利寶閣 (已結業)

新年前收到白事消息，冷的不只是天氣了。很不開心的一天，不過到了晚上卻很溫暖很開心，因為可以與久未會面的同學重聚，連龍也趕得及回港一起參加聚餐。我們吃了利寶閣的乳豬海鮮宴(半席)，很不錯呢：　乳豬大拼盤-有乳豬、燒鵝、海蜇、牛展、燻蹄、蜜汁叉燒，每一款都做不錯呢，尤以皮脆肉嫩的乳豬與彈牙的海蜇最得人心，很快就清光了!　上湯邊焗龍蝦伊麵-另一款焦點菜式，上湯焗製保留了龍蝦的鮮味，龍蝦本身又多肉又新鮮，啖啖肉又餘又彈牙，大家都好滿意這一味；墊底的伊麵味道亦不錯，而且份量很多，我們好努力都吃剩了些。　翡翠花姿帶子-花枝與帶子皆十分新鮮，不用加蝦醬已經相當鮮味了；又，多得Mandy一句「冇臭味」，令眾人笑得很開懷!　砂鍋膠裙煲雞-老火中湯向來是我心頭好，不過是晚與龍蝦伊麵、花姿帶子同上，風頭難免給搶了去，現在印象已經依稀了...來得不是時間呀!　富貴黃金肉-炸香的肉片配上夾包，這樣的組合都是第一次試，感覺很香口不錯，不比梅菜扣肉配夾包差。其實伴碟還有蔥絲、青瓜片等豐富口感，只是自己心急錯過了。幾創新又好吃的菜式，值得一試!　清蒸海石斑-簡單的菜式，但因火候掌握一流，青斑極之嫩滑可口，抵讚!　濃湯

是日叫了片皮鴨一食同龍蝦蒸糯米飯。片皮鴨認真揾笨，眼見還有鴨身很多皮啊，部長就令走了隻鴨話批完了，那兒起碼還有6-7片呢！還有，門口貼的廣告是一隻片皮鴨，來鴨時，我地至知道廣告上的價錢是半隻鴨計的，很misleading呢！龍蝦蒸糯米飯-完全沒有龍蝦香味，跟上次在美心食的那個什麼什麼蟹蒸糯米飯完全兩回事。這兒的糯米飯全靠蝦米調味，唔掂0我！食到尾聲時，朋友有來電，談了一會兒，服務員竟然收起了所有的碗碟(包括小菜的碟和我食用的碗筷），臺面只剩下朋友的碗和筷子和我們的杯子，有點趕客的感覺呢！餐廳完全唔爆，用不著這樣趕呢。甜品等了足足20分鐘，我們要追，至慢慢送來呢！唉。。

上星期陪朋友去銅鑼灣利寶閣試結婚菜後, 覺得D野幾好味. 今日約埋屋企人近近地去奧海店食. 我地叫左:百味豆付: 皮脆, 肉滑杭洲骨: 個汁帶少少甜味, 好開胃, 肉好入味. 羊腩煲: 料好足, 羊肉同配料都好入味, 羊肉好腍, 汁好濃, 但好似咸左少少. 仲有個班既尾(係煲仔), 但我唔記左個名: 魚好似過左火, 有少少鞋, 但個汁就好好味, 如果魚煮到0岩0岩好, 一定好好味. 魚湯浸豆苗: 好味.脆孖花: 又香又脆, 應該係加左桂花糖, 唔會太甜.下次去試下飲茶先.

一行八人到大角咀利寶閣晚膳，環境不錯，不是太滿座。我們叫了一個六人套餐，份量夠八人食。套餐包括燒味併盤(海蜇，叉燒，燒鴨，乳豬，燻蹄，牛輾)不太肥及不太油膩。龍蝦伊麵龍蝦很多肉，容易食。個汁配合伊麵也好味。金華火腿雞蹬翅很足料，口感很滿足。蜜糖豆翠玉瓜蚌炒帶子炒得好入味，好味。半隻豉油雞可能是冰鮮雞，有小小血，但也很滑。蓮藕餅併齋素鵝齋素鵝外皮是炸脆了，熱熱地好食。蓮藕餅普通。炒時蔬及蒸魚okay. 甜品(紅豆沙，腐竹意米, 木瓜糖水)紅豆大大粒，也很沙。好食。我們額外叫了一打壽包，壽包內有蓮蓉，細細個，兩啖已食晒。可能已有龍蝦伊麵，要額外叫飯。(稍為美中不足)匯豐銀行信用卡有九折。共食了$1050

連續五日假期開始,諗住去奧海城睇戲點知買唔到飛金稻庭又勁多人排隊諗起附近有間利寶閣,晏晝飲茶啲點心都幾好味又唔駛等位(因為幾貴),咁就去食下囉,叫咗帶子菜苗餃--啲菜無話蒸到淋哂,有咬口,好味海鮮煎薄餅--粉漿太多,海鮮剩係得蟹柳同蝦米,麻麻地煎馬蹄糕--塊皮煎得幾香幾脆,馬蹄都幾多.炸蝦餃--外脆內軟,餡料足,仲有蒜蓉係面,好香口,本日最佳金菇牛肉腸--以前明明係滑牛,而家同普通酒樓一樣用免治牛,而且金菇好少,未至於難食但唔突出箭豬奶皇包--即係係奶皇饅頭上面界幾刀拎去炸,奶皇唔香唔滑,下次唔會叫總括嚟講,算係味道幾好嘅一餐題外話,佢哋張點心紙明明印住雞扎張相,但其實無得賣問個部長佢話啱啱轉咗點心紙未落新相,可惜由於假期關係,下午茶時段由2:30開始,所以正價收費,兩個人埋單$165,唔怪得無人排隊> <"

