凱逸餐室

营业中

休息中

小編與友人共2人在星期三的下午2時，來到這間開張不算很久的茶餐廳吃午餐，外面看到有3張戶外的餐桌，小編當然是坐在裡面涼冷氣啦。當時餐廳裡面都有八成的客人坐滿，想坐在卡位的小編就只好坐在剩下空位的圓枱的座位。下單後在小編拍下菜單的照片的時候，食物就已經陸續上枱了，出餐很快手。第一個就要了午市套餐(早上11時半至下午5時)的 「夠鑊氣」中的干炒牛肉河($56)。河粉不會炒到碎，油量適中，不覺得肥膩；夠鑊氣，配料的芽菜和蔥不會太多而蓋過牛肉和河粉的味道；牛肉的肉質是鬆軟的，容易咬；牛肉的味道足夠。這個是抵食之選，想不到吃什麼就要碟干炒牛河吧！小編亦都留意到有不少客人都有在吃干炒牛河，應該真是個不錯之選。小編平時大多數都會喝奶茶，跟餐會送熱飲，但看到他們飲品菜單中的「冰類」，例如有阿華田紅豆冰、奶茶紅豆冰和朱古力紅豆冰等等的有6款都比較少見，所以就要了當中的好立克紅豆冰(原價$30，跟餐只需半價)。小編真的未試過好立克與紅豆這個配搭，味道較新奇，不過也不錯，可以試試！還有，杯中的紅豆佔了一半，真大方。第二個就要了全日套餐(早上11時30至晚上11時)的 「常餐A」 中的豬扒配出前一丁，配火腿絲

今日陪朋友接放學後，就到附近餐廳午餐，見到餐廳外觀乾淨，於是就入座餐廳有每日不同的推介午餐，但我地都係揀返主menu, 搭多個小食韭黃肉絲炒麵等左一陣，因為即叫即做，但真係炒得好靚，麵亦可口脆身，讚菠蘿咕嚕肉飯肉既粉一啲都唔厚，而且大大舊，份量也多，甜酸汁亦調得好好味，真係值得再黎食花生醬西多士一上枱，嘩左一聲，因為咁厚身既西多士真係唔多見呀，花生醬饀也不薄，仲比大大塊牛油，加埋糖膠，成件事好滿足，超級推介，太好味了熱柚子蜜特飲加錢系列，朋友說味道不濃不淡的剛好，襯熱飲不錯檸檬雪碧本身雪碧已經係凍的，所以放棄左成杯冰，最後只篤檸檬，酸酸的最啱飯後飲晒佢呢價錢亦合理

放工來不及煮飯, 慳水慳力的落街吃個飯, 芸芸餐廳之中, 凱逸是我的心水, 品質好, 價錢相宜。來這裡, 一定要吃的是金銀蛋浸時菜, 現在是莧菜的季節, 把握機會吃最夾的金銀蛋浸莧菜了。它有皮蛋、咸蛋, 炸蒜來配搭, 咸度適中, 給人感覺, 只吃這個菜式配飯, 不吃肉, 也夠滿足了。不過因為我們兩個人吃, 就多選一個菜吧, 選了涼瓜肉碎煎蛋飯, 因為安全的原因, 蛋煎得比較熟, 如果想吃生一點的, 要預早通知, 涼瓜切了粒粒, 帶著甘味, 口感不錯。我們還叫了一盅燉湯, 是比較少見的魚湯, 還加上瘦肉, 味道濃郁, 沒有味精的感覺。

是日晚餐簡簡單單來到凱逸餐室，有多款晚市客飯套餐，價錢只是六十幾七十元，非常抵食，小菜配白飯配湯，自家煮也不止這價錢。套餐以外亦有很多不同款式的小菜，價錢實惠，亦可加配湯及白飯。我們點了兩款小菜，其中一款加$12配例湯及白飯。是日例湯是西洋菜湯，味道清甜，十分足料，有半碗西洋菜的份量。沙嗲牛肉粉絲煲原煲上，沙嗲味香濃，用的是牛肉片而不是一般的肥牛片，牛肉肉質嫩滑，另有粉絲、金菇、芽菜、菠蘿等，令味道更有層次感，口感更豐富。西蘭花炒班片西蘭花爽口，班片肉厚彈牙，調味適中，不會太咸。白飯一大碗，份量足夠兩人分享。

