北京樓 (星光行)

营业中

休息中

去得 #中菜館 叫套餐，我一向都冇要求，因為一般都係廚師預先整定一定嘅份量，喺繁忙時間加熱、裝飾，再分派比食客。所以只要食得落口，我都唔會有太多意見🤔 不過基本嘅服務、同安全意識，我覺得餐廳嘅員工都必須好清晰🤔早兩日我約咗班朋友仔喺 #星光行 樓上嘅 北京樓 Peking Garden 食飯，雖然我對呢類型菜式興趣不大，不過既然壽星女鍾意，我當然會撐佢啦🥳 嚟得幫襯，我相信大部份嘅人客都係為咗隻 #北京填鴨 而嚟，或者係因為廚師怕大家食得太油膩，幾乎成個餐牌嘅菜式都到齊，我都未見到隻 #填鴨😅 不過呢樣對我嚟講都唔係太大問題。先上枱嘅係 #前菜「撈起」，大家似乎無打算理會裡面係啲咩食材，就只係為咗攞個意頭就歡喜😉 大家先將 #粉皮、#青瓜、#雞絲… 瘋狂地攪拌，喻意撈起撈起🥳 大家互相祝福後就開始起筷，#小編 先將攪拌好嘅「撈起」再加入麻醬，再配埋旁邊嘅兩小碟 #海蜇皮 同 #素鴨，口感感覺都幾清新🤤 再嚟嘅係 #宮爆蝦球，味道辣辣地，#蝦球 都幾彈牙，不過賣相就真係喺麻麻地😅 之後再嚟咗幾個 #小菜，有 #蒸餃子、#魚炒菜、#菇炒菜… 都冇乜特別，所以我最終每樣試咗一件就算數😅 等了

有朋友從外國回來，因此和他吃老字號中菜。預訂了這家歷史悠久的菜館晚飯，獲安排坐在窗邊的位置，可欣賞到文化中心及維港夜景。 食物種類多，招牌菜亦不少，餐牌圖文並茂，印刷精美，我們點了以下美食: 灌湯小籠包 ($78/6隻)我們一行七人，原來可以按人數調整數量及價錢。小籠飽外皮軟滑，體積剛好是一口的份量，內裡湯汁味道極濃郁，肉汁豐富溫度高，豬肉肥瘦適中。 鮮肉窩貼 ($60/5隻) 同樣可以調整數量，外皮煎得硬而脆身，十分香口。內裡豬肉餡料份量充足，肉味相當濃。 西檸雞 ($138) 我們下單時，店員已提醒它一客六件。西檸雞炸得金黃香脆，外皮酥化，內裡雞肉香滑軟腍。最值得一讚是旁邊的醬汁，充滿檸檬的芳香，而且味道甜入心，再帶有淡淡的酸味，但不會酸得難以入口。 酸湯澳洲肥牛 ($180) 用一個很巨型的器皿盛載，黃色的酸湯浸著肥牛、青瓜條、枝竹及粉皮。先喝一口湯底，酸酸甜甜加上微辣的味道，開胃醒神。肥牛肉質細嫰，易咀嚼，牛肉味鮮甜。青瓜條爽脆，枝竹及粉皮滑溜，全都吸收了湯底的精華。 和菜戴帽 (配單餅6張) ($126) 名字很有趣，起初不知道它是甚麼，再看餐牌的照片，就大

這晚係一個4人餐, 原本二千鬆d 疫市下7折優惠。我們只是加了最後嘅拔絲蘋果而已, 套餐食物都算豐富, 冷盤係海蜇同醉雞。 份量唔多但味道同口感 ok青菜係碧綠西蘭花炒蝦球。跟住上一個魚翅湯。連續兩個都十分粵式酒樓菜式。再上的好似係京蔥香醋骨之類嘅東西。填鴨無論擺碟, 皮肉比例, 配料及薄餅,味道都是以前(20年前左右)嘅一樣。呢樣係始料不及。清炒荳苗都做得好好, 甜品嘅拔絲蘋果6件/$72亦做得標準。

美心集團的北京樓共有8間分店 我最愛去的是星光行那間 感覺環境 食物都不錯 如果坐在窗旁 晚上還可看幻彩詠香江今晚4大美女在這聚餐 點了6個菜宮廷四喜拼盤 包括醉雞 北京醬蹄凍 蔥油涼拌海蜇 餚肉 味道清新 份量剛好 一人一件北京填鴨半隻 保持水準 皮脆肉嫩 東坡肉 滿滿的酒香 肥而不膩 皮軟肉滑 清炒萵筍 爽口榨菜肉沫配叉子 餅香 皮酥 熱熱的 小籠包 是最不起眼 很普通食物是滿意的 只是服務有改善空間 無論是知客或下單的 都木無表情 很公式化 尤其是其中一位女服務員 我要求拿2對公筷 她用很不耐煩的目光望著呢

