勝田牛舌專門店

营业中

休息中

駿業街熟食市場藏驚喜😍🔥這家主打「仙台風 牛舌」的日式小店「勝田。牛舌專門店」。午市晚市同價$98食到180g厚切牛舌set‼️環境乾淨企理，吸引不少附近上班族。餐廳主打「仙台風燒牛舌定食」，午市和晚市同價，性價比極高！定食包含主食，麥飯，溏心蛋，沙律。仲可以+$20升級套餐，有一款小食+飲品。🍱仙台風燒牛舌定食標準定食包含120g 厚切牛舌，而「極尚版本」則升級至180g，份量更滿足。牛舌經過炭火烤製，外層微焦脆口，內裡保持柔嫩多汁，非常適合送飯。🍱牛舌肉躁配薄燒牛舌定食創意雙重享受！將慢煮牛舌切碎製成香濃肉躁，搭配薄切燒牛舌，一次過體驗兩種不同口感。肉躁香濃入味，薄燒牛舌口感爽脆，配上麥飯簡直絕配。🍢特色小食除了招牌牛舌，這裡的小食也很有驚喜！「牛舌薯餅」外皮酥脆，內餡是綿密的薯蓉混合牛舌肉，口感豐富。「港式牛雜」是意想不到的跨界組合，滷得入味的牛肚、牛腸和牛腩，濃郁的港式風味！📍勝田。牛舌專門店觀塘駿業街67號駿業熟食市場1樓42號舖

最近我來到位於駿業街的勝田牛舌專門店，這裡專注於牛舌料理，讓我迫不及待想要試試。他們的「極尚仙台風燒牛脷伴蕎麥麵」真的讓我大開眼界！牛舌在炭火上燒烤後，散發出誘人的煙燻香氣，肉質柔嫩，外焦內軟，搭配清爽的蕎麥麵，簡直是絕配！每一口都讓人感受到牛舌的鮮美，真是味蕾的享受。接下來是「法式紅醬牛舌午餐定食」，色澤誘人，紅醬的香氣一上桌就撲鼻而來。牛舌浸泡在濃郁的醬汁中，吸收了所有的風味，吃一口就像在享受一場法式盛宴！搭配的白飯吸收了醬汁，每一口都讓人陶醉，讓我不禁想再來一碗飯！還有唐揚魷魚圈，外脆內嫩，令人一口接一口，搭配自家特調的醬汁，香脆的口感相當過癮。最後，牛舌薯餅更是讓我驚喜，香脆的外皮包裹著軟滑的內餡，牛舌的味道和薯餅的口感相得益彰，讓人忍不住多吃幾塊！整體而言，勝田牛舌專門店是一個讓人放鬆心情的好地方，食物的賣相、香氣和味道都非常出色。每一道菜品都能讓人感受到用心，真心推薦給每位喜愛美食的朋友！😊

LUNCH TIME又發掘到好嘢 駿業熟食市場有好多小店 今日試呢間新開無耐專食牛舌嘅專門店 唔係講笑 牛舌同小食嘅價錢都真係幾抵食 而且都好食 有吉列牛舌 大根炆牛舌 咖喱牛舌 法式紅醬煮牛舌 仙台風燒等 當然除咗牛舌都仲有其他選擇 例如鰻魚飯 三文魚 慢煮雞胸 香煎魚柳等 今日我同同事直接試最貴嘅果個 🥢極尚仙台風燒牛舌180g $98 估唔到又睇得又好味 牛舌好爽脆 正常份量120g其實都係$68 仲配麥飯(健康飯) 溏心蛋一隻 同沙律菜一份 🥢港式牛雜(牛肚,牛腸,牛腩) $25 牛雜3款我都鐘意 煮得夠腍 🥢雞皮餃子 $25 一份有4隻 即叫即整熱辣辣 味道剛好 🥢唐揚魷魚圈 $25 我覺得呢個好抵食啊！份量夠多之餘仲要真係好味 唔會因為價錢平就揸流灘 出面餐廳閒閒地都$3X $4X 🥢牛舌薯餅 $28 一份有2件 咬落香脆而且有拉絲 值得一試 飲品可樂雪碧呢D基本上都係$8 泰式樽仔奶茶都係$8 我哋今日瘋狂食都係$287 外賣自取仲有9折 牛舌愛好者衝得😆

