利興燒臘餐廳 (已結業)

20050820 8pm男友幫手到我家有些事做, 本來打算到銅鑼灣吃飯也去不成. 晚餐到屋企附近求其搞掂算了, 橫風橫雨, 甚麼胃口都沒了.2個人要了2個小菜套餐, 咕o魯肉和西蘭花炒鮮魷, 不知是否那個炒菜師傅走了還是甚麼原因, 連這樣普通的小菜都做的不好, 跟之前幾次來吃的全不對辦, 西蘭花鮮魷不鮮不特止還只是微溫. 咕o魯肉色素極重, 我吃完後了咀唇都變成橙色, 肉也韌得要命, 要不就是一糰粉.我其實相當肚餓但也吃不完碗飯, 男友見狀, 甚麼都沒說, 但就主動suggest 去吃源記的桑寄生蓮子蛋茶, 佢係最怕呢o的熱中式糖水(這是第一次, 雖則食完佢都大讚), 都肯去來"tum" 我. 可想而知這一餐有幾難食.幸好還有幾時都咁好食o既源記!

20050624 8pm(呢間o野得我食過咋咩?? 無其他人比comment o既??)唔算肚餓, 屋企附近求其食o的o野, 呢間茶記我間唔中都o黎, 小炒是第一次試, 見牆上餐牌有好多特色四川菜, 想是廚房有四川大廚.同男友兩個人, 兩個小菜套餐-* 鹹魚雞粒豆腐煲- 不錯, 很香, 有鑊氣wor.* 回窩豬頸肉- 我本來不大吃回窩肉的也覺得這個很正, 不會辣, 菜炒得夠火喉還很爽脆.* 白飯x 2* 凍檸茶x 2埋單$64, 好抵食. 結果係食到好飽, 連買o左o既蛋糕都食唔落了.

20040102 8pm回家後見肚餓唔想煮, 落街見有生炒糯米飯, 天寒地凍孤令令, 最好整返碗.$13一兜, 份量同味道都係好一般, 同埋油好似落得有點過份地多, 無花生同埋荵粒, 不過幾夠飽肚.

20041226 7.30amBoxing Day 早餐. 有人25th 夜晚打完邊爐第朝竟然好餓死leur話要食早餐.2人吃:* 早餐A - 煎雙蛋+牛油方包(呢件包都幾唔好食)+ 火腿通+熱奶茶* 早餐D - 煎蛋五香肉丁公仔麵+凍奶茶無話好唔好食o既, 咪又係咁, 比較得意o既係見到都頗多差人幫襯.都係連埋一份蘋果日報一齊食咁lor.

20041127 8.30am晨早起身天寒地凍最好就飲杯熱奶茶.2人吃- 早餐B - 沙嗲牛麵+火腿炒蛋+熱奶茶早餐C - 雪菜火鴨絲米+腸仔煎蛋+熱奶茶好唔好食就一般啦, 一般茶記貨色.一路飲奶茶一路嘆報紙, 如果以後都係咁, (你話)幾好呢呵.