生日飯，前一日book 左位，要求坐近窗口，但嚟到冇得近窗口，待應話有book 左，但最後我地食完飯窗口個兩張枱都係冇人坐。第二次嚟食飯，今次叫左六樣嘢食，半隻烤鴨、菜苗、生煎包、炒年糕、咕嚕肉同埋雜錦炒飯。烤鴨係最signature 嘅菜，鴨味好香，尤其係食用鴨皮包嚟食嘅時候特別香，個人喺北京食完填鴨，北京有多過一種醬，配料會有洋蔥同埋紅蘿蔔絲，味道比較豐富，但北京樓個醬已經吊到鴨肉嘅香味！菜苗唔係度度有得食，呢度嘅菜苗有爽夠香，我哋已經係第二次食。雜錦炒飯雖然好似平平無奇，但廚師炒得好好，飯粒乾身分明，飯有少少Q彈，又夠香，幾乎每粒飯都有蛋包住，夠鍋氣但又唔會油膩！反而，生煎包，炒年糕同埋咕嚕肉比較失色。生煎包包皮唔煙韌，幾厚，食落有爆汁，但湯汁唔係好夠味，可能比包皮蓋住咗。炒年糕不過不失，冇咩特色，年糕夠味又有咬口。咕嚕肉整體唔錯，真材實料，唔會太厚粉漿，但下次再嚟北京樓，相信唔會再點一般大排檔都食到嘅菜，試下其他特色小菜會唔會開心啲？

爸爸媽媽結婚周年揀咗好耐終於 揀咗老字號北京樓除咗食物好食仲要夠得體特別推介富貴雞有點火又有錘仔可以敲職員仲會幫我哋影相裏面有幾多鮑片同冬菇都好入味另外青瓜有驚喜 非常爽脆值得一試

好多年無嚟，以前都係同外國朋友或回港同學嚟食，而家好多酒樓都有填鴨食，不過都好參差。今次再嚟北京樓，裝修過係好啲，估唔到全埸滿晒。填鴨水準保持到嘅，唔會太多肥膏，皮脆加埋皮出片鴨肉，一咬之下咇少少鴨油，夠香而唔會好膩，薄薄餅皮有爐烘住保暖，而且有蒸氣令個皮保持濕度，每塊皮有一張墊紙，好方便唔怕撕爛。呢啲細節加分嘅。我哋三個人食半隻鴨，份量好足，餅皮都夠多，靑瓜大蒽唔夠可以添加。其他菜式，份量幾足，味道唔錯。半隻鴨、雞丁、牛肉、炒飯、炒蒿荀，連酒水，一千蚊左右，合理價錢。老字號企得住，難怪唔少捧場客。如果一班朋友，訂窗口位，睇埋夜景，應該幾正。

定價$460一隻的北京烤鴨是我在香港吃過的最難吃的烤鴨 肉非常膻 朋友說是雪凍的鴨子 端上來的時候鴨子就是冷的 皮是熱的 底下還有爐子在加熱 這是指望熱的餅皮把鴨子捂熱嗎。點了幾道菜最好吃的是三鮮蝦仁豆腐 東坡肉很酥 也不錯 環境比較吵

補寫食評用餐日期：2022年2月5日 星期六壬寅虎年大年初五：星期六Family day 活動：飲茶 (COVID--19疫情下，已經大幅減少上茶樓的次數)我們的dim sum lunch，包括以下的：#普洱茶：配點心，解油膩。#點心併盤：有４款蒸的點心共10件，蝦餃、燒賣、菠菜餃、南瓜蟹肉餃，樣樣都好味，最喜歡蝦餃。#鮮肉鍋貼：肉餡juicy，yummy！#芝麻大餅：芝麻烘得甘香，喜歡！#豉油皇煎腸粉：吃着有點油膩。#欖菜肉碎炒飯：欖菜惹味，不錯。總体滿意的午餐。

好失望嘅一餐😢😢見網上好多好評，所以特登去食片皮鴨叫左一隻鴨+幾款點心點心不過不失，普通酒樓水準只有90分鐘用餐時間，但重頭戲片皮鴨等左45分鐘先上，食到一半已經last order，搞到最後食得好趕超！失！望！完全唔係預期中嘅好食，仲要超出預期嘅唔好食😓首先隻鴨一上已經覺得好油，一夾起，好容易就皮肉分離😑一食 食到油膱味🫤臊味🫤 一般普通酒樓水準都唔知有冇，呢餐完全唔值佢嘅價位結論：不可一不可再

第一次到北京樓食飯，環境幾舒適，員工幾友善，事前有在網上搜查一下，北京樓的北京填鴨評價不錯，便叫了一個二人北京填鴨套餐，有4道小菜（有魚有蝦有鴨有雞）一羹一甜品，種類相當豐富。有期待有失望，全晚最失望就係佢出名的北京填鴨，雖然賣相唔錯呃得下人，但食落皮一啲都唔脆，肉又鞋又乾，完全係中哂伏，不過都值得贊既係啲皮有爐熱住，可以保持到皮既溫度，唔會食到後尾啲皮凍哂。其中「脆米松子菊花魚」算係唔錯，味道正正常常，菊花魚入口熱辣辣，酸酸甜甜幾開胃，其他餸真係質素極為一般。

