勁之味 (已結業)

有時抽起條筋會突然好想食雞蛋仔！上次食過旁邊心思思嘅雞蛋仔，唔掂！週日早上喺附近，見到小食店又想食雞蛋仔，今次試下勁之味，點知都係唔好食…雞蛋仔 $12等左一陣已經到手，上手熱辣辣，唔會一用力就散哂。但聞起黎完全冇香味…色水都偏淡。食落冇蛋味，蛋漿中相信加左唔少糖，基本上只係食到糖嘅甜味，但都算脆口。雞蛋仔裡面好怪，好似未烤熟咁，有少少糊口好sad，以為隔離唔好食，呢間平時幾多人買會好啲…但都係唔好食。呢頭有冇好食嘅雞蛋仔……查看更多

某日收工番到黎華都，口痕痕想搵啲野食下。早一日試過轉角位嘅小食店，雞蛋仔完全唔掂，所以我當日決定食番比較多人等位嘅呢間勁之味。揀黎揀去都唔知食乜好，咁啱男朋友打黎，選擇困難症將個波交左俾男朋友，佢叫我食撈麵。曾經有一段時間好沉迷撈麵，結果持續食左兩星期 (當lunch食)，肥左好多，所以而家好少再食。魚蛋撈麵 $14正常價錢，麵都存煮得太腍身，醬汁都冇慳住落。食撈麵點都係重口味野，所以食完口乾乾都係正常，已經唔算好鹹。魚蛋我就叫左辣嘅，不過就唔係好夠辣，都係普通港式魚蛋。…查看更多

話說今日行街搵下野食都知華都小食多見到最顯眼既鋪就試一試見到有大板燒，就有點驚喜就叫一份雖然佢都講到明得椰菜，蟹柳但見到實物後超級料勁似起茶樓食果d薄餅咁薄⋯菜好少呢種*食物*五可以叫大板燒只能叫做薄餅⋯雖然18蚊姐，起屯門黎講算係貴仲要食水深咁其他小食睇落都ok既但咁樣整佢既大板燒既話真係好昆咁醬汁係無問題但個厚度就真係差好遠令個口感都差好遠真心早知18蚊食呢d，咁我寧願食其他好過真係伏到喊出黎呀⋯…查看更多

我平時有買勁之味雞蛋仔來吃,剛過去星期三在放工後去了華都内美甲店整甲,整完甲之後經過勁之味 ，勁之味在3月時候搬到隔離大鋪，上手都是做小食，實在不好味最後做不住,另外一個原因勁之味比較好吃,今次買了腸粉餐(魚蛋6粒)25元+夾仔餅(12元揀了練奶)，勁之味在華都有10元,我覺得它不比旺角肥姐差，甚至覺得好過肥姐,這裡不用排隊太耐,夾仔餅稍為淋咗些小，它是熱辣辣新鮮制做,夾仔餅味道都OK ,腸粉好簿好爽口，豉油又不是太咸，腸粉好好吃,魚蛋就細粒,魚蛋的口感又幾好 ，它的小食保持到水準，價錢不是好貴，服務就一般味道腸粉,腸粉皮好薄好爽口魚蛋，採用細粒個隻，魚蛋口感又不會太老,味道幾好夾仔餅稍為淋佐些小，它是即做即制,新鮮熱辣,我覺得味道一般環境比以前大咗，看上去乾淨企理服務我覺得一般價錢未搬前平Ｄ,搬到隔離後貴了2-3元左右，需然貴咗 ，水準保持到…查看更多

話說我媽很喜歡吃雞蛋仔，所以我決定要搜尋屯門區好吃的雞蛋仔店. 無意中讓我得知華都商場有間小食店，當中的雞蛋仔有很多好評，決定要去一試.根據Open Rice的地址，我把華都商場2/F反轉了都搵唔到，唯有放棄. 再過幾天，我又再經過華都，我不服氣，我一定要搵到你出來為止. 我又將成個2/F反轉，足足行左2次，都搵唔到，想去問問商場職員，怎知站崗位置沒人，再過10mins依然沒人回來，我都不知為甚麼，我居然會落1/F搵，當我落一層，成間勁之味就在我眼前，真是沒想過地址居然是錯的，是誰打錯地址累我搵餐懞!!!!!!!見到小食店外放有不少花牌，得知小店最近擴充營業，走廊位置放有2張摺枱，讓客人可以坐着吃，方便一點.雖然小食款式很多，但是為了雞蛋仔而來，所以別的也不點了，來一客雞蛋仔最實際.雞蛋仔 ($12)一底雞蛋仔售$12，我不知算貴還是平，因為家中只有我媽愛吃，而我則只會在她買是吃2-3粒而已. 即叫即製的雞蛋仔，當然是新鮮熱辣的，不過就不夠香脆，是偏向軟身的雞蛋仔，但就相當實在，不是只有外殼而沒有內涵的那種. 咬下去軟綿綿的，不過經過雞蛋仔專家 (我媽)的試味，說水準只是一般，還不及寶湖花園內的小食店出品. 不過沒辦法，沒理由為了一底雞蛋仔而回大埔吧! 屯門屯利街1號華都商場2樓6225 5989…查看更多

