初見

营业中

休息中

幾想食燒吉列牛，今日search荃灣OP見到有就等埋朋友放工一齊嚟~店面有啲西式清新風格。因為樓底都幾高散味，所以燒既味道感覺無侷促~近聖誕節，有聖誕二人套餐依啲揀，不過朋友想食鍋物~野菜豆腐鍋麵豉湯配白飯 $68內物有椰菜、津白、蒟蒻、日本蟹菇、金針菇、冬菇同埋魚片。湯底麵豉湯中度味道，超滾既火暖暖身。可以加錢轉烏冬果類。重點我想食嘅嘢 - 初見香草吉列牛糖心蛋配白飯 $138醬汁有海鹽同埋燒肉醬。糖心蛋偏深色，一隻過！初見香草吉列牛份量唔馬虎。香草燒過後帶脆，朋友覺得有啲香草甘。吉列我嘅油脂分布非常之好，輕輕燒熱兩邊都可以食，口感就會實淨一啲。如果燒到全熟嘅話，口感就可以比較油脂重。加咗香草嘅味道幾特別，幾新鮮一試！店員都好貼心會留意住我哋嘅火夠唔夠嚟加。食到就九點都係人來人往，好旺場~好彩早咗嚟，嘻！

今日係荃灣做野，揀左黎呢間食個飯，天氣最近凍左好多，揀左個鍋物食😄安格斯牛肉鍋（味噌湯配白飯）$88鍋物會連住一個爐上嚟，食住會一直keep住滾，就算天氣咁凍都唔會食食吓凍咗。👍安格斯牛肉都有好多塊，而且牛肉質素都幾靚，鍾意佢無咁多肥肉😆個鍋仲有好多蔬菜同埋日式魚片，而個湯底係味噌湯底，湯底唔會好咸👍食晒成份好夠飽😄初の秘溏心蛋 $12我另外仲加咗個溏心蛋，糖心蛋整得好靚，中間係完美嘅溏心質地，再加上滷得味道岩岩好，好推薦大家都加錢食😋😋

本身排緊隔離間野，但因為要等4張枱，呢間初見等左無幾分鐘就有位，於是就食佢啦。之前係OR睇過佢既食評知道佢有好多讚，諗住都唔會太差。一行四人我地嗌左鍋物，鐵板牛。個鐵板牛由落單到上枱等左差唔多25分鐘，好啦，諗住等得有價值都抵既。點知一上枱，已經見到啲牛肉粒好乾，又凍，啲蒜片係淋既，牛肉粒食落去勁難嚼，我地幾個都嚼到牙骹痛。有一位我估係老闆？定經理？望過我地幾次，見我地幾個食到苦口咁面，都無過黎了解下。返工趕時間，大家求其食完就走人，不過大家都話，下次即使隔離鋪無位都唔會想食呢間野。

吉列牛熱潮雖然無之前甘強勁，但呢間荃灣小店，晚晚依然人氣高企 全因招牌香草吉列牛，人氣no.1初見香草吉列牛 $138 （跟白飯、溏心蛋）以吉列牛價錢黎講較相宜，足足有12塊牛香草圍邊比一般吉列外皮亦無甘硬身，食落似淡淡海苔肉味亦濃郁，出色！日式叉燒豚骨湯拉麵$70拉麵麵質呈幼身黃色曲曲，有一塊大紫菜、溏心蛋～有3大塊叉燒，火炙得唔錯，肥瘦比例適中～整體香草吉列牛幾有驚喜又抵食，拉麵則屬街坊小店正常水準。抵讚的是無加一收費。

瞓醒想食生少少嘅燒牛肉，之前去過呢間初見，食過一次香草吉列牛都算ok，今次再去應該合格掛，落order前已經先問佢可以食幾生，睇佢係收銀都唔似普通侍應可能係經理，佢同我講話佢地嘅牛肉基本上可以生食，其實我都係諗住每邊燒三秒鐘冇諗過生食，不過一上菜到竟然係雪櫃攞出黎，每一塊牛肉面都鋪滿霜，點生食啊阿姐，你唔係唔知道你啲牛肉雪櫃攞出嚟啩，我唔通等佢室溫解凍完先食咩，你寫明用餐時間得一個鐘咋，更何況我都唔會睇住佢解凍後再生食啦，我知做飲食唔使誠實，不過你都有嗰句講嗰句啊，咁搞真係以後即係唔使去

太耐冇返福來村食野有d 食店係情意結關係過一排就會突然想食， 就好似初見咁，我同謙謙就喜歡來食晚餐。🔯 和風章魚燒 ～ 一客6粒， 熱辣辣圓圓一粒，內裡軟綿綿有章魚粒，而脆邊面層放了紫菜、沙律醬和木魚碎增添滋味。🔯 蟹籽三文魚刺身丼 ～ 6片大件肥美的三文魚， 三文魚夠新鮮與蟹籽拌勻配飯食幾好。🔯 日式叉燒，豚骨湯拉麵 ～ 加錢 轉地獄湯底，味道偏重屬於微辣， 呢到係用幼拉麵，叉燒肥瘦比例剛好，邊邊位燒得香脆係我鍾意的叉燒。

