北京人家 (已結業)

相約到朋友家作樂…午飯就先找個地方解決先啦!!...數月前已黎過哩度, 食物素質可以…環境又舒服企理…家陣仲話星期一至六點心炒粉飯麵收半價添!!...朋友貴為熟客仔, 服務又格外殷勤啊!!今次所挑o既點心小炒有…三娘春卷 – 為何叫三娘??...就要個試試吧!...都係用上普通春卷皮炸的但嚴格吾係叫卷, 係包到扁扁的好似餅乾…炸得麻麻地啊!!...雖然卜卜脆但索油索到透晒, 餡料只薄薄少少, 大家都食吾出個究竟來?!...服務生解答話係蝦膠+豬肉+西洋菜…真係估佢吾倒!!蟹籽燒賣 – 賣相吸引!!...有滿滿o既蟹籽放面, 豬肉同東菇香味四溢!!...好好味!!豉油皇炒腸粉 – 粉醬調配得宜所以腸粉軟硬度適中, 加上豉油皇真係爆得好香!!...鑊氣十足!!...讚!!炒鱔糊 – 鱔肉有點太腍, 汁未夠濃稠, 可能係芽菜o既關係, 水份稍嫌多左D…個人認為一般而已…但芽菜夠多夠爽, 好味過食鱔!!生菜牛肉菘炒飯 – 上檯之際大家一望有點失望…吾見綠色之餘, 碟飯好似好油好濕D米有點漿漿太軟咁…誰知一試低下郤出乎意料…可能只係色澤影響, 其實乾身香口夠飯味…火喉夠醬油香!!...食飯都悟出

之前去Citywalk site visit, 睇完場地要順便揀一間 "企企理理" "見得下人" ge 餐廳, 所以就試左就係商場中庭隔離呢間 "北京人家"地方都算幾闊落, 坐得都幾舒服, 我地5個人叫左一個4人用ge 北京填鴨餐! 其實諗番都覺得勁唔似lunch time應該食ge 野, 不過由於我真係好鍾意食片皮鴨 + discounted price 好抵ge 關係, 我都係拍左板點左呢個餐!! 哈哈*講下個餐有咩先! 兩小碟: 酒糟醉雞+龍華素鴨 : ok ! 尤其是素鴨! 高郵鹹蛋蝦球: 幾好! 不過因為我唔太好蛋黃, 所以食一兩件已經開始覺得膩韮王干貝羹: 中規中矩烤北京填鴨: d皮真係起得好薄!!!!!!! 正!!!! 美中不足係粉皮太厚.....如果整到薄薄地咁就正喇!鳳梨魚柳: 酸酸甜甜幾開胃!上湯時蔬: ok北京人家炒拉麵: 全個餐入面最差的一味...... 毫無特色, 真係得炒麵only, 但又炒得唔爽身.... 其實我寧願佢唔黎好過, 因為食到呢度已經好飽.................南瓜椰奶小丸子: 好好食的甜品! 南瓜味唔重, 幾好幾好!埋單計都係

是日提早慶祝父親節, 家人選擇左呢間中式酒家.之前也幫襯過幾次, 當晚我們點了以下菜餚 :燻魚 – 雖然此店係食北京菜, 但居然也有燻魚. 那當然不容錯過, 其味道也不錯, 不會炸得太乾身.北京填鴨 – 師傅的片功一流, 皮薄兼香脆, 肉則保留了汁液, 不會嚡. 皮鋪面, 而肉放在下面. 很好吃. 鴨殼還可以拎走.海蜇 – 一般而已, 因麻油味太濃, 導致蓋過了海蜇應有的味道. 醉雞 – 一般而已. 沒有雞味也沒有酒味, 慶幸是雞肉尚算嫩滑.干燒明蝦 – 賣相不錯, 一人一隻分碟上, 侍應送上刀叉給我們用. 味道有點兒辣, 但茨汁實在過多了, 完全好似食茨汁多過食蝦. 花膠一品鍋 – 配料小得可憐, 還以為食緊砂鍋雜菜煲. 家常魚塊 – 數件魚塊, 有層薄薄的胡椒粉在魚塊上, 用作辟腥味 ... 但有點功虧一簣, 因為胡椒的味道搶去了魚塊應有的味道.蔥燒海蔘 – 上枱時, 見到其茨汁多過海蔘 ... 一撻撻 ... 而且油淋淋 ...三鮮炒拉麵 – 整晚比較像樣的一道菜, 多料又好味.銀芽炒溫室豆苗 – 清新爽脆, 幾好味.合桃露小丸子 – 不會太甜, 但稀薄得要緊

