凱逸餐室

营业中

休息中

今日喺元朗兜咗一個彎， 行到千色店後面，👀有間新開嘅餐廳， 於是係出面撳咗飛仔等入去開餐🍴 餐廳都幾大，出面設有幾張枱，啱曬放狗同放毒人仕👍餐廳格局簡潔光猛， 座位唔係太迫👌-沙嗲肉片飯$51.00🍛~餸同飯嘅比例幾乎各佔一半👍多汁， 唔會太鹹，有少少辛辣食落惹味，除咗肉片外， 配菜都很豐富，有青、紅、黃椒、洋蔥、菠蘿粒😙-阿華田紅豆冰+$15.00~ 紅豆大粒軟糯，食落起沙😋👩‍⚖ 上餐快， 食物選擇幾多， 是快靚正之選😆

凱逸餐室開業了一陣子也未試過，今天剛巧午飯時間經過這裡，看到門外的餐版頗多選擇，而且價錢合理，於是決定一試。午餐時間幾乎滿座，幸好不用等候，馬上有位。點了叉燒炒蛋飯及菜遠牛肉炒河。叉燒炒蛋飯上枱時，我們都呆了一呆，因為與平常所吃的炒蛋不同，炒蛋色澤暗沈，而且很散很碎，似是用蛋漿而非原隻雞蛋炒出來的，一點也不吸引，幸好味道不算太差，叉燒份量不多。菜遠牛肉炒河則正常很多，味道也不錯，牛肉稍淋，獻汁軟多。

元朗食肆多不勝數，有新店開張梗係要測試一下， 這間位於西菁街的凱逸餐室進駐不久，於是膽粗粗入去試一下。 去得地道茶記，梗係要試吓必食常餐， 首選當然是丁麵啦， 轉為蟹黃麵都係加$3， 咁都算可以啦。去茶餐廳食五香肉丁來來去去都是某牌子罐頭，不過呢間餐廳都算OK，因為肉丁肥瘦適中，而且唔會全部都係比筍片充數， 今次轉左蟹黃面就更加係彈牙爽口。常餐點可以少左餐蛋加多士呢？ 跟餐來說厚片餐肉咬落去質感好好多，起碼唔會好似食風咁，至於煎蛋就屬於美國蛋，蛋黃汁味道同大陸版冇得比，美國蛋蛋味濃郁多汁。 至於厚多士是跟餐的，個人覺得口多士食落質感豐富，個邊脆卜卜 ， 同奀挑鬼命薄多士完全唔同，加咗蛋汁同埋餐肉梗係我哋香港人嘅至愛啦。

呢度嘅福建炒飯材料有火腿、雞肉粒、蝦仁、粟米粒、菇、青豆、紅蘿蔔粒，福建炒飯同一般嘅炒飯唔同，因為飯上面嘅冬菇蝦仁芡汁。個芡汁係汁係成個福建炒飯嘅精髓，而呢度個芡汁整得唔錯，同大酒樓都有得揮，之不過可能係因為店舖平時生意太好嘅關係，炒飯竟然冇用到必需要有嘅冷飯，而用新鮮煮出黎嘅飯水份太多，飯粒太軟，影響左炒飯炒出黎嘅口感。干炒雞絲意係我朋友叫嘅，我試左少少，感覺上都係稍微濕左D，如果可以再炒返乾身少少就好啦

今日午餐時間食左凱逸餐室，說實話呢個鋪位成日轉手，所以見到佢開左新嘅當然要試下啦，講返裝修，鋪頭空間幾大，所以佢地嘅擺位都闊落舒服，唔會有焗促嘅感覺。午餐我叫左椒鹽豬扒飯，惹味開胃，豬扒件數份量夠，又大塊 ，最特別係唔辣之餘仲有啲甜味嘅感覺。朋友叫左韮王肉絲炒麵，大碟麵脆肉絲夠多，對牌無投訴。午市可以用半價叫特飲，呢排天氣超級曬6熱，所以嗌左個咖啡紅豆冰同菠蘿冰，咖啡紅豆冰，紅豆大粒夠沙，好飲。最後補充，侍應姐姐個個都好爽手同好有禮貌，加上食材質素頗高，所以絕對可以回頭。

