影片
本人于中秋节那天在荔枝角《盈辉商场凯旋门宴会厅》饮下什茶,叫了一笼鲜虾菜苗饺,当我吃其中一只饺时,突然发觉口内有一块硬物,初头以为骨头,点知一吐出来,吓然发现原来是一大块碗碟烂出来的"瓷片",哗!我当堂吓一跳,咁都得,若我咬多两咬,后果真系不堪设想,后来我立即向经理投诉,佢即刻好快速咁收起块"瓷片"同笼饺,比番一笼点心钱我就萛...其实一向都知呢间酒楼好唔掂,换了几手老板,但员工依旧,所以都系咁差,差就差在啲员工服务态度,一向都系落错单、个个扮忙当睇你唔到,试过点了食物很久也没来,叫他们Check吓,天呀!原来个部长竟然唔见咗我张单,无落到,接单到入单10几秒时间,咁都可以唔见,这段时间我咪白等,如果唔问吓真系等到天黑。仲有,如果你想叫佢帮你冲茶,可能都你结帐时都未必等到,因为佢吔好似当你透明咁,冇人会理你,但佢收钱就鬼咁快!当日还见到隔离枱食客突然好怒叫部长来,话根本无叫过这类食物,但侍应就不停递上食物,不停搔扰他们,但个侍应就质疑佢哋叫咗嘢唔要,我就信食客啦,因为我都试过叫一碟变咗来几碟,来一些我根本无叫过嘅点心来,发紧梦就回家睡,仲话人唔认,真系太过份...这是你冈位应有的态度吗？你不想干便不要干，觉得客人麻烦便去做些不会见客的工作，不想答问题去做些不用说话的工作。别在这里板起面口怨三道四！我不是要求你热爱工作，起码你不要讨厌，要是讨厌的话，便不要做。如果唔系好易"折"埋...
继续阅读
中午看完太太, 便同父母姊3人, 一齐行落山, 于半路的盈晖台, 吃个下午茶才准备晚上的事. 盈晖台, 以前哥住这一边, 常来的, 现在, 真系好偶尔才会特登行入黎. 先逛逛商场, 等待下午茶的两点正. 尚有一间小菜馆同大酒楼选择, 因为想食点心而来到了装修堂皇的凯旋门.下午茶时段, 大中小点一律$9.8. 单拚烧腊饭也是$13.8一碗. 懒理茶钱几银一位. 就点下两个烧味饭, 四个点心.先来是一客红油炒手. 嫩滑的云吞, 配上辣豉油. 肉味虽不是云吞面档咁香口, 但鲜味十足. 上面铺了一层辣蒜粒. 更加是惹味. 辣就够辣啦, 但唔够味既豉油, 就令到这一个点心, 带点可惜了.价钱相宜, 份量亦相宜, 是用来描述我们叫的下午茶叉烧饭. 看份量, 叉烧仍然可取既, 但烧鸭, 夹起真的只有几旧仔, 老爸要等鸭脚扎到, 才够𩠌送埋碗饭. 味道方面, 普普通通吧, 膍酸叉蜜味宗够, 鸭太细份食不出味来.点心, 算是不俗, 鸭脚扎竟然不油腻. 脚皮爽爽的, 夹心的馅料也有色有味. 可以. 另外是什么鲍鱼三宝烧卖, 一"pat"肉酱, 几乎扎三只所谓的烧卖粘著, 鲍鱼, 就得果一片仔, 其余两旧, 就是蟹柳条同冬菇. 最欣赏的, 就是香喷喷麻蓉包. 老爸说现在市区的酒楼, 已经很难找到麻蓉包, 所以一见到点心纸有, 他嚷著要. 而且出来的, 是商质素的包子. 热辣辣的包已经非常好, 一搣开, 芝麻的香味溢出来, 香溢四射, 包子又圆又滑. 味美.姐老是份量丁, 相信仅限于两碗烧味饭吧.
