凡直友里

营业中

休息中

元朗餐廳嘅選擇越來越多，但係坐得舒服又高質素嘅就唔多。餐廳入面幾有氣氛同情調，有少少似酒吧，但係唔會太嘈，啱哂同朋友傾計。而餐廳門口都有幾枱座位可以坐，天氣涼坐出去都幾舒服。食物嘅種類都好多，淨係牛扒都有幾種揀，而個drinks menu真係抵讚，除咗啤酒仲有幾種cocktail，mocktail，日本酒可以揀。最後揀一杯pine’art’ple一杯white sangria凱薩沙律配烤奇律雞胸肉，個沙律汁好開胃，沙律菜又新鮮安格斯肉眼牛扒，好大塊，好多汁，好有肉味！香辣蒜片汁扁意粉，啲帶子好大粒，個汁好好味！

很有趣的餐廳名，第一次經過見到已經留下深刻印象，後來聽人講食物水準高，就常常想找機會來試試。這晚就和朋友去晚餐。喜歡吃蟹肉的我倆毫不猶疑地選了這道炭烤原隻魷魚筒釀蟹肉及辣肉腸伴墨汁西米脆片（$168)，味道出色，沒有令我們失望！魷魚筒塞滿鮮拆蟹肉，份量極多，魷魚炭烤後鮮味提升，加上絲絲蟹肉，口感飽滿，鮮味洋溢，入面還有少少辣肉腸，帶少許鹹香，令味道更加豐富。原先以為墨汁西米脆片是nachos口感，原來有點像糯米般煙煙靱韌，頗為特別。我們還點了另一前菜－－焗黑松露大啡菇伴芝士薯蓉($88)，大啡菇juicy入味，芝士薯蓉焗後變得金黃，賣相吸引，面頭慷慨的黑松露更有提升的效果，獨有的香氣令人食指大動，味蕾大開！年輕的店員大讚這兒的pasta做得正宗，我們就點了北海道鮮帶子扁意粉($168)試試。北海道帶子有三粒，每粒都厚肉鮮甜，輕輕煎香更能帶出鮮味。意粉雖然不算太腍，但如果煮得al dente多一點就更好了！廚師用上香辣蒜片汁，微微帶辣，惹味非常。加上半熟車厘茄，煙肉，嫩菠菜，味道豐富。星期五的晚上當然不少來一點酒精，點了bubble green和plum lady，味道討好！

同朋友既生日飯，揀左系元朗既「凡直友理」，好特別既名，走之前想問下點解叫呢個名但不記得左….估唔到8點幾元朗既餐廳都要等位，而且系酒吧格調，幾有情調，感覺都幾高級，岩哂特別日子慶祝或者朋友聚會(隔離枱就有一班應該識左20年既大叔話當年XD)。最得意既系，佢系用開放式廚房，好似D吧枱咁可以望住個廚師煮，平時食日本野就見得多，睇住佢煎牛扒都真系第一次！等左咁耐已經好肚餓啦！即刻睇下menu先！基本上西餐既野佢都大概有，最驚喜系有威靈頓牛柳($338)，即試！如果有睇過我之前食評或者有食過既朋友就會知道，呢道菜系一道極花心思既菜，一陣再詳細講。另外仲叫左個炭烤原只魷魚筒釀蟹肉及辣肉腸伴墨汁西米脆餅($168)同埋煙肉炒手指薯($48)。本來系想食鵝肝焦糖蘋果多士但賣哂>__<。呢到夜晚10點後仲會有D串燒呀小食呀咁俾D人飲酒happy hour送酒食！事不宜遲，介紹下D野食先。首先第一樣系威靈頓牛柳，佢同我上次食既再有少少唔同再去左另一個層次。首先威靈頓牛柳系用酥皮包住舊牛柳，再系兩者之間釀D打碎左既菇，而呢個，仲多左巴拿馬火腿。酥皮既香、牛柳既嫩、再加埋鹹鹹地既火腿同菇既對

同個女性朋友行完街， 經過又新街都唔知食啲乜嘢好？ 咁啱經過呢間餐廳。 聽聞前身係走吧。 而家轉型做埋西餐， 行causel dining feed.喺門口望一層餐牌， 感覺上真係幾吸引， 叫咗個魷魚筒 同煎三文魚。真係冇諗過個份難係咁大份！ 我同朋友都愕咗然～ 好彩冇叫其他嘢如果唔係一定食唔曬～ 眼闊肚窄， 確實係女仔嘅專利！首先講下個釀鱿魚筒～ 內容比較乾身～ 不大驚喜。 可以試完就算冇下次。 個三文魚就唔同。 醬汁同個三文魚很夾～ 變得脆身之餘內裹仲有肉汁～ 再配上呢個加州反捲。 確是幾有趣！提外話值得一讚就是員工嘅表現～係咁 狹窄嘅地方工作中依然保持禮貌 係很難得 嘅表現。 很欣賞佢哋keep住 幫手斟水。

