創壽司 (已結業)

由上環地鐵站行上去文娛中心途中比我發現左呢間新開張無幾耐既日本魚生刺身小店，炎炎夏日真係岩晒我胃口。店子唔大，但仍然有位既，但最後我決定外賣去探班，同朋友分享美食。佢地有壽司散叫、壽司set、丼set等，選擇很多，但我最後點左 兩個丼拎走～ 店主細心提醒海膽類最好唔好外帶，其他魚生刺身都最後盡快食。《蟹膏三色丼 $88》入面包括有 松叶蟹膏、三文魚、甜蝦。我係第一次食松叶蟹膏，原來係黑色既～～～ 第一口已經好香濃，拌飯食一流；三文魚色澤新鮮、入口有脂香；甜蝦色澤通透，入口鮮甜，新鮮既！《九州丼 $65》入面包括有 稀靈魚、鯛魚、吞拿魚。鮮黃色既係稀靈魚，咬落爽口，魚肉位置濃魚味；鯛魚比較淡口，清甜既味道，連飯點上小小日本豉油調味味道唔錯；吞拿魚肉厚鮮甜，完全無起筋，肉質鮮紅夠新鮮～**所以丼都配有湯水，今日我就有豆腐紅蘿蔔湯～完全無味精、無加水沖淡，好夠味。連湯都唔會馬夫，小店既用心值得支持！

週日要食好DD，呢間創壽司原材料真係好新鮮，呢個日本A級厚切希靈魚，魚籽好脆好甘鮮甜，魚肉夠彈牙有嚼頭，好新鮮，好甜三文魚厚切更加系新鮮，好彈牙，魚味好重，肉好結實，感覺到系級數唔同D架三文魚親子戀，大大粒嘅魚籽，一粒粒甘在口中彈開，鮮甜魚籽味，加埋三文魚嘅鮮味，成個感覺好享受蟹籽軍襤，蟹籽好多，啖啖甜香在口中炸開紫菜好脆，整體味道好好大分丼，有海膽，好新鮮，小小鹹嘅海水味，好滑三文魚好新鮮，飯份量夠大，掂吖

夏日炎炎特別想食魚生。於是同朋友一齊去試下呢間新開嘅＜創壽司＞一睇個meun…嘩… 有好多丼揀呀掙扎左一輪後決定試#883 富田丼呢個丼非常豐富，有油甘魚、劍魚、吞拿魚、鯛魚、紅蝦、同埋三文魚籽！魚生非常新鮮,味道鮮甜!而且每一件嘅魚生都切得好厚身！咬落去肉質豐富！另外同朋友share左份sashimi!重點推介劍魚腩！！入口甘香，加上少少油脂，鮮甜肥美! 帶子連同三文魚籽一齊食，爽口又過癮！食完魚生，再飲返碗熱三文魚豆腐湯暖暖胃。

今日一個人來到上環，經過一間壽司店，門口頗多明星的照片，質素頗是不差，於是走入去試試。餐廳有少量座位，大多是做外賣生意。餐牌選擇有很多，有壽司、刺身、丼飯、小食等等，花上一點時間先選擇到。鰻魚飯+三文魚豆腐湯。賣相令人非常滿意和驚喜，燒汁帶點甜味，醬汁頗多味濃香口，鰻魚厚厚一條，魚肉肥美肉嫩，燒得非常嫩滑出色，焦香鰻魚加上芝麻粒，味道更是誘人。即叫即燒，保持溫度，認真的態度。飯類送上一碗三文魚豆腐湯，清甜清香，味道不會太咸，熱辣辣更是甜美。

剛好今天沒有帶飯盒上班，便要想想食什麼作午飯。突然想到，附近有間新的日式壽司外賣店取代了之前的日之苑，便到那裡看看。門外已站立著精選食品供食客選擇。這間日式外賣店主要是售賣日式大碗飯，即是"丼"（日語：丼／どんぶり）。丼物通常以較大的碗在飯上盛載不同種類的食物，例如肉類、各式天婦羅及親子丼等等。在香港，一般日式料理店都有售。這間創壽司主打丼物，售價由$60-88不等。另外，亦有很多包含海膽的款式選擇，花多眼亂。舖內面積不太，但看得出店主對舖內裝修也有一定要求。在廚房外面的牆上，放上不少日式擺設，十分有東洋味道。店內亦有長檯供客人堂食，有五六個位左右。店主十分貼心，有提供紙巾供客人使用，值得加分。牆上亦貼有不少影視紅星的相片，可想而知老闆的人緣不錯啊！今天我便點了大板丼。沒錯！我個人很喜歡吃希靈魚刺身，所以便點了這個有魚蟹籽、希靈魚、燒帶子及燒三文魚腩的丼。燒三文魚腩及燒帶子外熟內生，外面有少少燒物的口感，燒三文魚腩每一口咬下去都感受到三文魚油脂在口內遊走的感覺。三文魚腩有三塊；燒帶子有兩厚片，全部都是極厚切。我這個希靈魚專家，一吃便知道這刺身新鮮可靠，當然同其他刺身一樣都是厚切。咬下去

