初心冰室 (已結業)

金魚街、花園街同西洋菜街一向都是美食集中地, 有平有貴, 任君選擇。今次揀左初心冰室食午餐, 係因為見到佢四十幾蚊的午餐已經有湯有麵包有主食仲有一杯茶, 呢個價錢黎講非常OKAY, 結果同同事幾個人黎, 叫下叫下都幾多野。香煎美國雞扒配黑椒汁配意粉 49雞扒煎得香口而不肥膩, 吃入口啖啖肉。煎好的雞扒，加上夠爽同彈牙的意粉，澆上黑椒汁，加上配菜蒜蓉青瓜, 好吃又夠飽。煙三文魚蜆肉忌廉天使麵50三文魚蜆肉份量都幾多, 唔會剩係得番D 意粉, 而且D意粉唔會煮得太淋, 仍然保持彈牙的口感。滿滿鮮甜嘅蜆肉, 加埋天使麵沾滿幼滑的忌廉醬汁, 實在係大滿足焗豬扒飯 48番茄醬汁夠濃郁, 豬扒夠鬆嫩,唔會鞋拾拾, 黃金炒飯, 炒飯夠分明乾身，而且蛋絲都算多。白酒香草忌廉煮青口青口係細細隻好鮮嫩果種, 唔會煮得太老, 配搭忌廉汁, 味道又提高到另一層次, 不錯不錯。雪糕朱古力咖啡 濃香既咖啡配上去雲尼拿雪糕，一啖甘苦一啖香甜，但加上少少朱古力的甜, 又會將甘苦一掃而空。隱藏西洋菜街的西餐小店, 全部不過五、六十元左右，經濟實惠, 店員縱使忙也服務周到。下次黎買龜糧都可以再encore~

初心冰室位於西洋菜街, 係太子同旺角中間, 地點方便, 由旺角港鐵站行過黎其實5分鐘到就到。果日同朋友黎, 叫左3個餐, 先有餐湯送到，有羅宋湯同忌廉湯，而且仲有麵包, 熱辣辣好溫暖。烤美國西冷配黑松露野菌燒汁配薯菜 62 西冷牛扒夠大件, 而且又唔會煎到鞋一鞋, 中間仍然保持嫩滑, 仲有肉汁流出。薯菜份量夠多, 薯條即叫即炸, 蒜蓉青瓜又可以解肥膩, 以62蚊的價錢來講是超值。日式咖哩海鮮蛋包飯 52蛋包飯賣相吸引, 雖然層蛋皮沒有想像中的滑溜, 但仍然保持飽滿與香嫩, 炒飯裡有海鮮粒, 雖然份量不算太多, 但撈埋D 咖哩汁一齊食, 食下食下都清晒成碟。 凱撒沙律煙三文魚 47炎夏最好食沙律清新一下！這裡的三文魚雖然切得比較薄身, 但仍舊食到其肥美的味道, 煙三文魚充滿煙燻香, 又有三文魚嘅豐腴嫩滑感, 仲有特別調製嘅凱撒沙律汁, 一齊食，更覺開胃醒神。至尊炸雞中翼 68絕對是誠意之作, 炸雞中翼炸得甘香而又東脆肉嫩當然不在話下, 最重要是炸雞中翼裡面釀有芝士與蘑菇, 仲要係已經去埋骨, 基本上一口一隻係絕對無難度。雪糕紅豆冰身為甜品控，飯後當然要來個甜品喇！雲尼拿雪糕一大球, 食到

見到新開的餐廳便入去試試初心冰室 名字很特別 一入去入面的裝潢更特別每張桌面也是由馬賽克砌成的 牆上的設計也很別出心裁今次點了晚市套餐：西冷配黑松露汁首先上檯的是雜菜湯和麵包湯不會太咸很岩我口味麵包是焗過的 入口時仍脆卜卜主菜到了西冷的份量比我想象中細塊但是食物價比性是高的肉質鮮美 7成熟剛剛好配上特製的黑松露汁很配合另外加40蚊有半份龍蝦 很抵丫龍蝦用了芝士來焗 很惹味40蚊真係好抵 必試最後飲品點了朱古力雪糕咖啡