今日同我的唯一過左來元朗哩邊玩，好久無過來，哩邊變左好多，估唔到甘多好野食，常條街都係餐廳，而且唔似市區甘壓逼，感覺好舒服。我地最後選擇左單調得來個名好有情調的（凡直有里）。距屬於休閒吧，我地一於食個飽飽。北海道鮮帶子煙肉香辣蒜片扁意粉我地叫左少辣，上來個賣相好吸引，大大粒帶子，好新鮮鮮甜，剛剛熟，完全不會硬，個汁少少辣好好味，而且意粉質地少少爽口，係我地喜歡的。香煎海鱸魚柳拼法邊豆蒜片煙肉炒手指薯個名好長，但哩個勁好食，無論主角魚柳到配角手指薯法邊豆都非常好食，而且大大份，極力推薦👍之後叫左個晚市套餐：西冷牛扒（5成熟）餐入面包湯（西蘭花忌廉濃湯，完全食唔出係西蘭花，勁好味）牛扒雖然係西冷，但完全不硬不韌，而且好軟滑，好有牛味，唔需要加上任何調味都已經好好味，跟餐還配薯條，外脆內軟的，好滿足，哩個套餐好抵食$200都唔洗。飲品我地叫左2個酒精成分，唔記得叫咩名了，邊個好好飲，好易入口，甜甜的，甜蜜甜蜜。最後僅係來個甜品啦，心太軟+雪糕，心太軟一直都係我最喜歡的，哩個不太甜剛剛好。之後我地食飽飽繼續拍拖去。非常滿足。

終於黎到凡直友里食野咁，每次經過都好想黎食😍😍😍一見到個門面就覺得好吸引喇。我地叫左三樣食物1）炸魷魚圈🦑拼墨汁西米脆餅個脆餅好吸引呀，熱辣辣上碟同埋個魷魚圈圈入面有滿滿既蟹肉呀🦀🦀而且切開左都唔會散開哂，好結實👍🏻好有技術2）吉列豬扒漢堡飽拼脆炸薯條🍟我未食過咁好食既吉列豬扒架，炸的岩岩好，外脆內軟，口感好正😍3）烤焗開心果羊架個羊架側面痴左一堆開心果，好特別既食法，咁食都係第一次三樣食物都好好食呀，而且廚師好細心，佢見到我地差唔食完就開始整下一道菜，所以每碟都新鮮熱辣👍🏻👍🏻❤❤

《凡直友里》 #食在元朗📍元朗又新街53-59號滿利大廈地下-M1旗下嘅餐廳質素都好高 呢個位原本係酒吧 依家轉左做餐廳當然要試下平日夜晚7點半就已經full house，好彩我早去🔹Soup of the Day $42 西蘭花薯仔湯 今次無嗌set dinner 但都係覺得要有湯有甜品先滿足🤭 🔹美國特級安格斯肉眼牛扒🔝 12oz $298 配青胡椒汁仲有燒汁/黑椒汁/香草蛋黃醬超級好味！！嗌左5成熟 煎得岩岩好 肉質好嫩 好有牛味 好juicy🤤 好夠味 唔點醬都好好味 真係好食過平時西餐嘅扒 不過呢個青胡椒汁係店員推薦 唔會好濃唔怕搶左d味 唔錯 🔹啤酒脆槳酥炸魷魚圈配芥末蜜糖醬 $98都幾大份 即炸熱辣辣 魷魚幾有咬口 點芥末蜜糖醬好夾 啤酒脆槳都係第一次食 無咁油膩 好味🔹焗蘋果撻伴自家製雲呢拿雪糕 $62即叫即焗 酥皮夠脆 蘋果粒唔會好甜 自家製雲呢拿雪糕都幾好味 都係唔甜 對於唔鐘意食甜品嘅我黎講都覺得好味 價錢又唔貴 可以兩個人share🔹PINE’ART’PLE $54/HH唔想飲酒可以試下Mocktail 呢杯主要都係Pin

凡直有里，其名真係到宜家仲未知點解，只知其集團係m1，上手裝修係劈場，多mk仔呀又成日有警察到場，正常既都吾多想去，之後裝修以為轉手，仲見到d裝修幾有特色，原來都係m1既，不過一改以前既風格，走西餐加酒吧路線，比較親民，一家大細去又得，三五知己飲杯野又得，六日仲有live band 註場， 氣氛十足，重點係食物質素有保證，以為有酒水既酒吧格就忽略左食物？放心，燒物，扒，意粉同小食，全部都有質素，廚師乾淨企理，可能open kitchen 關係，不過略嫌油煙大左少少，前陣子世界杯，員工也換上球衣工作，專業有趣👍🏻👍🏻，希望元朗會有多d咁有質素既餐飲