觀塘既駿業街熟食市場一直都備受該區既打工仔歡迎👏🏻皆因裏面集合多間各國美食，而且價錢合理 非常抵食🤑今次我地就係呢度揾到一間以牛舌做主打既餐廳，呢間「勝田牛舌專門店👅」隱身係熟食市場既上層，除左有兩款主打既牛舌套餐，仲有幾款健康餐 有魚有肉，每款定食配埋麥飯/蕎麥麵都係$48起！真係超抵食🤩🖤仙台風燒牛舌定食 (極尚)鐘意食牛舌一定要試❣️真係超好味😋牛舌夠晒厚！爽口得黎一ᴅ都唔韌！極尚sɪᴢᴇ有180ɢ 絕對滿足到牛舌癮😆🤍吉列牛舌配牛舌薯餅定食牛舌薯餅好香脆，食落有一絲絲牛舌口感，吉列牛舌都好唔錯，比燒既口感腍身ᴅ 外脆內軟，兩款都好特別 值得一試🫶🏻而且份量都好多！🖤雞皮餃子雞皮油香十足 外皮酥脆，內饀飽滿之餘軟嫩多汁❤️🤍唐揚魷魚圈魷魚炸得金黃酥脆，非常香口惹味🤤雖然小店係街市既熟食市場內，但衛生環境算乾淨企理👍🏻而且店内冷氣充足，以咁經濟實惠既價錢黎講絕對值得一試🫶🏻

68蚊食到個牛舌定食😳放眼香港18區都絕對係超值Menu有五款牛舌定食最搶眼係仙台風燒牛舌原汁原味直火炭燒牛舌炭燒感算強烈冇燒到全熟保持爽脆多汁我覺得考慮埋價錢係高分嘅～另外4款嘅個人喜愛度排名係大根煮、咖哩、紅醬同吉列牛舌定食雖然冇嘢飲但就跟個沙律&麥飯係仿照仙台嘅傳統組合不過如果有埋個牛尾湯就更perfect！駿業街熟食中心喺觀塘區返工都一定喺度揾過食好似冇涉足發覺多咗好多小店餐廳雖然話係街市但so far 覺得衛生環境尚可間間餐廳都係細細哋嘅舖位但等入座同外賣嘅人仍然多價錢經濟外感覺都有唔少係卧虎藏龍

#觀塘美食 駿業街熟食市場✨打工仔飯堂😋午餐抵食又好味‼️招牌牛舌👅好吸引🤤早幾日喺觀塘約朋友一齊食飯，搵到呢間勝田．牛舌專門店，餐牌嘅牛舌非常吸引我😍價錢更加吸引，午市套餐$48起必食推介⭐🐮👅仙台風牛舌定食厚切炭燒，灑上芝麻好惹味，唔會燒到好乾，肉汁滿滿👍🏻👍🏻🍜冷蕎麥麵口感爽彈❄️天氣熱熱地食好正！🐮👅吉列牛舌配牛舌薯餅定食厚切吉列牛舌3件+牛舌薯餅1件，每件都好大舊，份量十足！，牛舌香濃，外脆內軟好好味🍱定食可配飯🍚／蕎麥麵🍜仲有一碟蔬菜🥬、溏心蛋和飲品🧃好豐富！$58真係抵食到爆💥除咗有牛舌，都有幾款健康餐都只係$48起，有魚有菜，包飲品‼️另外有多款小食，雞皮餃子脆卜卜，牛雜好大碗呀！外賣自取仲有9折，返工食飯慳錢之選💼地點十分方便！堂食店內冷氣充足，整潔企理💯係附近返工嘅朋友仔，值得一試👍🏻

鍾意食牛舌嘅一定要嚟試吓佢嘅主打菜式：燒牛舌，好好味！😋😋😋燒嘅熟度剛剛好，牛舌好嫩，一啲都唔韌，好爽口，又夠厚度，好有口感。$68蚊仲有糖心蛋一隻，糖心蛋都唔錯👍🏾沙律菜落咗柚子沙律醬，正正常常不過不失以$68食一個牛舌套餐嚟講，都算係好抵食！另外牛舌薯餅都好值得一試！一啖咬落去好香脆，入面嘅牛舌會拉絲，好感都唔錯。泰式奶茶(+$8)就好一般，偏甜，唔係即沖。但牛舌就好值得食😋😋😋

