影片
以上资料只供参考，请与餐厅确认详情
最钟意食呢一间嘅云吞面，云吞真系超大粒，性价比极高，几十蚊就已经可以食到大大粒嘅云吞面，啲云吞仲要皮薄馅靓！ 加埋碟油菜都系$50有找？ 今时今日咁嘅价钱真系好难得👍
继续阅读
牛腩河: 牛腩淋, 汤底好.牛什河: 有肺有肚有肠有膀, 本身想叫走膀, 自己唔太好, 算啦!谂住试一试, 好食过别店的. 整碗来说没失望.当然有另加有骨炸鱼皮, 因为好吃.有骨炸鱼皮(外卖一包), 用来打边炉,很赞!如果要我排好食度: 1)牛筋, 2)牛什, 3)牛腩, 但点都要加有骨炸鱼皮.河粉只是我情有独钟, 因为可索尽汤底.
继续阅读
牛杂河粉（$36）4片草肚（偏淋）、2旧肺（软身，弹牙）、2旧粉肠（有𡁻口）、1旧竹肠（有肥膏，但冇牛脂香味）、1片膀（少粉）；河粉滑，咬落有口感，唔易断开，而且份量颇多；汤底偏清淡，冇咩味。整体普普通通，只属合格。有骨鱼皮（$48）份量不少，而且大大旧。带骨炸鱼皮坊间比较少见，咬落口感更有层次更丰富，味道更浓。另外附上清汤一碗，浸唔浸嚟食适随尊便。店内辣椒油应该系自家制，除咗辣味外，仲食到椒味，不错。
继续阅读
几十年老舖，真心好食冇变过，尤其是个炸鱼皮，从来未食过咁厚好有质感，牛腩牛杂都出色，云吞唔多肥猪肉健康啲，生面爽口，最重要有份人情味，店员融洽有讲有笑，喺度食野都食得开心。
继续阅读
旧区小店食嘅系情怀、回忆、人情味！创记由我读中学时就开始食，佢主打牛腩牛什面，系柱候腩。能够响葵芳屹立几十年，当然有佢优胜之处啦！创记嘅牛腩大多数系半肥瘦腩，牛腩肉味香浓，经长时间卤煮后，牛腩入口即化，而且唔黏牙。牛什入面嘅牛筋、牛肚、牛肠都好入味，值得推介！今日突然想食云吞，就点电吞牛腩双拼 ($31+$6)。云吞细细粒有两粒，系正宗广东云吞 style，猪肉同虾嘅比例啱啱好，size 一口一个！唔系坊间嘅乒乓波云吞，得个大字，冇肉味。街坊老饕最识拣 - 牛腩炸鱼皮双拼。创记炸鱼皮好食到出晒名 。如果自己一个人想食炸鱼皮又食唔晒一碟嘅话，拣双拼就啱喇！将炸鱼皮放落牛腩汤入面浸一下，冇咁热气之余又可以将原本淡味嘅炸鱼皮升到另一层次（赞）！面条方面，有粗面、幼面、河粉、米粉，分量唔算好多。如果净食牛腩面唔加油菜，鱼皮嘅话，我就要加底或者食捞面喇！服务方面 - 街坊老店，遇到熟客街坊，老细/事头婆会好似老朋友咁闲聊问候，其他客人就独自享受自己嘅空间同美食，悠悠闲闲咁 。每次嚟创记都感觉时间好似过得慢咗，而自己又会不知不觉咁，陷入回忆嘅思潮之中（那些年嘅少女时代）！
继续阅读