凱逸餐室

营业中

休息中

西菁街餐廳多，到中午時間又想食早餐的話我一般會選擇凱逸餐室常餐真心好抵，麵底免費轉做出前一丁；升級做蕃茄湯都不用加錢，酸酸地又香濃蕃茄最重要是有營養，我見好多家長都叫呢個餐比小朋友食。材料選擇多，我今次食手撕雞，雞肉吸收蕃茄湯更滋味呢。又有厚多士、蛋、2塊午餐肉，送熱飲都是$45，月尾糧荒之選.蒸鯇魚飯都是必選之一，魚肉好鮮，一大塊好抵食。.大澳雙蝦炒飯有水準，食得出有鑊氣，炒到米飯粒粒亮麗，蝦仁又多。.剛剛好坐到窗口位，可以遠眺外面的景色也算是一大樂事。

元朗其實有好多唔同種類既菜式，平既車仔麵，貴既壽司，通通都有好出名既店。老實講句，今次食既呢間茶餐廳完全唔起眼。我會食既原因係👉長期都有煲仔飯食！結果都覺得，我地真係無黎錯！因為我真係好想好想好想食煲仔飯，所以呀媽就陪我黎食。我地叫左南乳粗齋煲，北菇滑雞煲仔飯，同兩杯熱奶茶。佛手瓜蘿蔔湯好足料，而且幾好飲～南乳粗齋煲好得意既配搭，唔知點解有茄子。正常既菜類就有雪耳，筍，菇，粉絲，雲耳。雖然配搭有啲奇怪，但要讚既係，佢既調味唔會過濃，而且唔會好油。岩哂我地呢啲想食惹味既野，但又唔想食得太油膩既人。北菇滑雞煲仔飯今日既主角終於黎啦！！！上枱之後再焗一陣先開，賣相都幾靚。鐵匙羹鏟到底鏟到有飯焦，開心～～～而且啲飯食落去又夠香，係煲仔飯獨特既香味！滑雞真係滑，而且唔腥，抵讚！！熱奶茶本身我地唔係特別期望會好飲而叫兩杯，只係我地兩個都鐘意飲奶茶，所以想試試。我地都一致讚成佢既奶茶沖得好飲，茶味夠濃，同奶既平衡都做得唔錯，美中不足既就係唔係用瓦杯裝。

呢排都成日落雨，就留屋企附近食個午餐，快快搞掂就算。見到呢間茶記都幾大坐得幾舒服，食物嘅選擇又多，所以我哋就入咗去啦。就算搭枱佢都會整咗啲分隔版，唔會俾你同其他人癡得太埋。跟住我就要咗個豬扒炒出前一丁，我朋友就要咗個肉絲炸麵。佢話好少何喺茶記見到有得叫渣麵，通常都要去大酒樓先至食到。想到枱啲嘢食都係熱辣辣嘅，食得出係即叫即整。跟住見到呢度嘅特飲有紅豆冰，我哋都忍唔住每人嗌左一杯特色嘅紅豆冰，我就要咗阿華田紅豆冰，我朋友就要咗奶茶紅豆冰。見到隔離枱啲常餐都好似幾正，下次一於嚟試吓啲常餐先。

元朗千色後街，算係一個餐館集中地。短短幾百米，集合韓國、川菜、中菜、馬拉、港式…… 茶包兩點半去到附近，見到凱逸餐室已大排長龍，茶包就行去八下有咩好食。menu有🥘夠鑊氣系列🥘 即變心心眼😍衝入拎飛等枱 午市套餐可以選擇+半價追加一杯特色飲品*weekend午市套餐去到14:30 🔸 干炒豬扒出前一丁HK$56 +HK$14 紅豆冰🔸 咖哩薯仔雞球飯 HK$65 +HK$14 追加🍍菠蘿冰 🔸 干炒豬扒出前一丁HK$56 +HK$14 紅豆冰出前一丁炒得好惹味，丁麵炒得乾爽，調味又適中，食完一碟都唔覺油膩🥰除左面頭幾舊豬扒之外，好多藏咗係炒丁之中，加加埋埋都有一大塊豬扒😋超級抵食 跟餐+HK$14 紅豆冰冰底下既紅豆，有粒亦有蓉，口感非常不錯👍🏻但如果再加多小小煉奶/花奶，一定會更有層次❤️ 🔸咖哩薯仔雞球飯 HK$65 +HK$14 追加🍍菠蘿冰呢款咖哩好適合一家大細，因為咖哩味比較溫和，配上滑滑既雞片撈飯，小朋友一定可以食多幾碗！💕菠蘿冰真係令茶包有所驚喜🥰 菠蘿肉雖然又多又大粒，但杯嘢既色水係透明，呢下係令我有所卻步既🤔🤤但飲落去完全夠味，而且留意到菠蘿肉係有被起釘嘅！ 📌點先會有

