勝香園

营业中

休息中

最地道既港式食物點少得係中環遠近馳名既勝香園呀！每次去都大排長龍架！雖然環境一定及不上普通茶餐廳，不過就係係街邊食先有一種另類風味。首選就梗係要叫佢地既番茄通同埋我最愛既檸蜜脆啦！唔好睇佢個樣好似平平無奇咁，其實湯底非常濃郁！仲有大量既番茄蓉係底架！我叫左餐肉煎蛋通，煎蛋裏面仲保持住流心，好正！而亮點就係個檸蜜脆啦 麵包烤到非常香脆，加上滿滿既蜜糖，略帶微微既檸檬酸味，真係可以一個人食兩份呀哈哈！食完重口味既番茄通同檸蜜脆點少得飲個凍冰冰既鹹檸七呀！可以見到佢分量好多,鹹味都好重，非常開胃。超水準既食物而且價錢非常相宜，難怪每日都大排長龍啦！

其實很久沒來勝香園，一來怕排隊，二來怕坐得唔舒服。印象中，她的蕃茄湯還是可取的。憑著這印象，我願意冒著唔夠時間食晏的風險來食她。等了又等，等足半個小時，才擠進那狹小的空間。縮埋雙膊，深怕一不小心撞到隔離。食物望到頸長終於到了，拎起筷子夾起小一束面，送進口中，我失望了。又一間街坊老店的逝去。拎起脆豬咬一口，還好，尚脆。最後，喝了一口奶茶，覺得這頓已經差不多。我默默地完成桌上的食物，然後叫阿姐埋單，與勝香園道別。

雖然食物賣相唔算特岀，環境唔算舒服，服務唔算最好，但勝香園總系會有種令人心血來潮，想衝去食碗茄牛麵/通(加見下啲姐姐)嘅衝動(特別星期六)。食物離不開都系最岀名嘅蕃茄喇。本人每次都系例牌要個蕃茄鮮牛肉通粉/麵，再加個檸蜜脆脆同杯咸檸七(本人最愛)。男朋友就一定會叫蕃茄碎牛炒蛋麵，話個碎牛蛋勁好味，再要杯凍奶茶。個檸蜜脆脆真系好好食，冇得唔叫。檸檬加蜜糖加牛油系個脆脆豬仔飽上面，嘩，唔系唔九秒九食咗佢呀。脆脆上面嗰part就鬆脆啲，但本人prefer食低嗰part，因為啲醬滲得入個飽度多啲。除左野食好味，價錢相宜，鍾意食勝香園其實仲因為啲人情味。姐姐可能好似好趕好惡，系咁要你落單，但其實佢地都好可愛幾好傾，有時仲同你講下笑，幾開心，排下隊都抵喇。但記住，星期日唔好去，唔開，完。

這家大排檔很有名啊 有一次雙休日來 排隊太長就放棄了 週一早上去還好人不多 服務員很體貼 知道我和朋友一起吃 多給了一份餐具#番茄牛肉麵 據說番茄餐是特色 番茄味確實很濃 牛肉嫩滑不過量不是很多#奶咖央占西多士 烘烤得很脆 上面的料沒有特別的驚喜#檸檬蜜糖脆脆 很期待檸檬和蜂蜜的結合 酸酸甜甜 配上酥脆的豬仔包 太好吃了#檸檬七喜 看到評論說有些人不能接受這個味道 但忍不住躍躍欲試 還是很符合我口味的 比七喜更加清爽 鹽激發了檸檬的刺激感覺可能是因為期待太多了吧 其實整體水平和略好的茶餐廳也差不多 來這裡吃 更多為了懷舊體驗一下大排檔但感覺吧

與好友一同午飯，朋友介紹食呢間有名的蕃茄湯麵，午市時間好多人(中環咩餐廳都係滿滿食客），等了約15分鐘左右，本身想食米粉，原來午市時間無米粉既蕃茄腸蛋通，$28腸蛋無咩特別，湯底幾濃蕃茄味，仲食到啖啖蕃茄蓉，通粉份量岩岩好比女仔食，大排檔形式，環境比較適合冬天補充:希望侍應阿姐態度可以改善一下，第一次去食唔知午市無米粉，換來比侍應阿姐鬧

今日去試試勝香園，好出名既茄牛麵。過左午飯時間我先黎，所以唔洗排隊。最後嗌左碗茄牛蛋麵黎試試。碗麵的確好多茄肉o係裡面，酸酸甜甜咁，幾易入口；而牛肉都算比得多，隻蛋煎得比較乾；麵就煮得軟硬度適中啦。整體黎講OK 既，不過未至於傳聞講到咁誇張，普普通通咁啦。

早已聽聞過勝香園的茄牛通，今天終於有機會試試。一如所料，遠處已看到人龍了，不過幸好今天一個人來吃，等了五分鐘便入座了。我點了茄牛蛋通和凍奶茶。茄牛蛋通———老實說，原本我不太喜歡番茄味，總覺得會很酸。但勝香園的番茄湯底確實非常出色，啖啖新鮮番茄肉，很鮮甜卻不太酸，連我這個怕酸的人也覺得很易入口，很好吃呢。牛肉也不錯，不會煮得太老；通粉沒什麼特別。奶茶都很不錯，有茶香，不會太甜。原本也想吃蜜糖脆脆的，可是已經太飽了。

