加太賀

营业中

休息中

我都幫襯過加太賀，個人認為一般，並唔係咁喜歡，估唔到今日無意中來到這個網頁，見到加太賀劣評如潮，本來都唔忍心加多一把腳，但諗諗0下各食家都講得好0岩，再加上今時今日咁0既服務態度，點得0架?看來加太賀的職員真的要好好反省0下!

恐佈D服務, 一定唔會再去呀!!!!

我係2月13號同男友去食..因為覺得好似幾好咁..去到食左個2人套餐..$168..好多野食..d野都好好味..不過d waiter態度真係差左d咁囉..但係呢成間店入面..有個上左中年的女侍應態度好好喎..仲同我地有講有笑tim..希望老細請多d呢類侍應啦!!

大家不要誤會，這樣的質素絕對唔會有笑樣啦!

我完全認同其他食家的說法，加太賀的服務真的好唔掂當呀。佢地一個二個可以掛住企埋傾計而唔招呼客人，替客人落order時黑口黑面，又無禮貌!老闆可唔可以請d好樣少少呀?我比錢出來食野唔係睇你地侍應的樣衰面口，做得咁唔滿意就唔好做啦，不知所謂!

因為女朋友好鍾意食日本野，而佢又一直都話想試呢間日本料理，所以情人節就同佢去食，等位就預了啦，但我覺得個價錢好唔合理，以我當日食的價錢，可以去另一間更正的餐廳，地方又細，無論係環境、服務、食物都同個價錢唔成正比，錢就預了要洗，但要洗得有價值，連我女朋友都話唔抵食，無下次!!

早兩日去, 已經無咩人排隊啦, 星期一至四個d套餐都平, 百零蚊兩人份量, 有魚生sushi併盤, 面鼓湯, 一個炒烏冬, 一份烤牛扒, 好多野食, 都算抵.我係b shop食, 成晚都係得一個伙記, 好耐都無人理, service好差啊!!!而家出面咁多居食屋, 裝修同食物都ok, 嘉太賀重唔改, 好難再做落去啦!!

上星期去食過一次，質素比我預期中差，因為聽人講話有好多人食，所以都想試下，可能我諗住好好掛，所以都有d失望!

本人在加太賀新開張的初期，是加太賀的常客，當年亦曾介紹不少朋友到此品嚐其出名的「花之戀壽司」，但近兩、三年，加太賀實在令人失望，刺生沒有以前的新鮮，亦沒有什麼特色的新產品值得一試。希望此店努力，不停創作更多新意念讓大家大飽口福，重鎮昔日的雄風。

幫襯了加太賀五年有多, 發覺此餐廳有d "秲別", 要懂得點菜才會欣賞!五年前, 一行十二人第一次試加太賀, 訂了位也足足等了個半鐘才能入座, 真的多人到難以置信,但不明為何訂位也要等?當時試了十多款食品,花之戀鮮味特別, 蟹粥鮮甜etc. 之後斷斷續續幫襯了不下十次, 發覺刺身超難食, 從未吃過如此差的刺身!! d 魚超級唔新鮮, 師傳刀法差, d 魚生又大又細, d 紋一d 都唔靚!!花之戀當然也大幅退色....還有蟹粥開始慢慢無味,一次差過一次;海陸海拉麵, 難食過味千好多; 烏冬都一樣;新食品更無樣好食, 而且又貴又細碟!五年後, 點菜心水如下:千萬不要試新菜式, 九成九失望,好難食,無特別!想食刺身sushi請到隔離元神, 質素高幾倍!水準保持多年食物如下:日式海鮮燒餅, 大大塊, 海鮮多, 熱辣辣, 好味!蟹子蚌焗飯(<-全名勁長), 香噴噴, 有芝士的香, 海鮮的鮮, 口感豐富!加太賀沙律, 料多又大大份, 口感特別, 有爽口, 有煙勒, 正!日式炒麵, 好好味, 麵彈牙, d 汁酸酸地, 開胃, 但非常大碟!若果以上四款都唔合胃口, 千萬別再去了, 加太賀不太適

哈!原來在一間餐廳想享受較佳的服務，也要視乎你當天的運氣，真搞笑!!!各位買六合彩前記緊要到此碰碰運氣吧!平心而論，食物、環境的確不錯，服務就自己睇分啦，不過每個人的要求也不同，有些人會較易滿足。始終係服務性行業，服務態度好唔好真的是「碰運氣」咁簡單?

我只去過一次,係星期日晚上去既, 服務都OK呀, 唔似其他食家講得咁惡劣. 佢既價錢都唔平, 但個花之戀壽司又真係好正, 其他刺身都好新鮮, 燒野就麻麻地, 可以唔食.

我都去過幾次, 其實D服務都唔差丫, 我同D friend仲覺得幾好tim ~ 而D侍應生都幾親切丫~都唔係話好差� ....仲送甜品比我地tim, 環境又幾好, 幾有特色~^^

我聽過好多人講加太賀唔係一個好地方...但係點解都仲有咁多人去食呢?咁樣就足以証明係唔可以"一竹杆打沉一船人"喇~~好似上面個位人兄咁講就唔岩喇~侍應服務唔好唔一定係全部都唔好架???你去邊度食野呀...個度都梗係有好有唔好姐...如果你遇著唔好既咪你唔好運囉~~仲有...呢間只係一間港式既日本餐廳...唔係純正日本餐廳...唔好成日話請D日本人去食佢地都唔食喇~~~加太賀可以咁成功就係因為佢有自己既風格...唔會跟隨其他公司...所有菜式都係老闆諗出泥~~咁就值得去食喇...而且佢係一間好岩香港人食既日本餐廳..純正既日本菜唔係個個香港人都接受到架~~

加太賀的環境其實唔錯，佈置得好似日本的小巷，好特別!食物味道都ok，但等位就耐了點。而侍應生的水準就好唔掂當，招呼不佳不在話下，連簡單英文都唔識，佢地小學畢業未呢???雖然係做「侍應」0者，但都要出得0下場面，如果唔係真係只可以稱呼他們為「阿四」lor!!