冰雪公主 (已結業)

見到有咁多好評我真係認唔住要打返篇負皮中和下話說見到荃灣廣場附近新開左呢間冰雪公主想試佢啲甜品好耐當晚由於好早食完晚餐，個肚仲有空位就決定同男朋友兩個人去試下啦！佢鋪頭既招牌都幾顯眼，好易搵到（雖然我唔覺得同冰雪有咩關係）。而鋪品裡面都好多位，幾乎唔使等就有得入座，但一坐低就知中伏。首先張枱未抹乾淨，仲係痴苙苙既，印象分已扣。然後我再睇下食評睇下有咩好食既時候，見到篇篇好評既Pattern都一模一樣，而負評就好極端，心水清都知咩事啦....不過入左黎就試下啦～入正題，叫左兩款甜品年層千層蛋糕一層層cream同皮既中間夾住年糕，呢舊蛋糕係係雪櫃拎出黎，所以塊年糕係雪到硬晒，成個蛋糕都好韌，好難切開。而味道方便，基本上係冇味，要點旁邊啲溝稀左既煉奶先放得入口。好似叫士多啤梨年糕多士其實一黎見到佢塊方包個角bun左，已經有不祥感覺。整得甜品既人其實多少對個賣相都有要求吧，我真係忍受唔到用百佳啲一條條包裝bun左既方包黎做甜品。我估師傅係想塊方包變脆身，但Sorry 塊方包包皮係硬到入口會刮損口既程度。方包中間又夾住啲年糕，今次啲年糕係軟既，但都攪到塊方包軟晒，最後塊方包又係切唔開，要扯開佢。

某日, 我和太座到 荃灣 四處逛, 到了 11:30 便吃午飯 ....太座決定在這間 冰雪公主 The Frozen Princess Cafe 用餐 ~餐廳的面積寬敞, 氣氛輕鬆 ~我點了午餐 B: 鮮茄肉醬意大利麵 $48 鮮茄肉醬意大利麵蕃茄肉醬, 煮得質感濃稠, 味道鮮香濃厚, 略帶紅酒香, 酸甜度適中, 半溶的芝士提升了口感, 略嫌意粉有點軟身, 但又未算太軟 ~ 餐飲, 我點了 凍齋啡凍齋啡, 我當是 Iced Americano 了味道中規中矩, 沒有多大的驚喜, 但仍算有啡味 ~以 lunch set 而言, 算是性價比極高了, 一定會再幫襯 ~本篇完 ~

是日在荃灣吃完晚飯，女友人又想食甜品，見到一條小巷內有一間名為冰雪公主的甜品，公主上身的女友人就嚷著要入去！眼見都有不少人排隊，應該都不錯的，就入內試試喇！看見鄰座的都點了一個像爆谷山的甜品，我們都決定點一個試試。爆谷味道還可以接受，但比不上戲院外的那些香脆可口。最可惜的是金玉其外，敗絮其中。雪糕份量太少，還要是空心的令人十分失望！

行荃灣見到有間新開既甜品鋪同區無咩食韓國雪花冰之下比佢吸引到入左去入到去等我同友人尼台客 心諗點解會無人既 有少少怕係五好食於是我上openrice睇完發現好評都幾多而且好多人都推薦食雪花冰所以我同友人叫左個regular size 芒果雪花冰一黎到果刻嚇親 好擔心兩個人食五哂以為得上面有料下面得冰點知原來裡面都加左甜煉奶芒果幾甜五酸 $65尼個價錢算係甘今日甘岩無貨試五到紅豆味 下次會黎試下順帶一提餐廳裡面有d board game比客人玩下次要黎玩下先>.<