今日朋友話帶我去旺角一間新開既冰室試吓dinner 食物好似ok價錢又唔貴😛 去到嘅時候見到呢間餐廳叫 初心冰室：願你我不忘初心 幾有詩意bor💚Dinner set真係唔貴喎 $70左右😯 食牛扒或者三文魚扒都係$90 幾抵下！我哋要咗 D8黑松茸煙三文魚忌廉燴意大利飯 梗係加$10要酥皮忌廉湯啦！🥣 幾好飲喎 個包仲要用高級包 - 意大利蕃茄包😯👍雖然煙三文魚碎上😭 但都幾多！黑松茸味我就覺得唔係好突出 可能比煙三文魚味搶咗🤔 不過勝在好多菇菌😛 意大利飯都唔會煮到好淋 冰室來講算煮得唔錯😛我哋仲見到主餐牌有鵝肝牛柳😍😍😍 都係$138咋！平時邊度得啊🙈🙈 所以我哋就叫左一客試吓！賣相幾得喎！😍 牛柳切開好軟 唔使嚼筋！配埋鵝肝 有少少油份 味道特別香濃😋 而且份量都幾多 真係抵食😝😝 同埋鍾意佢係配薯角 唔係薯條😋本來想仲想叫佢個甜品 🍮燉蛋試吓㗎 可惜當晚已經賣晒了😔 但估唔到佢個set dinner有粒糯米糍送喎😛 照食haha😝

旺角食飯，成日都要趕頭趕命，有啲難坐好耐傾計。呢間冰室舒服得來而且可以坐好耐都唔趕你走，食物質素又高。非常值得推介！首先佢嘅餐牌選擇都非常多，而且價錢都非常相宜， $100都唔使就有得食扒又有湯又有飲品。我同朋友嗰啲叫咗一個牛扒一個三文魚扒。餸菜的presentation都好靚，唔係普通茶餐廳冰室，用啲好Hea嘅餐具。我對我嘅三文魚扒都好滿意，香滑得來一啲都唔腥，配上香草忌廉汁更加提升到佢嘅鮮味。飲品都非常有誠意，我叫咗個即磨咖啡，水準拍得住平時出面$40一杯嘅咖啡水準

又到星期四，要食埋晚飯先番屋企，近近地就喺公司對面食，呢個位舊時都係冰室，唔覺唔覺原來已經轉左做初心冰室，晚市都好好生意，我地來到都等左一陣先入座，到八點半後就開始鬆動D，冇咁多人。裝修同以前一樣，都係有卡位，有梳化位，基本上都闊落，同埋大部份兩人都坐到四人枱，唔洗逼住逼住食野。晚市有套餐，西式野為主，意粉、蛋包飯、沙律、三文魚扒、羊架等，套餐價錢60-98，跟埋忌廉湯同餐飲。單點主菜、意粉、飯、沙律可以加28蚊升級做套餐；又做緊優惠，喺fb打卡可以用40蚊換購波士頓龍蝦半隻，又有小食優惠任擇其一，都算抵食，所以客人頗多。炸雞翼：原本係點餐牌嘅炸雞翼，以為單純就咁炸，原來係有餡嘅。雞翼脹卜卜，一份有五隻，裡面原來係芝士同蘑菇，做法都幾特別，雖然唔係脆脆嘅口感，但雞翼好軟熟，入面有芝士味呢。餐湯：忌廉湯，一份加左10蚊要酥皮。麵包幾特別，原本以為好乾，點知幾軟熟，仲有種煙肉咁嘅香氣。香煎帶子露荀闊麵：主食叫左闊麵，上枱都幾吸引，加左紅椒、綠椒去煮，不過帶子係煮過龍，熟得濟。好在闊麵冇失手，唔會煮得太腍，掛汁度高波士頓龍蝦拼牛柳：因為前一晚食過豬扒，今日就食牛喇，牛柳拼龍蝦，勁吸引，價錢都

要在食肆多不勝數的西洋菜南街突圍絕不是易事, 餐廳取名初心蠻有意境, 一試也有水準晚餐有忌廉湯同包一客, 又有主餐同2粒獨立包裝糯米糍做甜品, 定價算OK啦.... 酥皮湯 (跟餐轉+$10) 熱辣辣正... 餐包都好食但忘了影 😅黑松茸煙三文魚忌廉燴意大利飯, 配料豐富足料, 食到好多三文魚肉, 飯唔會太濕同太硬, 唔錯呀 !朋友點左西冷扒配意粉, 試了一小件扒, 肉質可以! 另外加$25點了跟餐小食 ~ 雞翼and芝士焗西闌花,雞翼細細隻不過好滋味, 2個人share非常抵食 , 下次會再黎

港式餐廳通常有個弊病，就是急，環境不好坐，趕客，想你快點走。香港的租金，不多做幾轉就蝕本，可以理解的，但請恕我不能苟同。這天跟同事在旺角覓食，見倒呢間冰室環境不錯，愛嚐新的我們就進去試。-想慢慢坐著聊天，叫了一個main dish share,其餘都是小食甜品，慢慢hea慢慢坐。-蒜蓉包三大片，片片酥脆，幾香蒜蓉牛油味。-泰式燒魷魚好大一隻，燒得幾香，稍為淡左少少，沾上泰左醬就剛剛好，酸甜開胃。-香辣蒜蓉蜆肉炒意粉又係好大碟，o岩哂我地兩個人share，好多蜆，仲要唔細隻，起碼超過十隻，好辣好重口味，朋友就覺得咸左啲。女仔食完咸就想食甜，想不到冰室都幾多西式甜品。朱古力芝士蛋糕灑滿朱古力粉同朱古力醬，質地唔算好滑但幾重芝士味。焦糖燉蛋即燒，甜甜暖脆面配凍燉蛋，唔會差得去邊，叫做過左下甜癮。-整體average啦，如果味道穩定些會更好。但係港式餐廳泥講，環境有性格算好坐，Waiter們好醒目，不趕客，會加水，值得好評。

