凱旋餐室

营业中

休息中

嚟咗呢間茶餐廳食晚餐🤣呢度有 $198「二人套餐：A 任選一款 + B 任選一款，配送油菜一碟、白飯、例湯或熱飲（改凍飲加 $3）」，咁我哋揀咗「清蒸石班」同埋「家鄉蔥油雞」🤣「家鄉蔥油雞」：香蔥似乎係炸香過，大量放咗喺雞上邊，加埋醬油，非常香口好味🤣「清蒸石班」：石班新鮮肉質嫩滑，蒸得啱啱熟，加埋芫荽蔥，清蒸發揮鮮味🤣「油菜一碟」揀咗「菜心」：「菜心」新鮮，白灼簡單幾好食🤣「熱檸水🍋💦」：簡簡單單🤣「凍檸茶🍋🍹」：叫咗少甜少冰，咁樣即係甜甜哋，夠清新🤣再加咗一碟 $20「白灼生菜🥬」：生菜新鮮爽脆🤣$30「豬扒包」：豬扒肉質軟熟，整體幾好食🤣

今次我同朋友去試咗一個超值的二人套餐，真係抵食到爆！只需$198，就可以享受到一個豐富嘅餐點，份量超級足夠，完全冇味精，食落去好爽口，真係好開心！首先，清蒸海石斑真係一絕！魚肉鮮嫩，蒸得剛好，搭配上啲醬油，味道清新又唔油膩，完全保留咗魚本身嘅鮮味，食完令我好滿足。再來係蔥油雞，雞肉嫩滑，蔥油味道濃郁，但又唔會搶走雞肉嘅鮮味，搭配埋白飯食，真係好正！紅青蘿蔔例湯，湯底清甜，啖啖都有菜味，飲落去好舒服，唔會太鹹，非常適合配合主食。最後，仲有一個咸檸柑桔，清新又有少少酸味，正好解膩，為整餐畫上圓滿句號。整體來講，呢個二人套餐真係超值，份量足、味道好、冇味精。

偶然遇上的驚喜-冰室☺️☺️凱旋餐室(灣仔)環境光猛 ，乾淨企理 ，有寬闊的卡位 ，座位舒適，晚市選擇勁多，有晚餐精選，中式小菜，燒味，湯飯，粉麵，還有多款套餐可供選擇。我地叫左二人套餐，小菜兩款A選一款，揀左清蒸石斑，B選一款，揀左家鄉蔥油雞，配送油菜一碟，白飯兩碗，加上是日中湯，係眉豆節瓜豬骨湯，湯料十足，夠火喉，唔會太咸，有家的味道，我們還點了兩杯飲料。家鄉蔥油雞蔥油雞配上特製的醬料，香蔥油令人唾涎三尺，份量十足，而且仲有雞脾食！雞件啖啖肉，皮爽肉嫩，唔會鞋口，令人回味無窮，送白飲一流是日油菜可選生菜或菜心，生菜爽口，帶有清甜味道，配上蠔油，鹹香鹹香！清蒸石斑餐室竟然有原條石斑可以食，好厚肉，魚肉嫩滑，好新鮮肥美，配上蒸魚豉油及蔥花更能帶出魚的鮮美，能媲美酒樓的水準！有驚喜！

和同事來個簡單午餐，地道情懷，非常吸引 ‼️🔸鐵板海鮮炒烏冬香濃惹味，海鮮炒彈牙烏冬，炒出快樂感。有水準午餐。味道口感適中。海鮮份量多，不油膩，烏冬內有蝦仁，蟹柳粒，青口粒和小帶子等。🔸常餐茶餐廳的味道，叉燒出前一丁，好吃， 火腿，炒滑蛋及牛油吐司，也算不錯。😉可轉其他麵底及可加錢轉出前一丁，甜甜味叉燒出前一丁，棒👍🏻👍🏻三文治、麵包嘅種類都有很多選擇，同事話也會再來吃，感覺不錯😌😌

今日做野做到好晏，決定食埋飯先歸家。。經過呢間lunch time好多人食嘅餐廳，決定試試佢。呢到選擇都好多下，最尾揀咗鐵板餐。首先很快上了餐湯，我揀的是羅宋湯，非常對我口味，是很濃而且偏甜的，最驚喜是裏面竟然有牛筋粒，足料喔然後，鐵板餐製作需時，就係我啱啱飲完晒啲湯就上菜了，份量超多，最尾我是吃不完的🙈醬汁方面，我揀咗黑椒汁，個人認為是最惹味的🤣估唔到牛扒生熟度控制得不錯，以港式牛扒黎講～配菜都幾新鮮，薯條十分香脆！😋