環境：👍👍👍👍服務：⭐️⭐️⭐️⭐️⭐️味道：😍😍😍😍😍影相：📸📸📸📸Encore:99%📝進入前要度體溫📝免加一➖➖➖➖➖➖➖➖➖➖➖➖➖➖➖「為食兵團」之元朗遊🙆‍♀️元朗係總所周知嘅美食雲集地吾止隱世小店，連茶餐廳，冰室都好多～今次嘅元朗美食遊就係「凱逸餐室」啦🙈.🔸餐牌主打各款港式小菜，煲仔飯，小炒等晚市有精選套餐架～.🔸鳳爪排骨煲仔飯 $65估吾到呢間茶餐廳整出黎嘅煲仔飯水準咁高真係令我地幾surprise 下😂以傳統嘅瓦煲去燒製，睇得出好用心～由於係即叫即製，所以大約要等20分鐘煲火飯熱辣辣上枱，先淋上豉油再冚蓋焗2分鐘咁樣豉油香就會滲入哂飯中💕用上絲苗米，食落先有粒粒分明嘅感覺排骨同鳳爪用豆豉醃製軟腍又入味，大讚👍仲有煲底嘅黃金鍋巴先係精華之處呢🥳隨set 送例湯，湯料好足～.🔸四川乾爆辣子雞 $67辣子雞好有鑊氣，但吾會太乾身雞件肉質嫩滑又實肉，件件沾滿香辣，仲好惹味送飯真係一流🥰嗜辣嘅你揀呢款吾會失望🥳另外，小菜配飲品可以半價呢

懶洋洋的星期六，起床已經12點但又想食早餐，一於食我最愛的常餐，$45平絕午餐呀。材配選擇多，可選沙嗲牛肉/雪菜肉絲/榨菜肉絲/五香肉丁/仿鮑絲/雞扒/豬扒/雞中翼/鮮牛肉/鮮肉片/手撕雞。推介雞扒，因為厚肉地，成塊上好滿足，又煮到鹹鹹地好好味。湯底可以免費升級蕃茄湯，香濃又帶有少少蔬果的甜，完成是正呀。通粉好吸湯，一流。又有牛油厚多士、太陽蛋及兩塊午餐肉，又送熱飲才$45 what do you still want?!午餐其實都唔貴，within $60:鐵板鹹魚煎肉餅飯、鳳梨黑醋骨飯、蓮藕炆腩仔飯、金針雲耳蒸滑雞飯、豉汁蒸鯇魚飯、沙薑雞飯、印尼炒飯、干炒黑椒牛肉意粉、冬瓜鴨腿湯飯我懶，今晚唔想煮飯，午餐外賣兩個飯回家當晚餐hehe...一魚一雞（豉汁蒸鯇魚飯、沙薑雞飯）晚餐豐富吧！回到家的時候還熱辣辣的，雞和魚的份量都好多，蒸鯇魚蒸到豉汁好入味，沙薑雞肉好嫩滑，正。

元朗真係好多好野食，今日自己經過依頭，諗住簡簡單單搵間餐廳食個晚飯，估唔到都幾好食！首先個環境真係幾寬敞，坐得好舒服！一睇餐牌先發現選擇真係好多，小菜、鐵板餐、煲仔飯都有！我就揀咗個鐵板啫啫蜜椒薯仔牛柳粒（$72），加$12配埋飯同例湯。依個真係好好食！牛柳粒煮得岩岩好，一啲都唔難咬，夠鬆軟。調味方面個蜜糖汁好正，同牛柳粒、三色椒、薯仔都好夾。送飯真係一流！另外仲勁邪惡咁跟餐半價加左個奶茶紅豆冰，個紅豆煮到勁林，好似紅豆蓉咁，加埋港式奶茶真係好好飲。依到好得意仲有埋好立克阿華田紅豆冰，下次黎食要試埋！

I was suddenly feeling hungry and to satisfy my hunger, i just went to a cha chan teng nearby. Hoi Yat cafe was located several minutes away from Long Ping MTR.Being a typical cha chan teng, they offered several choices such as breakfast, lunch, tea and dinner set. They served appetizer, main course, rice and noodles etc.Complimentary soup was sweet corn with carrot soup. It was sweet and nourishing, absorbing the essence of the ingredients. Pineapple syrup - It was cooling and refreshing, sweet

今天約了朋友在元朗千色附近行街，行到西菁街附近肚餓，見到一間裝修裝修舒適嘅餐廳，於是乎行入去試吓。座位非常闊落，完全唔似茶餐廳，餐廳非常清潔，感覺好舒服。今日我哋叫咗土魷蒸肉餅同埋咖喱牛腩煲。先來左碗例湯材料十足，比其他茶餐廳嘅例湯好飲，味夠濃，正。至於咖喱牛腩煲呢⋯⋯材料也不錯，份量足夠，牛腩稔而不羶，不過如果咖喱香味濃一點會更好。土魷肉餅雖然係簡單嘅菜式，但係佢又整得幾好食，因為足料及唔太咸，有家的感覺，唔錯。