夜晚去咗呢條街搵嘢食嘅，見呢間餐廳新開又好似幾有情調所以就試下😂叫咗一個橄欖油鴨肉天使麵同埋三文魚扒燒汁配飯～個羅宋湯幾好飲，唔會太酸，上面嗰酥皮仲係啱啱焗起，好新鮮😊橄欖油鴨肉天使麵唔會好似忌廉汁嗰啲咁膩， 好似比較少喺西餐見到鴨肉，感覺幾新鮮有創意，用橄欖油好似健康啲， 幾好食👍個三文魚扒好大舊，大到唔係好食得晒🙈 就算唔落汁都夠味，啱啱好😀全部都係梳化凳，位置幾闊落，坐得幾舒服店員都好有禮貌同好有效率，希望keep going 👏

行經旺角見到呢間初心冰室，見佢個名同佢既環境都幾有Feel，就同老公入黎食下呢間啦！「初心；原你我不忘初心」一入去就見到牆上大大個寫住，好有feel呀⋯⋯我就叫左D2 Set餐$88有跟餐湯同飲品，仲可以加$10轉酥皮湯！有雜菜湯&忌廉湯可選擇我就加左$10轉酥皮忌廉湯香噴噴熱騰騰，酥皮脆卜卜，忌廉湯濃厚點埋麵包食好好食酥皮加湯好有口感！我既西冷扒洋蔥黑椒汁配意粉我叫左7成熟，廚師煎得剛剛好，牛肉肉質鮮嫩好咬口，唔洗點黑椒汁食都已經好好味，黑椒汁帶點微辣，所以我就淋上意粉到食令意粉更加野咪老公就叫左個鵝肝拼牛柳配薯菜$138鵝肝配上牛柳一齊食，原來真係超級勁好食，帶出鵝肝既味道，牛柳味更特出，肉質比我西冷既更淋更嫩，要再講多次鵝肝夾埋牛柳食係極之美味呀！我地仲加左打卡活動加$40就可以換半隻波士頓龍蝦，龍蝦芝士鋪滿面，啖啖肉，仲要有膏架！$40有咁高既質素十分抵食

同小b 一齊吃晚餐, 終於去了油尖旺的另一區，旺角區吃dinner! 雖然仍未衝出油尖旺區，但總算是一個小進步啦！🤣🤣 想吃一些平價版豪華美食！ 決定去旺角西洋菜南街逛逛，找到這間初心冰室的餐廳。 小b 告訴我，呢間餐廳前身是皇后冰室，唔知有冇關係呢⋯⋯ 初心冰室是係華星冰室正正對面，所以好易找到啦！咁我們入了初心冰室，覺了餐牌，決定要單點食物，咁樣我們可以吃多啲唔同種類🤭🤭！我們點了清酒煮大蜆，奇尊炸雞中翼，黑松露溫泉蛋卡邦尼扁意粉，再加一杯黑牛，因為小b 好鍾意吃朱古力雪糕，咁黑牛咪啱哂小b 囉～清酒煮大蜆🥘：湯味道很濃郁，蜆又屬於大隻，唔夠覺係冰的，幾新鮮！奇尊炸雞中翼🍗：雞翼的 size 很正常，連埋雞翼尖架～ 有七味粉作調味，一個字，正啦！黑松露溫泉蛋🥚卡邦尼意粉🍝：黑松露味就一般，溫泉蛋就ok 好味道，卡邦尼意粉，小女皇非常喜歡吃😋😋，所以這碟意粉，沒有叫錯😍😍😍黑牛🍨：冰底非常夠凍，汽水又夠冰，正呀！評分時間又到啦💯💯💯💯💯：味道💯：8/10價錢💯：9/10環境💯：10/10服務💯：8/10回頭率💯：9/10地址🏢：旺角西洋菜南街190-194A號西洋大樓地鋪交通🚇：旺角

