影片
系cafe叫左个葡国鸡饭，不嬲去cafe都冇咩期待，但系鸡饭一黎，香气扑鼻，令我垂涎欲滴。虽然鸡肉既质感有少少粗糙，但系配上浓浓的葡汁，粗糙感又唔系对食物有太大影响。葡汁又唔系好似其他餐厅咁淡，但系又有少少唔系太足料既感觉。奶茶唔太好喝，咖啡就唔差。不过侍应成日都唔知去左边，想点餐都难!份量都几多，午餐既价钱唔太贵，大约$40，午餐去食都ok!
继续阅读
成班朋友下午黎呢间Cafe只系为左GATHERING 饮杯野倾下计，呢度环境唔错，而且食物款式都不少 。但由于较早前已经食左野，所以只系叫左啲 Cake 同饮品 蓝莓芝士蛋糕系我最爱，但呢度既cheesecake只属于一般既水平。就这个价钱而言，芝士味道也还可以，但差了一点点香浓及幼滑既cheese味。蓝莓带了一点点酸，再扣一点分，而且呢个cheesecake欠缺了一个香脆可口既饼底，个人黎讲比较有少少失望绿茶也只是属于可接受的水平，本人有少少「重口味」因此对我黎讲，绿茶略淡味道不足够而且这饮品没有绿茶应该的那种「苦苦涩涩」的味道，确是不及格之作总结黎讲，食物质素唔高，什至可说是非常一般。但却是成班人黎「嘻嘻哈哈」既一个好地方
继续阅读
趁住sem break，约咗班friend去楼上cafe玩知道登打士广场有好多间楼上cafe，一行4人咪过去睇下拣下，上openrice睇完之后，最尾就拣咗呢到，因为见到之前嘅食评话佢个招牌甩皮甩骨，而家见佢整到靓靓仔仔，觉得佢有心改善嘅，就决定帮衬下佢啦入到去，就有个waiter过黎serve，比咗个近窗嘅卡位我地，一坐落去，觉得张梳化都几舒服，望下menu，一个lunch set都系3十几蚊又唔洗加一，又可以坐到成7点，认真抵结果我地就叫咗蓝芝士牛柳粒饭，香草忌廉吉列龙脷柳意粉，香草忌廉汁秘制盐酥鸡扒意粉同埋蘑菇带子pizza，饮品方面就叫咗薄荷牛奶咖啡，热薄荷朱古力奶同埋芒果沙冰，而帮我地落order果个waiter仲好nice添等嘢食期间就谂住玩boardgame啦，有啲game原来系要问waiter攞先有，但系就要比番$20按金，不过拎番黎嘅boardgame好齐全，有啲意外，因为去过唔少楼上cafe都系唔齐的啲嘢食黎啦，个样都几吸引，个牛柳粒饭未影之前已经比人摧毁咗，影唔到，不过食落啲牛柳粒都几冧，配果个芝士汁啲芝士味都几浓，而个吉列龙脷柳就好脆，都算唔错，最有惊喜嘅系块鸡扒，外面脆入面juicy！正！个pizza好脆，又落足芝士，啱晒我地呢啲中意芝士嘅人之后就到饮品，哗，个薄荷牛奶咖啡有三层架，面头仲有啲cream添，净系卖相都攞晒分。个friend话薄荷朱古力奶都好饮，而个芒果沙冰，我就比足佢100分，又睇得又食得又够芒果味玩到咁上下，见到原来佢啲切饼跟餐都只系加$15，仲有好多款芝士饼可以拣，抵啦~~~~呢间加勒比海真系唔错，睇黎佢都改善咗好多所以我同啲friend下次都会再黎
继续阅读
跟朋友共5个人来呢度食饭，坐得唔系咁舒服，环境好暗，我地坐起厨房附近，有少少油烟。服务态度很不好，不亲切。食物除左个pizza好食，其他我觉得麻麻地，小食有个牛粒，好厚好韧，叫左一杯抹茶咖啡，劲难饮，最后成杯放弃无饮，再叫左个玫瑰花茶，呢个唔难饮，因为好似饮紧水紧，一啲花茶味都无，想加水时要叫左三次侍应先有水加到，等好耐，想要一个碟叫两次先有人理，服务很差。 另外，pizza算系好食。和最后的芝士蛋糕都好食既。五年人每人除返大约80蚊，不推介朋友来食。
继续阅读
虽然招牌甩皮甩骨，但坐落几舒服，我地一行4人由2pm坐到530pm, 如果唔系有人有嘢做仲可以坐耐啲; 有board games玩、不过好多都唔系full set, 又系甩皮甩骨，冇一副完整嘅游戏。4个人一人一份lunch set, 另外叫一份blueberry cheese cake, 埋单都系$204餐点：(因为有重复、就唔打两次啦)- 挪威烟三文鱼 配忌廉汁意粉- 蓝芝士牛柳饭- 烟鸭胸杂菌意大利饭- 杂菌忌廉汁意粉- 粟米汤- 罗宋汤- 奇异果沙冰- 榛子朱古力奶- 焦糖朱古力…(唔记得奶定咖啡)- 蓝莓芝士蛋糕大部分都okay, 系有3个伏。1. 挪威烟三鱼有些许腥腥地嘅味道、可能系唔够新鲜?宜家+C牌挪威烟三文鱼好味过佢多多声。但改变食法，用温暖嘅意粉盖住烟三文鱼，将佢地变成经过加热嘅烟三文鱼会好味过就咁食。(或者呢个先系正确食法)2. 粟米汤我相信应该系甘宝牌罐头嚟，但个罐头汤被糟蹋左，个汤一落台见到暗黄色…饮左几啖仲有苦味…3. 奇异果沙冰杯嘢一落台好兴奋！因为杯沙冰堆得好高，沙冰嘅顶端到杯嘅顶端有我嘅食指咁长！点知一饮，…药水味…本人比较倒霉，点嘅食物都有啲伏，除左烟三文鱼搞得掂之外，另外两个伏我都系饮左3-4啖就冇再掂过。跟据朋友嘅讲法，佢地叫嘅食物都几好味，不过我不得不讲句，佢地捞意粉或饭嘅汁系几好味。以上仅供参考。
继续阅读