冬蔭NOODLE (已結業)

泰國去就去得多但在香港總會回味泰國美食的味道今次，愛玩小生Foster 跟朋友到尖沙咀這家泰國餐廳坐落第一口飲杯水，就在泰國味道啦！皆因餐廳用香矛泡水，令杯水有淡淡的香矛味道，好舒服爽口呀！泰國菜當然不能缺乏冬蔭功啦想當年在泰國第一次食冬蔭功我還在想「邊個將呢道菜改一個咁陰功嘅名呀！？」誰知，原來是泰文直譯呀！(年輕時實在太年輕啦，咩都唔識！)這家冬蔭功似乎沒有加入太多辣椒和草藥反而加入很多小蕃茄令整個湯底都充滿酸酸甜甜的蕃茄湯底海鮮則有半隻大頭蝦、魷魚另一道菜就是比較歡迎的泰北菜泰式燒雞蜜糖在燒烤過程中不但令雞皮變得香脆更完入滲入雞肉每口都是滑嫩、又甜甜地的雞脾肉Yummy!

見有新店開，當然要去試試啦~呢到裝修一D都唔似食泰國菜，以為自己入左一間CAFÉ睇睇MENU，食物選擇唔算多，但食物價錢好合理，係尖沙咀黎講，真係幾抵食泰式船河(牛船河湯底) $68店員好有禮貌，問我地係唔係第一次黎介紹左泰式船河比我地，話係最主打既食物，所以一於試下船河湯底用左牛血牛湯，所以味道特別濃郁材料勁多，有炸豬皮，牛肉片，牛丸同肉丸和牛肉片而且幾種配料質素都唔錯，牛片夠滑，肉丸夠彈另外河粉都好高質，好滑又唔易斷，仲有淡淡米香估唔到$68都甘高質海南雞飯 $68海南雞飯一樣係$68雞件好滑，連胸位都唔鞋而個油飯都好香，唔會得個色但無味雖然份量唔算好大，不過女仔應該都食得飽泰式單骨雞翼 $68唔知點解去食泰國野一定要食個單骨雞翼炸得好脆，但又唔會油肉質都好滑，無炸過頭但就覺得腌得唔夠，得D皮有味碟豆花茶 $38有得玩又好飲既碟豆花茶遇到檸檬就會變紫色，好靚而且唔會太甜，幾好OVERALL呢到食物中上價錢公道，坐得又舒服，好值得再去

今日同一位喜歡去泰國嘅朋友行尖沙咀， 途經the one附近見到新開咗一間泰國餐廳「冬蔭noodle」,馬上就吸引咗我呢位愛泰國的朋友，忍唔住馬上走入去食番個泰國菜。好囉～一嚟就被兩杯特別外觀吸引，一杯是泰式玫瑰奶茶及甜蜜蜜蝶豆花茶。先講甜蜜蜜蝶豆花茶，是用蝶豆花製成，成杯是藍色的，落少少檸檬汁後就會變左紫色，好得意又幾好玩。泰式玫瑰花奶茶，成杯都好少女系，成杯都係粉紅色再加上靚靚嘅玫瑰花，睇都已經夠晒靚。主食就叫了牛船河湯底 + 肉類配料 湯底好濃郁又牛肉又夠清甜， 職員話係每日都用大量嘅牛血牛湯煉成，果真濃郁，食之前先呷一啖湯，先可以開始食粉。我叫了金邊粉軟硬度岩岩好，份量剛剛好，材料都好豐富，牛丸同豬肉丸好彈牙、牛肉腍鮮嫩入味 ，非常優質，肉丸由泰國入口，口感及味道十分地道。朋友食冬陰湯底 + 海鮮配料 湯底原汁原味冬蔭公，夠酸又夠辣，味道十足，再配上河粉，啖啖河粉都掛滿冬蔭公湯，超級正。小食點了單骨雞翼及手打蝦餅，好惹味，而且手打蝦餅夠晒彈牙。叫埋個甜品椰汁西米糕及千層糕，都唔太甜，味道都很不錯。價錢方面比較實惠，朋友話下次一定會再嚟開飯。

