凱施餅店 (已結業)

繼之前發現凱施有款焦糖香草雞蛋布甸平靚正之後, 早幾日又發現到另一款唔錯嘅甜品, 就係呢隻蕃茄啫喱杯喇~ 價錢同樣親民, 賣緊12蚊一杯, 就一於買杯一路睇波一路食啦!蕃茄啫喱喺印象中真係冇試過, 今次仲係第一次食到呢種咁特別嘅質感, 平時嘅啫喱通常都係用魚膠粉製成而會有種煙韌軟彈嘅感覺, 但呢隻啫喱入口完全唔同, 可能因為蕃茄喺比例上份量足, 令你會覺得好似食緊凝結咗嘅茄蓉咁~! 食落口充滿濃郁蕃茄味, 味道清新, 成件事即刻變得好健康而我最關心嘅酸甜度亦拿捏得剛剛好, 食嘅時候連埋啲生果粒同埋cream食, 口感就顯得更有層次喇~除咗蕃茄味之外, 呢款啫喱杯仲有柚子味添....下次都可以試埋佢~ 不過相比起蕃茄味, 我估柚子味應該就會冇咁特別喇~

Happy birthday to me，Happy birthday to me，Happy birthday to 阿鋒 ，Happy birthday to me冇錯，係我生日，雖然我冇乜朋友，我條女又唔嗲唔吊又唔同我慶祝，但係我都有阿媽生嘅， 雖然我阿媽係我細個嘅時候已經走咗，但係我仍然有一啲親戚嘅，佢哋仍然對我唔錯，今年仲為我慶祝生日呢個蛋糕係佢哋送畀我，而且仲好似40年前咁叫我仔仔，好溫馨呢個蛋糕係雜果忌廉蛋糕，係芒果、士多啤梨、菠蘿為主，我好鍾意食呢一種蛋糕，忌廉好多又香滑， 蛋糕啲質地濕濕軟軟好容易入口好好食， 芒果好甜，菠蘿係罐頭菠蘿嗰啲甜， 士多啤梨叫做大大粒但係都有啲酸，不過親埋啲蛋糕就好好食。我今年45歲，希望行好運，中馬，中六合彩，打牌大殺四方！Happy birthday to me

月頭買了這個Lemon Cheesecake回家試試看，以往在凱施多數是買麵包和蛋撻吃，蛋糕倒是第一次。吸引我去把它買下主要是因為它的賣相比起其他放在雪櫃中的蛋糕特別靚，更是我喜歡的檸檬味道芝士蛋糕！紐約芝士蛋糕是我的favourite，吃過很多間大大小小餅店的紐約芝士蛋糕，最貴~$500一個也買過。以$108這個價格來說，這個芝士蛋糕的性價比算是很高的。它和紐約芝士蛋糕的外表有很大分別，這個蛋糕表面上看是鮮忌廉雜果蛋糕的模樣，整個外層都以純白色的忌廉包著，上面也有些士多啤梨，紅桑子，藍莓和類似提子的生果，但一切開就見到裡面有淡黃色的芝士蛋糕了。而芝士蛋糕和忌廉的中間還夾著一些檸檬味道的jam，所以入口除了有濃郁芝士味外，也充滿檸檬香氣，蛋糕的酸甜度也恰到好處，芝士蛋糕口感也很smooth和creamy但又不會過於黏稠，蛋糕上的生果也新鮮，味道fresh，質素不俗呢！

今年追月夜食左凱施新出品既"玫瑰花型"奶皇月餅,  奶皇月餅黎講佢賣得算平, $168已經有8個, 仲有得散買平均$20一個~ 食落有驚喜! 之前睇蘋果日報個平價奶皇月餅試食果然冇呃人~~ 月餅的奶味同埋蛋黃味都好出, 未咬已經聞到幾香~而佢個奶皇餡我覺得好食過今年既嘉麟樓, 又唔會太甜膩.  餅皮幾鬆化, 亦唔會厚皮. 希望下年仲會繼續出

我由細細個開始已經好鍾意食山崎既日式雲呢拿蒸蛋糕~~但屋企同埋做野附近都冇山崎, 所以都好少買到黎食. 早幾日經過屋企樓下麵包店 凱施, 本來想夾個麵包, 但比我見到有個類似山崎既蒸蛋糕, 叫做芙蓉蛋糕! 有幾款味: 雲呢拿, 朱古力, 黑芝麻, 同埋綠茶味, 於是買左個綠茶味芙蓉蛋糕嚟食當下午茶! 呢個芙蓉蛋糕比山崎果款竟然仲要鬆軟!! 鬆軟到好似一個棉花小圓球 食落去入面濕潤, 綠茶味幾清香~~~下次會試埋其他味道!