同事敍舊， 原先想去九龍灣大榮華(唔就腳)，後來想去囍宴(人氣指數甚高 from Tony Wong)，訂唔到位!!!!!!! 最麻煩就係Ｄ飯腳有3個港島區，1個九龍東，1個新界西 - 你話死唔死??? 到最後決定了北京人家!因為少數者是老闆級，3名港島區代表為有就範! 因為同老闆吃的關係，所以要一早訂定餸，菜式如下:-葱油海蜇、素鵝、蒜泥白肉 - 頭盤水準中上乾燒大明蝦 - 蝦啤水夠，爽口酸辣湯 - 夠晒辣松子黄魚 - 俾我想像中好北京填鴨 - 鎮店菜，不過不失雲腿津白甜品 - 合桃露、楊枝甘露 及琬豆糕全晚埋單連茶錢，HK$870.00 (你地話抵唔抵? 原來該店晚飯有85折優惠)，是晚都坐滿8成枱，值得去試! 他們還有二人、四人和六人套餐，很多選擇!

上司米蘭站之友新居入伙,原則上要買手信.但奈何又唔知佢鍾意D咩所以叫佢揀去邊度LUNCH.言談之間.佢講起CITYWALK既北京人家唔差.於是我地一行四人.由沙咀道行去荃新天地,(都要十分鐘WOO)十二點十去到都唔係太多人(可能係星期一)見到門口個MENU寫住點心同小茶半價.(都幾抵WOO)就入咗去.是日叫左:口水雞:4分.麻辣味夠,仲好過上一次八喜嗰碟.牛肉餅:3.5分.餅皮夠鬆化.雖然牛肉唔多.但少D肉唔係仲健康咩?北京填鴨:4分.皮脆肉夠味.由於眾伙伴搶食既關係.唯一係無影到相.小籠包:3分.呢個失準左D.裡面少湯汁,所以口感好似蒸左好耐乾晒水.到最後.以慈禧豌豆糕.星巴克咖啡糕.南瓜露丸子作甜品.環境都幾好坐.可能係落地玻璃既關係.呢個歐陸既北京胡同FEEL我都幾鍾意.再次恭賀米蘭站之友.祝佢新居生活愉快!

大年初七好友邀請我地到佢屋企作客耍樂, 咁首先當然亦要食餐賀下”人日”先啦!!!...好友係哩度熟客…所以介紹黎哩處…美心集團屬下的啊…都有一定水平吧?!樓面係長形格局…但座位寬敞舒適, 亦設有不少廂座…環境潔淨吾嘈雜, 最愛係有落地玻璃, 自然光充裕, 倍感精神!!...服務生衣履整齊, 感覺良好!五個人, 先後點左十款點心…雞絲粉皮 – 係到京川滬館子常點o既冷盤小吃之一, 好簡單o既製作, 哩度只嫌麻醬稍微吾夠濃…小籠包、生煎鍋貼 – 兩者都屬合格吧!!...皮算薄、肉夠鮮…清真牛肉餅 – 真真未到家!!...皮乾餡乾, 造吾到香煎果種皮脆內嫩保持肉汁, 令人唾涎欲滴o既感覺...南北亂炒蘿蔔糕 – 加點小蝦仁、 蛋絲、蔥段同醬油調味o既濕炒蘿蔔糕…個人都係鐘意香煎o既多D…山竹牛肉球 – 兩顆大大粒的, OK!!...如果哩個咁傳統老舊o既點心都做吾出水準就麻煩了啊!!蜜汁义燒包 – 一籠兩個, 本身對义燒包一般, 不過哩個有D驚喜, 包身好軟熟, 裏面吾會太過紅噹噹, 亦冇話放多多肥豬肉粒果D咁!!...好味喎!!椒鹽炸魷魚 – 哩個好係因為佢吾會包一層厚炸漿…惹味香口!!.