"3"號出世既我自懂事以嚟，已經將3呢個號碼認定為我既Lucky Number。除左網絡供應商唔係用"3"，買六彩呢d指定動作都一定有"3"。最近可口可樂最新推廣數字月份罐。不同既罐會有唔同月份或者日子。估唔到今日食餐飯比我遇到Lucky Nmuber！今晚係上環一間壽司店食飯，鋪頭細細，既可堂食又可外賣。今日可能係星期六，上環商區人流唔算好多，我相信平日lunch應該好受OL歡迎。呢度餐牌款式勁多，實在同店鋪size不成比例。刺身，壽司，飯類通通有。每日仲有特價款同daily specail。叫左川崎丼同壽司盛B都有送三文魚豆腐湯。三文魚豆腐湯好得意，因為我諗住味道似麵豉湯果類，但入口完全無呢個感覺，反而覺得似蕃茄湯。雖然係咁，我覺得個湯既味道又幾好，而且湯料好足。川崎丼 (三文魚腩/甜蝦/蟹籽) $65今日特價既刺身飯，平左$5，而加經濟唔好真係慳得$1得$1，呢$5就係可以留番嚟叫可樂+$5。呢個丼用料都幾足，蟹籽呢d經常有一半玩失蹤，但今日海量地齊齊出現。甜蝦都有五六隻，而三文魚夠大塊，又厚身，咬落啖啖肉，同埋飯夠多！唔怕食食下無晒飯得番餸。壽司盛B $128 (長三文魚x2長

今天與朋友到上環文娛中心看話劇。在附近找地方吃晚餐時發現新開了一間壽司店，決定一試。店裏設有少量位置做堂食，亦可外帶。  我叫了一個蟹膏三色便當（$88），而朋友則選了一個特選海膽便當 （$158)。  看上去與普通刺身便當無異，不過蟹膏卻給我很大的驚喜。一般認為蟹膏雖然鮮甜，吃得多卻予人肥膩的感覺。便當裏的蟹膏甜而不膩，實屬難得！三文魚與甜蝦刺身亦同樣肥美。便當份量剛剛好，晚飯過後再吃甜品亦無問題！  便當的三文魚豆腐湯也同樣令我回味。自家製三文魚湯非常足料，有番茄、紅蘿蔔及豆腐等。味道上佳！  此壽司店價錢相宜，食物味道相當不錯，值得大家一試！

上網看到有間新式日本外賣餐廳，主打外賣便當，所以外賣便堂回家和家人進食。受多人推介的鹽燒鯖魚飯 $38，所以我也點了一個。打開盒子， 鯖魚十分大條，佔飯盒的二份一。 看到如此大份，實在感到超值。鹽燒鯖魚，外表燒至微焦，聞到陣陣炭燒香。魚身嫩滑，加上點點檸檬，味道清新 軟殼蟹咖喱飯$62共有約5件軟殼蟹，炸得脆而不油。頗為入味，而咖喱帶甜不辣，撈上白飯更好吃。curry帶有蘿蔔，薯仔，味道不錯

在 6月頭，上環蘇杭街開了一間壽司店 <創壽司>！第一次幫襯買了日式外賣便當試試其質素！  第二次幫襯，要一嚐壽司吧！ 我預早半小時打電話落單，1:00 後到店子便取得！  浦燒長鰻魚壽司 $28/件果然是幾長的鰻魚，對比筷子可略知一二！  以甜美的鰻魚汁淋上並燒一燒過，香口惹味！  卻是魚身不太肥美，尾部份有點乾身！壽司飯暖身帶黏性，相比一大件長長的鰻魚，飯量的確不多！ 炙燒芝士三文魚 $26/2件芝士本身的鹹香，為三文魚提升鮮美，半熟的三文魚柔軟嫩滑，食得一口滿足！ 炙燒鵝肝壽司 $38/2件鵝肝軟滑帶鹹味，  可能放得久的關係，紫菜吸收水分而變得鬆散！ 皇帝蟹棒 $18/2件味道甜美的蟹棒，  外層有點乾！  不過不失！壽司不乏特色款式，味道算合口味啦！ 炎炎夏日，可以再幫襯買壽司食！這個價錢，是否抵食則見仁見智嘞！

係上環返工一向都無乜好野食，今日同事竟然發掘左一間正野！ 每星期仲有特價丼！真係我地上班族既恩物！叫左$88 884號丼！ 3樣都係我最鐘意既刺身！ 海膽份量都算多！ 唔腥的，入口鮮甜！配埋旁邊紫菜食，可以自製一個小手卷😁😁油甘魚不得了！ 每片都好厚切！！ 4片大大塊！ 即刻覺得好抵食！入口好香，相當肥美！三文魚子粒粒飽滿！ 一咬爆開好過癮！月頭既關係追加了刺身！ 劍魚腩真係不得了！！！ 入口魚油十分甘香！ 估唔到小小店裡有咁新鮮既刺身！隨飯附送既湯，好有住家感覺！ 無落味精！好好飲！蕃茄味濃！ 仲有豆腐係入面！ 呢個湯係抵讚既！ 真心好飲！十分滿足的午餐！！仲有得叫外賣！ 相當吸引！

