影片
同屋企人嚟湾仔购物，买完就顺便喺附近食埋晚饭先返屋企。 见到呢间「凯旋餐室」有二人套餐供应，只系 $203 就已经包 2 款小菜、油菜一碟、白饭、例汤，非常划算！今日嘅例汤系眉豆红萝卜合掌瓜猪骨汤，汤身热辣辣，火候十足，入口非常清甜，夏天饮真系好滋润！清蒸石斑，条鱼蒸得啱啱好，食落非常鲜美，鱼皮 Q 弹，鱼肉嫩滑，雪白又不腥，配上姜蓉芫荽，更能带出鱼香。凤梨咕噜肉，外层炸到金黄酥脆，内里猪肉肥瘦适中，鲜嫩富弹性，入口酸酸甜甜，开胃又唔腻，送饭一流！油菜拣左菜心，入口清甜爽脆，加上每条都裁度过，看得出用心。食完饭再叹返杯冻饮，柠茶清爽、奶茶顺滑，浓而不涩👍
继续阅读
刚刚去完旅行，食咗日本餐一星期，好挂住港式茶餐厅美食💗😆😁系湾仔揾到间装修舒服的冰室，叫凯旋餐室，一个人都叫我坐四人卡位，坐得宽敞。之前试过有d餐厅，明明无人都要搭枱。叫咗豉汁蒸仓鱼🐟，98元包白饭及热饮。仓鱼🐟几大条，好新鲜，肉质嫰滑，蒸得岩岩好。有豆豉，芫茜，姜葱调味，好惹味。见到餐牌好多选择，有烧味，常餐，小菜，下午茶，潮式粉面等，包罗万有，下次都可以再嚟。湾仔庄士敦道194-204号湾仔商业中心地下
继续阅读
行完书展黎到附近整返个茶记🫶🏾我地叫左下午茶既 沙姜鸡饭配杂果冰❤️沙姜汁好味，配白饭，但下午茶嘅价钱，呢个份量真系几抵食，重点系啲鸡好嫩滑，唔嚡口🤠瑞士汁干炒牛河❤️虽然份量有啲少，但镬气十足！最紧要瑞士汁味浓，配埋牛河，肥仔必点🤣午餐既意大利茄蓉焗猪扒饭❤️系蛋炒饭底！饭粒粒粒分明，食落唔油腻，茄汁酸酸甜甜好开胃，猪扒厚切大大块，正！菜心全走❤️ 呢个价钱大大碟！菜心仲要清甜，抵食🫶🏾
继续阅读
早几日经开湾仔做野，要喺附近食lunch，随意入左间茶记，叫左个常餐👅沙嗲牛肉通粉火腿炒蛋几大份，蛋亦保持住少许嫩滑口感多士够脆，牛油搽得非常足兼均匀👍沙嗲牛够味，口感唔韧通粉偏细粒偏薄身，似系家x牌快熟果种，口感一般餐厅大部份都系卡位👍 环境食物同服务整体可以一试🆗
继续阅读
呢几日都系湾仔training ，系楼下有间茶记就入去试下，中午去到已经好多人，原来餐牌海量选择，有是日精选，小炒𩠌，炒粉面饭，咖哩，等等。终于比我揾到有濑粉食，香港已经好难揾到，今日嗌左叉烧酒鸡双拼濑粉，回味下儿时感觉。 濑粉粗身带米香，咬落爽滑不糊口，汤底清淡突显配料精髓——蜜汁叉烧半肥瘦焦香，豉油鸡肉质嫩滑份量多，双拼份量铺满碗面。 环境都几新净，落单上菜都好快，岩晒上班族😂 下次想试下个炒饭同是日午餐。
继续阅读
您可能会有兴趣的...