今晚同主子去左元朗千色店附近的餐室搵野食, 呢間餐室都開左一段時間, 第一次來試下個晚餐, 我地叫左兩個小菜, 第一個係沙嗲牛肉粉絲煲, 另一個就係西蘭花班片, 加多12蚊就有飯同湯, 今晚例湯係西洋菜湯, 好足料, 差不多成碗都係西洋菜, 西蘭花班片唔錯, 班片厚肉, 沙嗲牛肉粉絲煲好大煲, 足料好味, 我喜歡用肉片多過肥牛, 感覺有咬口啲,而且沙嗲味濃, 好正,今晚可能我地早黎, 唔太多人, 上菜速度好快, 有效率。160蚊埋單都算合理。

好耐冇入元朗食嘢，經過元朗食街之一西菁街，啱啱搵到個停車位拍低，見到有間幾光鮮嘅茶餐廳，馬上試下。餐牌都係茶餐廳大路嘅選擇，而是日晚餐都唔錯，感覺比較抵，最後都掂左兩個晚餐。例湯嘅份量好大，湯料亦多，感覺上唔會落好多味精。佢哋嘅是日蒸魚餐都有好多唔同魚（黃花/鯪魚/䱽魚）選擇，但夥計建議我試吓煎封黃花魚，條魚都算大條，煎得好香脆，外脆內滑，基本上可以連骨都食埋，配合淡味嘅豉油十分之高水準。鹹魚雞粒豆腐煲份量都算大，豆腐好滑好有豆味，鹹魚亦十分甘香，但又唔會太咸，有水準。凍奶茶亦有水準，唔會太甜，茶同奶比例均勻。

收工後同阿爸來到元朗凱逸餐室，餐室算寛闊，坐得算舒服。我揀常餐A:沙嗲牛肉米粉，免費升級蕃茄濃湯，配火腿絲奄列、迷你牛油脆豬包。沙嗲牛肉入味，牛肉算嫰滑。值得一讚的是蕃茄濃湯，好重蕃茄味，底下仲有蕃茄粒。脆豬包真係外面好脆，內裡鬆軟，煉奶牛油揸得剛剛好。熱柚子蜜+$5:好多柚子潤喉，好飲~而阿爸選了是日蒸魚晚餐$88，而在鯇魚、烏頭、倉魚選擇之中，他選了烏頭，用豉汁去蒸。由於即點即蒸，所以伙計落單時都提點要等候需時。上枱時香噴噴，烏頭不算好大條，一個人都可以吃清光，肉質好嫰滑，而且豉汁醬油更可以用來撈飯吃。

今晚送完女友回家。佢話叫我食自已。她沖完涼就訓。唔食晚餐。咁唯有駕車週圍兜。元朗有個好處。就係可以隨街泊車。駛過西菁街。見到間餐室裝修都不錯。好似幾舒適。於是就決定今晚係度開飯。入到餐廳。都算好闊敞。茄子排骨煲。排骨入口爽口。茄子亦爽口不錯。成個煲好有香港地道大排檔式的火喉自家燉湯。餐廳話每日既燉湯都不同款式。我今日的是燉魚湯。絕無味精金銀旦浸莧菜。雖然是一般小菜的菜式。但師傅煮個湯底好鮮,好美味。好可口。

今日又帶左我隻可愛狗狗🐶出街搵野食😂揸車經過呢度見門口有幾張大枱即時雙眼發光仲要咁岩門口有位可以泊車🚗勁方便。呢間新店內外裝修都非常整潔又寬敞門口見佢有個下午茶餐牌，相入面既豬扒都幾吸引就坐低左係門口大枱。一坐低waiter🤵🏼就過黎，佢非常有禮貌值得一讚😃同朋友叫左2 個下午茶餐， 包2柸野飲， 記得走飲管呀朋友既秘製蔥油豬扒蛋飯， 豬扒其實唔洗蔥油都好惹味， 又夠腍， 仲要份量都算多， 蔥油用黎撈飯食勁香勁好味到我個豬扒包喇，麵包外脆內軟， 豬扒都一樣夠腍又好味， 沙津醬都好夠， 會再黎幫襯， 因為仲好抵食

