勝香園

营业中

休息中

一黎都有黎勝香園, 之前無寫過食評，今日咁岩得閒便寫番篇，周圍都係西裝友加上人多唔使講。勝香園最出名當然係茄牛麵，蕃茄又香又濃，正到爆。凍奶茶又夠滑！！正 !!!!!!!!!!!!!

好味, 之前睇到D食評，今日咁o岩去開個附近勝香園既茄牛麵,蕃茄味好濃,很好味,又飽肚, 不過略咸凍奶茶很滑,很香茶味,好濃好滑, 唔錯!個脆脆豬仔包真係好正呀!

今日同朋友行街就去左勝香園，碰正午飯時段，等左5分鐘左右，坐底就點左個茄牛蛋面同檸蜜脆脆。通常到餐廳嘅番茄湯底都係少番茄多茄汁煮成，但這間餐廳令我回味之處就係佢係用好多番茄煮成的湯底，濃郁度高，另外，亦可以食到一個個未完全煮溶的蕃茄😍，湯底令人驚喜，蛋係剛熟，吃時，蛋汁還在，面身不軟，拌面吃一流😋。同場亦有檸蜜脆脆，在外好少聽到這個配搭，食落口，蜜糖豐富😃，加上面包的脆口，真係流口水會再去食，必食😋😋😋

和友人想不到吃什麼之下來到附近，眼見勝香園出奇地不用排長隊便來試試。混醬脆脆 $14 (7/10)集合果醬、牛油、咖央、花生醬、煉奶於一身，麵包烘至非常非常鬆脆，檸檬味的酸酸甜甜，加上濃濃花生醬香，挺不錯吃！番茄碎牛炒蛋通粉 $26 (6/10)另一款勝香園名物乃番茄湯麵，茄香滿載，也有著很多茄蓉，但味道倒真是一般，沒想象中來得好吃。而碎牛炒蛋浸在湯中，味道也有點因浸湯而褪色。* * * * *勝香園中環美輪街2號排檔星期日休息、星期一至六 08:00-17:30

一間獲得如此多好評的食店，當然是有其吸引力!環境是差的，但食物是好的。人是超多的，但人情味是很豐富的。地道的港式食店買少見少，即使重新包裝也缺乏了一種韻味。勝香園的鐵皮屋和大排檔設計，正是一種不能以現代裝修取代的感覺。若以港女標準，食店環境是零分的 - 地面濕滑，靠行人路那邊地面不平，位子大部分都搖下搖下坐不穩。檯面用那濕布抹拭，是怎抹也不會乾淨吧。不過，來大排檔不是來食環境的!!這裡的茄牛通和檸蜜脆脆都是極品~!蕃茄湯非常濃，但濃濃的也會讓你忍不住把它喝光。檸蜜脆脆的脆度適中，不會硬得咬不開。檸蜜味道不會太酸太甜，一個人吃完大大碗茄牛通後也能把檸蜜脆脆吃光。兩次都是在11點多到，所以還有近行人路的位置可坐。但一過了12點，就滿座了。幫襯的有遊客、附近上班的OL、看似很空閒的師奶和長者。這裡的阿姐好像大家庭一樣，一直都有說有笑，有時候也會跟食客講笑。人多的時候會主動安排座位，不會讓大家看著人家用袋佔位子而一直呆站~

是日有事在中環要辦，完成的一刻已是下午三時多，雖已餓到半死，但和表姐夫二人亦堅持要拖著極疲憊的身驅由國金走上荷李活道，為的就是以老牌茶檔的美食來祭五臟腑。很多年前已知此店的存在，一直也沒有機會光顧，數年前有一次特地走過來但湊巧它沒營業，始終緣慳一面。由中環走過來不算辛苦，店面一如我想像中平實，幾張大摺檯開在斜巷裡，桌上放了一大樽白糖給人自添，大家各坐在一方，向阿姐下單、耐心等待然後動身，感覺自律又和諧。蕃茄碎牛煎蛋牛肉通 $32見它長長的菜單好像什麼也想吃，難得來到一定要試試它的蕃茄湯底，其他配料如腸、蛋、餐肉、鮮牛、雞翼、豬扒等基本上隨你配搭，彈性甚高，每個人都可以根據自己喜歡的作個人選擇。米粉已賣清退而求其次點了通粉，有別於公仔麵的蕃茄湯，通粉的蕃茄是完全煮爛融入在湯底內，味道微酸天然；鮮牛肉沒多添加化學成份去醃製，薄切不會有嚡口；焦香的鹹牛肉炒蛋是你我能想像到的味道，不過不失。牛油檸檬汁蜂蜜脆脆 $13一個比掌心大一些的豬仔包切半再切半，烘得金黃，面頭的牛油檸汁油油亮亮的，甚為誘人。拿一件放入口，豬仔包十分十分的香脆，檸檬和蜜糖什麼時候也是好朋友，味道甜甜酸酸的調味得宜，簡單味美