... the service is not good ... it seems that the restuarant is not welcome you!!! Even you have reserved a table, they don't offer you any table ..... The receptionist is not polite. The waiters and waitresses are always busy. They don't have any time to serve you. (They don't have time to take your order, to tidy up your table or give you the bill!)the peking duck is not crispy and delicious. The duck is not juicy!!!other dishes are okay. Nothing special!The price is high end restaurant.. the

今日在北京人家的用餐經驗真的令人搖頭嘆息, 以前一直覺得美心集團的餐有一家的質素保証, 點知今日就食到一肚氣, 由接待處開始, 直至埋單, 一點都感覺不到中高檔餐廳的服務!在RECEPTION度, 我地本來定了位, 點知去到仲要等, 一等就等上十幾分鐘, 我想知道定位的作用是什麼, 如果定了位都要等, 點解唔係打電話時就一早通知人客呢? 而且一間中高檔的餐廳點會咁亂架? 好喇, 我同個RECEPTION 理論喇, 問佢點解要等, 個RECEPTION 好惡咁同我講, 要等架喎, 定位時講架喇, 跟住就唔理我, 去同D 講普通話的顧客安排位, 一係就去搞其他野, 一D 都唔理客人, 好似少左一個客都唔緊要... 好喇, 入到去, 想搵個待應生落單都難, 個個都好似好忙, 唔得閒理你, 舉左好耐手先有人應, 呢D係咩服務呀?!食物水平, 平凡, 片皮鴨, 差, (唔會問你只係片皮定係皮肉一齊片都算喇), D 皮唔脆, D 肉無肉汁好似白烚咁, 一D烤味都無, (一定唔好叫, 係DISNAYLAND 的HOTEL 中菜廳好味過佢多多聲)其他食物就普通, 無咩大問題, 只不過北京菜.. 連烤鴨

我對呢間食店之前都有d 期望, 以為係美心集團...點知差到...先係..酒糟豬手, 味道很怪!! 片皮鴨hkd188, 一隻(還要訂枱時已訂)...回到後, 不但唔熱, 而且份量小了...粉皮亦好厚...粉絲津白, 油...咸...小籠包, 皮極厚...唔熱牛肉包, 炸過火...咸...無肉汁...跟住, 我地想order 糖水, 叫"唔該"時, 有幾個傾計傾到唔理人, 唯有再大聲d...有個有d似男0既女侍應(短頭髮, 不過留條尾)好串咁話..我地last order 左啦wor, 不過你而家叫都得0既...我朋友就話, 你無同我地講過last order 左wor!!!! 佢好唔"gur"咁幫我地落單....之後我地再叫呢個"無禮貌"的侍應加水...佢好大力咁將佢手上0既menu 掉在枱上!!! 各位, 如果想開開心心食餐飯or 同d 朋友gathering 0既話就千萬唔好再去呢間, 免得你同d 朋友都一肚氣, 仲要唔抵食...

