初見

营业中

休息中

加班工作結束後，和上司一起共進晚餐，因為加班有飯津，所以打算吃好點。推開門，燒肉香氣撲鼻😍打開menu，價錢反而很大眾初見香草吉列牛 配白飯、糖心蛋$138香草吉列牛是本店的熱銷食品肉上的脂肪代替燒坂上的油，進一步提升牛肉的香味，香草為牛肉添加了清新感，減少罪惡感安格斯牛肉鍋 $88湯來加入了大量的雜菜菌類，使得湯品清甜，質素對得起價錢，完全不貴，沒有加一服務費大人気 加$38升級套餐包括4件刺身+南瓜湯/麵豉湯+熱茶

荃灣福來邨附近有唔少人氣小店，今次就去左呢間日式火鍋同石燒烤肉店試下～我地叫左一個牛肉鍋同一個吉列牛，加$38可以要套餐，有刺身、湯同埋飲品，我覺得都幾抵，就加左一個～刺身同南瓜湯都唔錯，飲品就係比較普通既茶🔸安格斯牛肉鍋（$88）安格斯牛肉質地嫩滑而且份量十足， 一人餐嘅份量其實都好夠兩個人食，牛味都好濃，而且有菜、魚片等等配菜，性價比都幾高～🔸香草吉列牛（$138）香草吉列牛好有驚喜，平時食嘅吉列牛好少有香草包裹住，所以每一啖都滲透住香草味道，而且牛既質地好淋，燒過之後牛脂更香，口感都非常好

早兩日夜晚嘅時候同屋企人去咗荃灣初見食晚餐❤️呢間餐廳係喺海壩街 即係福來邨後面 餐廳裝修好雅致 位置都算闊落🥰我哋叫咗一個安格斯牛肉鍋（味噌湯配白飯）$88同埋季節海膽三文魚刺身丼$128❤️安格斯牛肉好新鮮 配味噌鍋湯底好夠味😊而且牛肉鍋嘅食材都好豐富 例如有冬菇，椰菜、獅子狗、蒟蒻、芋絲、豆腐、鳴門卷金菇等等❤️❤️三文魚刺身丼嘅海膽冇腥味幾甜😍三文魚都新鮮❤️❤️而且仲有玉子蟹柳同埋蟹籽 飯亦有飯素撈埋 口感豐富 🥳🥳🥳兩個人埋單唔使+1 $216❤️人均大概$100到❤️❤️😚

初見。呢個係岀自納蘭性德《木蘭花·擬古決絕詞柬友》嘅詞語。作為文學愛好者，肥仔忍唔住要幫襯下呢間咁有詩意嘅餐廳。🍂季節海鮮鍋（龍蝦湯配白飯）海鮮十分豐盛，有海蝦、帶子、三文魚、青口同魷魚，配龍蝦湯底特別鮮甜！🍂初見香草吉列牛（配白飯）美國牛小排切薄片，再用獨特自家調製嘅蕃茜香草醬包裹。燒熱石板嚟輕煎，牛肉柔軟而帶足夠油花，加上香草味令味道提升咗幾個層次！仲可以蘸少少牛肉汁或鹽轉轉口味。🍂和風章魚燒(6粒）外皮鬆脆 ，食落好香口。值得一讚入面嘅章魚大大粒，食落粒粒分明好有咬口！🍂初見邪惡炸薯條超香嘅鹹蛋黃味！薯條外脆內軟！每一條都沾滿鹹蛋黃醬！口感非常有層次！總結，係一間有心做嘅小店，值得大家多多支持！

上次同朋友係旺角試左初見，覺得幾好食，今日放工，自己一個再試下呢間荃灣呢間分店😋呢度離愉景新城五分鐘路程，都算幾方便，店舖細細，可以坐到約15-20 人，樓底幾高，幾舒適，幾岩同朋友坐低吹水佢本menu 都幾特別，有啲意景既句子，幾有心思今日食豪啲，叫左以下野：🤍初見特選蟹皇 刺身丼 （$168） - 賣相一流- 入面有蟹肉、蟹膏、帶子、海膽、蟹柳、玉子，吞拿魚蓉、好豐富- 飯拌了飯素，唔落豉油都好夠味- 刺身特別是海膽，很新鮮，好鮮甜！！- 加$38 仲可以升級刺身、湯、飲品（不過我唔係太肚餓就無加到啦）🔸聽朋友講原來荃灣店長期要排隊，大家黎食最好早啲攞位了📍 荃灣海壩街22號華達樓地下F號舖

