初見

营业中

休息中

口淡淡真係好想食日本嘢，荃灣有乜嘢好介紹。我就真心推介呢一間，平平哋都食到你飽一飽！最重要無加一服務費，食物仲要好高質！舖頭裝修得好有日本風格，地方夠大好多位。我叫咗個海鮮鍋，呢個真係要講一講，啲海鮮係好新鮮！跟餐仲有一個烏冬，同埋一隻蛋俾你打落個鍋度。海鮮有蝦，青口，好多蜆仔同魷魚，仲有生蠔。加上本身個湯底真係好鮮甜。我朋友就叫咗個牛肉鍋，啲牛肉又係超級新鮮。勁有牛味啊，仲帶點少少騷味。想食日本嘢就嚟呢度試吓啦

同朋友出街，諗咗好耐想食咩都決定唔到，一個想食意粉，一個又想食石燒。好彩見到附近有呢間日式餐廳，又有邊爐，又有Burger，又有意粉，款式好多！👅炸雙拼雞翼（釀明太子、餃子各2隻)（$68）雞翼外皮超級酥脆但又唔會太乾，釀咗明太子同餃子，令雞翼口感同味道嘅層次更加豐富。大大啖肉，好好食。👅煙三文魚明太子炒扁意粉（$98）超級多嘅明太子，令意粉完全充滿海鮮嘅鹹香。加上適量嘅芝士，煙燻嘅三文魚同醃製嘅明太子，絕對適合鍾意濃郁口味個人品嚐。👅初見香草吉列牛（配白飯）（$138）升級套餐：刺身+西式南瓜湯+日本波子汽水（$46）外表非常吸引，第一次見用香草炸粉黎烹製吉列牛，然後再以石燒方式由我地控制內裏幾多成熟。醬料又有酸酸的燒汁和簡單的鹽比客人提味。升級左套餐就可以有埋大大塊嘅刺身同creamy嘅南瓜湯/麵豉湯。餐廳好多人幫襯，都要等成半個鐘先有得入，想食就要預早book定位。

今次嚟到我成日同朋友嚟食嘅 #初見 😆平時經過都好多人排隊, 不過我多數係 lunch 嚟食~比較少晚市! 呢到嘅魚生飯/鍋/Burger/意粉/石燒牛 我全部都食過😂 真係全部都好好食有水準架!!! .美國安格斯雪花牛 (配白飯,野菜) $168呢個係必食！雪花牛入口即溶, 重可以自己即煎即食🤤好鬼多油好香💕 不過要注意先煎菜再煎肉!!季節海鮮鍋(配白飯) $88轉烏冬+$8海鮮鍋係龍蝦湯湯底🥹🦞好好飲! 勁濃味😋海鮮係自己放入鍋慢慢煮,就唔驚煮太耐好靭!!.總結: 呢到嘅staff 都好 nice, 然而樓底好高坐得好舒服❣️嚟荃灣必食呀!!!

荃灣人氣餐廳，店內用左田園風格，環境好舒服。餐廳用QR落單夠方便而且上菜快升級套餐 +$38 (刺身一客、湯品、熱茶)加$38升級套餐真係好抵，首先刺身有3款，分別係三文魚，劍魚同帆立貝。湯有日式麵豉湯或者加多$10配龍蝦湯， 龍蝦湯好濃郁又香滑。另外仲配左一杯精選花茶安格斯牛肉鍋配味噌湯 $8888蚊食到安格斯牛肉鍋真係好抵食，湯底係味噌湯，入面仲有唔同既配料，有蔬菜、冬菇、豆腐、蒟蒻、鳴門卷白飯升級湯烏冬+$12湯烏冬個湯底係清甜既豬骨湯，後勁一陣豬骨湯味日式咖喱吉列豬扒配白飯 $80豬扒厚厚一塊，外面炸得鬆脆， 肉質嫩而保留肉汁😋整體食物質素：3 / 5💰性價比：3 / 5👍推薦指數：3 / 5

📍初見 𝑺𝒉𝒐𝒌𝒆𝒏🧭 荃灣海壩街22號華達樓地下F號鋪💰人均消費: HKD108第四次食 #初見 @shokenhk ，繼續試新嘢！🤤⭐️ 廚師發板壽司盛10件 $108𝑶𝒎𝒂𝒌𝒂𝒔𝒆 𝑺𝒖𝒔𝒉𝒊 𝑺𝒆𝒕今次揀咗廚師發板壽司盛，一共10件！話就話廚師發板，不過都唔係啲咩特別嘢🤣 整體都幾新鮮唔錯，個人最喜歡係三文魚籽同吞拿魚蓉卷比前幾次，今次最冇喜感，下次繼續試其他🤣#MFJ荃灣 #MFJ日本菜#mfoodjournal #foodie #hkfoodie #foodblog #hkfoodblog #japanesefood #japanesecuisine #japanesedon #tsuenwanfood #sushi #相機食先 #荃灣美食 #日本菜

