別府駅前料理 (已結業)

首先呢度平日lunch係不接受訂枱既，只可以walk in。鬼山地獄拉麵🍜雞粒唔係另上，浸到淋曬。湯底好咸，唔算好辣、麵身普通。份量正常。牛肩肉飯望落唔錯但係.......D肉好難咬開😖個汁又普通，份量又偏少。呢個價錢咁既質素可以有好多其他選擇😑…查看更多

本來對壽喜燒就有特別喜好，所以經過見到有得食，就入左去。牛肉壽喜燒，其實都吾錯，可能自本身鐘意食。叫左碟壽司、沙律菜。兩樣都可以，不過晚市去食比較貴。可能午餐食會平啲掛。…查看更多

嚟左依度食個晏，叫咗雜錦刺身飯。基本上可以錯嘅嘢都錯晒。白飯本身好難食，冇醋味，散修修。甜蝦一啲都唔甜，冇味成舊塑膠咁。咬咗一口即刻兔返出嚟！吞拿魚一樣，冇味成舊塑膠咁。章魚更加係最犀利，膠到咬唔落。青瓜都還可以!如果青瓜都唔得就真係死得！另外，果個酸薑色水暗黑，好似擦子膠咁!試都唔敢試。另外都叫安格斯牛肉烏冬。牛肉都係無味，一啲都唔似安格斯。烏冬就係烏冬，返屋企煮都可以嗰隻，一啲都唔好味。一般過一般。唯一就係杯茶好飲！中伏…查看更多

唔知呢間同以前TST食地獄麵嗰間係咪有關係，不過我入去反而叫咗碗牛肉飯。當時非繁忙時間，連我只有2枱客，我選了有大玻璃在旁的枱坐下。座位下有儲物籃，夠細心。室內環境夠光猛，大概因為大玻璃透射了商場的光，配淺色木枱椅，夠簡約。點了餐，等了好一會，終於有得食。葱同洋葱都新鮮，牛肉切得夠薄，但有部分有啲un，而且汁唔夠，仲有，飯同牛都只係溫溫的，天氣咁凍，都係想食啲嘢令身體暖啲啫，要等又唔夠熱。值得一提是侍應會不時加水。…查看更多

今日同朋友去開荔枝角place 1期行街，行行下見肚餓，就係依一個商場搵野食，最後見到別府駅前料理，我同朋友都想食日本野，而且見到價錢又唔貴，就決定食依間，地方比其他鋪頭算大，座位有吧枱或者卡位，環境舒適，唔會太逼叫左個咖喱豬扒飯$72(豬扒係炸過，外脆內軟，有肉汁，因為係用左日式咖啡，唔會太辣，小朋友都食到)可用優惠價加配小食，如：溏心蛋，三文魚壽司，唐揚炸雞等，我就叫左個日式咖哩薯餅(薯餅炸得好香口，咖哩味道香濃)…查看更多