今晚四圍兜搵食, 個個停車場都full晒, 最後泊架車喺如心廣場, 同老婆去左荃新天地搵食. 由於今晚想食中菜, 見到北京人家既裝修都唔錯, 外面好似好高檔咁, 一於就試下啦.我地先點左三個餸, 包括蔥油蠔仔、北京人家炒拉麵、咕嚕肉. 不過waitress轉頭話我地知蔥油蠔仔賣晒, 無相干啦, 我地叫佢俾餐牌再揀其他餸. 果個waitress行左去好耐無左影, 當我再見佢出現, 我招手示意餐牌, 佢先叫第二個waitress攞餐牌俾我地. 嘩! 有冇搞錯, 咩服務態度呀, 第一個唔得! D野食黎喇, 講下D野食. 北京人家炒拉麵, 果名咁招牌, 以為係咩好野, 原來係韭黃肉絲炒拉麵, 非常油, 味道單薄唔好味, 第二個唔得! 再黎咕嚕肉, 外面唔脆, 芡汁太厚, 第三個唔得! 之後我地睇左餐牌, 決定再叫野食, 於是招手叫waitress黎寫餸. 有個短髮、戴眼鏡、高高瘦瘦既waitress望到我, 不過佢冇反應, 然後垂低頭繼續行, 我都唔知佢見唔見到我. 於是我再舉手, 佢再次望到我, 不過一樣係冇反應, 冇話向我點頭或示意黎緊之類, 不過我見佢向我既方向行緊, 所以就放低手,

突然想吃北京填鴨, 那種鴨香不斷在腦海中撓攘, 即時上OPENRICE看看哪裏有靚鴨吃!比較過食評以及價錢後, 決定與友人千里迢迢由將軍澳來到荃灣北京人家食晚飯赫然發現北京填鴨有半價優惠, 便老實不客氣地點多幾個小菜北京填鴨(一食) : 是即燒好拿來給客人過目後即片的~份量不少, 足夠三人吃皮脆肉嫩, 熱騰騰, 加上肥度適中而有一片片肉夾雜, 令我與友人都讚不絕口!不過糢糢實在太飽肚了, 我們二人清空了填鴨後已經覺得頗飽, 勸喻胃口小或少人的客人不要一次過點那麼多菜XDD豉汁蟶子 :頗特別, 因為小妹喜愛吃各海鮮, 所以覺得拌飯吃不錯, 就這樣光吃的話會有點DRY! 唯一美中不足的是很容易攤凍, 因為豉汁不保暖, 所以一上檯就快點吃光光為佳!炒脆膳: 這個有點怪, 吃不慣這種味道跟口感, 有點像超市賣的齋燒鵝, 而且叫這個要叫一對$20的包子(好像叫什麼叉子之類的...)把脆膳塞進去夾著吃是不錯的, 可是能夾進一個包子的脆蟮相比起一大碟只是九牛一毛, 包子也是飽肚的....最後吃不完又不甚喜歡, 便沒有再吃了......從這餐我們學到: 不要一次過點太多菜, 要量力而為!而且下次不要叫

放假的週三，又扮乖乖女和娘親外出用午膳。早前娘親與她的攝友們於荃新天地的北京人家晚膳，覺得不錯; 而平日午市點心一律半價, 正餐牌一律七五折, 如此抵食, 當然吸引了這婆仔兩母女。兩個人吃不了甚麼小菜, 還是主攻點心: 南北亂炒蘿蔔糕: 太公不知著了甚麼魔，竟心血來潮想吃蘿蔔糕，見這名字夠趣緻就叫了；炒蘿蔔糕裏的鮮蝦倒清甜又夠爽，可惜蘿蔔糕就咸得要命，一點蘿蔔的味道也沒有。葱油餅 是以一層薄薄的餅皮放進油鍋炸出來的，北方的葱油餅是烙出來的, 這明顯是廣式化的結果。太油也太薄，吃不出"餅"應有的質感，油香完全蓋過麥香, 更幾乎蓋過葱香, 一點都不好吃。梅乾菜肉包 "梅乾菜"其實是上海人對一些灑乾了的菜的稱呼, 類近廣東的梅菜, 但作法不同; 一般叫"梅乾菜", 想也是上海的那麼吧, 豈料一吃, 是廣式梅菜的味道, 令人大失所望; 要是在點心紙上寫少那一個"乾"字 (梅菜肉包), 沒有那貨不對版之感, 感覺較好；包皮不夠鬆軟, 質感一般糖醋小排骨 點心紙上可點, 半價後才$19一份, 其實很抵食; 賣相偏紅, 與上海正宗的那種偏黑是有出入, 吃下去也沒甚麼醋香 (只是到最後那幾件有一些),