剛剛去完海事博物館窺探香港舊史，外面下起微雨，我執意行到荷里活道，可能會有些特別不同的感覺本來是要去尋找cozy的餐廳，最後經過勝香園，超級多人，我也忍唔住去湊熱鬧，這馳名的茄牛通、脆脆吸引各地旅客冒名而來，難得呢度的姐姐也可以應付普通話、韓文、英名、日文，睇住中英對照又有圖的menu，落單無難度，適合帶外地朋友一嚐本土美食其實都算是坐在斜坡上，枱都有少少傾斜，看蕃茄湯並不是和水平成一直線就知道。另外，這裡都是自己搵位的，卻無造成混亂，大家都為了茄牛麵而來，為求一位，坐得迫啲都無乜所謂。據講是全茄，所以茄味十足，而且有微微蕃茄酸，唔知用上哪個地方的蕃茄呢? 單看顏色，不算太鮮紅，鮮紅的大概加了茄膏掛，上次食蕃滿門，就是甜茄加微辣，以鮮味來而言，還是勝香園好，加埋碎牛炒蛋，perfect! 另外點了凍奶茶，超香的紅茶，齒頰留香就是這一種，實在不錯! 

勝香園身為香港人未食過勝香園既茄牛麵好似有點脫節，今次終於有人同我入中環食！我地係中環搵路都搵左一段時間，兜黎兜去，行上行落，終於搵到啦！餐廳隔局係大排檔，好正，我最鐘意呢類有feel既地方！茄牛餐肉蛋公仔麵湯底好濃蕃茄味，牛肉都有好多，不過我覺得有啲過酸過咸...可能我麻麻地鐘意食蕃茄啦... 不過我就好鐘意大排檔既風味，感覺自然，一點都不拘謹！勝香園檸蜜脆脆包身烘得非常香脆，外脆內軟！面層佈滿蜜糖同檸檬汁，仲有好香牛油味，係好味既，不過其實屋企都整到！總括來說，我覺得食過就算，唔會特登入去食多次。

與友人到中上環行逛，總要食一食勝香園先滿足！記得以前勝香園係讀書時期食左一次就上癮啦！每次去都係茄牛通，檸蜜脆脆，凍奶茶今次都唔例外，只係星期六去食，要排隊排長龍先食到，但都值得的。

勝香園最出名就係佢嘅蕃茄湯底，而我嘅"例牌"就係碎牛蛋茄通加檸蜜脆豬! 又酸又甜嘅蕃茄湯加上嫩滑嘅牛肉蛋同軟硬度適中嘅通粉，排幾耐隊都值得!!「檸蜜脆豬」烘到外脆內軟，清新嘅檸檬配合甜甜嘅蜜糖，簡直係絕配!!Sing Heung Yuen is always a place that represents the most local HK style dining n provides the best homemade food. Their signature dish beef with tomato broth noodles is always a MUST ORDER. The sweetness and sourness of the tomato is balanced perfectly to create rich but fresh taste. The beef is tender and soft and the macaroni is cooked at the right texture. You just won't ask for more.Anot

係中環循道衛理  皇后大道中一帶四周都有地盤  面貌全非  差距約3條街既勝香園  還能撐多久   呢度每日例牌咁多人  係呢度最重要快  眼利腳快  先位到個位坐低今時今日呢個價錢呢個水準真係食少見少  今次帶了男豬黎食  連不嗜蕃茄的他亦不讚好味  係真係幾唔錯  我每次都係點茄牛通  而佢都跟住我 但加多隻煎蛋  牛肉依舊嫩口  湯底依舊鮮甜  濃郁既蕃茄  啖啖蕃茄味~ 另外點少個檸蜜脆脆 豬仔皮依舊脆身 令我食唔停口  佢既水準依舊~ 唯一不足既係杯凍奶茶落得太多奶  茶香無曬  可惜!!

