加州紅 Green Box (已結業)

22/7今日同家姐妹妹係九龍灣由一點四十分唱到四點三十分.現在任飲,最弊無樣好飲,下午茶$10 至於野食點了龍蝦丸公仔麵.唔好食呀!個麵好差.食到想嘔西多士:幾好味炒飯,唔好食,好多師父服務一些人幾好,一些就差啦!

上星期,我同班fd一行六人去食k buffet我地6:00pm去唱,佢俾我地唱到9:30pm之後佢俾左間好細ge房我地,我諗係平時俾三個人個d房咁都算la,出去見到d野食真係眼都突埋,只係得8種野食,連甜品、雪糕、湯都冇個d意粉只有一盤,仲要係極難食其他野都係d好普通野,例如腸仔、菜、雞肉,但係都係好難食一d好食ge野就出左一兩次就唔出d野食真係極度唔得lor不過好彩可以唱耐d,過左鐘都冇cut我地,呢個係佢唯一ge優點,可能係因為冇咩人la,我地唱到成12點

前晚同朋友仔一班朋友黎唱k一行八人不單止要迫o係間好細既房而且service又唔夠快手叫飲品都要等三四個字先有再叫d小食選擇少又唔好味其中椒鹽雞翼炸到硬掘掘其他芝士腸,咖哩角,魷魚都好油墨魚丸d汁太甜全部都唔得如果唔係朋友一早去左一定唔會再去p.s.家樂分店

這裡的食物很難吃。選擇不多，又不好味。野飲又唔掂!!!!!

8pm上去唱k,$72(arround)連K buffet,由於係落左11/f,要等到夠10間房先有buffet~d款式好少,都係菜呀,fishball個d~嘩~一食真係不得了!d mushroom係白烚,好淡!d fishball係"林"既,d味又好似怪怪地!個排骨唔知用咩汁整,好似發臭咁,d肉好霉,一食就知係變壞左!最好食既係d菜.......我都未試過k buffet食咁多菜......真係好難食!NEWAY真係好食好多!起碼甜品款式已經比greenbox既主菜多好多!另外drinks係self-serice既,都係coke個d,冇咩唔妥~btw,waiter既態度都幾差.....問下佢野je,一輪咀咁講又細聲,由頭到尾都冇正面望我一眼,都唔識咩係禮貌,咁"fu"氣~我係客好似要受佢氣咁!

朋友話想唱K,某信用咭十一月逢星期4有6折.可以唱2小時30分.包自助餐.朋友就話要黎唱歌,最後埋單只需62元.有齋鹵味:唔好食雲吞:麻麻菜:麻麻咖喱豬皮魷魚和魚蛋:魚蛋死實實,又無咖喱味蕃薯糖水:朋友話勁甜龍蝦丸:唔好食牛展:最好味春卷:熱辣辣不錯串燒:麻麻總括而言好麻麻啦!俾62元又唔以這麼高要求,但真係唔合格,N字的K Buffet好好多服務好麻麻,唔執野的.

＊我是去旺角家樂分店的＊經過上次１１點半去到不過ｄ非吸煙區已經ｆｕｌｌ哂，朋友今日早早就去到，仲等佢地開門添，準時１１點正入去，當然～係拎到非吸煙區既位啦（哈哈哈）今次我選左雞扒薯菜，朋友選了辣汁帶子墨魚仔炒意粉。雞扒大大件，ｄ汁ｗｉｔｈ薯條好好味；炒意粉好大碟，味道辣辣地整體上唔錯呀！＾＾最後準時１點半ｃｕｔ歌，哈哈，好一個美好上午！

＊我是去旺角家樂分店的＊從同事口中得知，ＧＲＥＥＮＢＯＸ既ＫＬＵＮＣＨ時段好抵，趁今朝冇野做就飛撲出黎同朋友試下。１１點半去到，仲以為自己好早晨點知都有好多人早過我地去啦（因為非吸煙ＦＵＬＬ哂唯有去吸煙區囉＝Ｏ＝）講明唱到２點我地都ＯＫ，之後就唱唱唱。包兩個午餐，叫左芝士蕃茄焗煙肉扒長通粉+三椒雞飯。2碟野份量都好足！我睇錯ＭＥＮＵ以為是焗豬扒，不過個Ｄ唔似煙肉似日式叉燒，我唔多好所以食左一塊，個通粉同ｄ汁唔錯架，不過煙肉陣味太勁我食左一半就比朋友食。反而個雞飯雖然辣辣地不過幾好食。呢間分店夜晚黎過幾次，不過服務唔夠一早好。通知佢地個咪壞個電話壞個搖控ｓｈｏｒｔ，個侍應一路整一路係咁ｓｏｒｒｙ（雖然整左個搖控都係唔得）。雞飯黎錯左個焗龍利柳飯，佢地都即刻換，ｇｏｏｄ！準時２點ｃｕｔ歌。朋友有學生證免加一，抵！

今日同朋友仔黎唱tea k因為閒日關係四點幾仲有好多房服務態度亦不錯59蚊包兩杯飲品再加一要tea就10蚊一份因為朋友仔肚餓叫左一個海鮮湯烏冬配料有八爪魚,螺肉呢d平時凍食既日式拼盤但奇就奇在係放o係熱湯上面雖然怪就怪左少少不過個湯底夠清而烏冬亦無煮到淋晒味道唔錯又夠餓肚呢個價錢真係超值

我都成N年無唱K,某星期一同個朋友唻K-lunch, 我朋友10:40去到14/F Neway,但好奇怪,個接待俾左2個greenbox既咪套俾佢,叫佢落11/F,佢入到房見到個螢幕先知係greenbox.呢件事係朋友覆述番俾我聽,佢話肯定係去左14/F,我就估佢可能未訓醒,哈~我地由10:40唱到13:00,真係唔夠喉.我叫左個燒雞扒飯+熱檸蜜,個飯味道ok,係雞扒實左d,另,外面有自助沙律吧及湯,但d雜果好甜.仲有,唔知點解道門成日卜卜響,搞到我地成日以為有人入唻.

呢間greenbox 遊樂場,有k唱,有機打,果日平時同fds唱lunch k,$30咋...學生仲免加一,仲送埋lunch buffet,最正既係由11點幾唱到4點幾,完全似happy hour多d囉服務態度都好好,間野又大,都幾新呀d房!野食就麻麻啦....但旨在唱k既都唔錯既