今日去食香草吉列牛，牛肉淡而無味，完全沒有肉味，附上的汁醬亦沒有味道的，唯一有味是附上的鹽粒，餐廳亦不及以前人多等位，未知有否換了廚師，令味道有變所致，希望日後有所改善。

初見香草吉列牛🥩（配白飯） $138*套餐： 刺身+日式麵豉湯+飲品  +$38*飲品轉可口可樂  +$5記住要先把牛脂肪塗在石板上，要不然會牛牛黏底🙈 要香草味，但不會濃到蓋過牛的味道🐮 炸衣不會太厚，薄薄的～～建議沾鹽吃，更能帶出牛牛的鮮味🤤 季節海鮮鍋🦞🦐🐙 （龍蝦湯配白飯）  $88*套餐： 刺身+日式麵豉湯+飲品  +$48海鮮鍋湯底是龍蝦湯🦞有青口🦪，蝦🦐，蜆，三文魚，蠔等等😆雖然鍋看起來小小的，但還算挺豐富😝  龍蝦湯撈飯就開胃😋 初之特選小食拼盤🍤   $98這個小食拼盤就最適合像我一樣有選擇困難症的人了😛因為每樣小食都有～～有一口芝士🧀甘栗紫薯餅🧅明太子雞翼和雞軟骨餃子🥟 小妹最喜歡明太子雞翼和甘栗紫薯餅🤭 前者皮脆肉嫩，而且明太子餡料非常足🤪超香口👍 甘栗紫薯餅紫薯甜度剛剛好，外面炸得脆但又不會太厚😛不錯～～總結：位置挺方便，從愉景新城走只需大概3分鐘，可試👍

耐不耐就會去荃灣搵食，今次就嚟試下呢間日式fusion小店餐廳餐牌上都幾多款式選擇，除咗主打的日本菜，另外亦有少部份意粉類同埋意大利飯由於呢晚想食得清少少，所以揀咗兩個以海鮮為主的食物1.    季節海鮮鍋(龍蝦湯) ($96) 轉配讚歧烏冬 (+$8)平時食開的日式海鮮鍋，通常所有材料都已經放咗入個鍋度，但呢個鍋的海鮮係分開放，上枱時由客人自己再慢慢放入鍋度，唔駛怕好快就煮得過熟之餘，亦可以清楚見到海鮮的新鮮程度。海鮮包括：生蠔、青口、蝦、三文魚、蜆肉同魷魚，全部好新鮮！鍋入面有冬菇、菜、豆腐、獅子狗卷同鳴門卷，其實加埋d材料已經好豐富，龍蝦湯底好鮮甜，而個烏冬口感彈牙之餘，估唔到個奶白湯亦同樣鮮甜！2.     仙氣壽司盛(7件) ($158) (另加$38跟餐有刺身+西式南瓜湯+飲品)南瓜湯正常發揮刺身肉質鮮甜，亦幾厚身壽司盛：一上枱已經令人嘩嘩聲，因為個盆入面放咗乾冰，有D煙響壽司下面飄上嚟，成個觀感已經好靚好吸引，唔怪得個名叫仙氣！壽司分別有三文魚、鯛魚、三文魚子等共7款，另外仲有一隻赤蝦刺身同埋玉子兩件，每款都好新鮮，我覺得對得住呢個價錢。整體來講，食物價錢唔貴，但食物質素

今日叫左個和牛餐，包括特選小食拼盤有雞軟骨餃子，味道可以，明太子雞翼，好味，一口芝士，可以，金粟紫薯餅，可以，另外有特選三式刺身盛，有三文魚，帶子，油甘魚刺身，新鮮，有龍蝦忌廉湯兩客，可以，另外主食系石燒香草吉列牛一份，幾特別，同埋特選澳洲M4和牛肉西冷扒一份加＄8升級讚岐鳥冬，再加錢要左$20信州蘋果汽水一支及$12龍鳳可樂

🙋🏻‍♀️成日都見到人食呢一間燒肉，咁啱同老公係荃灣行街就去試吓！▶️去到梗係揀個成日都見到想食嘅香草吉列牛！佢全部都係香草包住勁重香草味呀🤩！香草呢個可以燒得耐啲十成再燒到面頭脆脆地好香口㗎👍🏼！▶️叫多分安格斯雪花牛，呢個燒到六成熟就可以！雪花牛比較油一定要配飯食！佢有多飯/標準飯/小飯揀！😛▶️另外被個和風燒餅汁牛肉漢堡包配炸薯條吸引咗😍新鮮牛肉漢堡啖啖好多汁，如果唔食燒肉可以齋食呢個都好大份！一定夠飽又好食👍🏼👍🏼👍🏼▶️佢今餐升級龍蝦湯+魚生+飲品加$48！抵食呀，魚生都好多😂再去食過先🤣

