影片
开饭介绍
艺人王俊棠有份投资的餐厅，有多间分店。餐厅坚持以传统做法，用人手制作古法点心。
继续阅读
营业时间
今日营业
07:30 - 21:00
星期一至日
07:30 - 21:00
以上资料只供参考，请与餐厅确认详情
早上11:40左右已经坐低，点咗四款点心，第一款系好快到嘅，跟住就等咗超过半个钟都完全冇人理你，冇嘢再嚟过，中间已经催过一次，去到最后剩返个虾饺未到，大大声叫「唔该」，都冇人理你，跟住老公已经嬲嬲地话埋单，退咗个虾饺佢就算，跟住个着黑衫制服嘅话去厨房拎俾我，原来已经一早有？咁点解唔俾客呢？我想讲佢就咁拎返俾你，基本上全程一句唔好意思都冇，四款点心，等足1小时多先至到齐，真系嬲咗，话退钱先做野，冇下次
继续阅读
今日去完拜山,指定动作就系去饮茶啦记得附近有间点心舖,之前食过晚市套餐又平又好食,所以今日再去回味吓由于今日系星期日,所以全部野都系正价,不过我地叫左5个点心,都系佰几蚊,都算平阿~功夫虾饺皇$9/每只皮薄馅多,好食~金珠脆皮咸水角 $25新鲜炸起,上枱时热辣辣好好食~凤凰糯米鸡 $27既系煎糯米鸡,又系新鲜热辣,仲有少少微辣~酥皮焗叉烧饱 $25其实既系菠萝叉烧饱,上枱时都系热既,个菠萝皮都好脆其实.......仲有个点心架,不过因为太肚饿,食完先念起唔记得影相就系~翡翠厚切叉烧肠 $29个肠粉好滑好烟韧,好好食
继续阅读
星期日一个人食茶，饮下寿眉。最好味都已经比我叫晒。凤凰煎糯米鸡，外面脆卜卜。黑椒牛肚，够辣。焗叉烧餐包，外脆内软。大大个奶王包，劲多流心奶王。今日特别多人同嘈，饮茶就系咁啦
继续阅读
{饮茶点心 - 位位$80}一班同事去饮茶从来食嘅唔只系味道，而系果份气氛同埋同伴嘅温暖，要多多珍惜呢啲机会😊喺呢区工作左几年，从来都无行入呢间功夫点心，一直觉得连锁嘢都只会系一般般，点知食落有啲惊喜wo! 炸物来得好香脆，炸云吞同春卷真系唔好喺戏院食😂蒸点每一样都好唔错！我个人觉得凤爪嘅味道一般般，香煎糯米鸡有特色值得推介！成间舖头质素平均啦！但系叫到成枱都系嘢$80/人头相当合理！美味程度：😋😋😋环境指数：🎇🎇🎇番食机会：🦍🦍🦍📍 #功夫点心 (筲箕湾)筲箕湾筲箕湾道347-349号地舖
继续阅读
前几日去买外卖，等咗好耐就问下啲呀姐有未，全班人完全当你透明，不闻不问，我提高声线再问一次，佢哋先至望响我，但可以完全粒声唔出，值到我要求收银员退钱，佢先至叫人尽快处理。我填咗网上投诉表格，呢间嘢就继续贯彻不闻不问嘅作风。
继续阅读