬／黑醋或與其他餸汁一起吃，相信味道一定提升很多層次。《鮮肉生煎包》($58)這個生煎包，絕對有誠意，每個造成都是脹卜卜的，很可愛，而師傅亦很用心煎，煎功了得，故能造到上軟下脆兩個口感。而內

離晒譜，等取已很混亂，不是一早已訂好？取回家時，看到有半隻未片，唔係呀！你地做一半就算？？？咁不如只賣烤鸭，收片皮鴨價錢，但俾隻烤鴨你咁解啫！咁樣使乜幫襯你北京樓呀！

北京樓門面靚，內裡裝修都好新淨，而且間格闊落，但個人認為地方唔算大，但坐得舒適。見到餐牌，有boc pay優惠4人餐，可惜無4個大人，所以點了個2人餐，原來可以叫3人，價錢照計1.5個2人餐。服務方面水準高，唔會好似其他酒樓咁硬銷你貴價套餐。是日套餐有海蜇頭加熏素鵝，黃金蝦，燕窩，蒸餸子，甜酸魚，及甜品楊枝金露。 我另外點了小籠包。 各種菜式正常發揮，無話特別好唔好食。不過全部合格。最驚喜係埋單只係600蚊，2大人1工人1小朋友，都好抵食。

❤️舊同學聚會☺️因為想食北京拉麵所以揀咗葵芳新都會呢間北京樓一聚☺️..疫情之下座位安排得唔迫👍環境乾淨👍有乾濕紙巾提供❤️好貼心呢！因為今晚得三個女仔，所以食唔到片皮鴨真可惜！今晚我哋簡單揀咗四個餸都食唔晒，份量都唔少，食唔晒仲要打包添😂..☘️無錫灌湯小籠包 $66❤一籠有六隻，味道一般，小籠包啲皮我就覺得厚左啲喇。..☘️煙燻素鵝 $75❤️我覺得甜甜地幾好味😋傾吓計食下小食呢個都唔錯👍..☘️蜜汁火腿(跟火腿餅) $178 👍必食❤️火腿上面有蜜糖，甜到啱啱好，仲脆卜卜，熱辣辣，我推介一定要試👍..☘️九黃肉絲炒拉麵 $98👍必食❤️我好鍾意食北京拉麵，因為佢好彈牙，所以我去親北京樓都一定會食北京拉麵👍而且仲係冇一次會失望嘅⭐️..甜品🍮楊枝甘露$32❤️因為我太飽所以走咗個雪糕球，味道一般可以唔喺呢度食。..甜品🍮酒釀小丸子 $32❤朋友話呢個好好食酒味好濃好香👍..食物：⭐️⭐️⭐️⭐️服務：⭐️⭐️⭐️⭐️位置：⭐️⭐️⭐️⭐️⭐️(滿分為5粒星)..💰：$564.4 / 3人晚餐(連加一、茶錢及前菜)(恒生enjoy卡星期一至星期四有九折)..📍葵芳北京樓葵興樓223號新都會廣場5樓511至530號舖

長輩生日，當然食返中菜最穩陣，而且有晚餐Set，唔洗揀食咩都搞一大輪🤯🤯坐低簡單落完單就傾住計等上菜✌🏻😌前菜有兩款，「七里莊酒糟醉雞」＋「京淮蔥油拌海蜇頭」，以四人份量黎講都唔少，比較鍾意醉雞，滑得黎都有酒香😋😋海蜇頭就比較普通每人有一碗茶樹菇燉湯，熱到飲哂都仲辣口🥵但燉湯就係要熱先好飲，雖然夠哂熱，但如果味道可以再濃啲會更好！到大家最期待的「北京大紅袍松鼠黃魚」，賣相已經好吸引，魚皮炸得酥脆，魚肉無乜骨、夠滑，配埋甜酸汁最岩送飯，好快清哂🤩🤩🤩反而主菜「烤北京填鴨」有啲太油膩，食兩件就開始濟，都要打包拎走。四人套餐連加一都係一千出頭，大家都滿意的💕💕

出櫃檯個職員講嘢面口已經唔好，入面侍應服務同上菜都好好慢，叫左幾個點心都好普通，小籠包好咸，炒麵冇咩選擇，最後叫咗豬扒拉麵，點真係唔得，冇豬咪味，得個咸字…… 唔值呢個價錢，同食茶餐廳差唔多