身處元朗，周圍都係餐廳，選擇多到令人頭痛，上網見到凡直友里個名好趣，食物質素感覺唔錯，令我蠢蠢欲動。6點就黎到，入到餐廳係長方形既設計，雖然時間尚早，但差唔多坐滿人，餐牌野食豐富，樣樣都想食，十點後仲有串燒供應，而且價錢都幾抵食。🍴低溫慢煮烤乳豬件伴椰菜仔及手指薯配無花果汁 $188一上碟真係好吸引，用上30日大既bb乳豬慢煮後再拎去焗，口感外脆內嫩，亦帶點脂肪香，真係令人流哂口水。內裡肉質仲要超級嫩滑，好容易骨肉分離，真心推薦。🍴蟹肉釀墨魚筒配西米脆脆 $168墨魚筒釀滿手拆蟹肉、辣肉腸碎，味道豐富，真材實料。再以墨汁、西米慢火烘製而成米餅，入口香脆，帶著淡淡墨魚香，加上配有既沾醬好夾。🍴芝士忌廉汁燴嫩菠菜 $48忌廉芝士味夠晒濃郁，菠菜超嫩，夠滑好creamy，我自己可以自私食哂成盤，哈哈。🍴焗蘋果撻伴自家製雲呢拿雪糕 $58即叫即焗，酥皮香酥，滿咀牛油香，中間加入左酸甜蘋果粒，雲呢拿雪糕唔會太甜，一熱一凍好夾。🍴焗香蕉酥皮卷伴自家制開心果雪糕 $62相對前者，我更鐘意香蕉批，酥皮較薄，但香味不減，配埋自製嘅開心果雪糕，滿足。🍺最後野飲方便我叫左杯White Sangria Gls

天氣凉涼地，朋友相約行山做運動，順道去元朗尋找美食去又新街搵食，見到有間西餐廳，名字叫凡直友里，個名幾得意喎，餐廳喺長方形，一邊擺放木質餐枱，另一邊喺吧枱，擺放著各式各様酒，任君選擇，相當吸引法式龍蝦湯湯比較濃，唔稀，入口厚身，鮮甜西班牙辣肉腸白洒忌廉汁煮活藍青口青囗超級幼嫰、多汁，鮮甜美味松露菌油帕馬臣芝士薯條滿滿芝士絲擺喺上面，賣相已經吸引薯條熱辣辣，炸得乾身，唔油，食落重有松露菌香鮮蟹肉，蟹粉，半乾車厘茄，鮮蟹汁天使麵天使麵軟梗道啱啱好，唔腍身，蟹肉份量多，每啖天使麵掛滿醬汁，味道吸引

爸爸今日特然 call我，自己一個在元朗行街，等埋我一齊兩父女撐枱腳，剛好收工即落去搵佢食晚飯～爸爸要求不多～要有啤酒，有肉食，佢又話好耐冇食西餐，所以搵間西餐同佢食～行到 B仔附近～就你啦～入去坐底先睇睇餐牌～最後都係點左兩個Set Dinner，我要的是烤西班牙黑毛豬扒配芥末籽蘋果燒汁，跟薯菜，另加$18伊比利亞火煺伴蜜瓜，再加$48香煎法國鵝肝～烤美國特級西冷牛扒配黑椒汁，跟薯菜，另加$18伊比利亞火煺伴蜜瓜，再加$48 烤煙肉芝士美國太平洋生蠔～餐湯是野菌湯，好香濃既野菌味，蒜蓉包亦做得唔錯，蒜蓉味香，包香脆～這個伊比利亞火煺伴蜜瓜主要點比爸爸的，因為佢未食過～香濃火煺伴蜜瓜～你懂的香煎法國鵝肝，爸爸不夠膽食，因為老人家不可吃這些食物，所以件鵝肝係我既～厚厚既鵝肝，比底下既包還要厚，入口鵝肝即溶～這個烤煙肉芝士生蠔，外面烤至芝士煙肉香味～蠔大隻而是半生的～入囗有芝士香加蠔既鮮味～7成熟的牛扒，烤至剛剛好，肉厚肉質夠淋，平時食5成熟的我也覺得剛剛好～因為想同爸爸一齊食，所以選擇7成熟～這是黑毛豬～爸爸好喜歡～因為佢用假牙食完全冇難度！啤酒選擇左原味比爸爸～而我的是柚子味～淡淡既柚