國慶日訓醒同女麻女麻佢地黎飲茶!!1點黎到等左陣位就有木台na*叫左個餐,,有個粥幾樣點心拼盤同炒飯皮蛋瘦肉粥-成家都鍾意食!!唔太杰而唔稀..味道岩岩好. 仲有好多料!!點心有蝦餃,燒賣,XO醬炒腸粉,鳳爪,叉燒包拼盤有叉燒鎮江淆肉燻蹄海淅牛展- 除左牛展冇食樣樣都試過味道okay最後有福建炒飯- 味道淡左dd *overall 都不錯!!* 服務1OO分^^

(9/9/06)睇完恐龍化石展,兩點幾,下午茶幾抵啊!金菇牛肉腸,腸炒皮又薄又靚,不過金菇欠奉。上湯灌湯餃,夾開兩半同男友share.....餡一pet"莓莓溶溶"咁,估唔到呢度,竟然同其他茶樓般,整唔到好的灌湯餃?蜜桃三文魚角,勁正!!炸定焗?總之唔油o既三角形"批",三文魚味非常香,配角蜜桃味道被蓋了。雞脾菇魚肚,及沙嗲牛肚,唔知係咪下午茶關係,碟頭好"就珍"o羅!味道OK。食埋甜品,綠豆沙,落左o個種知叫咩既草,好香,好有屋企的味道。

俾人半迫半氹黎呢度飲茶. 本來無期望, 但估唔到都有d點心唔錯-- 芋絲脆春卷炸得香口唔油, 燒賣食到啖啖蝦肉. 其他如叉燒包同埋蝦腸就中規中矩咁啦. 而且呢度較同商場o既聯邦易搵位.

同個仔擺滿月酒, 上菜係比較慢, 不過真係幾好食, 個濃湯翅好香,夠火喉, 隻雞好脆好滑! Service 唔錯!

第一次黎飲茶....叫左好幾款點心...樣樣味道都okay...最鐘意個香橙馬拉卷...軟綿綿...又有淡淡橙香...好得....臨尾又叫左個鮮茄西施炒飯...賣相麻麻..但食落okay 喎....4個人食到飽哂埋單$220...唔算貴...仲要有service...坐得都幾舒服....最吸引既係飲茶都有得訂位...唔使係門口等餐死....

If you wanna to eat a 3 hr lunch or dinner, you can try this restaruant. I went there 2 weeks ago with my family of 5. We ordered a set plus some dishes.The tea was ok, but the problem with this restaurant is they do not care for customers. As most of you pointed out, they won\'t take your order under 15-20mins you arrive there. The delivery is utmost slow.We waited a steam fish for 1.5hr!!! believe it or not. They never apologised, nor rush the order. Even my dad said we should not go there aga

3月30日中午時一行十人到利寶閣食個$850的套餐。幫襯過幾次，最差係今次，令我唔想再去。上菜慢，我地若1:10pm落單，套餐要上到2:15pm先上晒(仲有2味未食先要打包走)！人又唔係多，但成日都要三催四請先有人跟。落錯單，我地散叫左d點心，明明係酒樓職員入錯機，黎錯左"對唔住"都無句，仲嫌我地煩咁。服務態度十分差，除左三催四請之外，侍應d衛生水平唔好。套餐最尾包左每人一碗糖水，個侍應一路托住盛好的糖水一路講野，仲驚死我地貪多佢碗糖水係咁數數量。成餐最唔好係個埋單個女職員(捲髮)，簽咭時手指指張單命令你簽左後咩都無講，單手比番張收據同咭你就掉頭走。埋單時$1046(無比小費)，雖然係小數目，但都唔可以用d咁既態度對待客人，食得唔開心，梗係唔會再幫襯。

今晚四個人去利寶閣食飯, 食個魚翅帶子王餐.個魚翅, 食品, 裝修各方面都ok, 可惜服務真是麻麻地.因為價錢都唔平, 所以對他們的要求都高一點.服務應該改善一下.

一行七人來晚飯, 點了一個順德什麼套餐, 另加半隻片皮鴨. 落單時阿姐游說我地要全隻, 驚我地唔夠食喎. 原來菜式碟頭都唔細, 好彩無聽佢點.印象中個湯幾好, 係魚湯入面有粉絲、木耳等, 清清地咁老少咸宜. 狗仔鴨成煲連爐上, 味道濃又慶合合, 點睇都應該係冬天食喎, 仲有鴨肉腍到無晒纖維咁, 唔討好. 片皮鴨最遲先上, 不過幾好味, 皮脆又有適量肥油. 其他菜式中規中矩.服務一般, 要彈既係洗手間, 又遠, 行去條路又污糟, 出番商場好過.

叫好哂餸, 有一張電腦打印出黎既單放響檯. 過左十五分鐘, 有一個伙計仲以為我地未叫餸, 問我地諗好餸未! 同佢講D餸未到, 佢就話幫我地跟跟! 再等多十五分鐘, 仍然無動靜. 再催多佢一次, 又係話黎緊! 連傳菜個阿姐行過都加句, "佢地真係等左好耐架喎!" 你話死唔死!終於等左45分鐘, 先有第一味餸上! 真想埋單走! 懶係全電腦化, 居然仲會漏單! 真係抵打pat pat!