尖沙咀加連威老道交界， 开左间泰式餐廳。 嗰一刻想食泰式嘅粉麵， 接近黃昏時間我哋就入咗去。餐廳裝修有新派嘅泰feel，好pink 嘅卡座!  店內座位闊落舒適 。餐具調味料架立立令好新淨～主打正宗泰式美食， 我哋試咗人氣之選泰式船河 (牛船河湯底)$68。這裡船河湯底用上牛血牛湯，特別香濃。材料好豐富， 有炸豬皮，牛丸，肉丸和牛肉片。 可以自選粉面：河粉，米線，米粉，金邊粉等。我哋揀咗金邊粉，非常幼身，爽滑。湯底有極濃嘅肉味，有淡淡藥材味，加上表面嘅炸蒜，特別帶出各種材料嘅鮮味。牛肉表面粗糙但食落非常有肉味有趙囗！牛丸好有彈性， 肉質滑湯底還有大量銀芽， 爽甜！另一款選了海鮮冬陰湯底＋ 海鮮配料 $98冬蔭湯底唔算嗆喉， 亦唔算辣且偏向酸， 非常開胃醒神。海鮮配料重點係有半隻龍蝦， 還有魷魚鬚，魷魚，蝦仁， 帶子和青口， 豐富到不得了！龍蝦鮮甜彈牙，已拆肉， 唔使落手落腳食。👍远了河粉， 晶瑩通透好滑溜， 配冬蔭湯底超正！青檸梳打 $28酸酸地，青檸味濃郁， 味道唔錯沙爹豬肉串燒$36豬肉醃得比較鹹， 沙爹醬甜甜地幾惹味。整體感覺食物 水準唔錯， 店員服務殷勤有礼。

話說前排係尖沙咀血併完 真係要有種搵個地方hea hea 回一回氣既感覺咁岩朋友想食湯粉麵 咁就岩了 因為眼前就出現左間泰式粉麵既食店 我地就異話不說咁沖左入去平時出去食飯 多數都慢慢先叫野飲不過太攰太渴 一坐低就望野飲 朋友一心諗住飲返杯泰式奶茶 不過店員就建議朋友試試個玫瑰奶茶一飲之下 又真係幾特別 飲落有少少花香味但係又幾match 我同朋友都係第一次見呢個配搭而我就飲蝶豆花茶甜蜜蜜蝶豆花茶絕對係拎黎打卡既一杯野飲 一杯會變色既花茶落少少檸檬汁落去 杯花茶會變左紫色嫁另外提供糖醬俾我地自由調味 牛船河湯底 + 肉類配料湯底可以用濃郁黎形容 聽店員講係用牛血牛湯煉成 真係好濃郁 大家食第一啖之前可以似少少湯試試先河粉軟硬度岩岩好 份量剛好 唔多唔少牛丸彈牙 牛肉香嫩入味 唔錯 絕對合適要醫肚既我冬陰湯底 + 海鮮配料朋友碗冬蔭湯底 可以用足料黎形容大頭蝦 蝦仁 青口 魚丸 魷魚圈大頭蝦真係啖啖肉湯底 絕對係原汁原味冬蔭公椰汁西米糕為呢餐畫上完美句號份量岩岩好一人一舊唔洗爭 椰汁味幾濃 唔似第度食 雪到好硬 口感幾好價錢公道丫 可以係tst 百幾蚊到食到呢個質素既泰式粉麵可以

裝潢跟一般泰國菜館好大分別，以粉紅色調，播放著輕盈音樂，好有少女風格，唔講以為去了cafe。玫瑰奶茶罕有地在泰國菜餐廳出現，茶味沒有港式那樣濃厚，清淡帶有花香，充滿著少女情懷。順帶一提店方提供的清水混入了椰青水，好特別。嚐辣的人一定要試泰式鳳爪，辣中帶勁，超級開胃。泰式船河最近非常流行。深澤色的湯底淨看己味道濃郁。比起一般牛河更濃更香，那些香草配料惹味。鮮甜得嚟有點微辣，增添食欲感。一片片牛肉肉質軟腍，牛丸肉丸彈牙有𡁻口。炸豬皮幾特別。整體食物水準不錯，服務態度又好，環境舒適，值得推介。

