利苑酒家 (國際金融中心商場)

营业中

休息中

常去中環利苑，以前還好，今天去食飯，什麼都沒有，好啦，埋單額外俾多50元小費，之後要個膠袋，同我講要5蚊！5蚊一個膠袋！？搶呀！？如果還有服務的，請回覆我，否則我會投訴到總部！

買了月餅券，8月12 號去IFC 店拿餅，在前台有2個女職員，我在她們面前站了5分鐘，叫了3聲「唔該」，2個女人抬頭望一下，冇反應，直至入面有職員路過出嚟至招呼我。取餅後我同櫃檯女士反映，佢大大聲話「我見唔到你喎！唔知你係度！」我問佢點稱呼，有冇卡片？唔答。眼神兇惡，差點要去廚房拿刀咁樣。嚇到我即刻走。之後電郵佢公司反映，冇回覆。食物再好都唔敢再去。真係路過都有陰影。

The smallest dim sum I have ever hadthe taste and service were good, but the portion size was super smallI have never seen spring rolls as tiny as the ones I had here...Lei Garden is not cheap which I can understand, but its portion size makes it even more expensive

服務的確非常差，12點入座，三位，叫了十幾樣(因每樣都好小，有湯，泡飯等等。12:50就催命符咁，仲特登好粗魯執臺，大大聲趕人走，大排檔阿嬸都唔會咁高音，朋友都趕唔及食埋杏仁蛋白，想爆粗，沒見過食到咁谷氣👎🏼👎🏼👎🏼👎🏼

星期日晚上，我哋一行五人行完街之後找晚飯吃，剛剛經過利苑，我哋被它的門面裝修給引，決定食呢間。 我哋叫左一款套餐雞煲翅和雲耳蒸斑片$988, 半隻片皮鴨+鴨肉切件（不另收費）$210，XO醬蟹肉粉絲煲，龍蝦湯泡飯。 雞煲翅（四人份量）味道很好，我哋五人也足夠吃（足料），龍蝦湯泡飯，脆米做得很脆伴濃湯泡飯。但是，包片皮鴨的麵粉皮略為太薄，黏得太實。 服務方面，整體服務有水準，侍應很有禮貌，環境舒適，碗碟乾淨。下次會再來晚飯！

Title : 服務水準超低有外籍朋友從加拿大來香港，希望介紹佢哋去一間比較舒適嘅餐廳食點心啦，選了IFC利苑，雖然知道價錢唔平一星期前，訂了1:00 pm 三人嘅枱我們20/6大約早了10分鐘，前台安排入座。入座後接到其中一位朋友電話，病了不能出席。我們點了蜜汁叉燒、蝦仁炒蘆筍，蒜蓉白菜和楊州炒飯。用餐大約30分鐘後，侍應要求我們將枱一分為二，還振振有詞說外面有客人訂了枱要入座，我跟他們說我們訂的是三人枱，他怎會接其他訂座在每天千多宗確診個案之下，點解可以安排坐得密密麻麻他們忘記了又一城望月樓的教訓嗎？隨後還有兩三個侍應經理來騷擾我們，堅持要將我們的枱拆開。態度惡劣，其中一位侍應話要收我三個人的茶芥，我說冇問題但另一位侍應仍然來騷擾我們用餐😞😞😞

今日幾位江湖老友出嚟擺 “龍門陣”, 選址中環 “利苑”.📖 翻查資料, “利苑” 係1978年於深水埗開業, 1987年進軍國際, 2004年於中環國際金融中心商場開設第七間分店, 現時香港共十一間 “利苑酒家”.🤗 今日點咗午市商務套餐, 另加脆皮燒雞半隻, 蝦醬生菜煲.🥢 前菜: 蜜汁叉燒, 金柱貢菜. 合格.🥢 南翔小籠包. 放喺匙羹, 加埋醋, 方便直接擺入口, 抵讚. 小籠包皮薄, 肉汁足夠, 唔錯.🥢 紅燒蟹肉燴翅. 以 “飲宴魚翅” 嚟講, 足料, 高質.🥢 蠔皇扣關東遼參玉掌伴. 遼參偏向爽口, 鵝掌非常入味, 十分讚! 🐓 追加: 脆皮農場燒雞, 半隻. 皮脆肉嫩, 正!🥢 鮮姑油泡沙巴海斑球. 魚肉實淨, 夠鑊氣, 好食.🥢 禪關萬象. 賣相有趣, 加分! 蕃茄味道食自己, 菇菜味道OK.🥬 追加: 啫啫蝦乾唐生菜. 蝦乾香味濃郁, 絶配唐山菜, 十分出色.🥰 龍蝦湯貴妃泡飯. 湯底超級鮮味, 有驚喜.🥢 酥皮蛋撻仔. 好食.☕️ 瑞士咖啡. 可以提提神, 非常貼心.🤗 總結: 今日收集唔少江湖情報. 論食物, 水準甚高, 我幾鍾意呢個午市套餐設計, 另外蝦醬生菜煲

放假找新嘢，好久未來中環，尤其此間，好難有位，竟然點半有位，以中環及金融中心算，價錢唔貴，地方乾淨舒適但枱會擺密，但食物大小原來比其他店細啲，約小三份一，中環地方貴，以我最喜歡奶皇千層糕$42，高度矮過籠頂邊，自然蛋香少咗，第一次邂逅在尖東店，揭開蓋彈出來。 韮菜蒸粉果$39，肉多韮菜少，又係精，精緻的精，细，味宜肉甜。 香蔥芝麻滑腸粉$43，軟身，唔彈，水份多，此類，多數喜歡街邊小檔，貪佢芝麻醬香，此處當然不夠惹味。 京川滑餃子$42，以為辣，一的都無，只有蒜蓉，豉油，细隻，肉味夠。 蛋白杏仁茶$32，應該無少，跟銅鑼灣一樣水準，白滑香。