地道茶餐廳，有好多小菜選擇，今日嚟咗灣仔食個快嘅飯，佢嘅嘢食都唔錯，推介俾大家😍瑤柱肉碎蠔仔湯飯湯頭鮮美，瑤柱的香味與細膩的肉碎完美結合，給人一種溫暖的感覺。米飯吸收了湯汁的精華，粒粒分明卻又不失濕潤❤️❤️蠔仔的鮮味則為整道菜增添了層次感🥹🥹😍口水雞雞肉鮮嫩多汁，配上獨特的調味醬，味道香辣適中，令人食欲大開☺️☺️☺️😍椒鹽雞翼配菜粒炒飯椒鹽雞翼外皮酥脆，肉質鮮嫩，絕對是下飯的絕佳選擇。搭配的菜粒炒飯則色香味俱佳😀😀🤩熱鴛鴦濃郁的咖啡與香甜的奶茶混合在一起，既能提神又能解膩😆😆

今日在灣仔遲了收工，跟同事在附近食飯，經過幾間餐廳，最後揀了舖面燈光明亮的凱旋餐室吃晚飯。 我們選了個二人餐，套餐還有送油菜、白飯、例湯和飲品。我們都想吃清淡一點，選了韭黃蝦仁炒蛋、家鄉蔥油雞、油菜選了菜心，飲品選了熱檸檬茶和凍檸檬茶。 先上兩碗例湯，味道不錯，最重要是湯夠熱。之後來了飲品，凍檸茶少甜，甜度剛剛好。小菜方面先上了韭黃蝦仁炒蛋，很大的一碟，味道剛剛好不會過鹹，鮮蝦仁大隻又爽口，最重要是蝦腸已挑走非常乾淨，這方面很加分。至於另一個小菜家鄉蔥油雞，雞肉非常嫩滑，蔥油應該是炸過淋上面，充滿蔥油香味，味道剛剛好。菜心很翠嫩。 餐廳還有燒味、鐵板餐、炒粉麵供選擇。總括來說，我和同事都吃得非常滿足，用餐愉快！

同屋企人食食茶記就最啱 呢間咁近電車站舖位又大又方便 仲有燒味賣添～晚餐仲要包埋飲品同白飯，好抵食㗎！❣️沙薑雞沙薑雞雞肉超級滑溜 餐廳好慷慨 份量好大沙薑汁惹味得嚟唔會好油膩 雞肉熟度恰到好處佢滑得嚟雞骨唔會有血 食得好安心❣️海味雜菜煲有瑤柱、蝦米、雲耳 海味帶出咗湯底嘅鮮味西蘭花、菜心、白菜仔好翠綠色感覺好新鮮 仲有大量嘅粉絲 吸收晒湯嘅精華 勁好味❣️咖喱炆牛腩最愛就係大大件嘅薯仔 炆到好綿 係咖喱最好嘅朋友牛筋腩炆到好腍 大大件 而且有好多筋膜位一份牛腩食到好多唔同口感 仲有埋紅椒青椒 望落好開胃最正係啲咖喱汁撈飯一流

今日又係上堂既大日子，搵間冰室食個飯就岀發了，係莊士敦道見到呢度四四正正，就呢度啦！好，坐低睇下有咩好食先。叫左個扒餐，有羅宋湯，酸酸帶微辣，好好飲，好耐冇飲過港式羅宋湯了。今日唔想食飯，所以跟左沙律，沙律裡面有蘋果，菠蘿、薯仔，紅蘿蔔、西芹、粟米等等，有好多種蔬果，而且係凍冰冰的，正！美式雜扒餐，主角岀場啦，好誇張，超大塊雞扒和牛扒，牛扒好腍，雞扒都嫩，叫左黑椒汁，多汁唔會dry！仲有火腿、腸仔各一，配菜有西蘭花和蕃茄，非常之豐富吸引。跟餐仲有飲品，真係十個飽！

餐廳空間感十足，仲要坐得幾舒服，餐廳選擇多，重點係價錢同份量都幾抵! 我地今次係燒味餐，先黎個叉燒❤拼切雞❤，唔中意油膩感但又想食叉燒既我就最中意食瘦叉，啖啖純肉唔干身，而且份量都唔小，要同人share!!! 切雞嫩滑好juicy 有埋佢地既豉油同蔥油絕對係白飯殺手好惹味!!! 我地另外叫多碟雞髀飯❤，PI薄調味香，重點係，份量十足，2個人share好抵食。抵食既仲有佢地既菜心❤，比起出面同樣既價錢，佢地既份量係double!!!

今日當完值就約老公去灣仔食飯，問佢食乜？唔駛諗，一見到間冰室就走入去，男人的浪漫….既然你問得佢，緊係順佢意，但估唔到間餐室令我喜出望外。環境光猛，簡約平實，乾淨企理。地方唔少，有多排闊寬嘅卡座，坐得舒適。選擇勁多，有晚餐精選、晚巿小菜、燒味、湯飯、粉麵、中/西式飯、輕食、二至四人套餐、飲味等。二人套餐配送油菜一碟、白飯、例湯或熱飲（$198）係我地最佳選擇。在A和B項各選一，我揀咗清蒸石斑，老公就揀川辣口水雞。例湯係眉豆節瓜豬骨湯（$0），落足料，煲得好夠火喉，熱辣辣。味道鮮香，唔會太鹹，完全無味精，好有家的味道，見老公喝得津津有味就知自己無做好老婆本份，無乜湯水給他….油菜（$0）仲可揀菜心或生菜，貼心！菜心翠綠粗壯，新鮮爽嫩，完全無渣，配些蠔油添鹹香。川辣口水雞 嘅醬料跟平時食唔同，唔止辣醬油咁簡單，好似仲有啲豆豉，可能係秘製的。估唔到份量咁足，仲有雞脾食，開心！黃油雞皮爽肉嫩，配埋醬料食，鹹辣惹味，但無辣到火辣，用來佐白飯一流，正！嘩！估唔到係餐室都食到清蒸原條石斑，仲有大大條，喜出望外。好厚肉，啖啖肉，蒸得剛好，嫩滑鮮美，好新鮮，我連頭尾都清埋，得！

