包點先生 (已結業)

又到下晝三點三食下午茶嘅時間喇, 今次我入咗去一間舖頭去食豆腐花, 豆腐花以塑膠物料嘅餐盒裝住, 豆腐花上枱仲熱辣辣, 鋪喺面頭仲有啲黃糖添, 喺味道方面,對我個人而言我就覺得比較淡味咗啲, 分量都仲算可以, 係三點三下午茶嘅一個幾好嘅選擇嘅。

細細個就好鐘意食豆腐花, 但真係唔係間間都好食, 我覺得好食既豆腐花, 係要豆味香濃, 滑嘟嘟, 真係會一食就滑落喉嚨.. 🤭呢間包點先生既豆腐花就達到以上要求👍🏻 好食既唔一定貴, 呢度只需 $10 兩碗, 真係超級抵食呀!! 份量仲要唔細, 大大碗, 熱辣辣, 黃糖同糖水都可以自加, 但唔加就食得出豆香味!其實仲有好多包點, 點心, 飯品, 炸物, 飲品, 豆漿.. .. 價錢都好相宜, 種類又多, 唔需要去酒樓都可以一盅兩件, 係唔錯既!

【 點心蒸飯好選擇 】前幾日去長沙灣的麗閣商場地下小食街睇下有咩食，想外賣番屋企食。估唔到小食街的選擇都幾多，我最後揀左包點先生 Bao Dim Sin Seng，因為實在太耐無去酒樓飲茶，好掛住點心的味道。我叫左鮮肉燒賣，香茜牛肉球，咸蛋肉餅飯，臘腸蒸雞飯，其中一個飯我跟左套餐，可以有多一碟生菜，碟生菜份量都幾多，點心$30可以選擇兩款都幾抵食。另外我仲叫左個粢飯豆漿，個粢飯真係完全唔好味，唔會有下次。但點心和蒸飯就做得好好，下次會再試其他。