初見呢間嘢我已經久聞好耐，有好多人話好正，朋友叫我要早啲到排隊。今日我平日六點半點去到，好彩未有人龍，佢限時60分鐘交枱，證明有幾受歡迎 （去到七點已經有人龍）。我見啲人話佢出名吉列牛同鍋物，其實佢menu仲有好多款式，仲有壽司set同刺身丼，又有意大利飯同炸物，價位又好親民，有啲set唔駛一百蚊就食到！今晚我地兩個人叫左： 🔶️初見香草吉列牛（配白飯）（$138， 9.2／10） 呢個係佢最出名既皇牌，差唔多枱枱都會叫！個爐好多熱，個香草吉列牛又切得好薄排得好整齊仲好大碟！一塊一塊牛慢慢燒又可以送白飯真係好正，佢個點牛sauce仲係日式薑汁，幾特別！個set仲要有隻好流心既溏心蛋，高質！好欣賞佢呢度樓底好高，通風好好，食完唔會成日油煙味。 🔶️安格斯牛肉鍋（$88，9.5／10）呢個鍋可以話係性價比冠軍！$88已經有成個SET有白飯跟，又有四大塊面咁大既安格斯牛肉，塊牛肉仲要唔肥又好味，仲有個充滿菜同煮物既鍋，個鍋湯底仲要勁清甜，冇味精，冬天我一定會再黎ENCORE呢個鍋！ 🔶️初之特選小食拼盤（$98，9.2／10）呢個拼盤有四款小食：紫薯栗子餅，雞軟骨餃子，一口芝士同埋明太子雞翼。每款

良心小店推介環境木系寬敞野食由石燒火鍋到意粉都有價錢中等季節海鮮鍋/龍蝦湯鳥冬來到份量好大海鮮由三文魚各式貝類 到魷魚蝦都有 大雜燴坦白講各種海鮮唔算係最新鮮但係呢個價錢食到咁多都已經足夠龍蝦湯味道好濃好正本身以為加錢有烏冬係可以加落個龍蝦湯度點知原來上嚟嘅時候係普通豬骨湯建議叫白飯小食加咗章魚燒30 幾蚊有六粒大大粒入面嘅餡料好足夠推介小店

#🐮#哈比四圍食 #吉列牛 #初見 #荃灣美食 @shokenhk 返咗呢份工之後，好似更加奉旨去搵好嘢食咁😆同同事成日四圍八吓有咩好嘢食 就慢慢嘆完再返工😁有日佢話呢間lunch time好多人排隊，我哋又八卦吓😆Lunch食吉列牛 慢慢燒，我哋會太誇張🙈不，又好抵食喎~$138，大約有10至12塊牛，又有隻溏心蛋同白飯，升級仲有埋餐湯、刺生、飲品，總體都算唔錯丫.📍 初見 (荃灣)荃灣海壩街22號華達樓地下F號舖.

🚩初見依間店喺荃灣已經開咗好耐好耐，記得第一次食佢嗰陣已經係中學時期！估唔到過咗咁耐依間店仲係咁人來人往，可以預先訂枱㗎各位‼️餐廳有超多款式嘅食物，鍋物，飯，麵同漢堡〰️〰️〰️〰️〰️〰️〰️〰️〰️〰️〰️〰️〰️〰️〰️🌈初見特上·豚骨湯拉麵 $88一個拉麵有齊晒所有肉，包括牛肉，豚肉片同埋豬軟骨🙌🏻豬軟骨炆得好淋，滿滿骨膠原嘅感覺～豚肉片亦都有另外火炙過特別香口！湯底唔算話十分濃稠，食晒碗麵都唔會話好口渴🌈日式咖喱吉列豬扒配白飯 $80咖喱味甜甜地，不過如果有多啲配菜好似薯仔粒，洋蔥會更加好！豬扒唔算好厚身，不過勝在夠脆～炸漿亦都唔會話好硬，豬扒配咖喱食又得，點沙律醬都得🌈刺身+ 西式南瓜湯 + 飲品 $38所有套餐加$38就可以配埋以上依三款嘢，三文魚十分厚切，而且用嘅係魚腩部份，油香味十足～南瓜湯都真係飲到果蓉，真材實料

✨初見香草吉列牛❤️ 初見香草吉列牛吉列牛嘅份量好似大過以前，而且吉列表皮都幾香脆，沒有比牛肉嘅脂肪浸到淋晒！牛肉口感幾好冇咩筋！❤️溏心蛋夠晒流心！👍加$8轉讚岐烏冬都幾大碗，甚至兩個人食都啱啱好！讚岐烏冬好滑！✨季節海鮮鍋龍蝦湯咁耐冇食出邊通脹，到到都加價，呢間餐廳竟然仲係維持到$88就食到咁多海鮮！甲殼類海鮮值得一讚因為清洗得乾淨，冇沙食得放心！✨ 日式叉燒•豚骨湯拉麵日式叉燒有三大塊，最啱肉食獸！燒到表皮香香地，而且肥瘦均勻！豚骨湯唔算好鹹，就算飲晒成碗拉麵湯底，返到屋企都唔口渴！