一直都很喜歡食雞蛋仔, 但愈來愈少地方有近年只是係新年時在良景街市對開買到, 當時大排長龍 想一再回味雞蛋仔, 找到華都這間店放工時間, 大家都在這裡買小食款式很多, 炸 蒸 煮 烤都有!!!雞蛋仔($12)是即整的, 大概5分鐘, 再用風吹吹就交到我既手上拎上手, 熱辣辣 食落脆卜卜, 好有蛋味, 好香 [[之前食過好像蒸, 淋既雞蛋仔, 真係驚驚地]]如果個蛋漿多少少, 更實心的會更好 太好味, 小朋友都搶住食, 好想再食多一底 …查看更多

呢間小食店我估有10年都有，由之前格仔舖，暑假變左mk二手書店，但唯獨呢間都無乜變。由小學食開始時，起柏麗補完習之後就會去華都行，一定會買隻炸雞脾食。雖然佢呢到d炸雞脾係預先炸定，之後再放落門面個保溫箱，奇就奇在每一次食既時候，咬落個皮都係脆的，而且雞肉都係嫩滑的。可惜價錢越來越貴，而且同層亦都好多小食店出現，我明白係無辦法之中既辦法。希望佢仲可以長做長有，有得食佢隻雞脾內好好味既雞蛋仔。…查看更多

以前華都好出名食雞蛋仔格仔餅,,細細個一到放工放學時間一定大排長龍,,當時仲要賣5蚊喳...時至今日,,要搵到咁低價錢嘅雞蛋仔已經係無麥可能嘅事,,依家普遍市價都係十幾蚊,,既然食得咁貴,,梗係要搵檔好味嘅黎食,,我自己就幾鍾意食呢間嘅雞蛋仔,,放左工就會黎呢度獎勵下自己,,呢度嘅雞蛋仔係即叫即做,,十份足料而且時間控制得好好,,能夠做到外脆內軟,,呢種脆唔係硬,,而係擺係手大力少少都會碎果款,,最重要係每一粒入面係實心的,,每食一粒都好有滿足感,,D雞蛋漿熟得剛剛好尤其佢新鮮出爐熱辣辣咁遞上黎食,,好香佢嘅味道值得我去俾錢買同埋等…查看更多

雞蛋仔(12元)即叫即做,十分新鮮，等了5分鐘，真是熱辣辣，雞蛋仔十分香脆，十分金黃，好好吃雞蛋仔區區都有，分別在於好唔好吃，早年利强記在屯門曾有分店,真的不好吃，紅磡媽咪雞蛋仔亦有吃過，地點太遠了,要吃好味雞蛋仔不一定要去旺角/紅磡等，今日吃完午餐之後去了勁之味買雞蛋仔,勁之味店員亦好靚仔呀，我買了一底來吃,勁之味雞蛋仔就是即叫即做,我覺得好好吃，12元貴咗些小，可以接受，雞蛋仔好重蛋香味,口感好脆，店鋪細細,小食種類好多選擇…查看更多

今日經過華都聞到勁香嘅味！原本天氣咁熱唔多想食嘢都忍唔住要試下，叫左香到震嘅招牌雞脾，好多肉汁又皮脆，雞皮完全無肥膏！勁！另外重叫左個雞蛋仔，外脆內軟，重係即叫即整，真係好難得！…查看更多

碗仔翅好多料~咖哩魚蛋有隻秘製咖哩汁點好正炸雞脾炸到好似炸子雞咁!!正…查看更多

我去屯門就算唔肚餓都一定要去勁之味食佢既招牌勁辣魚旦,懷舊雞旦仔, 新鮮豆漿, 食勁辣魚旦我一定叫腸粉, 因為佢地d汁真係好好味, 腸粉点d辣汁真係一流,>w< 我老公就鍾意食粉仔, 炸雞比, 珍珠奶茶, 撈面,糯米糍等等, 一家大細食完都可以當一午餐, 每人大約$20, 三個字講晒抵到爛>3<…查看更多

我去到屯門, 就算唔肚餓, 我都一定會一家大細去勁之味食佢旣招牌勁辣魚旦 ,懷舊雞旦仔和鮮豆漿, 好食唔在講, d招牌勁辣魚旦佢唔係一般辣魚旦得個辣字, 係會令你食完d魚旦, d汁都想飲左佢, 所以我食魚旦 一定叫腸粉撈汁食, 佢地除左尼d嘢食外, 重有我老公一定食腸仔, 珍珠奶茶,炸雞比, 撈面等等小食, 真係叫叫吓當食左個午餐都得, 價錢都係每人約$20, 一個字勁平, 勁好呼, 哈哈 >3<…查看更多