勝香園

营业中

休息中

找了好幾個街口終於比我找到你了雖然環境有點簡陋 但食物 水準先最重要點了個蕃茄餐蛋面 和 檸蜜脆脆蕃茄面的湯不會太濃 , 個包就味檸味同蜜味甜度剛好,外脆內軟 , 值得一試不過落單速度太慢了 ...... 但還是可以一試的

之前喺亞蘇嘅節目度見到啲蕃茄濃湯麵已經好想試，不過始終無的起心肝去試，今日終於喺朋友嘅帶領下到此一試，本來係試蕃茄濃湯麵，但係公司治實在太太太吸引，所以我唯有下試再過啦，我同友人叫咗公司治，豬扒蛋脆脆同埋檸檬蜜糖脆脆，仲有咸檸七，公司治嘅餡料有紅腸（超surprise）、火腿、蕃茄、午餐肉同埋蛋，雖然無牛扒或雞肉做餡料，不過麵包嘅外層烘到好脆，整體食起上嚟超正；另外兩個脆脆都係著重於烘得脆脆嘅豬仔包去配咸或甜嘅餡料，食完一個之後，真係忍吾住再叫多一份，連亞姐都話我哋勁呀！而咸檸七就普普通通啦，佢除咗落啲篤爛咗嘅咸檸檬之外，仲加多幾片黃檸檬，所以好夠味，我見同枱嘅街坊食客都會叫奶茶，我諗應該都會吾錯，下次去試麵時一定會試埋，P.S.可能係吾憂做嘅關係，啲亞姐超串／惡～ 同埋要提醒大家佢哋收5:30，超準時o架～

因為無先睇google map 同男朋友搵左好耐. 行到上soho..而且無人知佢叫咩名.. =.="心諗唔好食你就死. 我一定如實叫人唔好去. XD去到見到好多人. 坐係度無野食. 枱未執.不過大排檔一向都係咁.於是下於少理. 有位就坐! haha.等左好耐先有位阿姐得閒有手幫我地寫野.要奶油脆脆. 同佢講多奶.佢話要加錢. 可能見我地無反應. 佢好似無寫.唯有再講多次. 佢都再講多次話要加錢. 通常出面講加錢都係同客講聲就寫嘛. haha. 男朋友見佢咁緊張. 唯有同佢講加幾多$$都要加多奶.最後佢話加$1. (奶油脆脆原價$8 多奶加$1 . 其實都仲afford到. XD )真妙. 人都玩謝.最後成功叫左.奶油脆脆. 好食. 物如其名. 可以特登行去食.茄豬扒麵. 正常. 住附近可以成日食.奶茶 (cold) 柚子蜜 (hot) 無特別.短短的30分鐘lunch. 旁邊坐過2個不同的伯伯同叔叔.不約而同. 狂落pepper. 不知為何?

週未趁下午有空,特意來到上環勝香園吃馳名的番茄通粉~我跟蝦子餅很少到中、上環,事前還上網列印好地圖! 港島區的路又斜又窄,行到有小小喘氣添(幾誇張!)是街邊大排檔形式嘩!一去到,唔洗諗,快D去排隊先!等了差不多半小時,終於到我們了!在排隊的期間已想好吃什麼(雖然沒看過MENU,但我猜想茶餐廳來來去去都是那幾個配搭...)番茄腸仔煎蛋麵: 很多鮮茄在面,有點似車厘茄,茄湯是用茄膏開的,較酸,但很醒胃~ 忘了叫「荷包蛋」,來到是熟蛋黃,有點失望......麵吃不出是出前一丁,我覺得似'大光麵'。番茄餐肉通粉都幾大碗,蝦子餅說那湯碗好有住家feel~寒冷天要喝熱飲,熱奶茶是不錯的選擇~(我見人家喝凍檸七,也想試,但怕冷啊~!~!)最後來多個奶油脆脆,這個出面的茶餐廳沒有,唯有勝香園獨有! 包包像是漢堡包烘燶然後加上奶油,有鬆脆,奶油也香甜~~整體食物不錯,可是我坐的位置近坑渠,嗅到...味道了........=_=''最愛還是維記咖啡牛麵!呵呵!p.s. 那像太陽花的公仔是「花獅」,買U magazine換購的!!