今晚收工比較夜，經過尖沙咀，係正The One對面開左間新泰菜，裝修好似是是正正。一入門店員就sa wa de cup 好好招呼！然後就送上兩杯暖水。一路睇menu店員仔細介紹舖頭招牌菜，係睇緊menu既時候，一飲杯水，係好好飲既暖水。細問之下，原來水加左斑蘭葉，唔怪得咁香。牛船河湯金邊粉，湯底好濃郁，唔係得個咸味個隻。配料都幾多下，有肉有丸仲有炸豬皮豬脾飯煮得夠冧，配上個酸辣汁十分送飯。泰菜又點少得泰式小食呢！再加泰式鳳爪同炸春卷。鳳爪好入味，中意食辣既唔可以錯過春卷係即炸，上台仲熱辣辣脆卜卜。雖然已經食到好飽，但係見到隔離枱食椰汁西米糕又幾過癮，於是忍唔住嗌。個椰漿下次留肚食多件先得一人嗌左杯玫瑰奶茶同椰汁冰，好放肆不過食左先算啦玫瑰奶茶有陣清香，唔會太甜。好啱用嚟打卡！不同我最愛都係椰汁冰，對椰汁食品無任何抵抗力。

凍凍地就想食熱野，見到呢間餐廳裝修又靚又pink就入左去食(😹😹打卡吖嘛～～)我哋叫左冬蔭功海鮮配河粉、牛船河、單骨雞翼。介紹番，一號佳麗係牛船河 － 湯底夠濃，成個麵都索晒陣牛味😍 配料有牛肉片 肉丸同埋豬皮！牛肉夠鮮，但我最鍾意既，係豬皮😂，豬皮炸到好好味好好咬。老闆！下次有冇得揀豬皮做餸呀！！之後就係海鮮冬蔭公河，其實我次次都重申，我係好鍾意食海鮮架😂個麵有魷魚﹑蝦﹑大大大大隻蝦同埋大大大大隻青口。海鮮份量都畀得好足，唔係得兩三舊。其實，冬蔭公，真係海鮮既好伴侶。呢個湯底夠酸，不過如果可以畀我地揀辣度就好，我想食再辣d呀😁😁之後到單骨雞翼登場，食落似生炸，好脆好香口，點埋泰式甜辣醬趁熱食，真係不得了。食咁多重口香口野，唔嗌野飲搞唔掂😩店員介紹左玟瑰奶茶同埋蝶豆花俾我地，一講泰奶，應該就係諗起泰國街頭個杯重甜糖水加奶茶😂😂呢度好好，糖水會另上，我可以跟番自己喜好加糖。同埋佢陣玫瑰味好出，似完個口好fresh😍蝶豆花就有檸檬同糖水可以加，原來蝶豆花愈到酸野，係會變紫色架！真係好靚店員嘅態度非常好，好熱情，見我地十五十六就主動同我地介紹有咩好食。加上餐廳環境都好好，比起其他泰國餐廳，呢

係尖沙咀做完facial ，又要搵晚晚食。經過見到呢間裝修佈置幾靚仔，入去食下泰式野都好喎！裡面D梳化粉紅色同牆上有點燈飾，都坐得幾舒服架。睇下有咩好食先。冬陰海鮮湯河粉，大大碗冬陰功湯，湯底濃郁，夠酸微辣，越食越開胃。裏面嘅海鮮，大大隻落足料，新鮮好味，食極都有！泰嫩海南雞飯，滑滑嘅無骨海南雞，咬落啖啖肉，配埋暖笠笠嘅油飯，食到一粒米都冇剩。食泰式嘢，梗係飲番泰式飲品。靚靚嘅碟豆花，飲完清新怡人。泰式玫瑰奶茶，好有驚喜，好香玫瑰花味，但有唔會蓋過本身奶茶味，甜度適中，超正！椰汁西米糕，真係食到嘩一聲，岀面都食得多，但呢個西米糕，好香好香椰奶味，食落又唔太甜，夠椰，正正正！

今次黎到呢間泰式料理Tom Yum Noodles試食 環境舒適 內裝竟然係帶少女味道既粉紅色。頭盤叫左份越式扎肉沙律 口味清爽泰式口味 小食蝦餅味道都唔錯 有竹輪蝦既味道 主食試左两款 豬脾飯 同 牛船河 豬脾肉好味道 豬皮爽又唔太油 牛船河湯底較濃偏鹹 鐘意濃味既朋友可以試下 叫左杯粉紅玫瑰奶茶 同一般好甜既泰式奶茶唔同 糖係自落 咁就岩返鐘意健康既香港人啦Remarriages: thai staff here are very friendly and helpful when we are struggling what to get for our main dishes. Luckily they didn’t disappoint us!