想不到荃灣竟然有間樓下cafe，看名字還以為只是甜品店，但原來裡頭有很多菜式選擇。選擇平日下午來到，沒有很多人，地方很大，置於門口那大枱還有各種桌上遊戲供食客享用。光看名字就被吸引了。不太會吃辣的我唯有叫店員給我改成少少辣就好，咬下去啖啖番茄醬加上酸甜菠蘿配會軟熟夠腍的牛肉，果然一流!薯條份量多咸味適中還撒上胡椒，非常可口!最出色是煎腸仔和炒滑蛋，滑蛋配合牛油方包一起吃會更好味，煙三文魚的煙薰味比較重，另外有少少沙津菜用上橄欖油加醋，很清新，整體中規中矩。賣相和想像的有點出入，但吃下去甜甜的年糕配合咸咸辣辣的蒜蓉，幾創新味道不差但只是有點怪怪的不搭調。拉花很美，綠茶味非常突出和咖啡很匹配，整杯口感很滑，是綠茶控的你絕對不能錯過喔！大大杯的香蕉汁，好rich，略略飲到香蕉比較生，如果採用較熟的香蕉味道和口感會更佳!雖然冰雪公主的位置都比較遠，但的確是荃灣難得的cafe小店，值得再去！

一間既有得玩亦有得進餐的餐廳, 通常這些都會是樓上舖, 沒想過在這條比較老的享和街, 除了有車房及寵物診所外, 還有一間那麼潮的主打韓國甜品的韓式餐廳。偌大的室內, 客人坐得舒服, 餐廳大播Kpop music；近入口處有不論大人或小朋友皆合適的玩樂區。櫥窗內擺放了不少精美蛋糕, 侍應生說是糕餅廚師在每早營業前便開始製作。午餐另加$20, 把飲品轉做綠茶沙冰, 沙冰的冰碎雖然不如冰沫, 還不算是入口即溶但也不用去把冰咬, 綠茶味道是糖果的那種連小孩子也可接受的綠茶, 甚麼回甘、茶澀, no way!韓式泡菜牛肉炒粉絲 $58 是當天的其中一款午餐, 粉絲正是煙韌的那款韓國粉絲, 泡菜的酸辣味道加上帶甜甜燒汁的韓式炒粉絲, 整體味道立刻是立體下來, 醬汁是剛好的把粉絲裹著, 吃著不乾。韓國年糕千層班戟  $40千層班戟當中夾雜鮮忌廉及煙韌年糕, 最重要是撒上黃豆粉, 吃下去是煙煙韌韌但又不黏牙, 班戟軟滑, 沒想過韓國年糕也可以弄成這個樣子。消磨時間好去處!

唔鐘意排長龍既我，荃灣廣場附近新開既韓式甜品店！睇完戲，行完街黎食岩岩好！叫左杯Green Tea latte，好香好易入口☺️再點左個柚子年糕多士，滿滿既柚子，加上中間有一層厚厚既年糕，用料好大方！仲多過之前係韓國食😍😍😍仲有，環境都幾大，幾有空間感☺️好岩我偽文青！另外，有一大堆broad game可以玩，可以留係到好耐啦！飲下食下玩下，又一個下午啦！

試想想，當辛勤工作過後，有另一半來接你放工，這種感覺好不溫馨吧！以為這種事只會發生在女生身上的時候，偏偏這天我家那位卻遠來接我放工呢~~~難得她過來荃灣，午餐當然在這邊吃吧。還好平時午飯後會在附近散步，這天就帶我家那位來幸會之前發現的冰雪公主。第一次發現這冰雪公主，心裡不其然地哼起Let it go~Let it go~當然這位公主不是北歐來的愛莎，而是一個韓國公主。店內除了有座冰雪城堡，也有小雪人們，偏偏沒有冰雪公主的蹤影，難道她躲在城堡裡頭了？雖然見不到公主，但卻發現了她的玩具。有飛行棋、層層疊、UNO、Mastermind……沒被公主發現的話，可以自由拿來玩的喇。公主原來除了吃雪糕、蛋糕及芭菲等甜品，平時還會吃多士及意粉呢~當選好食品後，先要在櫃枱告訴公主的侍從，再待廚子製作食品及甜品。在等候的時間，偷偷地玩了公主的玩具呢~泡菜豬肉意粉 $68看上去亂糟糟的意粉色澤偏淡，還以為味道也同樣偏淡的時候，泡菜香氣也算充分。豬肉份量既多又大粒，肉香細膩辛口；相對地泡菜量似乎不是很夠，只有兩三片而已。蜜糖牛油年糕多士 $45說是韓式，賣相更似是港式烘多士的年糕多士，除了伴有兩球雪糕外，焦點