幫朋友的海味舖搬貨而黎到上環，做到好肚餓又係時候搵食，朋友話去買壽司飯食，都好喎，天氣咁熱食下凍野啱哂。黎到上環街市附近的創壽司，黑色門口好易認。除左外賣仲可以堂食，不過舖仔細細唔好阻人做生意了，買外賣返舖頭食啦。店內貼了不少大合照，你估下有邊個？！門口當眼處仲有特價同推介丼飯，如果有選擇困難症就揀呢邊啦。一人叫一個飯，嘩，六、七十蚊起，仲平過我返工個區，而且有湯送，我公司樓下間要杯茶都要收兩蚊㗎，呢間抵食喎。等左一陣有得拎了，自家膠袋～朋友選了讚其丼，就係三文魚加燒三文魚，作為三文魚痴嘅佢梗系食到嘴斂斂啦，三文魚厚切肥美，燒過的魚油迫哂出黎，兩樣都正呀。另一個揀有長野丼，有三文魚，北寄貝，蟹籽，北寄貝鮮甜爽口又厚肉，好味。自己揀左九洲丼，有吞拿魚，希靈魚，同鯛魚，特登揀個唔一樣嘅可以交換食下。吞拿魚肥美，魚味濃，留返最後先食 希靈魚好鮮甜，一粒粒勁爽口。鯛魚比起其他魚味較淡，魚油亦不多，但係肉質彈牙，三種都好好味。飯軟綿有飯香，一碗大大碗㗎，魚生多飯亦多，一定夠飽。唯豉油包裝要改進，漏哂出黎……可能係我拎得唔好啦 不過真心唔需要比咁大盒豉油，我地三個人用左一盒咋。仲有個wasab

下午茶時間啱啱係上環搵嘢食,啱啱見到一間大大隻字嘅壽司舖,就入去睇下佢有幾創新嘅壽司先.....大.大.大 魚子好大粒 帶子好大粒 再加埋隻大蝦😱差啲連飯都睇唔到嘅宮崎丼就咁完成啦💞💞哈哈哈哈🙈 還送多碗三文魚湯好味

日日睇住去日本玩嘅朋友post嗰啲大大碗嘅海胆刺身飯，睇到日日都流晒口水，搞到今日勁想食海胆, 咁啱今日喺上環做完野就試左呢間。見到個推介個牌寫住呢個特選海胆飯就即刻叫左，個餐跟埋個三文魚豆腐湯，入面有埋蕃茄同紅蘿蔔，都幾濃幾好味。海膽飯係用韓國當造A grade馬糞海胆整，d海胆多到蓋晒成個碗唔見左個飯，顏色又靚，味道都好甜，大滿足(^o^)

經常過來上環文娛中心練歌和睇表演 附近開始食到悶 最近發現開咗間食日本嘢嘅餐廳 梗係要嚟朝聖！地方淺窄 但坐得舒服！坐bar檯 牆上居然有電視 另一邊係街景 自己涼冷氣食好嘢 望住出面.... 雖然好衰 但係幾爽 XD小妹極愛食海膽 點咗特選海膽丼 由於係最新出品 連printed menu上面都未有 只係寫咗喺黑板 係店長推介呀！每客丼飯都會連湯同茶... 湯 居然 終於 唔係鹹到令你口乾的麵豉湯 還有家的味道 豆腐 紅蘿蔔 蕃茄... 加上一點點鹽巴至於個飯犀利啦 鋪滿了來自韓國的馬糞海膽！由於好多人怕海膽的腥味 老闆特意買呢種甜嘅 色澤和味道一樣咁新鮮 唔洗落豉油 齋用海膽撈飯都滋味無窮 廚師亦好注重旁邊嘅細節 切舊青瓜都咁多花款 咬落去亦係爽脆可口

今日去上環附近見客，行過上環街市看見有間壽司店，眼見門口有塊板寫著店長推介"蟹膏三色丼"只賣$88，覺得幾低，加上念住老婆喜愛食蟹膏，於是外買咗2個丼飯返屋企當晚餐，除了 "蟹膏三色丼" 還叫了 "特選海膽丼"，回到家估唔到我太太勁贊好味。蟹膏鮮甜帶有蟹肉，口感豐富。海膽不苦澀，十分新鮮。2盒丼飯附帶薑，十分貼心。太太幾乎食曬2個丼飯 (註:佢平時好小吃曬一碗飯)。 總括來說: 價錢超值，份量十足，真材實料。會再幫襯! 真的值得推介!!