刕舙馫麵館 (已結業)

剛剛和友人在紅磡附近打完衛生麻雀, 發現橋底有好多小食店.但近距離見到吒間食店既招牌中文字咁得意既?再加上是麵店, 就二話不說入去上試試,原來呢三個字讀:''利宇興'', 希望無譯錯吧. 係專門賣刀削湯麵的.望到個menu, 好多選擇花多眼亂. 最終選左: 麻辣牛筋腩刀削麵 + 可樂.等大約五分鐘, 就上到食桌了, 大量的牛香味湧哂出黎.個碗身都幾大碗, 所以容量都十分豐滿,見到d 牛筋腩密密麻麻並列在麵上, 感覺要和佢地拚過一樣!當然最緊要試試佢地的刀削麵吧, 麵條非常粗身, 但用佢地的方法整到非常好咬口, 再加上麻辣上湯的加持, 不足十五分鐘, 以將佢地全數進入自己胃中, 享受十足!!

在香港 不是有太多餐廳 提供刀削麵， 紅磡這間東石面新開將了一段時間， 今日有機會一是它的刀削麵， 是次點選了一碗麻辣東坡肉刀削麵。 跟其他食評一樣， 湯是清湯底 ，麻辣醬另外上， 但我竟然忘記了試一試湯底， 便把麻辣醬放進湯中， 因此不知道湯的味道如何， 但那麻辣醬是很香的。 至於麵本身，不軟，不彈牙，有少少實(不是未夠熟那種)。 東坡肉也是另外上， 醬料是普普通通的東坡肉醬料， 沒有特別， 東坡肉外觀層次分明， 一層肉一層脂肪一層豬皮， 肉質不太鬆軟嫩滑， 肉很入味， 但豬味很淡， 脂肪入口即溶， 帶點油香， 豬皮有點煙煙靭靭， 口感不錯。 雖然那一層豬肉有點靭， 但只要三層一啖吃下去， 口感就會變得正常

之前黎紅磡都有經過呢間食店，心諗點解改個咁有趣既店名 後來舊同事極力推介要食，於是就試下啦！Btw，好奇之下，我都想知個名點讀！三個字我只係查到個「馫」字，根據粵語審音配詞字庫，「馫」同「馨」字，芳香四溢！食完發現都幾match 個名架麻辣牛筋腩刀削麵刀削麵比較厚身、好彈牙牛筋腩好入味，如果牛筋部分多啲就好了唔好以為好少份量，但其實好足料，食得好飽下次黎一定會試下其他唔好既配搭；當時六點幾鐘，鋪頭都有十位八位客人，待應對每一枱客人都好好服務！

今次lunch，我地揀左未食過嘅，叫「刕舙馫麵館」專食刀削麵～ 我地見個名。。。係唔識讀，加上係刀削麵，因為香港唔多地方有得食，係手工製作，所以就去試一試！😏嘩！一睇餐牌⋯全部都出現「刀削麵」，只係配料唔同，但係開頭都係出現「麻辣」🙈🤣 🌶 不過係可以揀唔辣，仲有唔同麻辣嘅程度，大家可以放心～👌🏻 😌同事A: 牛筋腩刀削麵牛筋腩多而唔韌👍🏻刀削麵夠煙韌彈牙👍🏻👍🏻👍🏻同事B： 麻辣口水雞刀削麵（少麻辣）少麻辣都夠麻辣，仲俾隻雞脾㖭，正！刀削麵當然都係煙韌彈牙啦～👍🏻👍🏻👍🏻我： 麻辣炸雞翼刀削麵（少麻辣）4隻炸雞翼鮮滾熱辣😋 不過完全無麻辣味🤔 刀削麵亦係煙韌彈牙嘅👍🏻👍🏻汽水加$8，而雙檸可樂/雙檸七喜都係加$8。。。😏下次再試其他款式先得呀！佢地嘅份量唔少架，我地女仔多數食唔晒，所以下次我都係叫少麵，唔好浪費人地嘅刀削麵😌臨賣單俾錢，忍唔住問職員間麵館點讀啦。。。原來叫‘讀音-勵華興’麵館！😉

咁啱要去紅磡， 做完正經事之後搵下有乜嘢湯麵好食， 見到呢間餐廳評分好高， 又係我鍾意食嘅刀削麵，就試下啦平日夜晚， 每一枱都有人， 生意望落都唔錯 試咗口水雞刀削麵和牛筋腩麵， 口水雞一般般，唔係話特別香， 反而鍾意佢底下嘅爽口青瓜 牛筋腩正常， 刀削麵煙韌度一般， 唔算太差，但又唔係我食過最好食嘅 見到佢廚房入面有一部自動削麵機，都幾得意總括嚟講試下都無妨

