影片
元朗镬气炒粉面饭餐室突然好想食镬气小炒，今日经开元朗工作就去揾间餐厅开餐。豉椒斑腩炒面：个面系炸面底，香脆可口，斑腩新鲜，和豉椒玻璃芡汁混合一起非常好吃！红豆奶茶：奶茶香滑美味，红豆香腍够晒味是日例汤：花生鸡脚汤，家的味道餐厅空间都大，设有卡位，有下午茶（2:00开始），下午茶时段都有镬气炒粉面，包热饮，下次有机会可以再来。
继续阅读
每个月都会到呢间享乐餐室，简单舒服，食物稳定又好味、服务唔错嘅茶记！沙嗲牛肉面汤底浓郁香滑，牛肉嫩滑，配上弹牙嘅面，简单又满足 🥢🍜。火腿奄列煎得金黄，内里滑嫩，搭配牛油多士，外脆内软，香气扑鼻 🍞🧈。豉椒牛肉炒河镬气十足，牛肉鲜嫩，豉椒味浓郁，配料丰富，炒得好有水准 🍛🐂。最后试埋西多士，外脆内软，花生酱香滑甜美，再加红豆冰，成个餐更圆满 🧊🍹。呢间餐室价钱合理，食物款式多，难怪每次都想返嚟！😋
继续阅读
太想食西多士，路过见到呢间茶记下午茶时间都差唔多满座，都决定入去碰碰运气。一坐低已经听到厨房传来阵阵嘅镬铲声，睇嚟佢嘅炒嘢一定有啲料到。望住佢嘅餐单，平均一个下午茶4-50蚊已经有炒粉面饭，难怪有咁多客人。生炸鸡脾配沙律 $39 - 鸡脾都好大只，而且炸到个皮好脆，啖啖肉，朋友都话唔错。干炒猪扒公仔面 $50 - 认真镬气十足一上枱就闻到好香，好怕平时出去食嘢会太咸，但呢到炒得好香之余，味道亦都岩岩好，够味而且唔会太咸，岩哂我口味，猪扒亦都唔会干争争，赞！！经典西多士 $33 - 好怕啲餐厅会一早帮你落埋糖浆，呢到系成支比你可以自己倒，呢点好欣赏，西多士入面搽满花生酱，可以食到少少花生粒，口感丰富左好多。
继续阅读
又到下午茶时间，今日点咗星洲炒米。呢份炒米嘅份量比午餐少咗啲，有啲惊讶，但里面撒上芝麻，添咗啲香气同口感。 不过，碗炒米有啲咸，建议多啲蔬菜嚟平衡咸味，同增添清新感。 幸好里面配菜都几多，整体味道唔错。至于热柠茶，味道正常，无乜特别惊喜，但都系一个合适选择，可以解渴同清爽。 服务方面，侍应嘅招呼唔错，态度亲切，但冇特别亮点。总括嚟讲，今次嘅星洲炒米有啲咸，但配菜多样同芝麻加分咗不少。如果改善咗咸味，就更加完美啦！
继续阅读
第一次光顾有惊喜服务员好有礼貌，食物好好味，叫左炸鱼柳炸得好有水准，芝士肉酱焗意粉非常高水平，未吃巳闻到好香芝士肉酱味，冻柠檬茶好好喝，比起其他连锁餐厅好好多，一定会再去😋😋😋
继续阅读
您可能会有兴趣的...