影片
食家推介
平时见到呢间铺都多人帮衬，朝早无胃口想清清地食个蒸包，所以就去买左个葱花卷。7蚊一个，正常价格。我全程望住店员打开蒸炉用胶袋包住个包俾我，收到包拎上手，微暖，同想像有少少出入，因为平时食包点先生，唐包点果类系热好多既。我忍唔住问左句「呢个系葱花卷？」店员话「系呀！葱花卷系咁既样架」我望下个外型，见到一点青色，加一点火腿。之后返到公司就食，味道好差，我将个葱花卷反转要反转，我都揾唔到多一点绿色🥲好失望，质感又实，我食左几啖，决定掉左佢。叫得包点达人，但基本都做唔好。我睇番之前食评图片，以前葱花卷真系似好多希望今次系个别事件，而店铺都会改善不过我就一定唔会再买。
继续阅读
类似既铺头香港地都好多卖既野食种类 价钱亦都大同小异~呢间包点达人一直KEEP住帮衬系因为佢既尖椒XD真系好好食 大部分都有辣味 煎既程度岩岩好仲要大大条其实佢既春卷都好大条...记得第一次帮衬个阵一次过叫左4条做早餐饱到傻左-佢4件个D可以任夹架~粟米饼饺子个D都好好食架~不过唔系长期齐款~
继续阅读
有时lunch hour赶唔切食饭又要赶住去下一个地点做嘢或者见客我就会买几样点心边行边食呢间铺头17蚊有4样点心真系又平又靓又正仲好多选择添我今日叫左2炸云吞2饺子又系边行边食（虽然疫情唔应该叫大家咁做，但真系好赶时间呀吗）开头我对炸嘢嘅期望比较高始终炸嘅会香口啲一咬落去真系无令我失望啲虾好爽脆一粒粒虾清晰可见而且size仲唔细只添之后到煎饺子哗！原来呢个仲好食虽然个皮比较厚但肉馅做到甜甜到而且超级juicy比个炸云吞仲有惊喜呀！
继续阅读
湾仔区食饭人头涌涌水泄不通，平均动辄花费40元以上，贵都不是重点，食不饱先系问题🥲。好在比我发现到石水渠街有间大件夹抵食既中式点心、面包、蒸饭快餐。HKD 35 套餐已包蒸饭+ 点心，单点点心HKD 16 蚊4 件，HKD 28 蚊8 件。蒸饭不断新鲜热辣出炉，份量多，仲要有季节限定糯米饭🍚（HKD 20)。咸水角：馅料有猪肉碎、韭菜、虾米、冬菇、沙葛。加入糖、猪油、冻水搓匀，香气扑鼻，滚油内炸至浅金黄色便成，口感脆而不韧。总结：穷人恩物 抵食夹大件午餐
继续阅读
湾仔系我常出没既地点好多时食饭都排长龙街市附近其实都好多专做外卖既店铺经济吹淡风,不能每餐都去餐厅吃由晚餐,午餐都会去餐厅,减成晚餐去餐厅午餐就买外卖比较多了,免排队,返去食又方便 单点一个蒸饭25蚊,大份足料,佢既滑鸡真系好食!好滑,仲要无骨~有6款,煎蛋牛,梅菜扣肉,咸鱼肉饼,滑鸡饭等也可配点心,$35套餐价! 单点点心16蚊份,4件 28蚊8件!蒸饭不停新鲜出炉,份量多,最抢手系鸡饭! 另外我有悭钱心得早餐买蒸包食,返公司叮热就食得馅料又多!买冻包16蚊4个,平均一个$4咋超大只! 大过手掌心,撕开好多肉馅!鲜味称唔上,但味道唔差! 榨菜多,肉馅多,有肉汁!湾仔石水渠街12号地舖G/F, 12 Stone Nullah Lane, Wan Chai电话号码
继续阅读