一開始對佢個門面同埋入邊坐位都有啲驚喜，以為都係唔錯嘅餐廳。但係識落真係冇乜特別，性價比一啲都唔高，最特別嘅北京填鴨，其實我覺得都係一般般。如果俾我用呢個價錢，每人大概200至$300嘅價錢，我諗我會選擇食其他餐廳。食物份量都足夠，但係質量就真係唔太特別優秀。如果大家有足夠嘅預算，坐得舒服佢都OK嘅，但係如果想食得更好嘅話，就唔太建議。同埋如果想六個人一台，一家大細連埋朋友食飯，就最好唔好考慮，佢嘅六人枱唔算特別多，我都等咗成個鐘。

專登一早訂位係葵芳新都會北京樓食生日飯，入座時接侍員通知限時1.5小時，6：30入座一坐低，茶都末開，第一時間巳叫咗1隻片皮鴨，其他食物巳到齊，巳食咗一半，隻片皮鴨終於到，足足等了45分鐘先到,當時係7：15分到，但8：00要離座，都吾係問題，落單時問問咗女侍應， 我想叫個甜品香蕉拔絲，需唔需要而家落埋單?佢好 sure 話，一定有， 唔使咁快落單，咁好啦，食咗一陣片皮鴨同其他餸一陣，(其實食得好急，因限時關係，預左要打包）,7：40左右，同番頭先個女侍應講， 我想落一個香蕉拔絲， 佢話：今日冇香蕉拔絲😭同埋你張檯，都差唔多夠鐘，即係吾可以再落單，當時我問佢，落單時我問你，你話一定有，叫我唔使咁早落單喎，而家究竟係冇？定係我張枱就快夠鐘，唔可以再落單呢？（當時仲有20分鐘先夠鐘離座😑）咁算啦，既然你話冇，就冇啦，當時7：45.到，巳經冇乜心情繼續再食落去，唯有打包 d食物，7：55叫埋單，等咗10分鐘先有人來埋單，離開座位行出門口係8：10, 當時呆左，原來問口完全無人等位，係一個人都無呀，既然第2輪既客人都無人等位，寧願趕客人走，都吾肯再落單.....如果吾想食得咁急，千祈唔好叫片皮

前日，同男友以及2位舊同事去北京樓食晚飯，點左個北京填鴨、小龍包、霸王雞丁，炒年糕同炒麵，個北京填鴨同小龍包都ok好食，系個小龍包皮厚左d，而個霸王雞丁，d粉仲厚過d雞肉，完全食吾到雞味，吾咬開一半睇，真系以為得d炸粉，炒年糕同炒麵2個完全一樣味😂😂最到系食濟，但吾系飽囉，跟住我手多多望下餐牌，見到有我鍾意食既拔絲香蕉想食，但同行人都話走了，唯有等下次再去食。到今晚我同男友特登為了我2天心掛掛既拔絲香蕉，所以再黎食晚餐，甘無理由一嗌就嗌甜品，食完甜品就走，所以都叫左d餸食，原先想叫剁椒蒸魚，但佢無，甘我地叫左京蔥牛肉，另外仲叫小龍包、韭黃炒麵、炸菜肉碎叉子包，我同男友一致認為仲衰過前日食，個京蔥牛肉、炒麵、炸菜肉碎，3個都完全淡味都好似冇落咁鹽咁，我地又吾想浪費食物，唯有問職員拎潮州辣椒油撈黎食，d炒麵仲有有濃哂既鑊籮味！到最後真系頂吾住，就嗌我一心想食既拔絲香蕉，還好沒令我太失望，我都跟男友說，下次唯有找其他有拔絲香蕉的地方食啦，除非真系搵吾到，就黎尼度食個拔絲香蕉就走啦。因為真系食到頂吾順，即場打尼篇食評，d相都系食到一半影。我同男友吾系食餸飽，系一食一啖飲一啖茶，飲到飽哂。

Very bad service, staff were in bad manner and the credit card discount was misleading. Staff blame customers for not stating that we want to use credit card discount in advance, and waste our time in arguing terms and condition. the taste was fair and the food portion was small. Staff push customers for ordering a bigger portion with an more expensive price. The meal time was short and staff urge customers for cheqeing the bill, which was very disturbing.Overall , totally not recommended for a