今日搵左呢間近太子花園街既西餐廳🌺等左3分鐘左右，最吸引我係張枱面，有復古嘅陶瓷瓷磚🏵，真系好靚（我好鐘意）😻梳化好舒服，而且位置闊落，可能我地2人吧👫餐牌都好多款式揀，我地叫左2個set餐。牛肝菌黑松露醬意大利飯$98跟餐湯，加$10轉酥皮忌廉湯黑牛加10蚊（可樂加朱古力雪糕🍦）忌廉湯creamy，雖然個忌廉湯冇菇，冇粟米🌽，但係口感幼滑，味道香濃🍵好香既黑松露味，米飯粒粒分明，唔會痴埋一舊，口感唔錯，外軟內韌，好creamy，仲要啲飯熱辣辣，食極都出煙😂煙肉芝士手打漢堡拼薯條$82🧀跟餐湯，加$10轉酥皮忌廉湯凍奶茶加$3好重嘅牛肉味道，再配埋煙肉、芝士等配料食落好惹味，夠肉汁，唔會好乾，不過漢堡實少少更加好。🍔配埋岩岩炸起既粗身薯條🍟 👍🏻👍🏻最後仲有2粒雪米滋送😍🔸見我地冇紙巾，好主動俾多張我地🔸職員服務好好🔸性價比高，西式晚餐黎講唔算貴

與友人於此餐廳吃晩餐，先説説餐廳環境，座位坐得舒適，燈光氣氛不錯，只是行人通道稍窄，整頓晩飯就被經過通道的人撞到手好幾次。説説食物，點了牛肉漢堡及牛扒兩份晚餐，並於社交平台讚好專頁或打卡，以優惠價錢$40加半隻龍蝦，及加$25選了田螺薯蓉及蜜糖單骨雞翼兩款小食。羅宋湯不過不失，餐包是一片紅莓多士，烘得很脆，還不錯。牛肉漢堡很細小，不太值。牛肉不夠juicy，煙肉還可以，薯條普普通通。田螺薯蓉及單骨雞翼不吸引，友人吃得出薯蓉是以粉開的。龍蝦都比較細小，肉有點韌。牛扒我們要五成熟，但上桌時是七成熟，無比韌，牛肉味亦不濃。結論就是價格或食物質素都未能吸引我下次再光顧。

慘慘又抽到返夜既地獄更😵可幸既係晏開工仲有時間嘆下Lunch Hea一陣🙇🏻‍♂️趁未落地獄同朋友去吃個最後的午餐先🙈位於旺角西洋菜南街既初心冰室從旺角站A1出口橫過旺角道過黎亦十分方便😆環境裝修簡約中增添風格牆上掛住放住唔同既擺設😆盡顯Western Old School Style😆雖然易手後回到最初的起點🙊但以抵食西餐既賣點😆再造出高質抵食既西餐料理😋吸引到唔少上班族午市黎幫襯😆而且賣相一流顯得用心製作☺️👨🏻‍🍳初心的起點贏盡起跑線☺️🏃🏻‍♂️Lunch Set (凱薩沙律配煙三文魚)除左主菜亦有包餐湯餐包同埋餐飲套餐相當豐富😆🙌🏻是日餐湯係忌廉雞粒蘑菇湯😋🥣餐湯濃郁夠哂Creamy之餘而啖啖雞肉蘑菇粒亦係口感滿滿Der🤤餐包暖笠笠送上係最鬆軟好食😆凱薩沙律菜夠新鮮爽脆之餘🥗拌上凱撒醬汁增添Creamy味覺🤤配合脆麵包碎及脆煙肉粒亦增加口感夠哂Crispy😆煙三文魚食落有微微鹹香肉質夠滑嫩之餘🐟配合沙律菜亦能中和三文魚既魚油香唔會太漏😋餐飲就叫左熱咖啡☕️質素就中規中矩🙈但咖啡亦尚算濃郁的☺️波士頓龍蝦拼牛柳五成熟既牛柳係剛剛好☺️🐮肉質滑嫩Juicy之餘唔起根🤤外層煎至微微燶脆型造到外脆

經過旺角見到初心冰室名字特別，望望餐單除午餐外，還有各式牛扒羊扒供應，加$28 便可升級至套餐，包括餐湯及飲品。今天就試試精選推介鵝肝併牛柳吧。雜菜湯材料豐富，味道不過不失。不一會，主菜便送到，賣相吸引，薄片鵝肝煎香，五成牛柳粉紅嫩滑，牛味重，雖然份量不太大，但夠滿足，$138 CP值高。 店子提供特色飲品如朱古力雪糕咖啡或雪糕紅豆冰，跟餐只須加$12，而紅豆冰、白牛、黑牛及鹹檸檬七喜，跟餐只須加$10，今天我點了黑牛，選用雀巢牛奶公司朱古力雪糕，粒粒朱古力碎增加口感，飲落透心涼。 初心冰室午餐供應至下午5：45，跟下午2：30後供應的下午茶一樣，方便遲吃午飯一族，真貼心。