雖然現已入秋，有點涼意，可是仍然覺得炎熱，於是又想吃番個冰涼的甜品。在荃灣開了一間新的韓國菜館，不如走入去。冰雪公主是一間韓式 Cafe 店，從門外的易拉架得知有甜品和熱食，便走進去。店內有一列玩具在桌上，不知道是否可以玩呢？時間尚早，店內沒多人，隨意坐下來。餐牌中，介紹了手製雪糕和冰花，還有一些熱食，如全日早餐和意粉，還有特飲呢！可是在下對於熱食和冰花卻沒太大興趣，故點來雪糕與巴菲。走出去櫃檯，原來還有蛋糕，在餐牌中也有羅列出來。在櫃檯處枱頭一望，仍有餐牌在寫道各款雪糕等食物名稱，也在櫃檯點餐，點餐後，就有一個牌子著便返回位子等待。朱古加曲奇（四十二個大洋）或者是最穏陣的選擇，雪糕上鋪滿了朱古力碎，就像雪花般的碎，還有一塊完整的曲奇餅。曲奇餅當然是脆的，每一口都是朱古加餅的味道；雪糕亦是有朱古加的味道，雪糕本身是幼滑的。士多啤梨芭菲（五十八個大洋）。芭菲也是喜愛的甜品之一，這杯芭菲的食材豐富，除了有士多啤梨外，還有雪糕，忌廉，芝士蛋糕及粟米片，亦有士多啤醬在內。把匙羮直插杯底，舀起，便可吃到每一層的食材，當中雪糕加粟米片和蛋糕加起來，口感豐富，幼滑之中帶有海綿質感，亦有脆口的感覺。士

之前住係荃灣的朋友介紹了一間新的甜品店俾我, 對於愛食甜品的我, 早前便去了這間冰雪公主一試.甜品店俾我的感覺也是面積較細的小店, 但這間完全不是, 店舖好大間, 一入店內, 便見到一張好大的長枱, 足足可以坐十二人. 細心留意一下, 枱上仲擺放了多款玩具俾客人玩, 我相信不論大人或是小朋友也鍾意. 原來這裡的洗手間是獨立, 我覺得這個設計不錯.這裡有各式各樣的甜品, 種類不少, 好多也想試, 好難選擇.最後,我點了一件松露朱古力蛋糕.這件蛋糕賣相精緻, 而且份量相當大件, 是平日的份量多一半. 我自己鍾意食忌廉, 這個就好啱我食, 忌廉夠滑身, 蛋糕入口幾軟棉棉, 忌廉夾着蛋糕, 雙重口感.而且食的時候, 仲有淡淡的松露香味, 甜度適中.見到韓式雪花冰, 一定要試下.我點了朱古力曲奇雪花.這裡的雪花冰和平日食的棉棉冰有所不同.雪花冰好幼細, 入口感覺好滑, 而且食的時候仲有淡淡的奶味, 幾好味.加上雪花冰面放滿了朱古力粉和醬, 兩者混合時,口感好以變了朱古力牛奶味.而且佢不會即時溶, 溶的時間較慢, 可以慢慢食.朱古力味的雪糕幾濃郁.下次要試下其他甜品先得, 當中最有興趣是好高的軟雪

咁啱happy friday響隔離睇戲, 有少少時間未夠鐘, 即時諗到黎呢度食D野等睇戲. 入面地方好大, 空間好多, 坐位好舒服. 最後要左<朱古力曲奇>$42, 嘩...好大杯, 白色係雲尼拿雪糕, 雪糕好夠凍, 所以無咁易溶落黎, 食落口感好軟滑, 唔會太甜. 外面係OREO朱古力粉, 撈埋一齊食就有少少朱古力味, 正. 要多個<芒果雪花small>$42, 呢個個樣同響韓國果D一樣, 細size份量都好多, 先試D雪花, 打得好幼細, 再加埋D芒果汁, 芒果粒, 夠醒胃.

