創記小食店

营业中

休息中

最鍾意食呢一間嘅雲吞麵，雲吞真係超大粒，性價比極高，幾十蚊就已經可以食到大大粒嘅雲吞麵，啲雲吞仲要皮薄餡靚！ 加埋碟油菜都係$50有找？ 今時今日咁嘅價錢真係好難得👍

牛腩河: 牛腩淋, 湯底好.牛什河: 有肺有肚有腸有膀, 本身想叫走膀, 自己唔太好, 算啦!諗住試一試, 好食過別店的. 整碗來說沒失望.當然有另加有骨炸魚皮, 因為好吃.有骨炸魚皮(外賣一包), 用來打邊爐,很讚!如果要我排好食度: 1)牛筋, 2)牛什, 3)牛腩, 但點都要加有骨炸魚皮.河粉只是我情有獨鍾, 因為可索盡湯底.

牛雜河粉（$36）4片草肚（偏淋）、2舊肺（軟身，彈牙）、2舊粉腸（有𡁻口）、1舊竹腸（有肥膏，但冇牛脂香味）、1片膀（少粉）；河粉滑，咬落有口感，唔易斷開，而且份量頗多；湯底偏清淡，冇咩味。整體普普通通，只屬合格。有骨魚皮（$48）份量不少，而且大大舊。帶骨炸魚皮坊間比較少見，咬落口感更有層次更豐富，味道更濃。另外附上清湯一碗，浸唔浸嚟食適隨尊便。店內辣椒油應該係自家制，除咗辣味外，仲食到椒味，不錯。

創記小食店牛雜, 絕不遜於明星常去的香港區名牌牛雜店.創記小食店既金牌牛筋真係好好吃, 湯底也不錯, 牛雜也很讚, 炸魚皮也很好吃, 冬天外賣打邊爐必讚.還有, 金牌牛腩, 牛雜, 牛筋, 牛丸, 魚皮餃, 魚片頭, 魚旦, 魚片, 紫菜四寶及雲吞選擇.創記小食店: 近葵芳社區會堂旁往荃灣小巴站旁.

幾十年老舖，真心好食冇變過，尤其是個炸魚皮，從來未食過咁厚好有質感，牛腩牛雜都出色，雲吞唔多肥豬肉健康啲，生麵爽口，最重要有份人情味，店員融洽有講有笑，喺度食野都食得開心。

舊區小店食嘅係情懷、回憶、人情味！創記由我讀中學時就開始食，佢主打牛腩牛什麵，係柱候腩。能夠响葵芳屹立幾十年，當然有佢優勝之處啦！創記嘅牛腩大多數係半肥瘦腩，牛腩肉味香濃，經長時間鹵煮後，牛腩入口即化，而且唔黏牙。牛什入面嘅牛筋、牛肚、牛腸都好入味，值得推介！今日突然想食雲吞，就點電吞牛腩雙拼 ($31+$6)。雲吞細細粒有兩粒，係正宗廣東雲吞 style，豬肉同蝦嘅比例啱啱好，size 一口一個！唔係坊間嘅乒乓波雲吞，得個大字，冇肉味。街坊老饕最識揀 - 牛腩炸魚皮雙拼。創記炸魚皮好食到出晒名 。如果自己一個人想食炸魚皮又食唔晒一碟嘅話，揀雙拼就啱喇！將炸魚皮放落牛腩湯入面浸一下，冇咁熱氣之餘又可以將原本淡味嘅炸魚皮升到另一層次（讚）！麵條方面，有粗麵、幼麵、河粉、米粉，分量唔算好多。如果淨食牛腩麵唔加油菜，魚皮嘅話，我就要加底或者食撈麵喇！服務方面 - 街坊老店，遇到熟客街坊，老細/事頭婆會好似老朋友咁閒聊問候，其他客人就獨自享受自己嘅空間同美食，悠悠閒閒咁 。每次嚟創記都感覺時間好似過得慢咗，而自己又會不知不覺咁，陷入回憶嘅思潮之中（那些年嘅少女時代）！