回到至愛茄牛麵，幸好有舊同事前來等位先，我來到已經有位了。舊同事奇怪我的選擇，不知為甚麼我就是給人印象我不會是坐在這種地方吃麵的人，太睇小我了。受前度影響，其實我最愛的是地道的食物。 每次來都是食通粉，今次轉轉口味，食麵。蕃茄比上次來少了，還好蛋和牛都保持水準。掛住的還有奶油脆脆，超香脆，朋友說比翠華的好吃，當然啦，我就覺得這是最好吃的脆脆。午飯時間如果不是有朋友幫忙前來等位，休想一嚐蕃茄麵，怪只怪這兒太出名。

真的是慕名而至！這裡是一家香港所有飲食雜誌，所有電視節目都推崇備至，香港著名飲食網站Openrice好評過千的一家老式大排檔！！！ 一定要來！沒來過這邊，沒嘗過【勝香園】出品，就好像飲食人生中的一個重大缺憾，就好像沒在香港待過一樣！就像到北京沒去過【萬里長城】一樣！這裡就是【香港現代飲食文化聖地】，還要坐落於中環這個香港中心地帶，來這邊朝聖對我的飲食人生來說不單單是一個選擇，而一個是必須的，是必須來的一個地方！！！這個就是在我到這裡之前，這家老食檔在我心中的一個非常強烈的印象~~~ 小弟對中環小路非常陌生，兜兜轉轉，四處查問，終於在一位運輸老師傅口中探聽出聖地真實所在，經過千辛萬苦，最終找到隱藏在這迷城裡的聖殿。來到這裡時快11點了，還沒吃過早飯，在聖地前已經出現一條長長的人龍，置身此人龍里，時間過得特別的慢，心裡戰戰兢兢的，從內心深處湧出緊張的感覺，對面另一飲食勝地【九記牛腩】的招牌在這邊長長的朝聖隊伍下，也顯得黯然失色。。。。。。越來越接近人龍盡處就越感到那種氣勢，來，來感受一下這種山雨欲來的感覺吧！！！來到人龍的第一個位置，由侍者的帶領下，坐入了這個位置，身處其中，我手在發抖，想

大家好我係食食怪獸monsterEat！第一次品嚐第一個食評！下午茶時段不太多人不用排隊！環境潮人大排檔feel graffiti OK吸引！同普通大排檔分別不大勝在被大部份潮人包圍！眼睛可旅行蕃茄豬扒蛋麵真心冇特別！只係將一個大蕃茄整爛煲碗麵！豬扒中的梳打粉over咗！麵不夠爽一舊舊太硬！太陽蛋冇流心，蛋邊燒焦不是我杯茶！唔係擦鞋華嫂贏佢幾條街！凍央有水準奶茶咖啡份量剛剛好！鎮店の寶-檸蜜脆脆名不虛傳😋😋豬仔包酥烤後淋上蜜糖及檸檬汁，入口香脆，酸甜兼備，食過翻尋味！全部食物$55經濟實惠但由於無什特別短期內不會再來！

一早同男朋友出發 因唔熟中環一帶 兜兜轉轉先見到佢嘅蹤影大概10-11點到 已經排咗一條勁長嘅隊 o咀 原本以為有排等 點知好快就有得坐地嗌野食首先上嘅係鹹檸七同奶茶鹹檸七我覺得好夠味 佢啲鹹柑桔應該係自家炮製嘅 奶茶奶味較濃 我就中意飲重茶味嘅 中意奶味嘅朋友不妨一試呀主角登場 唔中意食通粉所以同男友嗌嘅都係茄牛蛋面 番茄茸好多 但唔會酸 番茄真係多到好似成隻番茄落去咁 分量頗多 如果同男伴同行又想試其他野 可以兩個人share一個呀！最後登場嘅係檸蜜脆脆同鮮奶混醬多檸蜜脆脆幾乎每檯都有呀 就嗌咗嚟試 有啲失望 可能係因為我淨係食到蜜糖味 反而一d檸檬味都冇鮮奶混醬多反而比想像中好食 但我嫌醬略略不夠 如果多啲會更perfect兩個人食咁多野好似都係101 覺得抵亦都終於試到啦