凱逸餐室

营业中

休息中

係元朗唸緊晚餐食咩，就被呢間落地玻璃門面大既凱逸餐室吸引咗，見到佢座位都多，枱與枱之間既距離夠安全，一於就試吓😉呢度既晚飯款式都算多元化，有煲仔飯、炒粉炒麵、多種唔同既家常小菜，啱哂冇煮飯但又想有家的味道嘅人啦！今次就試左兩個晚市套餐，粟米魚塊同鹹魚雞粒豆腐煲，配埋中式例湯同白飯，套餐加餐飲有半價優惠。粟米魚塊份量多，大大碟，粟米汁調味同稀稠度適中，魚塊既炸漿唔會太厚，而魚塊肉質較實肉；而鹹魚雞粒豆腐煲做得出色，上枱時熱辣辣，醬汁夠惹味，雞肉鹹香，而且用上小粒既豆腐，事前炸過夠香口，豆腐質感嫩滑，送飯一流😋附送既例湯係青紅蘿蔔粟米瘦肉湯，清甜得黎飲得出冇味精，表面唔會有油，夠哂健康😊今次加配埋飲品，試咗佢既椰香杏仁奶霜，杏仁味濃，甜度適中，都算特別，值得一試👍🏾

今日覆完診，夜晚約左朋友食晚飯聚下，突然想食啲家常小菜，所以就嚟附近試下呢間餐室。我地嗌左兩個餸share食，一個餸會跟一個湯一個飯。今晚係青紅蘿蔔湯，都好夠味，睇嚟都好煲左好耐，最緊要火冇味精。而佢呢度啲白飯都好大碗。入正題，講下啲餸先。我地嗌左個咕嚕肉，佢啲咕嚕肉酸酸甜甜都幾開胃，啲菠蘿都好好食，只係略嫌有幾舊炸粉厚左小小。而另一個就揀左通菜蝦醬炒鮮魷，個蝦醬同通菜永遠都係最夾，而且佢落得岩岩好，夠味得嚟唔會太咸。只係鮮魷可能因為係冰鮮嘅關係冇乜味，而都可能冇醃過，所以唔太夠味。整體嚟講，呢個時勢，出街食飯都係差唔多呢啲價錢，所以我覺得還可以。

同大家分享🤗 餐廳設計時尚，整潔光猛，座位幾多同闊落👍 餐廳外面還有幾個座位，啱曬放狗同放毒人士既需要🤭食物款式多👍，今日食咗個冇加椰漿嘅港式咖哩飯，抗疫呀😚( 本身唔係咁鍾意食太多加太多椰漿嘅嘢)，微辣惹味， 薯仔有炸過先煮， 紅椒青椒新鮮、 脆甜， 牛腩量多帶筋、軟腍入味 😋👍 凍柑桔話梅蜜(+$5.00)酸甜解膩，仲有一小粒話梅😆食嘢期間，聽到廚房炒嘢嘅蓬蓬聲， 見到不少食客嗌炒粉麵食， 等我下次來個沙爹牛肉炒河先🤤

朋友放工我哋一齊去近我哋嘅地方食飯發現呢間野都開咗一段時間我哋都未食過咁就走左去食我哋叫咗個煲仔飯叫咗個常餐同埋一個小菜啲咁凍嘅天氣啱晒食煲仔飯叫咗個臘腸排骨煲仔飯煲仔飯嘅精髓就係豉油同埋飯焦佢個煲仔飯有飯焦 合格👏反而小菜我叫咗個沙拉骨同我想像中有少少出入但佢味道係幾好食叫佢個上餐嘅原因係因為佢有奄烈同豬仔包兩樣都係我嘅至愛 而且佢整到個味道唔差食茶記一定要叫菜食佢個菜好好食 好難得我係咁不斷食菜而且佢個湯好甜 唔鍾意飲湯嘅我都俾佢吸引左熱飲上面我叫咗平時出面好少有得飲嘅杏仁奶霜冇諗過佢咁杏仁 又幾特別幾好飲

🔎凱逸餐室 (元朗)📍元朗西菁街9號富盛大廈地下3-4號舖-今次試下呢間開左大半年嘅餐廳 最近凍凍地食返個煲仔飯都唔錯 仲要係千色後面真係極方便-🔹生燒煲仔飯：臘味煲仔飯 $65 配飲品半價係出面即叫即整 值得一讚嘅係做到好脆嘅飯焦👍🏻不過飯嘅份量如果多d就好了 因為扣埋飯焦真係得返好少飯 而選用嘅臘味就比較瘦d 睇下你個人鐘唔鐘意啦最後就係個匙油唔係一般嘅甜匙油 係帶點蠔油味嘅普通匙油🔹晚市客飯套餐： 啫啫排骨煲 $72 配例湯及白飯 飲品半價味道同份量都幾夠 不過就唔夠熱 個煲都係暖暖地配菜夠新鮮 排骨就細件左d 不過整體個味道係出色嘅🔹朱古力紅豆冰 +$15 奶茶紅豆冰+$15奶茶紅豆冰就成日飲無咩特別 今次試埋個朱古力紅豆冰又有d驚喜喎 朱古力味夠濃 紅豆又夠淋 茶餐廳黎講絕對抵讚