屋企人指定要到此店吃北京填鴨，果然是老牌食店，菜式都做到了水準，我們點了 :北京填鴨 ($460)  - 北京填鴨不會太肥，鴨皮很香脆，鴨肉肉嫩多汁，雖然配料只有青瓜及大蔥，但因為鴨本身味道已做得很好，所以雖然只有少許配料，但都好好味，值得推薦。蜜汁火腿 ($230)  - 此菜式好像不是很多食店都有，難得此店有，當然不錯過啦！少少鹹味的火腿配上甜甜的蜜糖再加上一片很脆很脆的腐皮，外面再夾上一層軟熟的包，口感及味道都十分之豐富，正！生菜片鴨鬆 ($138) - 鴨鬆醃料味濃配上生菜變得濃淡適中。鹵水鴨舌 ($135)  - 鹵水不會過鹹或太淡，味道正常，可能本人教喜歡麻辣鴨舌，所以對這個菜色就只是一般。小蔥皮蛋拌豆腐 ($68) - 這個豆腐食落感覺比較清新，可中和之前較濃味的菜色。蝦餃 ($40) / 蝦醬蒸魷魚 ($ 40) - 相比起小菜，這兩個點心就較為遜色一點，蝦餃的皮比較厚; 蝦醬蒸魷魚就普普通通。餐牌上都有其他小菜都幾吸引，可惜今天只得四人，有待下一次再到此店才點，但北京填鴨是必點菜色，而點心就不會再叫了。另外一提這裡服務都很好，侍應都很親切。 

Fortune chicken aka “beggar’s chicken” is in the limelight!need to pre-order!Had a really enjoyable dinner with group of friends. Nice decor not luxurious but certainly way better than the usual chain restaurant decorFortune chicken - “Phoenix on fire” in my dictionarymaybe they should use this naming . This is absolutely fun experience! Highly recommended to have this with group of friends! The chicken stuffed with mushrooms and abalone and wrapped in lotus leaf is baked for 6 hours per the sta

真係好耐冇食北京樓，今次10個人包左房，個景對住1881好靚好舒服，嘢食味道好，但最喜出望外嘅係food presentation 一流，碟碟都值得打卡影相。個乞兒雞一定一定一定要食，要預先一日起碼訂定，因為要慢煮十幾個鐘，真心好食。最喜出望外嘅係，隻雞上碟之後先點着火燒一輪俾大家影過相，然後邀請一個（咁啱我哋有人生日）出去卜開隻雞，然後影幅即影即有，送埋個乞兒雞想框，再送多個好精緻嘅金屬錘仔作為紀念品，壽星仔開心到不得了，正過切蛋糕。我哋叫咗十幾個菜，每樣都好好食，我九轉豬大腸、糖醋魚、幾個牛肉都好好食，有相為證。如果真係要搵嘢彈，就係拔絲蘋果啲糖絲唔夠多，不過啲蘋果好好食，我覺得好食過拔絲香蕉。

今天我和朋友一行四人慶祝生日，朋友想吃北京樓，而這間分店在 Openrice中是最多好評的，所以我們便選擇來到這裡吃晚餐了，可惜往往事實卻不似預期，餐廳的食物質素相當普通，完全沒有京菜的風味...今次我們點了匯豐信用卡的四人套餐，雖然上菜十分慢，而且每次都是吃完一碟菜式之後才上下一碟，可是全部菜式都只是微暖而已，北京填鴨更是凍的，明顯應該一早製作好，同時人手嚴重不足，侍應經常不見蹤影，總結來說這次用餐體驗真的十分一般No.1【宮廷四喜拼盤】這份簡直是「賣相一流，味道九流」的代表作，它分別由醉雞、糖醋小排骨、素腐皮和青瓜雲耳組合而成，可惜每一款都非常難吃醉雞的肉質相當粗糙，明顯全部都是雞胸的部位，糖醋小排骨的質感同樣一點也不柔軟嫩滑，至於青瓜雲耳則沒有什麼味道，淡而無味的，最後的素腐皮由於醬油過多，所以吃多幾口便開始咸得嗆喉，總結來說款款都是「極品之作」！No.2【北京宮爆大蝦球】由於是四人餐，所以蝦球只有四粒，果然非常「精打細算」，幸好蝦球都算爽口彈牙，鮮甜美味，而且醬汁的調味亦相當不錯，讓人食指大動，垂涎三尺No.3【竹笙花膠海皇素翅羹】首先花膠我便找不到了，另外素翅我覺得和粉絲的味