炸魚皮係我的最愛其實一路都麻麻地牛腩粉嗰類河粉麵，但自從同事帶左我去之後，我平均一星期都要去打咭一次........鋪頭細細座落於恒景商場嗰附近...中午時間都多上班人士去食..等位就真係在所難免喇今次我選擇左牛腩牛丸湯河，牛腩唔會好硬好肥，每件都半肥瘦嘅感覺，牛丸大大粒，雙拼有兩粒，有時都怕太飽食唔落😄😄主菜炸魚皮，呢度炸魚皮係連骨炸的，每件都有咬口，一件未食完已經想夾下一件😁😁值得encore哦

小秘書今日葵芳、荃灣一日遊，中午過到嚟葵芳，仲未有嘢落肚，路過「創記」嗅到香噴噴嘅牛什味，即時被吸引住👀 傳統嘅小食店，餐牌都寫喺牆上面，呢度嘅食物都以牛🐮為主，我見大部份人都係食緊牛什，我都跟吓風啦！師傅好快手，牛什米無兩分鐘就已經上枱，滷水汁將啲牛什炆到又淋又香，湯底夠哂熱，加埋啲生蔥，老師出緊馬，果然零捨不同😋 不過環境就比較逼夾，諗喺留喺度慢慢傾吓、講吓嘢... 呢度未必係你心水，但係簡簡單單$30埋單，係唔錯嘅選擇👍🏻

係附近藥房買完野, 順便黎食碗牛腩米先走。話明老店, 開放式廚房, 裝修欠奉。$27 一碗粉麵算抵食牛腩米 ($27)師父在幾件不同牛腩切出來的牛腩, 有肥有瘦, 有根有肉, 每碗有4-5件, 牛腩鹵得好腍, 半肥瘦正, 肉味濃, 不過 略嫌鹵水汁太淡淡然, 香味不足, 鹹度不夠, 湯頭直情無乜味, 全靠紅醋及辣椒油提味。

餐廳環境唔算乾淨... 話曬都係老店... 裝一裝修... 就唔係呢個價錢架喇...最愛佢既牛腩/牛肚/魚蛋河!!有機會可以留意下...師傅切野通常唔會用曬同一舊材料... 你會發現.. 就算係叫牛腩河... 佢都會呢舊切d... 果舊切d...牛肚佢地用草肚而不是金錢肚... 個人比較喜歡草肚... 抵受唔到唔乾淨可以考慮叫外賣my all time favorite

路經此地，原本諗住坐小巴去荃灣食Tea，等小巴時，傳來陣陣牛什香味(⊙o⊙)？走去睇睇，係—間開咗應該有十幾年嘅店，雖然環境唔掂╮(╯_╰)╭但見淥麵嘅，係位老師博，忍唔住走入去—試叫咗碗牛什麵$18;D餸都算多，麵就諗咗小小，個牛什湯就太淡喇，要加更半鼓油无至夠味價錢就地點而言，都算0kay，但無令薯片妺再去食嘅意慾

一個人的食午餐,突然想食牛腩而葵涌呢一區,呢一間係我食過最好食!叫了一碗牛腩河,牛腩又香又林,而河粉口感唔粗,可樂只係6蚊罐,好低!不好處就係多人食,位坐得唔係好舒服.

午飯時間，$18蚊食碗牛什河(淨膀肚)，加碟油菜(生菜)同人share。牛什河都幾好味，尤其$18好抵食。碟生菜就唔多掂，好老身，又呈黃色。不過價錢黎講就好抵。

同D F出來玩,High Tea 時間又到左,我地都覺有少少肚餓,甘岩經過舊時讀書曾經幫襯過的小食店,哩個時候人唔多,我地Order左哩道既招牌墨魚丸米粉,吃返以前果種味道, 啲墨魚丸唔會太粉,食時感覺到一粒粒嘅墨魚肉,口感好Q!不過D湯底就無以前甘濃味了.

午飯時間好多人，又係買外賣返公司食，如果要食創記，一定係墨魚丸米粉，因為佢啲墨魚丸唔多粉，真係可以食到一粒粒嘅墨魚肉，而且好彈牙！要彈嘅係佢湯底比以前差咗好多，舊時都比啲腩汁，而家真係比少咗，得番一匙左右，都唔會有味啦，仲有唔好揀老細唔喺度時嚟幫襯，麪同米粉都會稔晒，好難食！呢間店由讀書時期見住佢做到而家，希望唔好因為守唔住啲味道而摺啦！