上星期睇雜志有介紹話中環果間勝香園食左個番茄牛肉通粉，話好好味，今日中午剛好要過果邊攞返份文件，就打算順便過去試下系咪咁好食喇，我又比較中意食番茄喔，去到都要等位，環境就同一般茶餐廳感覺差唔多，不過都有幾多人系度食，要排隊喇。我見好多人都系點呢個番茄牛肉通粉，我都點呢個試下，應該系招牌菜。成個湯底都系紅色，可以睇得出落左好多番茄落去煮，好重料，個湯酸酸甜甜，好好味，牛肉分量都算多，又煮得好嫩，番茄嘅酸甜味加上牛肉，好好味，通粉吸收左D番茄汁同肉香，成碗粉感覺都可以。呢度仲呢個比較特別嘅香脆脆，我點左個檸檬蜂蜜香脆脆，原嚟系面包片兩邊涂上檸檬汁同蜜糖，酸酸甜甜，又香脆，口感都幾好，唔錯，其他地方好似唔見有呢個小食，可以值得一試。

是日放假，同朋友去AIA遊玩，出發之前緊係去中環覓食喇 今次從半山自動行人電梯天橋上去，再經結志街橫行，這樣到達較為輕鬆！ 來到目的地了，差不多OFFICE LUNCH HOUR，把握時間等位 蕃茄鮮牛肉腸火腿蛋麵+凍咸檸檬七喜 $50終於坐低叫左野食，一如以往，蕃牛係必備嘅，才是來嘅原因。幸好呢度配搭夠多，今日貪心，叫最多嘅配料，亦飲杯檸七解渴。等了約15分鐘，都上齊了!試一啖今日個湯底，依然濃濃好香酸蕃茄味，色澤亦好紅，5係好浠個種。而牛肉就少咗啲，但肉質仍然新鮮好食，雞蛋處於8成熟狀態，督開仍然有蛋汁流出，香蛋味，個陣蛋黃濃味，混埋啲湯再吃麵，滋味腸火腿蛋感覺就似早餐裡頭的1碟肉，都不錯，相信選料都係啲本地牌( ´▽` )ﾉ咸檸七都係呢度特色，一早桔好嘅咸檸蓉，而不是俾半舊完整嘅咸檸你桔開，加埋檸檬，一沖七喜下去 整杯已充滿咸咸酸酸氣泡甜味道，多重感覺，好刺激好醒神!下次食埋個麵包類，今次好飽(╯з╰)

於中環美輪街的「勝香園」是碩果緊存的鐵皮檔之一。近幾年有股懷舊熱, 因此每逢有舊式食肆結果便會掀起一番話題。遠近馳名的「勝香園」，每逢周末列必大排長龍。星加坡都是大都會, 但大牌檔這類傳統飲食文化都獲得政府支持可以繼續經營而且吸引不少遊客。香港政府為何不能效法?今日見工後走過來踫踫運氣, 雖然差不多座滿客人, 但不用排隊可以直接坐下。對老牌茶檔, 你不會對它的環境及衛生會有太多的要求, 因為這就是大牌檔的特色! 餐牌簡單, 只有兩張過膠的A4紙。款式都是傳統大牌檔的地道小食，如番茄通粉、檸蜜脆脆、奶醬多及鹹檸七等。<鮮番茄牛肉麵 $26> 鮮紅色的蕃茄湯, 面上有層厚厚而且洁身的番茄, 正正是這裡的特色。蕃茄是用鮮茄及罐頭蕃茄打成的, 新鮮蕃茄的天然酸味加上罐頭蕃茄的人做甜, 互相補足味道。飲啖蕃茄湯, 味道酸甜, 開胃美味。有不少食客都把這個蕃茄湯飲光。湯頭內有不少牛肉, 牛肉沒有醃過，可以食出牛肉的鮮味, 而且牛肉嫩滑。即食麵只是一般貨色, 麵不夠彈牙, 而且煮得不夠淋身有些硬。<熱奶茶 $11> 因用上膠羹, 又沒有碟置底, 賣相只是一般. 味道方

中午的時候自己覺得如果繼續呆在家裡的話，就會真系變成一個名副其實嘅宅女喇，決定自己要出去搵啲野做下喇。勝香園都算系老字型大小喇，環境雖然麻麻，但系豬扒包味道好正，特別的是它中間還夾雜著番茄，表面是脆脆香香的金黃色的麵包，裡面的確實別有洞天吖，豬扒都算好老實，好多的一層肉，不會顯得肥膩，同麵包搭落就更加的夾喇。雖然客人都好多，但系服務都跟得上嘅。番茄牛腩加蛋嘅公仔面，好大一碗嚟，番茄確實是俾其他茶餐廳的味道要濃鬱好多，顏色好鮮豔。牛腩都好大方啫，好多牛腩系嘅面度，價錢好平，爽吖！