早幾日去紅磡, 諗唔到食咩，所以就喺OpenRice睇下有咩好食，見到呢間有百幾個好評，諗住實冇死啦去到間野門口，食飯時間一個人都冇，都驚係伏，點知入到去坐低嗌完野， 就keep住有4–5隻蚊滋咁嘅野飛埋黎，仲要有隻飛曱甴飛左落個身度😑😑😑😑😑😑😑😑啲野食黎到 啲蚊滋就keep住圍住兜野，撥極都唔走，啲蚊滋都跌左落兜野度唔講我以為自己番左大陸啲街邊檔食野⋯⋯⋯⋯又唔見其他地舖咁樣呢間野 真係冇下次

去完紅磡市政大廈體育館打完羽毛波,我地一行四人就去附近搵地方食晚飯😎聽講新開左間刀削麵館,大家一致同意去果度食晚飯。舖頭名好特別,叫刕舙馫麵館。入到去就俾佢右邊牆既畫壁吸引,畫壁畫左傳統民間街頭,有古色古香之風。以下講下幾款野食:麻辣水餃刀削麵- 水餃皮十分薄,餡料是白菜豬肉,一咬湯汁溢出。刀削麵口感彈牙,爽滑麻辣金沙骨-金沙骨長條大大件,外皮有d焦香,醃料惹味,而且炸得香酥，比較香口。涼伴青瓜-青瓜賣一碟9$,青瓜配上特製醬汁,加上是涼伴,冰冰涼涼,十分開胃惹味。

下班後，和朋友點了口水雞刀削麵，牛筋腩刀削麵及大豬耳一碟，味道不俗，只是份量實左太少，份豬耳來的時候我還以為點錯了細份的，成份加起來只有約十條！牛筋腩味道正常，沒什麼特別或可稱讚的。口水雞香辣可口和店員要求走雞胸時被拒絕，估計是和一早預製和雪藏有關。但是亦無傷大雅，上菜時雞胸肉佔大部分，有少許失望。樓面店員只有一個，想加飲品叫了3次才加得成。除此之外，刀削麵質感和一般刀削麵一樣。但總括而言是不錯的，（3.8/5）

本身我對食刀削麵冇乜太大嘅興趣 ，但係見到呢間餐廳個名咁複雜咁難讀 ，又增加咗我嘅好奇心入去試下 ，邊度啲嘢食唔算太貴 ，簡簡單單 叫牛肉麵， 意想不到嘅係原來呢度有白色雪碧， 我以為淨係出咗白色可樂 ，不過白色雪碧冇白色可樂咁好將個味還完得咁逼真 ，我哋另外仲叫咗份皮蛋 ，小食嚟講皮蛋都算係一個幾常見嘅小食， 有種開胃嘅感覺再去食過牛肉麵都好食啲 ，平時食個刀削麵都係面條好粗嘅， 有啲靭 ，呢度嘅刀削麵相對幼啲 ，而且啲牛肉都煮到好入味同埋好冧 ，下次可以再嚟食

香港出名既刀削麵店唔多,要搵到好食既刀削麵更加難上加難,刀削麵條一般難以以機器製作,若以人手製作,很考師傅刀工。呢間鋪創新以機器制作,今次就試下一間係紅磡新開既刀削麵店。店名:刕舙馫。先叫左一碗麻辣新鮮豬大腸刀削麵,這碗刀削麵份量很足,麵條與麵條之間都是分開,沒有糊合在一起,麵條寬而長,吃起上來一咬便斷,十分彈牙,這刀削麵絕對合格。然後豬大腸醃得惹味,而且內臟的味道不明顯。掛上麻辣湯,整體感覺味美。然後點了一個芥辣貓耳仔,貓耳仔並不是真的貓耳,而是木耳,木耳是涼食,配上一些蒜蓉醬,十分惹味。