老公接我放工，去了這間抵食的泰國餐廳試一試，入門口已經十分好招呼，個個店員都笑臉迎人，而且又會主動介紹食物給客人了解，十分抵讚。手打蝦餅蝦餅表面炸得金黃香脆，包著啖啖蝦肉，十分彈牙，醃上甜酸醬可減輕油膩感。泰嫩海南雞飯雞飯加了薑黃及香茅等調料，帶點清新香料味，雞肉已起骨，方便食用，雖然不是新鮮雞，但肉質嫩滑，雞皮帶爽而且不多油脂，味道不俗。牛船河湯底配全蛋麵全蛋麵夠幼細，有牛丸、牛肉及炸豬皮等，丸類不是溝粉丸，應該是手打肉丸，質感彈牙不粉，炸豬皮煙韌，牛肉亦很腍，湯底以大量大骨煲成，味道鮮甜濃郁。最後食埋個椰汁糕，竟然第一次食熱辣辣的椰汁糕，煙煙韌韌帶點班蘭香，必食甜品。

午餐同同事去了尖沙咀The One對面新開的泰國餐廳食飯。餐廳主要有泰式小食及粉麵，還有幾款泰式飯，款式不算太多，但基本的泰菜都有齊。冬陰湯金邊粉配鮮牛肉及魚蛋，冬陰湯底帶點微辣，即使怕辣的朋友都可以接受，反而香料味突出，加上番茄的酸味，十分開胃，魚蛋細細粒又彈牙，鮮牛肉似打邊爐手切牛，肉質嫩腍。香葉肉碎蛋飯這個肉碎辣味較冬陰湯重，但都是屬微辣水平，香葉味道突出，十分惹味，荷包蛋外型討好，蛋黃還帶點溏心。素春卷即叫即炸，上枱時還冒煙，十分香脆。椰汁西米糕的椰汁味濃郁但不會太甜，下面有西米及芋頭粒，十分軟綿。

4/1車爸爸假期最後一天！午餐找來一間新開的泰國菜冬蔭NOODLE開餐，不過換來了泰失望！ 一到埗才發現Tom Yum Noodle原來是我很喜歡的荔園茶餐廳舊址！ 內裡的霓虹燈光仿如帶到我往紅燈區般，影出來的相十分香艷！我點了跟食物加＄8的青檸梳打，成品挺酸不過起碼唔會太甜。 車爸爸的熱奶茶跟餐免費的，不是糖包的提示也不知道原來是荔園旗下的品牌。 泰嫩海南雞飯＄68，賣相就好靚仔點知真係泰失望了！先論雞肉淡而無味最要害，附帶的薑蓉一朕油膱味！還幸有惹味雞醬才不致吃不下，油飯更神奇是少有的椰香飯先入為主我吃不慣！ 泰粉麵有四款湯底選擇，冬陰公、烏汶湯、牛船湯和我選的泰保豬骨湯＄68，湯頭色澤夠濃可惜只帶輕輕的香料味，豬肉丸口感味道也正常，鮮牛肉車爸爸表示沒肉香兼韌口！！ 最敗在那泰式粉皮，咬下一口粉硬實實的，問過侍應得來答案是泰式粉皮這樣的！恕我孤陋寡聞最後吃清餸料便算！！

經過the one附近～ 就畀佢室內嘅霓虹燈吸引～ 行過去睇一睇～ 新張試業中～ 原來係一間泰菜～ 記得前身係荔園茶餐廳～ 入去坐定定睇下個menu～ 原來主打係冬陰功湯河同埋牛船河～ 仲有其他飯類～ 有海南雞飯～豬髀飯～仲有一個好特別嘅名叫打拋雞飯～ Menu有著名呢一個打拋雞飯係spicy嘅～ 咁啱喉嚨痛～下次先試呢個～ 叫咗個 牛船河～ 個湯原來真係用真牛血撞出嚟～ 所以味道濃沃～ 面頭仲有脆卜卜豬皮～ 仲要價錢 唔貴添～ 最後叫多咗個椰汁西米糕～ 好滑呀～ 仲要有好香椰汁味～ 啱曬我最鍾意食甜品嘅我