今日同同事好即興咁出黎食飯 諗都唔諗就決定要黎勝香園 !因為難得兩個人食, 人少少黎呢度先易d等位..之前曾經無數次大班人黎到等位等太耐走左無食到..lunch時間係無排隊制, 每張枱旁邊都總會見到有堆人企o係度等所以有d混亂...遲黎等o既有可能有得坐低先..都唔使怕, 呢度翻桌率好高, 野食黎得好快只要唔係揀Do岩o岩坐低o既枱 都應該唔使等太耐 (只限人少)蕃茄湯底都算係呢度其中一樣出名o既款式加埋腸仔餐肉煙肉蛋, 同豬扒牛肉雞翼等等...拼湊成三十幾款麵食食埋落肚後就知道價錢係公道 ~~~同事叫o既出名o既咸檸七 $16其實我係第一次試咸檸七 個人黎講接受唔到呢種又咸又酸o既味....哈哈哈哈不過我同事就話呢度真係做得好好飲喇, 加埋見到其他差唔多枱枱都有叫相信識得欣賞o既人真係會好鐘意 ;P蕃茄豬扒通粉 $26豬扒有切開一件件 方便進食蕃茄腸蛋通粉 $26蕃茄味果然好濃, 仲可以食到一件件蕃茄不過望到其他人叫o既公仔麵 蕃茄多過通粉o既蕃茄鐘意食蕃茄o既我決定下次要叫公仔麵!食晒成碗真係好滯.. 食咁多蕃茄落肚都幾飽肚 ~.~熱奶茶 $11 好普通檸蜜脆脆 $13 意料之外幾

2016/01/18第1次寫食評同朋友朝早11點半黎到環境話細唔細 話大唔大見到好多人等位等某客食完走就爭住埋位坐底同埋坐位比較迫 我自己嗌左蕃茄牛肉豬扒通粉凍咸檸七同埋蜜糖脆脆依度即叫即整 等既時間都尚算好因為同時周圍其他枱都同一時間嗌野食黎到急不切待試試湯底好濃郁蕃茄味👍👍帶有輕微酸性但相當唔錯😋牛肉同豬扒煮得比較淋 肉感鬆化 入口容易👍咸檸七好飲👍蜜糖脆脆 反而有少少美中不足對我黎講麵包有些少硬左 不過都唔緊要價錢都合理整體感覺唔錯有時間既話我會選擇返去再食 👏👏👏👏👏

食慣左龍肉都會無味嘎，所以我定期都會嚟大排檔吖，茶餐廳食翻啲平民早餐，食噶系呢度噶氛圍。而且又平又抵食，何樂而不為呢 豬扒脆脆好味，入面包住一大舊番茄同埋一大舊豬扒，外面噶麵包真係脆脆地，將軟熟噶豬扒同脆脆噶麵包一齊食，口感好豐滿。 番茄紅腸通粉，唔好睇佢成碗野紅黨黨咁，以為佢落左好多辣椒醬喔，其實佢食落去系酸酸甜甜嘎，好特別 麵包上面加左少少蜂蜜同埋檸檬汁，酸甜交加，好正！ 食左咁多包，肯定要嚟翻兩杯檸樂吖，檸七濕濕個口啦。檸檬味十分充足，汽水亦好夠氣

露天、無冷氣、唔太乾淨、迫、熱情姐姐，一切環境與其他香港苟然殘存嘅大排檔無異但坐落就同其他大排檔感覺完全唔同，隔離無飲啤酒嘅背心阿伯、無賭馬嘅爛口阿叔，反而係著恤衫長裙嘅「偽」文青 、穿戴Chanel嘅外國遊客，呢班人嚟到咁嘅環境，倒有好似紆尊降貴，微服出巡嘅一副光景。見對面操住一口流利英語貌似新加坡華僑的白衫婦人，似係初到香港旅遊，即管一試傳說中的道地香港美食，佢輕吮一口咸檸七，然後眉頭一皺，瘦身男心裡好笑，看來香港口味也不是人人欣賞。咸檸七係90年代嘅產物，又甜又咸又酸，開胃生津，便宜、混種、好味、無里頭，又好似香港。瘦身男吮一口呢款已經買少見少嘅道地飲料，舌頭間一陣難得的清爽，正！  但係瘦身女就唔係咁欣賞，就揀左凍奶茶，奶香比茶香重，不過不失。西多同檸蜜脆豬合乎預期，後者比較特別，係大排檔環境下食，總係特別好味！（不過瘦身男女食開有個地方質素比勝香園重好食啲，有人想知再講）最令瘦身女決定一定再到就係呢個蕃茄碎牛煎蛋通，瘦身女係不問瘦身男底下，自己決定叫蕃茄碎牛煎蛋通，並非一般人黎潮拜既茄牛通，但係絕對令瘦身男瘦身女相當滿意，碎牛煎蛋真係好正，牛味好出，個湯仲好足料，多好茄肉