好少去港島,去開就會去埋勝香園 =P好喜歡舊街大排當的風味食左...* 奶油脆脆嗜甜者必食, 名字可愛之餘, 形狀都好得意, 擺到好似米奇老鼠咁, haha檸蜜脆脆就有特色,酸酸甜甜, 2個人食唔落2份,唯有2選1啦*蕃茄腸雞翼通加埋隻蛋就perfect啦, 不過有傷口就唯有戒口啦今次既雞翼怪怪地,唔夠熱咁既?!湯底依然咁好味,夠酸夠晒茄 haaa發覺人地特別多茄, 舖到成碗都係, 經過2次食茄通之後, 終於研究到!!原來叫公仔麵係會多茄ddddddddddddddddddddddd , 有冇人研究過?下次一定要試*凍奶茶好好飲, 好濃好滑服務...今次遇到個笑容滿面既姐姐,佢地好親切咁叫d客人做呀妹, haha比我偷師到廚房個姐姐功架十足, 黎開幾呎咁拋調味料入鍋, 好犀利呀次次想留肚試埋對面既九記, 都總係忍唔住食晒 *v*

都嚟過唔少次,多數都係食多士同脆脆,依道個豬扒脆脆真係幾好今次黎食茄牛麵,覺得都係麻麻~ 蕃茄湯底係唔錯,不過牛肉同麵就唔係幾掂..........下次都係食返包類好過,如果想食蕃茄湯就要通粉好過要麵總括黎講,今餐值個OK面!p.s. 勝香園確係好抵食

離開咗上環區工作,很久沒來這兒食嘢~今日lunch嚟咗食嘢二個人叫咗茄牛出前一丁檸汁脆脆奶醬脆脆茄牛出前一丁~ 好多茄係表面好好味呀~ 但個面就差一點不夠爽口呀, 淋咗dd檸汁脆脆 ~ 好脆好有honey 味, 有lemon汁味, 個包鬆鬆地幾好~奶醬脆脆~ 個包同前者有分別呀, 個包實少少, 咬落去就不夠鬆,但都好好味呀~

同細佬很久沒有一起在Central食lunch,勝香園, 試一試現時蕃茄 通粉重可以嗎？幾年前附近工作，時常去。唔明點解要排隊, 唔明點解啲通粉咁似粥,唔明點解啲牛肉咁淋(爛哂)!!!!!同細佬 share 一碗，我地一人一啖，然後立即放低，但咸O 7 就幾好。俾錢時阿嬸問點解食一啖,係咪唔好食, 真係唔知點答！？！

三點三响中環蘇豪區, 和同事在附近做完嘢, 佢突然提議到附近的大排檔tea, 上車後就兜了個圈回歌賦街, 原來同事所指的大排檔是勝香園. 大約在數年前我也曾到此吃過一次, 覺得只屬普通. 今日眼見這裏人氣急升, 真個坐無虛席. 下午茶時間真係好多人, 剛好有兩個位, 逼逼硤硤的坐下, 同事就叫了個茄牛通, 我就真係唔肚餓, 本想只叫杯凍奶茶便算, 但見坐對面的情侶在吃奶油脆脆, 賣相極為吸引, 我都唔執輸要了一件! 先來同事的茄牛通, 茄汁湯底看見頗濃, 但牛肉看來有點淡茂茂咁, 只見他吃得津津津有味, 讚不絕口. 我的凍奶茶則未見有什麼特出, 再等了一會, 奶油脆脆才送到, 一個細小的豬仔包開了四件, 烘得金金黃黃, 攞上手好輕身, 咬落口好脆, 好好味! 不愧為招牌貨!我想下次再來可以試吓豬扒脆脆...