今日原本去又新街支持一下老店，可惜已沒有熱食提供了，於是喺附近搵吓嘢食，見到有間西餐廳，有live band 表演，氣氛不錯。餐牌價錢又不貴，咁好氣氛緊係要支持下！點了兩個晚餐烤三文魚柳伴芒果蟹肉壽司卷$148三文魚烤到外脆內軟，非常香口，蟹肉壽司卷分量亦很足，啖啖蟹肉，配上特製青檸忌廉汁，很開胃！烤羊扒配迷迭香紅酒燒汁$158有三大件羊扒，七成熟，剛剛好，配迷迭香整成既汁好夾，亦不會蓋過本身既羊膻味，加多少許薄荷醬令人食指大動！加$30升級龍蝦湯，湯好重龍蝦味，入面亦有龍蝦肉，不過牛油麵包就燶左少少。加$48有香煎法國鵝肝，呢個必點，外脆內軟，入口即溶，非常邪惡！而家好興既果味一番冰啤亦有提供！而家元朗既餐廳質素真係越來越高，呢到仲有少有既live band，仲會幫人唱生日歌，情侶慶祝生日真係幾正！

><想坐室內 記得要早d book位雞肉墨西哥烤餅 ($138)可以轉牛肉或者黑毛豬腩肉有蕃茄醬 牛油果醬 sour cream蘸烤餅入面嘅芝士仲呈現流動狀態作為小食開始呢餐 真係好邪惡烤乳豬件伴椰菜仔手指薯配無花果汁($208)冇豬騷味 個皮好薄好脆 肉超超嫩 入口即溶化兩個人嗌嚟食 食得多就會感覺膩都係少食多滋味 多人開心分享魷魚煙肉菠菜忌廉意粉($118)太多汁 味道正正常常 可以試第二款藍莓蜂蜜鬆餅班戟($68)個班戟唔錯 幾有蛋香 但藍莓偏酸最後多謝餐廳員工為朋友唱生日歌慶祝><><><><><><><><><><><><><><><><凡直友里元朗又新街53-59號滿利大廈地下

呢間係元新開嘅西餐廳以前係酒吧黎，裝修過之後保留左少少bar嘅元素放假就同朋友去試吓啦，Menu上都有好多唔同嘅選擇，個set dinner包咗餐湯同埋甜品，幾抵食。另外有好多唔同嘅cocktail可以選擇，好多都好特別，我呢一杯係酸梅加埋清酒，味道都唔錯野食嗌左就三樣嘢一個係個脆皮乳豬，燒到啱啱好，個皮脆脆地好好食店員仲幫我地切開埋另一個就係套餐嘅羊架，配埋嗰幾款汁好好味，跟嘅係粗身薯條， 之後仲有個漢堡包，好特別，係炸嘅黑毛豬加炒蛋甜品嘅選擇都幾多下跟餐有個香桃批再加多咗個香蕉批陪自製嘅開心果雪糕，食得出個雪糕同出邊嘅唔同，感覺冇咁甜，食到好多開心果味好Rich總括黎講呢間野嘅食物質素高，又抵食嘅，另外店員好有禮貌又好熱情咁樣介紹，加分

呢間凡直友里有戶外戶內位置，我就都係坐番入面啦😂餐廳入面其實都唔大，入面嘅枱係一排過，枱與枱之間相距好近。.今餐小食同甜品嘅自家製雪糕有驚喜！.本身覺得炸魷魚圈好普通咁，唔係冇哂焗蠔我地都唔會叫佢🙈但食咗之後，我地都話好在有叫到炸魷魚圈😆炸魷魚圈嘅外層炸漿好好食！係好食到我地會叉番跌咗落碟嘅碎炸皮嚟食😂😂附上嘅係蜜糖芥末醬，比普通沙律醬更好食，我地仲留低咗兜蜜糖芥末醬for之後點薯條食😂😂.自家製雪呢嗱雪糕好好食🍦食落又滑又奶味香濃，真係想就咁叫一球雪糕食🙈窩夫即整，所以夠熱✅亦外脆內軟✅但可惜應該係整燶咗啲，食到一半開始食到窩夫有苦味😭焗蘋果撻都係即焗，個撻熱到出煙🙈撻皮夠酥✅原來入面仲有提子乾，蘋果就有點酸。佢地嘅自家製雪糕為兩份甜品加咗好多分😍.脆雞漢堡都唔錯🍔雞炸得好脆，雞肉好大件！食落真係有啲啲辣，同行朋友食到舊辣椒話好辣😂整體嚟講呢個雞burger都OK。牛扒叫咗五成熟，切開見到都真係近五成熟，肉質都唔嚡，不過有啲筋。.仲叫咗Mocktail飲，我叫咗Pine’art’ple($54)，即係🍍啦🤣好似飲緊菠蘿梳打咁，杯底仲有啲菠蘿粒。同行朋友就叫咗Red Melon Fiz