利強記北角雞蛋仔 (已結業)

尋晚(4-11-2011 Fri)因晚飯唔係太鹹就係辣,所以食得唔多,於是搵藉口請男友放工後o係o度買上次佢冇買o既燒餅,諗住佢最多買兩件,點知佢帶o左3件o黎,重話其實佢買o左4件,不過因為呢o度又有以$10.00買兩件o既優惠,燒餅又得三隻味,而佢又太肚餓,於是買晒三隻味同其中一隻味買兩件,咁佢等車時食一件味道重覆o既o個件.三隻味係奶黃,芋頭同紅豆,佢食o左一件奶黃味.影好相,我就先食奶黃味o既,餡唔係好多,奶黃味唔夠,覺得好似冇餡咁.之後係芋頭,食食吓,呢件竟然可以’打開’,咁我索性影埋相,呢個我好似食唔出芋頭味.最後到紅豆,呢個就食到淡淡o既紅豆味.而燒餅只係暖暖同微香,外層漏出o黎o既邊位就脆,男友話佢o係小巴食o既時候熱辣辣好好味啊.服務:由於只有一個爐負責整燒餅,所以佢等成15分鐘至齊.店員o係紙袋面上寫上味道,方便識別.

睇完台灣片~~~心思思想吃車輪餅~~~~即是叮噹餅啦~行過這間新開的利強記~~平時只會買雞蛋仔~~但原來它都有叮噹餅賣的~、新張期間買任何野都系買一送一~~~即是6蚊就有兩隻紅豆餅了~~太抵了!!!!過左一陣就送到手上~~~~超級熱！！！店員亦都有禮貌地提醒小心賣相丑左少少~~·可能因為新店開張員工未熟手?!不過其實多餘左出來既邊邊先好食~~~脆脆地~~~反而唔似它家雞蛋仔甘硬到刺傷嘴巴雖然系買一送一~~不過餡料都唔吝嗇~~~兩隻都有好多既紅豆夾心~~稍微甜左少少~~不過有口感~又熱辣辣~~所以感覺都好好~唯一要再改善的就是外皮唔夠蛋香~~食下食下比較似食粉糰

尋日(28-10-2011 Fri)o係大陸上網,見到有呢間o係荃灣o既食評,就睇吓o係邊o度,但openrice o既地圖顯示唔到,好彩ryu_ng o既食評相有大廈o既倒影,都估到位置o係邊.而食評中提到新開張買一送一o既優惠只做到今日,到夜晚返到荃灣,我竟然唔記得行o黎買.幸好男友放工放得晏(苦中作樂),佢可以o黎呢o度買o黎我屋企當加佢o既餸.佢o黎到時差唔多10:00pm打畀我,話有幾個人排o緊隊,除雞蛋仔外,重有格仔餅同咩紅豆餅,我叫佢揸主意買乜o野.之後,等o左好耐好耐,佢至o黎到我屋企,我睇睇,有捲o左o既雞蛋仔同格仔餅,我問佢買唔同o野?佢話問過可以要唔同o既o野喎.啊,佢真醒目,咁就唔會咁悶只係食一樣o野啦.影好晒相,我先食格仔餅,格仔餅好厚,餡係花生醬,砂糖同鍊奶,但都流o左唔少到紙袋,即使男友話個男店員好好心幫佢打平放o係膠袋o既底部,不過冇辦法啦,鬼叫要搭車咩?搭車一定會整瀉,冇理由叫男友行路o架.餡料係甜,好味,但格仔餅雖然好厚好抵食,但o係啲餡流走o既情況下食,會變得冇味,雖然仍軟身同暖暖地.呢次餡料比上次我o係北角食o既多,不過件餅咁厚,餡料梗係要多返啲

雞蛋仔這一種香港傳統小吃，相信大家都吃過，但你心目中最喜歡的又是那一間呢？相信有不少人會選北角利強記雞蛋仔。遍地蛋花開，利強記剛剛開到荃灣來。以前鋪位是臺杯位置，現在臺杯一分為二，之前路過看到在裝修中，沒想到最後變成了利強記。臺杯是我很喜歡的店，還真希望這不是一個signal，希望她能繼續做下去。這一天和老婆路過，看到買一送一的告示，$13元的雞蛋仔買一送一，當真抵吃。問了一下，原來更可選一底雞蛋仔搭一底格仔餅，完全滿足我此等花心的人！利強記名氣實在不小，再加上買一送一，「等」是肯定的。長長的人龍，令我有點想起北角店的盛況。店子實在很小，最多只能做五底雞蛋仔，看來員工還算新手，又或是未習慣，雖未致手忙腳亂，但看得出和北角店是有點分別。等了又等，格仔餅總比雞蛋仔快，令人懷念的香味，荃灣街坊以後不用去北角才可以嚐到了。回到家才慢慢品嚐，原來每一個利強記的紙袋都有獨有數字？是方便外賣的嗎？始終不是第一時間吃，格仔餅已冷，蛋香不是最年華之時，吃一口，仍是外脆內軟，醬料還算多，利強記格仔餅其實一點也不錯，但大部份人都是為雞蛋仔而來吧了。招牌雞蛋仔，也是外脆內軟，噢等等，我所說的，只限圓圓的雞蛋仔