今日同老豆落咗元朗行下 行到肚餓加上天氣熱熱地 😵就搵個地方tea一tea 🤩望一望附近 發現呢間店外字體發光既凱逸餐室 🌟下午茶意外地抵食 😌叫咗份法式煎多士 花生醬幾濃郁 又有俾咗支蜜糖自行選擇落幾多 😳幾好 叫咗杯凍蜂蜜柚子茶 好冰涼甜甜地 好解渴 老豆叫咗瑞士雞髀嚟到大大隻好上色 食落幾香甜肉滑 唔錯 沙律粒粒爽口味道都okay 另外佢仲叫咗份吉列魚柳 炸得外脆內滑 點埋沙律醬好開胃 杯奶茶都幾香滑 係區內唔錯既嘆茶之選😆

元朗行街，勁熱天的5月中，行到朗屏附近入左餐廳一口叫左2杯特飲，fruitpunch + 冰椰香芝麻奶露。咖哩薯仔牛腩飯 65hkd咖哩薯仔牛腩偏辣少少 ，牛腩炆得鬆軟，可以一條一條絲慢慢拉出黎食，牛肉少少穌，但辣味蓋過， 洋蔥，青椒，紅椒非常新鮮，咬落爽口， 鍾意食辣嘅人一定唔會放過。fruit punch 14hkd罐頭雜果冰，椰果，及多種水果，份量夠，消暑解辣之選。冰椰香芝麻奶露 14hkd意想不到的夾，餐廳用的椰子，香味濃郁，芝麻味唔重，甜甜地，冰條夠，消暑之選。

肺炎情況稍為受控後，元朗區已經對周圍都係人群，四周都係食肆既餐廳又出現長龍，等左10分鐘先入座， 入到餐廳每張枱都有人數限制， 地方大，坐得舒服。叫左一個午餐一杯飲品做lunch褔建炒飯 56hkd芡汁多易入口既福建炒飯， 雞肉，菇，火腿，菜頭，蝦，正宗材料多， 午餐時段唔算貴，有送飲品， 夠熱， 唔會偏淡，或偏咸，分量男女食用都剛剛好。紅豆冰特飲14hkd椰汁味香濃，甜甜的紅豆多，細冰條多。埋單免加一，食到飽都係70hkd

茶餐廳嚟講，呢間多卡位，唔使迫住背對背咁坐，嘢食質素普遍唔錯，價錢夠親民，一個下午茶包埋嘢飲大約$40幾左右，cp 值幾高，會再去的:: ೖ(⑅σ̑ᴗσ̑)ೖ ::！.碎蛋沙律拼法蘭克福腸跟牛角包：碎蛋沙律夠凍夠消暑，沙律醬係用咗BB沙律醬，係我至愛嘅沙律醬味道，入口口感滑溜夠creamy，配埋香脆外皮既 法蘭克福腸同牛角包，幾有口感！.花生醬西多士：即叫即製熱辣辣！麵包鬆脆，花生醬份量多，配埋牛油糖漿，超級邪惡，但一啖咬落去勁滿足！.

同媽咪去元朗探親戚整啲野，因為去過佢屋企樓下嘅呢間餐廳，知道裝修同食物水準OK，媽咪都幾鍾意，所以想回味下，就特地同媽咪早啲黎食個午餐先上樓。乾炒牛河 - $56媽咪就係最鍾意呢道嘅中式炒粉麵好夠鑊氣，河粉一上枱觀感非常之好，師傅好手勢，條條粉都上到色，而且炒得好爽身，食完之後碟底都冇好多餘油。秘制蔥油雞扒太陽蛋飯 - $48雞扒係用沙薑雞粉醃過所以好入味，雖然係雪藏貨，但出嚟嘅觀感都唔錯。而我叫佢嘅原因就係好懷念太陽蛋撈秘制蔥油嘅味道，食到我 舐舐脷。😋特飲 – 跟餐 +$5太熱天時，熱到真係想飲凍飲下下火，我地叫左凍柚子薑茶同凍鹹柑桔話梅蜜，凍得黎當埋可以養生，質素都唔差，都係加$5咋。😆

><首落完單就上咗兩個例湯 濕一濕個口啱啱好可以暖下個胃 飲完都唔話口渴鐵板啫啫蜜椒薯仔牛柳粒($72) +$12配例湯白飯咋咋聲好吸引食慾 黏住鐵板個面帶焦香所有食材都切至一口大小 幾款夾埋一齊食都得黑椒汁惹味十分下飯北菇滑雞煲仔飯($65) 配例湯店員話要等20分鐘 上枱之後再焗多2~3分鐘豉油撈飯真係好正 雞件都好滑腍當然唔少得要刮煲底嘅金黃飯焦><><><><><><><><><><><><><><><凱逸餐室元朗西菁街9號富盛大廈地下3-4號舖