咁啱有事要搵住係元朗嘅朋友，就約佢係元朗見面，而忙完之後就順便一齊食餐飯啦。附近咁啱就有間最近新開嘅餐廳-凱逸餐室，我哋見正好裡面人流未算太多，就入去坐低。入面個環境同一般茶餐廳一樣，不過望落俾人幾休閒嘅感覺，令人可以係到relax咁食餐飯。睇番個menu，佢有早餐、午市套餐、全日套餐，唔同時段都有唔同嘅選擇而依加都晏就，我哋就諗住叫午餐食啦呢度又有飯、炒麵、炒飯、公仔麵，仲有唔同嘅餸，想點配搭就點配而我就嗌咗個干炒牛肉河，呢樣簡直係茶餐廳經典小菜，而佢就炒得啱啱好，啲牛肉都好夠味，非常美味！朋友嗌咗星洲炒米，呢樣都同樣經典，啲米粉如果炒得太淋嘅話就會好影響口感，但係呢度嘅米粉真係炒得夠哂好食，我都忍唔住夾咗佢幾啖嚟食。淨係食嘢就太dry，點都要喊番杯飲品而我叫咗杯熱檸茶，陣味都幾OK呢餐都係食得飽又滿意

經過元朗千色後面嘅西菁街，平時最大間連鎖米線隔離，見到有間新開嘅茶餐廳，見唔洗等位，就同朋友一齊入去試吓，一入去員工就推介佢地有每日精選，日日唔同，午餐有炒米麵飯或者常餐，位都幾多，兩個人坐係「卡位」諗左陣就一人一碟穫氣野我就叫咗一個乾炒牛河， $56包埋一杯飲品。牛河來講唔算太油膩所以都OK唔會油淋淋嘅感覺。一碟牛河上面亦都有七至八塊牛肉。食物都夠熱，相信牛河係即炒出嚟嘅。朋友就叫左星洲炒咪，同樣都係$56配一杯野飲，佢叫咗杯冷鮮牛奶🥛咖啡！都唔錯，上邊有一層泡沫奶，有朱古力粉係面下便係香濃咖啡☕️!顏色上，睇落碟星洲炒米色水唔錯既👍🏻朋友話唔會太咸！配料有大蔥，火腿，肉絲等等環境幾好坐丫，大熱天時冷氣足夠

元朗開咗間新餐廳喺千色店隔離都好方便👍🏻✨餐廳比較現代化門口有自動取票機另外唔似一般茶餐廳地方比較寛闊😊😊😊座位同座位之間有一定嘅距離所以坐落去都幾舒服值得一讚👍🏻✨餐牌都係一般餐廳嘅食品一目了然價錢都大眾化😊蝦仁炒蛋飯份量適中，都幾多蝦仁豉油好似係美極，正！🤣🤣🤣乾炒牛河份量味道OK，牛肉都幾多😁如果再熱啲就更好👍🏻👍🏻👍🏻每個餐都可以加錢換特飲檸檬可樂只係加$5，ok 喎！👍🏻✨

今日2點先食lunch，近近地就去新開嘅凱逸餐室，2:30先有下午茶，天氣太熱唔想食飯，又未到下午茶時間，好在有個全日套餐，食個豬扒通，奄列，小小的奶油豬，凍檸茶$48，價錢小小貴，不過環境唔錯，唔會坐得迫，侍應夠多服務態度好好，2點入去都坐滿9成薄切豬扒通粉味道ok，奄列幾好食，奶油豬好好食，如果多返d奶油就更好，包的質地不是硬，好啱我口味食食下就到下午茶時間，聽到好多人都嗌雞髀沙律，下次會再來試下！

冇黎一排，上次係附近食完野見到新開左餐廳，我地參加完興趣班就黎凱逸餐室食lunch，11點左右已經要排隊等位，餐廳有室內室外，室內好多座位。常餐（$45）每次lunch 都會點既常餐，沙嗲牛肉出前一丁，火腿奄列、迷你牛油脆豬包，沙嗲牛肉軟腍，有沙嗲味道，出前一丁不會煮到太淋火腿奄列+迷你牛油脆豬包如果脆豬包脆一點就會更好花生醬西多士（$28）每次去到茶餐廳都一定會叫黎食，西多士相當厚身，炸得金黃，中間花生醬份量適中，唔會愈食愈膩紅豆冰（$28）紅豆夠多，紅豆軟綿綿凍檸茶（跟餐+$3）

見到位於元朗千色附近開咗間新餐廳， 地方好大， 價錢又平民化， 而且天氣又特別炎熱，真係唔想開火煮食， 所以就入去食番個晚先！有好多晚餐小菜提供選擇， 晚晚食都唔怕悶啦！ 我哋叫咗2 個套餐餸開心share !1）糖醋五柳魚塊 （$65）味道酸酸甜甜， 好開胃！五柳魚塊， 外皮香脆， 魚柳嫩滑， 男士而愛， 啖啖肉， 無骨， yummy ！ 仲有新鮮菠蘿同三色椒做配料， 正呀！ 2） 椒鹽豬扒 （$65）份量都唔少， 外皮炸得香脆，肉質滑嫩，加上椒鹽， 好惹味！ 叫小菜只加$12 ， 就可以跟例湯＆白飯！ 仲可以用半價叫飲品！ 正呀！ 下次可以試吓早餐、午餐同下午茶先!