琴日同fd行大圍，下午茶餓餓地買個菠蘿包食。哇！痴線架，以前啲菠蘿包$2.5,貴啲嘅都係$3.5, 尼度宜定成$5.5!!!唔通升級左? 食落又唔係喎，一樣係普普通通。又唔係好實心，發得脹脹地，所以食落係幾鬆軟嘅。不過面個菠蘿包皮麻麻地，一啲都唔脆，林林地嘅。。同埋勁甜，劣劣地，以後唔會買

落很大雨，心情唔靚；食完麥記早餐都唔飽，就過隔離的凱施餅店買包食。行遠Ｄ好似有間櫻桃麵包，但上㳄試咗，一般水準，所以就試下咦間。佢個鋪面比櫻桃麵包大，收銀後面仲自設工場。禁好蛋橽癮起，買咗個提供，無牛油皮。可惜 ！不過，4蚊件，算佢啦。食蛋橽睇兩樣，第一皮。佢個皮太林，可能天氣太大霧氣，唔夠挺身。酥皮還夠鬆化，不錯。可是牛油味不夠香濃。第二蛋張，甜度恰宜，唔會成口糖。但是，唔夠蛋味。值得讚是，蛋和皮的比例做得好好仲買咗排方包

星期三趕住返工路經呢間麵包店,之前都聽女友講話唔好係度買麵包食話佢唔夠新鮮,但因為超趕同埋好肚餓關系所以救其無計幫親一次咁多,點知咁都出事我買左個腸仔包食,我咬第一啖食己經超不滿意,個麵包應該放左好耐d麵包己經開始硬(呢個都可以理解可能放得耐無人買關系),但係麵包內面條腸仔仲未熟晒,好硬而且仲有陣雪味,呢d咁ka麵包都未完全熟晒好心就唔好拿出黎賣,最後我只食左一啖,我驚未熟食到我肚痛,希望呢間野有時趕還趕點都要熟晒先好賣比人囉!

腸仔包, 沒有一間店冇腸仔包!阿媽今次唔買雞尾包, 改買腸仔包, 但又唔記得個女其實對腸仔類好麻麻...是日早餐:- 腸仔包咪就係一條廚師腸 + 一個包咁簡單.面包表面甜甜的, 好易入口.至於腸仔, 平時bbq都用廚師腸啦, 唔難食都照殺~其他店既腸仔包我都幾抗拒, 尤其係面粉一d都唔鬆既平價面包小店.但本身食開凱施產品, 食落又唔係好討厭bor

尋日好想食cake, 但諗吾到食咩..見到有蝴蝶酥, 細細一盒, 只賣$8...就買黎試下先...一盒有9小件...味道都吾錯...夠鬆化, 一口一啖, 很快就被我消滅咗..如果想食蝴蝶酥, 一嘗滿足..可以試下, 又平又抵食...真係食得過嫁..雖然無得比美貴價出名之蝴蝶酥, 但過下口穩真係吾錯...

士多啤梨蛋糕($6):個蛋糕好滑，但係好多cream，好似食緊cream，一d都唔似食蛋糕。唔知點解食唔到士多啤梨味但係5卻有種好怪既味道!!朱古力蛋糕($6);個蛋糕好軟綿綿，仲好夠朱古力味，而且cream又唔係幾多，好岩我食呢!!

炸牛肉包($5.5):個炸包既味食落好似油炸鬼咁。而且入面既牛肉整得夠碎，所以咬落既口感好唔錯。整體黎講係唔錯食的!!

阿媽漸漸都成了凱施迷, 佢知道起凱施買既面包, 我幾乎都有讚冇彈, 實冇死.不過連去到大圍, 都掛住凱施真係服左佢~~是日早餐:- 粟米火腿包本人很喜歡吃粟米, 粟米沒有太淋, 有咬感.面包上面塗上沙律醬, 粟米同沙律醬簡直係絕配呀!還有一點點火腿作點綴, 有d咸味, 令到個面包冇咁寡.食過咁多間凱施, 水準都有中上.以一間連鎖式面包店來計, 雖則冇其他地鐵站面包點咁出名, 不過質數越來越高, 希望繼續發大黎做, 等大家都可以品嚐到.

今天心血來潮,很想吃凱施的麵包,可惜想吃的大部分都沒有...首先是最愛的"海之味",一心想買來吃,可惜問店員才知這間分店沒有賣的。就連綠晶瑩也沒有。只好退而求其次吃沙嗲牛肉包,怎料也賣完了,但才下午3時,正好下午茶時間,也不refill賣完的包,,不但令客人少了很多選擇,也令他們失望丁而回(當中包括我)。還好,有我另一最愛藍莓芝士包($6.5)。 不過麵包相信已擺了一段時間,包身已變凍,。雖然只有表層有少量的藍莓醬,不過用上的是鮮果肉藍莓醬。吃第一口已經吃到豐富的芝士乳酪餡,餡料十足,不過太甜了。之前吃過尖沙咀的分店,其甜味剛剛好的。大概是不同師傅的關係吧?另外還試了蒜蓉多士($3) 它是少有的厚身多士,單看面頭,蒜蓉塗得勻暈。吃下去,非常的脆口,而且每啖也充滿着蒜蓉香味。不錯!另外希望員店也注意一下員工的服務態度,,雖然不是遇到較差待遇,但就是無服務可言。希望貴店員工能積極一點...

今晚放工一個人食飯, 憤常既我當然係去買麵包做我既dinner啦, yummy...今晚買咗我既至愛方飽同埋小麥飽...方飽 - $4.3, 凱施既方飽係我既至愛, 不論係早餐同晚餐都好, 我都好喜歡, 因為佢係去皮方飽 食落好鬆軟, 口感好好, 同一般街外既方飽吾同, 好有質感, 小麥飽 - $3, 好大個, 當中夾雜小許提子, 吾錯, 口感吾錯, 值得一試