想食荃灣呢間好耐每次openrice search荃灣區呢間都係頭幾間推薦今次咁岩經過見到唔洗點排隊就二話不說入去食😍我地叫左香草吉列牛牛肉質地高質 放上石板燒好快熟有得食🤩好脆口 燒起上黎仲好香牛味🤤店員好細心見到石板鹽燒盡左會幫我地換返舊新既 可以繼續燒🤍店舖環境整齊坐得都算舒服～會介紹朋友去食🥰

今次喺荃灣比較偏門啲嘅地方搵到以前喺其他地方食過嘅餐廳咁就再次試吓睇吓唔同區嘅舖頭會唔會有唔同嘅分別香草吉列牛上菜好快由於表面炸過所以比較香脆用晒再慢慢燒返啲牛脂肪嘅味道出嚟舊石就一直用蠟燭去加熱完全唔會怕唔夠熱要換石佢一開頭會再俾多咗一嚿牛油用嚟抹喺石嘅表面防止牛肉煎嘅時候黐底我哋額外再叫咗個豆腐芝麻醬沙律豆腐好細心咁切到好細粒保證每一啖都食到另外沙律醬一啖就食得出係用天使牌嘅60幾蚊咁大份沙律真係好抵📍初見

每次在荃灣經過都見大排長龍最近難得無需要排隊有空位當然要入去試試！餐廳日式裝潢舒適乾淨即使每台都叫了燒肉/火鍋為主也不會太多油煙~🌟香草吉列牛 (配白飯、溏心蛋) 零售價：$138 賣相吸引 份量充足把吉列牛大概燒成3成熟入口有融化的感覺點上少少鹽或燒汁味道亦會更濃郁店員亦會很貼心加燃料令鐵板保持熱度👌🏼🌟季節海鮮鍋(配龍蝦湯、烏冬)零售價：$88海鮮鍋備有帆立貝、三文魚、青口、蝦、蟹柳等配料十分豐富而家湯底為龍蝦湯滿滿濃厚海鮮味價錢合理 整體味道也不錯性價比高！如不想食飯餐廳亦會貼心幫你轉為烏冬～_________________🔍餐廳：初見🏠地區：荃灣📍地址：荃灣海壩街22號華達樓地下F號舖

今日喺朋友屋企打完機就決定一齊出去食晚飯 喺佢屋企附近揀咗呢間日本餐廳，覺得佢個名好有feel叫咗個安格斯牛肉鍋，咖哩吉列豬扒同埋章魚小丸子章魚小丸子都好唔錯，木魚同紫菜以及沙律醬嘅配搭真係幾時都係咁好味，熱辣辣，正！轉頭安格斯牛肉鍋都好快送上，佢呢個餐係配有白飯，安格斯牛肉份量都唔少而且質素睇落都幾好，食落確實係好有牛肉香味，湯底加埋牛肉脂香更好味！鍋物其他配料包括金菇，豆腐，冬菇，日式魚蛋，魔芋同菜等等，吸埋湯汁真係一絕！淨係食鍋都好飽，不過佢嘅飯都好食，粒粒分明，食下食下都食得晒。至於朋友個日式咖哩醬汁都十分好送飯，甘香惹味，見佢好快已經汁送飯清晒，食下佢嘅吉列豬扒都好夠脆，裏面亦嫩，同樣份量十足，伴碟跟左個小小麻醬沙律中和下，讚！

呢次嚟到荃灣一間主打食日式吉列牛嘅鋪頭，事關J小編之前都有bookmark到呢一間。7點幾去到已經見到前面有好多人嚟排隊，所以如果真係有興趣嚟就建議早少少，避開左最多人嘅時段。但老實講，其實好失望，因為本身好期待個吉列牛，可惜無想像好食，仲係難食😢但相反無乜期待感嘅牛肉鍋反而好有驚喜！🤩除左吉列牛之外，其實其他都還好，小編都覺得安格斯牛肉鍋反而係必叫🤣不過其實佢哋menu仲有其他日式料理提供比客人，魚生丼飯同刺身都見到有人叫，聽講午市價錢都幾抵食添~除左荃灣分店之外，旺角都有一間，如果真係有興趣都可以去試下。