同個朋友一齊去食.是星期六差唔多1點到去到.都十幾人排隊,排左幾分鐘後面突然多左十幾人.我心諗有無咁好食呀.等左大半個鐘有座.自己要蕃茄餐肉咸牛肉通粉,勁大碗.茄味足.友人叫蕃茄豬扒通粉.同蜜糖脆脆包面香脆,仲有落d檸檬蜜糖汁是面,食落好清新,一個字掂.兩杯檸七,是幫你篤左檸檬好體貼嫁.總結:大排檔唔好諗環境好好,因為我坐是條排水渠格離搞都我坐到一d不安.食物:蕃茄餐肉咸牛肉通粉可以兩個女仔一個.食味ok蜜糖脆脆必食,我本身想再食多客.可惜太飽

今天和阿媽去試吃...點知去到叫左幾次都唔執位......叫寫0野又無人理其實我今日十一點幾去到....一d都唔算多人...一去到就有位,不過只見到d阿組白忙,,,,行來行去都唔知忙乜...叫親都叫我地等等....跟住就去睇下有無0野出...最後再叫終於有人肯來執0野......但佢態度唔係幾好...只是執了杯...又唔執碗...又唔抹枱........再嗌左一兩次...都叫我地等等....都唔知等到幾時又唔係唔洗錢....都唔知點解咁0既服務態度!!!!以後都唔來試...

服務超差.今天去了打算一試...點知叫了起碼三次都無人執枱.....淨係叫我等等....等完又唔知去左邊其實今天人已經算不太多了....但我覺得侍應只是在扮忙.........行來行去都唔知係度做乜...最嬲係大聲嗌完終於有人執枱,但佢只係將d杯攞走....d碗又唔攞...又唔抹枱,跟本就係敷衍!!!!最後我同阿媽實在太嬲.....唔洗錢都係咁話, 一於走人,又唔係平過人總之未食已經一肚氣!!!!!

十月上旬‧晴勝香園的食物，十之八九也吃過，但也時有驚喜，因為阿姐總會花點心思的去搞些新意。昨天在吃我的奶油粗麥多的同時，見鄰座客人的豬扒朱仔包做成心心的做型，相當別緻，又要了一客來試試。是用上了長身的熱狗包，斜切一刀，再併成心型，這個「豬朱」，單是賣相，已足見珍姐的誠意及心思。包用多士爐烘熱了的，內裡除了煎香的豬扒之外，還有鮮茄及沙律醬，配合起來，很好吃。連香濃咖啡一杯，埋單21蚊。會不斷花心思去進步，推陳出新的餐廳，就是好地方。當有一天結束了「中環人」的生涯後，我最懷念的，我想會是每天在這裡喝咖啡的好時光。題外話：其實X某人去探「花」，來這裡吃這個心心豬也明顯到不得了，不用多花銀兩去鋸扒。至少明易明鎗，簡單直接，影張相比大家看一下，連之後被迫供的一part都慳番。

其實呢度已經食過幾次, 尋日老公放假, 我地就嚟左呢度食...哈哈..我就覺得普普通通..原來老公以為我好鍾意食, 真係一個美麗既誤會...排左一陣隊就有得坐, 地方預左係大排檔咁,有d污漕 不過無所謂,但岩岩坐左係煮野食既爐隔離, 都幾難頂....枱面全部都係通粉, 蕃茄汁....哈哈...真係唔睇好過睇...我食左茄牛通, 其實真係冇咩特別, 特別在於.....d蕃茄好多又好腥....福而係硬既咁囉......食完即閃......我諗我下次真係唔會咁神心去排隊就係食碗咁既茄牛通....

經常在上環返學,很想找機會試試,可惜唔知地址!個日連同幾位女同學一齊去搵,多謝妳地陪我一齊食!到的時候係上午11點幾,有成張圓桌比我地坐!我聽聞這裏蜜糖脆脆很好吃,點了一份,熱辣辣且香脆,個檸檬蜜糖汁調較得好!而且自己叫了「蕃茄餐肉腸火腿蛋通粉」,大大碗,好食都笑。真係落足材料,天氣凍食一碗暖哂!環境清潔可以接受,始終是大排檔。有個短髮婆婆好似幾惡,我第一次來要睇睇份menu麻,但係......面對份工作三十多年,她是敬業的!P.S: Bobo,I am waiting for you! Hope you can win Miss Model Of The World