一行4人來到呢間美心集團新派北京菜食晚飯, 睇下餐牌, 都有好多野食, 亦唔焗限北方菜, 我地叫左6樣小菜:北京填鴨: 燒完後比我地睇一睇後就攞去遠處片皮, 睇落去都幾近大隻, 但上檯時只有一碟, 仲係微熱, 而且係連肉一起片, 唔算肥, 水準都不俗, 但始終好膩, 唔可以食太多水煮桂魚: 估唔到北京菜館有水煮魚食, 本人不嗜辣, 所以只係淺嗜, 覺得味道都幾辣, 魚肉都算新鮮雲吞雞: 雲吞有8粒, 但雞大概只有四份一隻, 而湯卻逞奶白色, 有頗濃的雞味, 相信唔係那些'少量'雞煲出來的效果吧!!????蔥油大餅: 睇過樣都知道唔掂, 凍冰冰, 質感好薄硬硬的, 有油益味, 卻無蔥味, 完全係零分之作春卷: 有3條, 唔油膩, 而且新鮮熱辣, 雖然唔係咩特別野, 但炸完即送上, 好難有唔好食的道理!!鍋貼: 有4隻, 只係微暖, 個底亦煎得唔脆, 皮亦幾厚身, 水準平平埋單連加一茶錢$592, 整體水準唔算出色, 係晚飯時段客人亦只係得一半滿, 而且唔知點解有好多好大隻的烏蠅, 令人感到不安同唔衛麼生唔知點解突然回想起係以前荃灣綠楊有間北京樓, 填鴨大大隻係你視線範圍內片皮, 每次都有

由北海道回來，有些手信送給媽媽，於是相約媽媽到荃灣飲茶。自從荃新天地開張後，飲茶食飯的選擇多了不少。稍早時候已到過「翠苑」，今次來一個新嚐試，就是試試美心集團旗下的「北京人家」。可能時間尚早，我到達時酒家內不算多人，侍應安排我坐到入口不遠處的卡位（這個卡位少說也可以坐到4位客人，本意是非常好的，可以坐得更舒適）可我孤零零一個人卻等了媽媽約半小時，真的好不尷尬。侍應先為我開了一壼茶及奉上前菜，是一碟青瓜，豆腐乾及花生（我對這些前菜其實興趣一般，不過為了消磨時間，我也試了一點）媽媽到來後，就先叫些點心再詳談吧！媽媽是一貫的老式飲茶人，最愛叫蝦餃，燒賣，我們又叫了糯米雞及叉燒包（這是因為媽媽怕我吃不飽，總想叫些飽肚的點心吧！）乾隆蝦餃皇名字相當有氣勢，但卻不太搭調（據搜集的資料所知，西關豪商潘仕成的賬房先生伍秉鑒的伍氏后人，在廣州五鳳鄉開設了名為「怡珍」的茶樓，於1920至1930年間首創了現時蝦餃的鼻祖「五鳳鮮蝦餃」，因此不知蝦餃與乾隆關係何來，又何以取名如此？）一籠4粒的蝦餃，賣相還算端正，狀甚飽滿，呈半月形，餃皮晶瑩剔透。Size大小適中，一口一粒。食味方面，餃皮夠薄，一口咬下，頗有肉

星期五嚟食飯, 先知有 HSBC 最紅星期五優惠,$15x 就有片皮鴨 + 宋嫂魚羹, 枱枱都有叫!幾個鐘頭我見個侍應片鴨係未停過手!隻鴨真係好好食, 冇肥膏, 5 個人都唔係好食得晒!仲有推介鍋貼、炒羊肉!