影片
早餐写到明11:30先无早餐11:25坐低，枱面又无二维码落单又举手等佢黎，然后就同我讲话转紧午餐冇得嗌，咁如果系咁你就写11:25 截早餐就唔好写11:30，系收贵啲直接讲，唔好俾唔起🥲主要自己都系做饮食，完全唔理解
继续阅读
女店长态度极其恶劣 ，以为装修后有改进 ，都系垃圾级别.入到去点咗你坐入面, 入面冇侍应, 只有出返嚟坐, 四人枱唔坐得, 唔紧要转二人枱，张枱未执都唔紧要，好声好气去叫佢落单， 又话听到落紧，之后又玩嘢问多你一次食乜。 其态度极为嚣张。
继续阅读
上餐速度，接近一个钟（眼见好多人都催单）食物质素：只食左腊味煲仔饭，唔太评到分，普通野，将啲食物放哂落个煲到，完！室内有啲大油烟味叫左2个煲仔饭，先个讲例汤，见到人哋都有，就问下个阿姐有例汤未（因为我一早见到有2碗系个水吧无人理），同佢讲完，佢行过去水吧又来来回回唔知做咩，最后都要搞成3-4分钟先拎到碗汤比我，第一个煲大概15分钟左右上，等等等，食食食，我个饭都食完好耐。我都知人多，客多，等左30分钟，问一下另外个煲仔饭咩情况，回覆：差唔多，就得，再等多十分钟，再问下搞成点，（眼见系我食紧煲饭既时候入黎既人都已经有得食） ， 佢再覆我，黎紧架啦，就出黎！ 大佬，你漏单讲声，白白浪费左我成粒钟等你个饭，未整就未整 ，乜野就得，出紧黎！最后决定唔食，埋单走人，起身既时候，个啊姐话，黎啦黎啦，我行左埋单，同收银讲，收银都可以比我净系比食左个一个饭钱（但睇先出唔系太乐意）。重点系我起身去埋单既时候，个煲仔饭系重煮紧….
继续阅读
本身有自己食开既一间茶餐厅，不过今日想试下其他，行过西菁街，睇到有间凯逸冰室，全日常餐$50,包左一个𩠌（鸡扒/鸡翼/五香肉丁果啲），一块多士，2个细𩠌（煎蛋/餐肉/火腿/肠仔等等）或1个火腿奄列，另外有热饮，冻饮加$3.呢间冰室用QR Code 落单，落完之后6分钟就上枱，好快手，特别一提，常餐叫出前一丁系唔洗加钱😻不过我嗌既时候眼残。。。叫左公仔面，之后睇返餐牌先知🤦🏻♀️我唔记得左影餐肉果d...虽然煎蛋同餐肉都系各一块，但系餐肉好厚👍煎鸡扒都好厚肉，一啲都唔干，入面仲有肉汁，不过我觉得唔系话够味，佢够咸，但就系等一个普通咸味，冇其他味道，唔系好知点形容😅不过整体来讲都ok 既，而家$50一个常餐，咁丰富应该系叫平架喇。。。
继续阅读
今日下午茶好想食西多士，经过凯逸就坐低试下，点知食咗个我食过最难食嘅西多士叫左个金砖西多士$38，加3蚊可以配冻饮，价钱还好。见到食物卖相已经觉得伏伏地，分咗买旧，望落去好dry点知食落都真系好dry! 入面嘅花生酱少得可怜，少到食唔到花生酱味仲要糖浆系淋咗先上台，但份量又唔够，反而牛油就一大旧。食来食去真系觉得好难食净返好多，第一次食西多会食净！大家如果去呢间真系要避开呢味西多士😓😓另外，餐具都唔多干净，希望餐厅可以好好正视！
继续阅读