今日返工趕時間點外賣初嚐呢間牛舌拎完外賣都隔左超過半個鐘先食但依然好好食👍🏽牛舌好厚啦佢的飯應該選用左日本米米好飽滿👍🏽所以我好推薦呢間餐廳由於我係外賣，埋單仲有得9折❤️

睇社交平台介紹見呢間係駿業街熟食中心除左牛舌之外仲有健康餐雞胸都只係$48 非常抵食👍🏼香煎挪威三文魚 ($58)可以揀飯或者蕎麥麵 我揀左蕎麥麵份量比相像中細 男士應該會唔夠飽飯盒分左4格 1格三文魚 有兩小件煎得幾香 不過都有點鞋 味道都ok另外1格有蔬菜 西蘭花同車厘茄 正常之後有一隻溏心蛋 好入味 最好食最後就係蕎麥麵 完全冇味 好寡😟但整體都算好健康 價錢相宜😎另外叫左個泰式咖啡 ($8)係樽裝 唔知係比錯定咩 飲落完全係泰奶正常味道 冇咩特別🆗

觀塘熟食市場竟然有如此高汁牛舌餐， 連埋小食、飯及蔬菜只是$88（散叫$68）， 白土桃梳打竟然是來自日本！ 出邊食牛舌起碼$150以上， 熟食市場不要講究環境了。佢哋仲有啲更加平嘅餐，有機會再嚟試試。

如果你為牛舌而來，絕對不會失望，只會覺得唔夠喉，份量頗細，咁優質嘅牛舌如果多番兩件，事情可以完美好多！不過可以讃嘅就係咁多喇！其餘所有都係唔太好⋯1）何解要強調仙台風呢？沒有山藥泥，其實可以嘅，仙台亦不是所有燒牛舌店免費提供，但加錢叫一定有囉！最緊要係碗蔥絲牛舌粒清湯，任何一間仙台燒牛舌定食都係必備，如果唔能夠提供，何必強調仙台風呢？直接日式燒牛舌仲好啦！2）極差的時令蔬菜😱首先西蘭花粟米仔係凍嘅，而且係一粒鹽都冇淡茂茂，特別近期天氣寒冷，一啖咬落舊西蘭花，真係心都震埋😖，蔬菜亦冇好好隔水，成碟嘢水汪汪！好彩溏心蛋做得唔錯，加番唔少分。3）吃不到牛舌碎的炸牛舌薯餅其實炸得好好，唔肥膩亦炸得很脆，不過完全咬唔到牛舌碎，同佢網上介紹有嚴重分別！早知就唔加錢食啦。今次食評係比以往嘅尖銳少少，因為覺得牛舌做得咁好，比週邊嘢影響扣咗分真係唔扺，希望店家加油啦！

減緊肥嘅我，一直努力係觀塘尋找健康餐，又要平又要健康嘅選擇不多，所以食嚟食去都係連鎖快餐店。最近去街市覓食嘅時候見到有新餐廳，就比佢嘅健康餐吸引到，價錢嚟講都算好平。 於是今日做完運動就去試吓，原來而家外賣自取仲有九折，真心好抵👍雞胸唔算好大嚿，未算好嫩滑，但都唔太差，調味適中，比起連鎖快餐店冇咁鹹，雖然叫做健康餐，但我覺得配菜同埋蕎麥麵都可以多少少調味，因為旁邊啲菜係一啲味都冇😂蕎麥麵就有少少味，不過我本身食得清淡就可以接受，但一般人嚟講應該都會覺得無味，不過溏心蛋十出色好好味，希望餐廳可以調整吓味道，配菜都可以加番少少鹽胡椒調味。雖然食健康餐，但都唔使完全冇味😂不過佢性價比真係幾高，絕對會再食。朋友試咗煎三文魚餐，呢個好味👍佢仲有得WhatsApp提早外賣自取，適合返工人士趕時間可以落定先🙈