人生若只如初見🍃 初見裝修偏日式 另有花花草草 除左招牌吉列牛之外 仲有好多選擇 西式 日式任你揀😎初見香草吉列牛 配白飯、溏心蛋 $138吉列米色澤紅潤 油脂比均 外觀相當吸引😍吉列牛份量算多 但就偏薄身 牛肉味偏淡 外層香草就冇咩味 點埋個醬剛好🫣季節海鮮鍋 龍蝦湯配巑岐烏冬 $88 + $8龍蝦湯清甜但比較淡 冇味精味 不過就唔太岩重口味人士😮‍💨 鍋有好多料 例如獅子狗 嗚門卷 豆腐 蛙蛙菜～ 海鮮種類都算多 尚算新鮮 但部分例如魷魚 被蜆就比較碎 係碎到落左湯搵唔返個種😮‍💨 以下兩個主菜都加左$38套餐 包左刺身 湯及飲品（注意：上圖係2份）刺身都鮮甜肥美 過下口癮都唔錯和風章魚丸 $38外皮唔夠脆 內餡太淋 應該係用包裝好既章魚丸 再整返熱佢～ 有粒粒八爪魚 但不太推薦 🐙炸軟殼蟹反卷 $70係用左成隻蟹整既反卷🦀 冇包到落反卷既都放左係碟邊～ 蟹籽增加左口感 加埋沙律醬絕配🥰性價比極高 2個人食$500都有找🫡 真係食到好滿足呀～～

位於荃灣海壩街既初見，主打日式料理同埋西日Fusion菜，有火鍋、壽司、串燒、吉列牛等等，食物種類都幾多元化😚香草吉列牛配溏心蛋白飯🍱 $128呢款係餐廳嘅必點菜式！餐廳職員喺上枱嘅時候會俾埋個預先加熱左嘅石板俾你，等你方便燒，🖤黑白配⚪️將啲牛放到預熱嘅石板上面，自己燒嘅關係所以可以自行控制生熟程度香草🌿吉列牛🐮嘅份量好足料，牛肉切到好薄，有淡淡的香草味而且外面好脆，食落去肉質都幾新鮮同埋嫩，半熟嘅溏心蛋🥚食落去甜甜地，而且有好香嘅蛋黃味同埋醬油味！板燒美國雪花牛肉配白飯 $100餐廳會連埋個燒盤俾你等你自己燒，個牛肉又係好足料份量都幾多，而且食落去有好重嘅牛味同埋幾香口😳炸和風一口芝士 $45一口芝士總共有6粒，流心熱辣辣嘅芝士 🧀 一咬落去好香脆，啲芝士溶喺個口度🤤芝士腔必試！

💛好味指數:4.4/5💛💜回頭指數:4.4/5💜餐廳以日本料理為主，選擇款式多：壽司、刺身、吉列牛、意粉連漢堡包都有，總有一款啱你😀而且餐廳超多人介紹，✅初見粒粒原隻軟殼蟹反卷$70見到個卷物真係俾佢嚇親😱點解可以大件到咁‼️我諗一件等於平時嘅一半🤣而且入面仲加咗啲沙律醬，唔洗點豉油都Ok✅蒲燒原條鰻魚$138配前菜、日式味素飯本身以為原條鰻魚上，仲擔心緊點樣切開佢🤣點知職員已經好細心咁切開一件件，而且鰻魚好大條，燒得幾香，配買味素飯食到停唔到口😆🐻總結食物種類選擇比較多，樣樣都想試🤣可能多啲人食可以食到唔同種類嘅嘢開心啲😌📍初見 (荃灣)荃灣海壩街22號華達樓地下F號舖

荃灣嘅初見都開咗好多年，今次已經第3次黎，之前兩次都係食初見香草吉列牛，今次試咗其他野食想食火鍋，所以我叫咗安格斯牛肉鍋，湯底係味噌湯，入面有好多菜，仲有幾款菇、獅子狗卷、鳴門卷，牛肉都有4大片，份量唔算太少，而且牛肉肥瘦比例幾好同埋幾滑。原本個set跟白飯，我就加咗8蚊轉讚岐烏冬，豚骨湯底，烏冬又夠彈牙，唔錯朋友就叫咗初見特上豚骨湯拉麵，入面有齊日式叉燒、豬軟骨同牛肉，可以一次過試哂，仲有糖心蛋、紫菜同筍，幾豐富除咗日本野，我見佢都有啲日式西餐同漢堡包，下次再黎會試下