👑臘腸排骨煲仔飯 $75煲仔飯好足料，排骨肥瘦適中，臘腸都好出色👍🏼仲意食臘腸可以加錢加份量，而且仲意食飯焦既你可以落單既時間話要大火！👑腐乳通菜 （跟套餐+ $20）大大碟既腐乳通菜其實比我想像中好食！又香又濃既腐乳味🤤啲菜又爽口又嫩！👑常餐-雞扒出前一丁+火腿絲奄列+牛油豬包仔啲雞扒好大塊好入味、肉質仲有肉汁，d面軟硬剛好！火腿絲奄列好香好好食，而豬仔包都好脆、牛油好香！最後我哋都嗌咗個小菜 配套餐加錢要白飯同埋湯西洋菜湯好好飲好足料而且冇味精！

第二次幫襯，和老媽子簡簡單單叫餸食飯，叫咗鹹魚雞粒豆腐煲，超級熱而且份量都算多，二人食都食唔晒。仲有湯送，但飲品就要另外加錢~鹹魚雞粒豆腐煲，上枱滋滋聲的聲音就知是即製~ 雞粒很多，豆腐粒更多🤣好似食極都有咁。。。而且味道很不錯，有小炒風味，好啱送飯~這個湯其實份量很多我叫咗鯇魚腩粥，配炒米粉。粥底平平無奇，但鯇魚腩很多，令整個粥充滿魚味，想不到而家既茶餐廳都有粥食。眼見餐廳外自設煲仔飯爐，好像不錯，下次再幫襯煲仔飯吧！

《暖笠笠有飯焦嘅煲仔飯》.想食煲仔飯唔一定要去廟街嘅😆係元朗嘅凱逸餐室都食到啦！除咗煲仔飯仲有小菜常餐等，飲品仲好好飲😋重點係佢環境好乾淨，大大嘅加分位！.🔻臘腸排骨煲仔飯評分：8/10價錢：$75香味濃郁而且好惹味，重！點！係！佢有脆卜卜金黃色嘅飯焦🤤即叫即煲等15分鐘就暖笠笠咁上菜，真係好好食.🔻椒鹽豬扒配白飯例湯評分：8/10價錢：$77豬扒夠軟腍，入口有微微嘅辣味再帶出椒鹽嘅鹹香，鹹鹹辣辣， 香口惹味，好好送飯🤤另外白飯都粒粒分明有咬口，例湯亦不馬虎都有唔少湯渣夠晒真材實料.🔻椰香茅胚芽奶露評分：8/10價錢：$13（跟套半價）好香椰奶味😋亦都幾多胚芽，好有口感，而且唔係到到有，好飲呀！.👉🏻呢間係元朗千色後嘅譚仔隔離，位置都幾就腳味！好好食會列入我嘅翻食list💕.📍凱逸餐室 (元朗)元朗西菁街9號富盛大廈地下3-4號舖

今日同朋友一齊過嚟元朗呢邊食個晚飯，最近天氣都開始凍咗啦朋友就介紹咗一間唔錯嘅煲仔飯餐廳的時候，到咗你荃灣呢一邊大概7.0 -8:00幾乎餐廳都滿晒啦。外面有兩個廚師喺度做緊煲仔飯，味道真係相當響亮，呢間餐廳裝修都唔錯嘅有光先有過晚，用傳統嘅煲仔飯大排檔唔同呢個係光猛又舒服。土油肉餅煲仔飯，係天時冷享用最佳之時候！而我最鍾意就係試吓呢個煲仔飯嘅飯焦，一打開蓋嘅時候，香氣已經搏命協議，感想是有再焗多一陣，味道更佳，我用名嘅口感真係相當之好， -這個魷魚嘅鮮味，返朝再加豉油嘅完全融合上嚟食埋真係太惹味

朋友話有日本手信比我所以約埋一齊食個lunch~星期日中午人流唔算好多，可能大家都想慳返啲口罩，留在家中😌😂Menu好多選擇，分哂豬類、蛋類、雞類等等，方便客人按喜好揀野食～因為今日係天公誕生，所以我食齋，揀咗一碟小菜「濃湯浸野菌鮮竹菜苗」$65 成碟都係蔬菜，感覺好新鮮，份量又多，冇點白飯送，都已經好夠飽 濃湯味道偏鹹，如果怕食鹹嘅，唔好飲啲湯～朋友點左午餐咖喱薯仔牛腩飯（$65），跟餐餸白飯，再加飲品。朋友話咖喱香濃，牛腩炆得好琳，薯仔入味，以午餐黎講係唔錯既選擇～見到餐牌有杯飲品幾特別，所以朋友加$5轉配凍椰香胚芽奶露，初時以為一定會好甜，但係其實味道唔太甜，有椰香味，幾驚喜