今日難得的早收工，返屋企前偷偷地去嘆個下午茶先「凱旋餐室」非常就腳，地方又大，全部都係卡位，次次都唔使同人拾枱，又有店員落單，快靚正！一坐低立即order ，吾使十分鐘有得食👍🏻👍🏻我覺得要有咁嘅效率先可以稱得上係港式茶餐廳。脆炸雞肶拼沙律$42 炸鷄肶皮不能太薄，要有適當厚度，多燶邊，咬落脆卜卜先過引。鷄肉保持嫩口有肉地才稱得上是上品，而且滲出淡淡的五香粉味，邪惡又惹味的港式炸肶。雜果沙律非常新鮮、蘋果、菠蘿、薯仔、紅蘿蔔、栗片米，咬落索索聲；沙律醬剛剛包著雜果粒，樣樣都啱啱好。紅豆冰+$12紅豆份量足，夠稔糯；和花奶比較大約2:3 ，紅豆冰合格。

有時會來凱旋餐室吃個豐盛早餐，除了比較近公司之外，味道佳，份量又豐富！這天我點了常餐番茄薯仔牛尾湯米粉。牛尾湯是核心，湯底由慢火煮製的牛尾、番茄和薯仔熬成。牛尾肉質鮮嫩，番茄的酸甜味道與薯仔的綿密口感交融在一起，米粉吸附了湯汁的香氣，彈牙的口感令人更具食慾。每一口都能感受到濃郁的牛尾味道與清新的番茄香氣，令人心滿意足。配上火腿炒蛋，炒蛋的質感綿滑，帶著淡淡的鹹香，火腿的咸味則為整道菜帶來了額外的風味。而厚切的法式多士外層烤至金黃酥脆，（以火腿及蛋夾多士是常識吧！）非常飽足！凱旋餐室 (灣仔)地址：灣仔莊士敦道194-204號灣仔商業中心地舖

終於都到九月份過多兩個星期就係中秋節，一到呢啲日子就要買定月餅同屋企人做節，雖然天氣不似預期仲係咁熱，但係入夜後都有涼風送爽。今日一朝早就約咗兩個老朋友去香港仔打網球，南區真係好少去而且近排仲有一個新商場開幕，所以打完波都行咗一陣。由於大家都唔係住南區，所以差唔多傍晚時間我哋都一齊出返去灣仔食飯傾下偈，由於三個麻甩佬都鍾意去坐得舒服又夠地道既地方，所以異口同聲都話茶餐廳就最適合。喺灣仔雖然選擇好多，但平時去開嘅都係一兩間，一間係食燒春雞，而另一間就係平時中午約埋食Lunch嘅茶餐廳。餐廳位置正正喺燒春雞鋪下面，之前食過呢間鋪既炒粉麵，鑊氣相當夠而且燒味亦好新鮮，所以我哋入到去都坐返平時個位。因為有三個人所以今次可以食多少少嘢，餐牌上有套餐、有例牌而且亦有散叫，足足有成百幾款選擇，不過由於我呢排要Keep Fit比賽，所以今日淨係食少少算，最後我哋三個人點咗乾炒牛河同埋黑椒牛柳絲炒烏冬、叉燒同油雞例牌、兩杯凍飲同埋一碟油菜。同夥記傾咗幾句，星期日可能多數人去旅行或者返大陸，人流少左的，所以真係要繼續留港消費帶旺經濟。三個人一聚埋就好多野傾，食物大約十分鐘就已經陸續上枱啦~~~ 首先跟餐都

今天 星期日，我們去到灣仔商業中心地下凱旋餐廳（灣仔） 午餐。餐廳已經有很多食客，電視正播著賽馬；很多忠實馬迷 ，一邊專注手上的馬經，另 一邊看著馬匹的動態 ，正在考慮落注。我们點了瑤柱肉碎蠔湯飯，融合了乾瑤柱和新鮮蠔仔的鮮味， 加上草菇；米飯吸收了 微辣湯汁的精華，讓每一口都充滿滿足感。星洲炒米，乾爽入味，香氣四溢；搭配生菜和蠔油，清新可口。最後，凍蜂蜜柚子茶和凍檸樂的清涼飲品， 在這炎熱的天氣下，可以幫助消暑解渴 ，真是一大賞心樂事。