來到12月，氣溫也識相地回落不少，看來有機會過一個清涼舒適的聖誕節！而早在昨天，趁著微寒天氣＋期限的大分祭，甜魔媽媽與友人在 別府駅前料理 來了一頓日式 shabu shabu，就當是味遊九州一遍吧～以九州拉麵馳名的別府，每年均舉行「九州大分祭」； 今年第九屆九州大分祭於11月15日至12月19日舉行，全線別府將推出「大分祭餐牌」，搜羅多款大分縣特產，帶來以日本米飼養的米飼豚、大分和牛，還有以柑橘飼養、帶橘子香的鮮香鰤魚等，吸引了我們去吃～這天我們去的是荔枝角 D2 Place 的分店，一抵達就看到大分祭餐牌；除了上面提到的大分縣特產美食，餐牌也設有大分飲品選擇，包括食友們選點的柑橘梳打。一來先點了大分米飼豚肉昆布鍋 $128及 大分和牛壽喜鍋 $208，雖然肉品份量不是很多，但質素很不錯：無論是和牛還是米飼豚肉，脂肪分佈都平均又豐富；和牛口感柔軟、豚肉就較爽口，說實在兩款都很好吃。而鍋中的野菜、豆腐等份量不多，選擇也豐富，吃得十分滿足～   接著我們也吃了有油甘魚王之稱的鰤魚刺身 $90，更嚴格來說是柑橘鰤魚。原來，當地漁民在養殖鰤魚時， 會把柑橘的果皮、果渣打碎混入飼料中，除了抑制魚的腥味，也令魚肉色澤更光亮，吃來口味更清爽且帶淡淡柑橘味道；這天一試，果然十分出色！所以後來又加點一份 醬油柑橘鰤魚刺身飯配麵豉湯 $108，雖然論鰤魚味道一定是刺身做法最出色，但這裡的米飯十分軟熟，配上鮮甜刺身還是十分可口的～香口美食誰人不愛？趁著大家都開心去滾同時，也點多份日式炸雞；炸雞香脆不會膩，一件是絕不夠喉的；最後還金享了幾乎餡多於料的粥大分和牛肉飯 $198，肚子大大滿足也！最後，食客在大分祭期張惠顧內任何兩款餐牌內食品或飲品，並以電子貨幣結帳，即可獲抽獎券，有機會贏取雙人來回日本福岡機票及兩晚大分縣溫泉酒店住宿！在此祝大家都要幸運～…查看更多

My colleague decided to take a day off from home office and he cycled all the way here with hunger. Salmon sushi for appetiser, quite fresh and there’s a generous amount of sliced ginger.The cucumber salad with mayo, crab sticks and roes was ok. I think they can do a little more work on the dressing, instead of just using the ready made mayo. Not too bad, but can be better Their miso soup is served in a cup bowl! lovely and you can literally drink the soup The rice bowl my colleague had smelt really nice. Didn’t try it but it looked like some seared chicken. Reasonably priced lunch and tea menus. …查看更多

黑蒜油腩肉拉麵@別府唔知咩事今日居然唔使排隊wor，原本係想order冷血地獄拉麵，睇下可唔可以好似傻瓜超人咁食左酸梅乾就可以變做靚仔超人，可惜...店員話今日無呢款😭咁改是旦改食另一款拉麵，黑蒜油腩肉拉麵，黑蒜油勁香口，但蒜味唔濃，唔使擔心食完成口蒜味，腩肉都OK唔太肥唔太油，肉同油既比例剛剛好wor，可惜，拉麵底就真係麻麻地，佢個拉麵底唔似食開其他日式料理既拉麵彈牙口感，佢呢款拉麵底似係一包包超市買個d日式泡拉麵，認真麻麻。…查看更多

去食嗰陣時係lunch time，所以係出面等左5分鐘先入到去。叫左一個呢間餐廳人氣推薦嘅飯，豚肉丼汁燒鹿兒島豚肉飯。豚肉嘅肉質細嫩，而且有口感。再加上小小蔥花同辣椒中和豬肉嘅肥嫩嘅口感，再加上秘制燒汁嘅襯托，令到整個飯嘅味道更加豐富。…查看更多

這間店在樓層較入的位置，不太當眼，上了電梯要一路直入才看到。雖然如此，但這裡勝在地方寬敞，有空間感，坐得很舒服。侍應見我駐足看餐牌，很友善和耐性介紹午餐！我很久以前食過其他分店既別府，覺得佢個拉麵又抵食又好吃，有時又會做特飲買一送一的優惠，好吸引，可惜搬了店，所以有一陣子沒有吃佢既拉麵啦！想不到在D2 PLACE也有分店，這個回憶令我再次踏入來吃呢！這些價目比起以前貴了，也許是百物騰貴吧！食物種類也少了。我是九州拉麵的捧場客，今次都係照樣食返！要一讚，內裡的豬肉真是超好吃！有驚喜！有燒烤的香味，口感很好，不會太肥。很可惜只有2塊，實在不捨得把它吃完！至於溏心蛋、配菜和麵質屬正常發揮。這裡午餐是沒有SET的，想飲野，就要加$9配飲(可選果汁梳打、汽水、柚子蜜等)，感覺好像有點不太抵。小妹本身鍾意飲茶(免費提供)，所以唔加配都得。而且侍應會不斷替你添茶，無需你舉手叫，服務很好！題外話，我覺得佢係枱頭既豉油樽好靚！很有日本風呢！…查看更多