呢段時間本應留喺屋企多，但有時逼於無奈要出街，都會食埋飯先番屋企。今日喺元朗買餸，搞掂之後就食左個早飯。未夠6點鐘來到凱逸，仲係下午茶時間，客人都幾多，大部份坐卡位，其實都好闊落下午茶抵食，但其實碟頭飯、小菜等等都唔貴。下次想來試下煲仔飯，天氣仲涼涼地，特別有風味。下午茶餐點左瑞士雞中翼配薯條，一份三隻，雞翼入味嫩滑，唔會太鹹；薯條係粗薯，即炸香脆時菜牛肉炒河份量不少，河粉唔會太細碎，可完整夾起，濕潤度適中，未見過量油份。牛肉都幾鬆，仲有幾條菜添！最後點左一份菜膽滑雞飯，估唔到雞件份量咁多，仲要係雞脾，基本上食落都好嫩滑，幾好肉地。檸茶啱飲，唔會太甜。

今朝同朋友打完波之後係附近食晏，冇咩心水，見到呢間茶餐廳裝修ok又好多客人就拎左張飛，好彩時間算早所以好快有位～我叫咗個咖哩薯仔蝦球飯，熱柑桔檸檬蜜朋友叫咗個雪菜肉絲炆米，熱鹹柑桔話梅蜜個咖哩蝦球既咖哩比較港式，偏辣少少，不過幾香👍 蝦球分量好足兼爽口， 連啲洋蔥同青紅椒都係脆口，薯仔就夠淋👍朋友既雪菜肉絲炆米隻色幾靚，肉絲幾滑唔韌，味道剛好唔會太咸我最初以為我杯柑桔檸檬蜜係有檸檬，但係原來冇，有啲失望，但係飲落去又幾清新，似係加左新鮮嘅檸檬汁，層次仲好豐富，都幾驚喜👏

呢度似乎出名煲仔飯, 好多個choice!是日例湯超足料，無味精，飲完想再叫多碗😋👍👍土魷肉餅煲仔飯好有風味，飯焦好香，食到停唔到口👏🏻👏🏻仲要熱烘烘咁, 肉餅既肉質都剛好, 要meantime control到火侯同肉質, 真係唔容易架!椒鹽鮮魷一d都唔乾，椒鹽味十足什菜海鮮煲勁足料，仲有海鮮配料，抵食，清清地都好滿足環境闊落企理光猛，最鍾意餐廳可以用Gulu遙控攞飛排隊，唔驚等好耐，超貼心，咁方便以為飯堂首選👍👍

今晚好想食煲仔飯，成日經過都未試過就入去試下啦是日老火湯，湯料十足，飲落仲唔多覺有味精，好清甜。土魷肉餅煲仔飯，天氣凍的時候 , 除火鍋外 , 食煲仔飯都係一個唔錯的選擇 , 有少少飯焦 , 咬落脆卜卜，土魷仲好有咬應。 菠蘿咕嚕肉，咕嚕肉肉質外脆多汁，汁醬甜酸成胃，應該都很難忘記那種酸甜可口的美味感覺。什菜粉絲煲，材料十足，有蘑菇、鮮魷、粉絲、菜心、白菜、西蘭花、生菜、蝦米，真係超抵食。椒鹽鮮魷，惹味椒鹽配爽口彈牙鮮魷，而且鮮魷一啲都唔好韌，炸粉又岩岩好，唔好食到成口粉，好好味。又大碟又抵食，我以後必定會係常客🤣🤣

真係經過左呢間餐廳就入左去全因門口一個個爐煮緊煲仔飯🔥好香完全睇到廚師點煮🧑🏻‍🍳👨🏻‍🍳感覺乾淨衛生🌏⭐️蝦羔豬頸肉煲仔飯💲6️⃣5️⃣煲仔飯新鮮熱辣💥淋上專用既鼓油豬頸肉滿滿既蝦羔味🦐🦐但又唔會太咸‼️飯都夠乾身，仲要有飯焦❣️我最愛⭐️腐乳通菜💲1️⃣5️⃣（跟餐加）⭐️例湯餐仲送埋例湯🍵飲落足料無味精⭐️秘製蔥油雞扒太陽蛋撈一丁💲4️⃣8️⃣蔥油果然係秘製既 又香又濃🥢加上太陽蛋既蛋黃撈一撈🍳雞扒炸到脆卜卜💥