出黎千式買啲野，之後便到附近搵食，見有間新開張嘅茶餐廳，望望門口餐牌，唔貴喎又有野啱食，就試下佢啦。七點多來到，餐廳全full，好彩等一陣就有張卡座埋單，卡座坐兩個人好濶落。唔算太肚餓，點了兩個小菜就夠，太多吃不完就浪費了。例湯＆白飯（$12）叫小菜可以加錢配埋例湯同白飯，是日係花生眉豆雞腳湯，湯幾濃味，飲完無口渴，正。菠蘿咕嚕肉（$61）第一款小菜叫左咕嚕肉，阿媽話呢個屋企難住多功夫，出街食就啱哂，哈哈。肉件走過油，一口size啱啱好，啖啖肉無骨。用上新鮮菠蘿，配料仲有三色椒，賣相幾靚，個人覺得醬汁偏酸了點，阿媽話ok。涼瓜炒牛肉（$65）第二樣要左炒苦瓜，大大碟抵食喎。苦瓜炒完仲好翠綠，爽口又唔苦，好味。牛肉嫩滑，豉汁惹味好好下飯。白飯大大碗㗎，不過啲米唔係好靚無飯香。茶仔不用加一，兩個人百五蚊食飽飽，懶得煮飯嘅好選擇。

千色店附近有很多食肆，有台灣面、米線、壽司，今晚試下呢間新開張嘅餐廳。除左店內坐位外，出面都有坐位方便其他食客。我地叫左啫啫雞煲($77)，佐料有葱頭、薑片、洋蔥，十分惹味，D雞冇雪味，都幾嫩，完全唔鞋，最讚係有豬膶，好新鮮爽口！另外仲有西蘭花炒斑片($83)，D斑片好厚肉同新鮮，西蘭花爽口，份量都足夠！個燉湯係木瓜雪耳煲雞腳豬肉湯(另加$28配白飯)，足料好味，超讚！整體耒講，服務殷勤，快上菜，坐得舒服

最近很忙碌, 沒有時間煮食, 也不太有時間約朋友吃飯, 在繁忙之中, 隨便來吃個快飯, 看中了這間新開的餐廳, 有小菜有燉湯, 價錢也相宜。金銀蛋浸莧菜$61夏季專有的蔬菜, 以金銀蛋的煮法是絕配! 欣賞它的調味做得很出色, 鹹蛋看似份量不少卻沒太鹹, 味道很豐富, 份量足, 有炸蒜, 很香, 看得出有心機做。最讚是湯沒太鹹所以可以喝, 或用來拌飯做成湯飯,有驚喜!菠蘿咕嚕肉$61還是香港地道的餐廳做得有水準, 之前在路線中上的中菜館吃, 反而不對味, 這咕嚕肉似新鮮炸起, 有點脆香配合濃濃的酸甜醬汁, 加上很多菠蘿、洋蔥、三色椒, 十分滿意。海底椰燉雞湯小菜+$28有燉湯和飯, 今晚的燉湯是海底椰燉雞湯, 很清徹清甜的湯, 平時這燉湯值四五十吧, 抵飲呢。 凱逸比想像中更好, 更合口味, 非一般茶餐廳, 環境也優勝, 新淨舒適, 會再來吃啊!

今日係元朗行行下街，都差唔多七點要揾晚餐食啦，係千色附近行左幾轉見到呢間新開既餐廳，就入去試下，環境都幾大，燈光好足足，冷氣都好夠。入到去我地叫椒鹽鮮魷，魚香茄子排骨煲同啫啫雞煲，再加左兩個套餐，一個要左例湯，一個就要左燉湯。首先上黎既就係蟲草雞燉湯，好香好有雞味，我個人好鍾意飲，大家都可以試下。至於例湯就係合掌瓜，煲得好夠時間，夠哂味道。之後上黎既椒鹽鮮魷同平時大排擋既有啲唔同，炸得好脆，金金黃黃既，十分吸引。雞煲都唔錯，有好多雞，夠哂兩個人食。魚香茄子排骨煲就比較特別，排骨同茄子都好夾。有機會黎元朗都可以試下。