今日出左荔枝角做野，人生路不熟，跟住同事去左D2 Place 搵食。同事想食別府拉麵，我就麻麻地想食麵，因為岩岩尋日先食完一碗。好彩餐牌都有好多選擇，有拉麵亦有丼飯，所以我揀左一個燒汁雞排丼飯。午餐可以半價叫飲品，不過我覺得有杯熱茶已經好夠，所以無加叫。估唔到丼飯都會俾多碗味噌湯跟埋。丼飯唔係好大碗，不過個碗幾深所以份量都夠我呢個肥仔食。丼飯放了兩塊雞排、一隻糖芯蛋、四塊紫菜（重係脆的！）。雞扒燒得皮有點脆，肉又keep到嫩！配埋燒汁香口一流。蛋就大大隻，唔錯唔錯。最後發覺底下的飯量都唔少，好彩有燒汁送飯，都夠好味了。講真，價錢唔平，午餐唔包飲品。不過我覺得質素係有的！…查看更多

過嚟荔枝角開會，經過 D2 place 想食日本野，今次揀咗呢間別府，聽聞佢已經開咗半年左右，幾次經過想食，今日終於有機會啦。Lunch 時間唔洗等太耐，叫咗個汁燒鹿兒島豚肉飯，另外加咗$20 要飛魚子沙律。飛魚子沙律嘅份量比我想像中大，沙律醬適中，魚子夠多，幾好味。汁燒鹿兒島豚肉飯：臀肉飯後面有幾塊紫菜，上面亦都加咗啲蔥花做配菜，日本豚肉夠滑夠淋，份量亦都夠多。另外見到其他人揀咗鬼山地獄拉麵，佢哋似乎辣到飛起，好似好吸引，有機會嘅話都想挑戰吓。…查看更多

琴日同朋友係附近睇戲，睇戲前去左d2食呢間🤔我叫左地獄湯拉麵（牛筋肉），湯嘅味道都唔錯 ，幾濃郁，但辣味可以再出啲同辣啲 因為我唔太食得辣都覺得唔辣😂😂另外仲叫左個炸蝦卷同魷魚筒👍🏻👍🏻炸蝦卷唔錯 中間舊炸蝦唔係淋身 佢炸到好脆 有驚喜🤩🤩魷魚筒個汁冇咩味 但反而魷魚本身個味好出😱好重魷魚味 如果佢個汁濃啲就好👍🏻👍🏻食落一啲都唔(un) 呢點讚😏…查看更多

D2 place係一個好多野食嘅地方，岩晒放lunch嘅搵食兵團。今日雖然係星期日，但係無咩人，就左間日本野，叫別府。食咩好？話說地獄拉麵就係別府招牌，唔識死嘅我，一叫就叫左4，即係中間嘅辣度。果然出色，果隻辣唔係一般嘅辣，而係十分「封」喉，或者叫chok喉。一方面好辣，但辣得好過癮！推介大家一試！…查看更多

每次嚟D2 place都會掛住行街😂完全唔知開咗咁多食店，所以咁岩經過見到價錢唔貴就試吓😁叫咗個地獄海鮮拉麵，湯底超濃郁又夠辣好正，海鮮都好新鮮👍最估唔到隻蝦超大隻😝真心好食，我自己本身好鍾意食牛肉，所以叫咗個牛柳粒食，但就有d失望，唔係我鍾意食嘅牛既質地，比較淋，不過餃子令我開心返😂外脆內軟都幾好食👍…查看更多