喺遍地開花之後，冇車搭，所以要留返係自己嗰區消費，好多謝今日仍然可以返工嘅人士，令我可以係你當中享受一個豐富嘅午餐，等左一陣位，我哋一人叫咗一個餐，份量都唔少㗎時菜牛肉炒可，時菜就用左白菜仔，而牛肉既口感呢就好似平時食開嘅沙嗲牛肉肉絲炒麵嘅醬汁好濃郁，一啲都唔乾身依家惠顧午餐仲可以以半價散叫冰類飲品，我哋叫咗一杯菠蘿冰同埋我嘅至愛凍奶茶紅豆冰，菠蘿切咗粒，係杯嘅底部下面係見到有紅豆粒上面就係香滑濃郁嘅奶茶

元朗西菁街不嬲都係美食集中地,決定同同事係到食個快餐再翻公司做野打工仔食lunch最緊要平靚正! 呢到有好多套餐揀,價錢相對便宜我地分別叫左乾炒牛河同星洲炒米,好快手咁送到我地面前! 食乾炒牛河最驚就係太油同太乾,呢間野炒到金金地色,好有鑊氣,大大兜好足料,食到好飽!!!唔會太油膩,另外星洲炒米亦都係好足料,有蝦有火腿,有蛋,仲有小小芝麻係面,真係好香!另外跟餐叫左杯熱檸水同埋凍阿華田P.s 大多數菜式都係$50樓下既,CP值都好高

新開試一試， 炸脾未食已藐嘴，請問炸的定義是曾入炸爐嗎？是一隻放入一煲熱水的煮熟雞脾再入油過一過的吧？沙律及雞脾大小是正常的，價格38元，凍飲加3蚊。味道不難食，就是煲熟了再搽了油的味道。餐廳人不算多，環境不差，待應態度正常，茶記一向不賣服務所以沒要求

The chicken steak was thick and thoroughly cooked through (sometimes cha Chan tengs leave the chicken a little raw in the middle because they’re probably in a rush but not here!). Nice golden crispy skin on the outside. My fried egg had a perfectly runny yolk. And the 蔥油 sauce! So good. A near perfect meal, and it’s only $48 (+$3 for cold drink). AND, it’s served all day. How great is that??

今日去左幾間餐廳都食唔到，一係無開，一係無位，心灰意冷之下黎到呢度諗住食譚仔，先知原來開左間新餐廳！唔洗等位即衝入去！入到去有個侍應大聲叫:幾位呀你地！算啦都係茶記，呼呼喝喝都好正常姐😀👌小炒叫左涼瓜肉碎煎蛋，金銀蛋浸白菜仔，糖醋五柳魚塊，三樣餸都好味喎！金銀蛋浸白菜仔就最啱送飯，整得幾好！跟餐有白飯同中湯，湯水係蓮藕煲豬骨，冇味精，唔錯😋估唔到呢間新餐廳都有驚喜。嘢食唔錯之餘，坐得都算舒服，仲有室外座位可以選擇。食完飯出去先見到原來譚仔搬咗舖位，變咗三哥，裝修中。都係同一條街~

攞文件經過元朗，趕住有工作在身， 近近地見西菁街凱逸新店， 就走入去食個quick lunch 。 餐廳深圳裝修完畢，價格定位$50左右，以元朗來說都算合理， 天氣悶熱，選了雪菜肉絲炆米醒醒胃。 落完單等上菜其實都叫快手，初時以為10分鐘內上菜，米粉都應該係一早煮定等order ， 點知食到落口嘅感覺完全係另一回事。 事源米粉送到枱面的時候是新鮮滾熱辣，我一向偏向喜歡食熱騰騰的食物， 送到桌面時候是不斷冒出蒸氣，而且口感頗佳，不會有油膩感覺， 雪菜亦都唔會有死鹹的感覺， 性價比都算頗高。