今日難得放假決定去食刀削麵慶祝下難得見到呢一間咁特別嘅麵店當然要去試吓啦！呢間可愛嘅店舖中文字分開全部識讀!!合埋一齊竟然冇個識但係唔好理啦總之好食就得啦店內環境非常闊落，裝修有特色💕坐得非常舒服餐牌一目了然⋯⋯除咗有小食～亦都可以叫人氣推介配埋刀削麵一齊食～炸雞翼刀削麵⋯⋯雞翼表皮香香脆脆💕雞肉入味嫩滑～湯頭濃得來不會過鹹~恰到好處！刀削麵分量非常多而且彈牙！金沙骨完全冇得輸💕齒頰留香~肉質飽滿肥美！配上濃郁的蒜香令我欲罷不能牛筋腩火候恰到好處～入口柔滑鬆化牛腩汁和湯頭完美結合⋯⋯鍾意食牛腩一定唔可以錯過最後決定叫多份韭菜餃加餸~水準亦非常不錯～水餃多汁！韭菜餡多

吃得太多譚仔麻辣米線,想轉下口味,於是就試下麻辣刀削麵。我就去左一間叫刕舙馫新開既刀削麵館。呢間刀削麵由黃埔地鐵站行大約8分鐘就到。入到去人客唔算多,搵左側邊卡位黎座。睇完餐牌,點左個麻辣水餃刀削麵,加一碟麻辣炸雞翼小食。先上既係刀削麵,水餃皮很薄,湯汁味美,餡料是白菜豬肉,刀削麵每條粗幼相等,麵條質地彈牙,麻辣很香,吃了幾淡後嘴唇都有麻辣的感覺。然後到炸雞翼,炸雞翼一碟6件,雞翼香脆,入面肉質唔會好乾,配上麻辣醬,十分惹美。以紅磡的物價,這店的食物性價比很高,適合普羅大眾一試。

朋友今日生日,我地去逛左陣街之後就去搵野食,順便食個生日飯。由於未出糧,朋友都體諒我唔食咁貴,就去左間刀削麵店食野。呢間刀削麵店位於紅磡民裕街(紅磡廣場後面),一入到去已經逼滿左人。好彩仲有位剩。我地點叫以下幾樣野食:麻辣牛展刀削麵-牛展味道香濃,每片都切得很薄,刀削麵入口彈牙,一咬即斷。麻辣牛肋條刀削麵-牛肋條較有咬口，有啲帶筋既位會有啲爽口,刀削麵一樣。麻辣炸雞髀-雞髀大大牌,超過一個手掌大,雞髀香脆可口,雞肉大大淡帶肉汁,感覺好抵食,我同朋友兩個人分先岩岩好食得哂。

朋友在紅磡附近上班，說帶我去試試最近愛上的一間刀削麵店，問及店名他卻故作神秘不肯說，到達後才發現原來他根本不會念😂雖然主打刀削麵，但麵以外，還有不少小食㗎～——————————🔹麻辣炸雞翼 $30這𥚃的麻辣炸雞翼，即叫即炸，上菜時還熱辣辣！但麻辣味欠奉，食得唔夠過癮...不過整體雞翼皮脆肉嫩，好食！🔸麻辣豬耳仔 (大) $22這個豬耳啱晒食得辣嘅人，豬耳柔韌又爽脆，膠質好豐富，撈埋啲麻辣醬，好開胃👍🏼👍🏼🔹麻辣牛筋腩刀削麵 $47湯底清甜鮮味，有陣陣嘅麻辣香；刀削麵有嚼勁和彈牙，就算浸耐咗都唔會一夾就斷😍牛筋滷得好入味，滿滿骨膠原，食落很軟腍☺牛腩唔會太瘦，煮得腍嫩，整體不錯👍🏼👍🏼

路過見肚仔餓，個名都又咁搞笑😂😂本著好奇心就決定食依間刀削麵！入到去環境幾光猛，而且都好闊落，冷氣又夠足，完全係夏日行街嘅復活站😂😂但全場都係男人多😂😂😂睇黎係新一個男人的浪漫🤣🤣餐廳都幾多選擇，咩餸都有得配，價錢都幾親民喎～另外枱旁邊仲放左樽自家製辣醬，雖然外貌麻麻🙈🙈但食落其實係好惹味，小小麻辣唔經唔覺會愈落愈多！等左一陣，我隻口水雞上枱喇！麵底好大之餘又好煙韌，唔會煮到淋pat pat，抵讚🥳而口水雞亦好滑嫩，特別中意食上面d辣粒粒友人因爲喉嚨發炎，唔想食辣，就走左辣，叫左肥牛同牛展，依兩樣配菜又幾入味喎整得！整體而言，我會比8/10，行過可以試下！🥰（題外話：膽粗粗問左老闆 刕舙馫點讀🥺原來係讀「麗華興」，哇馬上覺得好文雅😂）