影片
以上资料只供参考，请与餐厅确认详情
成日收工行过，都好想试吓，今次终于可以试一试！我叫咗一个冬阴功酱嘅炒肠粉，配午餐肉鸡粒配洋葱炒，再追加一份四件嘅炸烧卖。炸烧卖，确实唔错。至于个肠粉，先唔好讲味道，呢一盒嘅size我俾咗total $69 ，以份量嚟睇，确实系唔系太抵食。但味道嚟讲，冬阴功酱确实系啱我口味，只系我家$6去配个洋葱去炒，最后见到嘅只系四五条劲幼身嘅洋葱丝，鸡粒同午餐肉都切到好细粒好细粒，对于我想有个好满足嘅晚餐，食完真系唔系好够饱，但味道确实好啱我呢个重口味嘅人。
继续阅读
见到大围火车站附近开新小店，有炒椰菜花饭，够健康，即试！拣了榄菜、三文鱼、葱芫荽做配料，味道平衡做得好好，好钟意！估唔到炒椰菜花饭都可以咁好味🥹😋今晚再光顾，估唔到店主认得又记得我上星期帮衬时病到失声，用气声叫外卖😅，竟然送我热柠蜜润喉… 超级窝心！感激系经济环境不顺之下，仍然咁有人情味嘅小店❤️😇多谢呀🫶🏼一定继续支持💪🏼💪🏼
继续阅读
收到𠮶一下见到盒嘢已经觉得自己中伏𩠌菜份量好少$51整乌冬加肉碎一两粒成盒嘢淡而无味配菜都少过人 冇谂过食当面都可以咁出事….真系食到我好唔开心佢连味都要收钱即系如果你想要其他口味有豉油嘅话要加钱有个最低消费系$35 逐个选项嗌一样嘢系唔会过所以你要再嗌嘢
继续阅读
呢间餐厅嘅炒饭真系难食到极点。成碟饭炒完仲系一旧旧冷饭，完全冇松散嘅感觉，食落去好似啱啱从雪柜拎出嚟咁。炒饭竟然系用电磁炉炒，完全冇镬气，冇晒灵魂，食落去只系盐味加咗啲𩠌，完全唔值E个价钱。炒饭系一个好基本嘅菜式，但呢度嘅表现简直系侮辱咗「炒」呢个字。至于佢哋嘅炒通心粉，真系连「炒」都不如。啲通心粉根本就系「捞」完算数，冇任何高温爆炒嘅痕迹。粉质又软又烂，冇咩口感，加埋肉碎同泰式酱油，味道单一到令人怀疑系咪即食面包装拎出嚟改造嘅。讲真，呢间餐厅嘅厨师好似完全唔识基本嘅煮食技巧，食完只会令人激气。除非佢哋肯正视问题改善出品，否则大家实在冇理由再俾钱光顾。
继续阅读
买个全部都系肉炒饭 自取返屋企食。本来满有期待入到去小小的舖头 员工零笑容至于个饭 😢D饭粒又硬又干，劲难吞。成个炒饭又无味。好彩仲有D鸡粒同叉烧粒正常可以入口唔系嘅话 我真系想直接掉左去嘥晒D食材
继续阅读