收工又去蒲MK🤭，離遠見到個招牌，行到過去見係食日本嘢又有位就坐低了。餐牌都幾多選擇，價錢仲好大眾化🤩，兩個人叫咗呢d:安格斯牛肉鍋(味噌湯轉讚岐烏冬)$96每張枱都有獨立電磁爐，放上湯鍋好快就滾起🥘，除咗牛肉之外仲有好多配菜😋，讚岐烏冬亦非常彈牙👍🏻日式咖哩吉列豬扒配白飯$80吉列豬扒好Juicy🤤，配埋日式咖嘢汁，成碗飯就咁KO咗🫢明太子雞翼 $58雞翼控必食😍，見到炸到咁金黃色已經急不及待要咬一啖，𥚃面釀滿晒明太子，辣辣地非常惹味🫶🏻日式鐵板煎餃子 $48簡單嘅小食，最緊要皮薄同煎得夠香，兩樣都達標😙😙

必試香草牛肉神石燒💗初見一直都好出名，每次想試嘅時候都大排長龍，今次終於的起心肝去食！🥹🥹≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣#HK_gfoodie荃灣食好西#Hk_gfoodiein荃灣≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣我哋喺門口排隊嘅時候已經諗定好食咩🤣見到入邊好多客人都有叫香草牛肉，所以我哋今次就叫咗個初見香草吉列牛同比較特別嘅漢堡包🍔≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣初見香草吉列牛（轉讚岐烏冬) $146顧名思義香草吉列牛，就係牛肉比香草粉包裹住牛肉。肉份量好多而且仲有2隻溏心蛋💓肉無進行醃製所以可以自己點醬汁或者鹽去調味石燒嘅好處係可以自己煮到適合嘅熟度，唔會太生又唔會太熟✅我哋轉左讚岐烏冬，份量好大碗，湯底較濃好啱同牛肉一齊食✨初見特上漢堡包配炸薯條 $118 蛋液流係煙肉同牛肉上面勁好食🥹🥹三款食物嘅配搭好夾，我哋另外加左$38有刺身、西式南瓜湯同飲品，刺身好新鮮同有我最鍾意嘅三文魚💗😚，南瓜湯好濃郁而且係好香。飲品有好多款選擇，我哋最尾叫左烏龍茶💗≣≣≣≣≣✿≣≣≣≣≣≣≣≣≣≣≣≣

本來都無諗住寫評價、所以無特登食前影靚相！食下食下真係覺得點解會咁架真係食唔到落去～先打算寫下～唔明點解會咁高評價！叫左3樣野加飲品、埋單接近400以呢個質素不太值三樣菜色都低於標準無論味道、質地、煮法都需要改善鰻魚好腥 、質地挺身口感，而不是一夾即開嘅軟身質感、不知道是魚質問題定點、汁不太夠味、所以比較腥只可說這不是日式餐廳、做法不是日式的口感與味道～是比較家庭式自己研發的仿日式味道環境方面以咁多枱的石燒牛通風真的不夠、食完成件衫都有大陣味喜歡去日本食日本野的人、未必啱食～「好味是良知」而不是盲撐寧支持更多有質素的良心店抱歉不會再幫襯🙏

食物方面：牛無牛味 尤其吉列果塊..M4果塊好少少 但都欠缺味刺身還可以 小食都可以份量好足夠 兩個人食唔曬一個二人餐（$598）食過一次 唔會返轉頭都成$300人均 食物質素比唔到三舊水我————————————————————————-環境方面：空調通風非常差一入去好似火燭咁地下好油 好跣————————————————————————-真心評論：最後希望多啲人睇到等大家避免中伏店家見到既話就希望可以改善質素🥲🥲

🔹️初見🔹️好耐冇同朋友們聚會啦朋友特別揀咗一間名字好特別嘅餐廳我哋七點左右去到，都要攞籌排隊不過唔緊要，等咗一陣就入得去啦初見香草吉列牛配白飯 網上見到呢一款初見吉列牛好多人介紹就心心眼想試下啦👍可以自己燒，選擇自己喜歡既熟成程度日式咖哩吉列豬扒配白飯吉列豬扒外層炸得好鬆脆，推薦咖哩汁仲可以配白飯同烏冬季節海鮮鍋龍蝦湯配烏冬龍蝦湯好濃郁， 配烏冬食都好夾以上餐點我哋都加配咗刺身湯同埋飲品都係+$38