冰雪公主梗係唔止食冰啦👻呢個韓式泡菜牛肉炒粉絲都好鬼死好味架💋 粉絲比醬汁同埋泡菜汁包裹住好惹味💗而且唔會炒得好乾身😘it is just OPtimum COOKED!

最近聽身邊朋友話荃灣開左一間好有特色既餐廳，openrice有好多正評，間店最出名係韓國甜品韓冰 ，身為甜品愛好者既我極之中意雪花冰，於是山長水遠黎品嘗一下，點知令我十分失望！  因為下午時間三點入座，所以餐廳唔算多人，一入去直接有位坐，第一印象係店舖環境好靚，最特別係有好多card games或者其他玩具玩，三點鐘既時候叫左一個女待應落單，點左一個士多啤梨雪花，其實本來想試左個雪花先，如果好食再加其他甜品，結果足足等左一個鐘，由三點等到四點都未有雪花冰食 ！！！於是我地就催下單，有位男侍應問我地有無收到電子印既單，我地話無，佢同我地講如果收唔到單即係根本無落到，下次收唔到單要重新叫多一次，之後話我地無單所以等左一個鐘都無得食！！成件事講到好似因為我地唔check清楚落左單未，所以係我地錯咁，後來佢話立即幫我落單，我問如果叫返同一個雪花冰要幾耐，佢答我10分鐘，結果由四點等到四點半都係無得食 ，山長水遠黎到食韓國甜品，結果白白浪費左兩個半鐘，好彩只係下午茶，如果係中午或者夜晚食飯可能已經餓死左。最後我地話cut單，佢仲同我地講話「就整完，就整完」，都唔知仲要等幾耐，行出

最近在荃灣找到了一間平民級的韓國甜品店, 價錢相宜, 環境又舒適, 真的很推介!這間甜品店鄰近荃灣廣場, 相隔一條街就到冰雪公主.店內的甜品都是手做的, 而且聽聞店內的年糕甜品是從韓國空運到港, 真的很期待!店內有提供Braodgames, Card Games和其他桌上小遊戲, 很適合用作歡樂茶聚.放學時間有很多學生哥在店內享受甜品, 隔離枱有五個女生點了五六款甜品齊齊分享, 很正喔~收銀櫃枱(點餐旁邊)還有甜品櫃, 提供不同款式的甜品, 一定滿足到甜品控各種要求.我呢個崇尚天然的偽貴婦, 點了一杯藍莓沙冰 $45用新鮮藍莓攪拌冰沙, 口感層次很豐富, 放耐左也不會變淡! 很健康~~同行朋友點了一杯 忌廉 Oreo曲奇沙冰 $46沙冰內有很多碎朱古力曲奇, 香濃又冰凍, 看她都飲得樂滋滋的.芒果雪花 $42韓國的冰都充滿香濃的奶味, 一口冰加芒果果肉和雪糕很滿足, 味道很貫徹, 不錯!雪花冰好綿好細滑, 不會融得好快, 可以慢慢嘆~爆谷雪糕 $42當焦糖味的爆谷遇上牛奶味雪糕...冷熱交融的口感真是經典, 令人瘋狂愛上!呢個七層雪糕好細滑, 每一口都嘗得出牛幼的滑溜滋味, 喜歡雪糕和

我睇Menu嘅時候都係俾佢個樣呃左😩頭一層有三吋唔滑嘅cream第二層有朱古力蛋糕，仲有一啲細細粒長方型假嘅朱古力（冇味道，但咬落去仲會痴牙，真係唔知係咩黎）最低個層，有啲酸嘅雪糕💀（並非雪芭）！我冇吹水，真係唔知邊個發明發明呢杯野，可能我見識少，甜品嘅嘢我真係識條鐵😆