午膳時間，服務員以車輪戰方式(即不止一個)催促顧客埋單，服務員言語和態度完全不配合其品牌和收費水平，無諗過IFC內有呢種服務質素酒樓食肆，不會再幫襯呢個品牌食肆。

今日想吃點心作午餐，估唔到店子十一時半開門，店外已經堆滿了食客。幸好有訂座，才可以入座。餐廳以間板分隔，而且座位唔太逼，加上柔和嘅燈光，坐得安心又舒適。點心都是以正常的點心選擇為主，走平實路線。蠔皇叉燒包$38叉燒包的皮十分軟熟鬆化，輕輕的甜，皮的厚薄剛好，加上叉燒餡，充滿蜜味，沒有過多的醬汁，而且叉燒唔太肥，好吃。濃湯泡腐皮卷$48這腐皮卷十分迷你，是正常的三分一大小，一客三件。腐皮十分滑溜，有少少肉餡，還有香茜吊味，味道淡雅。酥皮雞旦撻$45這酥皮很薄，不太酥脆，而那旦饀味道香甜，口感滑溜，唔太甜。原隻鮮蝦餃$46其實唔明白為什麼叫原隻鮮蝦餃，這蝦餃和平曰的無異。蝦餃皮晶瑩通透，餡料以蝦肉為主，味道鮮美。翡翠海鮮豆苗餃$42這海鮮豆苗餃就像蝦餃的變奏版，饀料同樣是蝦肉，但味道以豆苗為主，是蔬菜風味，味道清新。乾清棗皇糕$50這棗皇糕一客四件，可算必點。棗皇糕有著濃濃的紅棗味，當中又有椰汁香，煙煙韌韌又軟身，味道輕輕的甜，好吃。這一天的點心午餐不錯。

A級食府，慘過去茶餐廳輪位! 態度傲慢，管理混亂，經理龜縮不出，門口客人受氣，不同客人氣憤離開... 發誓永不幫襯! 預定了745pm，早到5分鐘，830pm都未入坐... 入座無期，重來不能確定是否有臺，追問多次都不能確定有沒有臺。要85歲老人家站在門口等50分鐘，沒有主動安排凳給老人家坐... 沒有臺的原因是經理不願意請第一輪客人走！就算845pm可以入座，疫情下餐廳10點關門，鮑參翅肚叫我如何啃下去，IFC利苑當自己是快餐店？

一向有光顧利苑，平均一個月三，四次，多數是圓方，APM，九龍灣，北角分店，而國金分店是第一次。一如既往都係打電話訂位，4月24號，本想訂1:30，2位，但接電話嘅知客話要2:00，如果早就比位我。當日1:40分到，門口冇客，同知客講話訂咗2:00，佢叫我等一陣，如是者等到1:50分，有其他客人到話訂咗2:00，三位知客就比位佢哋即入，我心諗可能人哋三個比大枱啦，但係現在4人限聚，有枱都會比我啩？！我再由冇人等到有好多人都冇位，到2:00再問知客有枱未，佢都係話冇，態度其差。之後再有其他冇book位嘅人到，知客叫人地2:15再過嚟，如是者又等到2:05分，又有一張三個人訂咗2:00嘅到咗，個知客又係第一時間比位佢即入，我再問知客我等咗半個鐘頭，大家都係訂2:00，點解佢哋唔使等，知客話我哋坐唔落，我唔知佢講乜野會坐唔落，另外一個職員就叫我入去，入到去見都有幾張二人枱，剛開完茶，就見到剛才冇訂枱既客人入嚟，其中有二個人客就比咗張圓枱佢地坐，如果二人係一定唔可以比圓枱要等咁耐，為何冇訂枱返而有得坐圓枱，訂位反而要坐走廊二人位，咁訂位做咩，入到去叫完野食都已經2:30，又話last order

今次真係焗鬼氣三日前已經訂左檯今日去到話無record話等9嗰字俾檯你緊係嘈佢啦跟住安排張四人檯我地七個大人坐到沙甸魚咁又要嘈佢跟住先話等半個鐘有檯拖字決幫唔幫趁你諗你啦

我唔理佢啲食物質素係點樣，但係員工嘅服務態度就令我好唔滿意。我係叫外賣自取，我衣著打扮平凡，唔係ol打扮， 唔知係因為地區問題 佢哋覺得自己喺ifc分店做就高人一等定點， 平時去其他利苑分店都唔會有咁樣嘅服務態度。行到埋counter ， 已經見到個男同事 個女人喺度傾計 唔知佢係客定係公司嘅人定邊個， 幫我落單個姐姐啲語氣已經唔好， 落完單坐喺側邊等， 等到我外賣已經準備好但係都冇人叫我拎， 個男同事依然係同個女人傾緊計， 我望下個單number完係我嗰張單， 我再同個男同事講想拎外賣先走。

有一陣子會常去北角利苑飲茶，今次第一次嚟中環利苑飲茶。首先，枱與枱之間幾密，好彩因疫情關係唔太多人。點心除了叉燒包外，其他都比較細件，所以最初點了六個，食完要再加個腐皮卷，二個人先夠飽。牛肉不夠實，燒賣太多蝦肉，蝦餃同蝦腸就中上。服務唔錯。結帳時會問要唔要儲里數，值得贊。