又難食又貴 見200幾個like咪試下 2個人食左200幾蚊叫左四樣嘢 牛肉鍋正常的但拉麵配味噌湯一啲都吾搭 仲要成舊麵團咁 打晒結咁 好重的鹼水味咸蛋黃薯條粘得吾夠均勻 好多位都好淡 唔夠咸蛋黃味章魚燒雖然係炸的 但都keep得唔錯但吾值得再嚟食過

🔸初見香草吉列牛 $138係餐廳嘅主打菜吉列牛牛肉味道唔算突出 牛肉咬落有少少根有咬口，但唔會韌到咬唔開不過略嫌牛肉細塊咗啲香草味都唔突出不過沾埋佢個醬汁幾好食呢個價錢係配咗糖心蛋，同埋白飯味道：7/10性價比：6/10🔸初見粒粒原隻軟殼蟹反卷 $70 / 6件入面夾住軟殼蟹每舊都好大舊外面黐住好多蟹籽🥰軟殼蟹嘅旁邊落咗蛋黃醬原來兩樣嘢都幾夾😋呢個價錢嚟講，都算抵食味道：8/10性價比：8/10🔹環境：座位唔太多餐廳限定咗每張枱⏱️用餐時間60分鐘 🗣不須加一服務費（星期五六日需要加一服務費）-人均消費：～$100-整體味道：7/10性價比：7/10-#初見📍海壩街22號華達樓地下F號舖

📍初見 𝑺𝒉𝒐𝒌𝒆𝒏🧭 荃灣海壩街22號華達樓地下F號鋪💰人均消費: HKD78又忍唔住去食 #初見 @shokenhk ！掙扎咗好耐最終都係食刺身😂😂💯三式刺身丼 $78𝑨𝒔𝒔𝒐𝒓𝒕𝒆𝒅 𝑺𝒂𝒔𝒉𝒊𝒎𝒊 𝑫𝒐𝒏刺身丼有三文魚，吞拿魚蓉，松葉蟹肉，估唔到全部都好鮮！連三文魚都係！吞拿魚蓉個口感好好！松葉蟹肉有好多，都好好味！另外仲有玉子同蟹籽！個飯係味素飯，一啲都唔寡，正體掂！$78無加一，一啲都唔貴！下次可以再試Burger再報告！🫡#MFJ荃灣 #MFJ日本菜#mfoodjournal #foodie #hkfoodie #foodblog #hkfoodblog #japanesefood #japanesecuisine #japanesedon #don #相機食先 #荃灣美食 #日本菜 #刺身丼

  一直以黎都好多人推薦既呢間日式小店初見，平時成日都要排隊，好多人推薦佢地既鍋物同埋石燒吉列牛。除左呢類日式食物之外，佢地仲有啲西式啲既意粉同意大利飯。今次黎到就試左試佢地既最出名既香草吉列牛！加套餐仲會包埋湯、刺身同埋飲品～  #eateateatin荃灣 #eateateatin旺角  1⃣️初見香草吉列牛（$138）（+$2轉讚岐烏冬）（+$38升級套餐） 香草吉列牛比較薄切，食落唔算特別有驚喜，面頭炸衣薄脆，香草味冇望落咁突出。可以自己係石板上將吉列牛燒到自己鍾意既熟度，有得挽有得食，都唔錯～仲有一隻糖心蛋👍烏冬就冇乜特別，湯底係豚骨湯底。另外升級做套餐有三文魚、鯛魚同埋帶子刺身，另外仲有南瓜湯同餐飲，都幾抵食😋  2⃣️照燒豬軟骨豚骨湯拉麵（$70） 拉麵湯底係普通平時出面既街坊日式小店feel，豬軟骨有兩大件。  3⃣️日式咖喱吉列豬扒配白飯（$80）（+$38升級套餐） 吉列豬扒都大塊同厚既，咖喱汁味道係唔錯既不過偏稀。  4⃣️初之特選小食拼盤（$98） 小食拼盤有甘栗紫薯餅、明太子雞翼、雞軟骨餃子、章魚燒。當中最鍾意既係明太子雞翼，中間釀滿明太子餡😳外面炸得香脆。好好食！  

好味得嚟又好抵食，味道仲好過尖咀人均200以上嘅居酒屋🍜｜烏冬彈牙、湯底濃🐣｜糖心蛋啲味調得啱啱好，凍凍地入口，口感一流🎃｜南瓜餅啲南瓜蓉甜得嚟相當足料🦀｜軟殼蟹反卷，不得了，厚身不特只仲要暖笠笠店員都好禮貌餐廳環境舒服乾淨2023年喺香港食個dinner人均100有咁嘅體驗，夫復何求