继续阅读
今日有朋友约吃饭, 人多最好的选择莫过于去饮茶, 这酒楼位于美孚边沿, 所以午餐时间都容易揾到位, 不过我们人数多, 穏穏阵阵, 先订了位.大伙儿点了不同的点心, 又点了野菌鸡球窝乌冬及一个午市套餐.点心中, 金钱肚颇腍, 算够味. 潮州粉果的皮偏厚, 饀料很淡. 莲子杏仁露较为杰, 似食糊仔.至于叉烧肠, 萝卜糕, 鸡扎, 山竹牛肉及灼鱿鱼牛柏叶生菜, 大致上不过不失.窝乌冬的野菌有几类, 鸡肉颇滑, 𩠌的份量够, 整体味道okay. 不过朋友话汤有些酸味.午市套餐有烧鸭叉烧, 白灼菜芯, 自选的野菌爆牛肉, 及虾干蟹子炒饭.烧鸭份量偏少, 叉烧切得较为细粒, 味道尚可. 野菌牛肉份量正常, 味道okay, 不过油了些少.炒饭味道偏淡, 饭略腍, 少油, 欠镬气, 不似炒饭.在同区中, 这食肆水准勉强可以接受, 但若与名楼比较, 水准就低一班了.
继续阅读
早几日同3个朋友o系美孚四周揾火锅店, 记得凯旋门有任食火锅几抵, 所以走去一试..佢系半自动型式, 大部份材料都可以任意出去拎, 某部份例如虾, 肥牛, 鱼就要另外写纸点, 但都好快会比你, 冇乜漏单..佢地仲有几款热食/甜品任食, 当日就有烧味, 美极虾, 炸春卷, jelly 等等.. 唔多款同埋d 食物冇用炉保温, 好快就冻晒, 我地食左好多美极虾 同jelly 呢个价钱都几抵, 好似9.30pm后仲平d下次可以再去试小菜
继续阅读
今日我个fd ，佢本身系住美孚，亦听闻呢间酒楼好多野都系即叫即整，所以就带左我o黎呢间酒楼食下午茶。环境唔差，唔算好嘈，饮茶倾计都唔错~ 传菜员都几和善，侍应就还可，全程只系埋单、递纸点菜先叫佢地，比较少接触~我地总共点左六碟点心︰菜心、流沙包、凤爪、虾饺、烧卖、椒盐九肚鱼。菜心︰好普通咁灼一灼，但唔会灼到好老，同埋系用甜豉油伴碟的~流沙包︰我第一次食流沙包，几好味，但一定要趁热食~凤爪︰几够味....同埋凤爪下面有d 类似油炸鬼、又几好味o既薄片垫底，但可能我唔太食得辣，所以就食得唔太多。虾饺︰佢够大粒，d虾都几大只，但块皮唔算厚唔算薄，中规中矩~烧卖︰佢d 肉入面都有d 颇大块o既冬菇，有d 少少蟹子o系面~~椒盐九肚鱼︰咁多碟系我同我朋友最钟意o既一碟，因为佢唔会好似其他酒楼咁，落劲多粉之后炸，佢每只都系好薄好薄一层o既粉o系面，最好o既系炸得o岩o岩好，d 鱼肉好滑~最尾埋单，每人都系 $43，价钱真系比出面o既较好~~但每间食店都有佢o既缺点的...呢间酒楼o既位置比较偏僻，商场门口都唔太觉有佢o既招牌广告，亦唔系o系商场门口o既当眼位置，所以唔系我朋友同我讲，我都唔知果度有酒楼~而且呢间酒楼明显地系做美孚新邨、盈晖台、九华径一带o既街坊生意，所以唔可以期望太多~P.S. 我同友人发现果度o既火锅价钱，成人$68、小童$58，包茶钱、加一、饮品、酱料，以价钱可考虑，但佢o既选择唔算多，胜在基本打边炉o既食物都有~
继续阅读