冬蔭公公 (已結業)

到Ikea閒逛前，先來到冬蔭公公吃下午茶，要吃飽才有力氣購物呢!原來現在一客湯麵茶餐已漲價到$42，飲品另加$5，下午茶來說也有點貴喎~泰國冬蔭公雞扒幼薯粉 ($42)雖然加價了，但份量卻相當多. 要了中辣，辣度也不太強. 花生香脆，雞扒都幾大件，薯粉相當煙韌. 下午5點幾吃過這碗粉，也可當作early dinner la!凍檸蜜大大杯的凍檸蜜，夠凍又酸甜，幾好飲!

每次看見折減餐廳店面就想笑，就會想說小李子上菜（幻想自己是主子，哈哈）。來的時候是晚飯時間，店內很擁擠。為了節省位置，座位設定的很靠近，胖一點的人坐著應該會很辛苦，呵呵。點餐時，看看了旁邊其他人在吃什麼，都頗多人選擇吃麺，那我也跟著點了個冬蔭海鮮米線。這個泰中混合體，看看是否這麼搭配。上餐了，我叫了小辣。所以吃起來不太強烈，酸度跟雲南酸辣米線的酸有得比。酸得來很開胃，海鮮的分量也頗多。米線彈度還可以。不過$77 感覺比較貴，也沒跟飲品。$70還差不多。勝在上菜速度很快。

《自私一人獨食之泰式碎肉飯》今日行到沙田換禮物，其實要想系沙田市中心醫肚都幾難真係。因為商城每間餐廳好唔好食都咁多人等、咁多人排隊。但太肚餓，冇辦法之下，都要系地鐵站citylink 食（如果星期五晚飯時間系一田food court仲驚）。回歸正傳，其實系見冬陰公公相對同層其他餐廳比較等得冇咁耐先揀。果然等5分鐘後就有位，當然我一個人呢d等位永遠系著數過其他人。埋位就見餐牌有的優惠d嘅set，最終叫左個泰式香葉肉碎配白飯（牛肉），加$5配黑珍珠椰汁冰。點時候，職員問我要咩辣度，有BB辣、中辣、吾講就直接比大辣。我點大辣，心諗好多人你地預設已經系大辣會辣得去邊，果然！其實都吾系幾辣，d肉碎好夠辣度。但只有辣肉碎和白飯，感覺如果多個醬汁點下會更完美。加配嘅黑珍珠椰汁冰，d黑珍珠吾系鎮住奶茶d珍珠黎，d珍珠又d思火龍果d黑色點點。但椰汁味好夠。幾好飲！！

之前見到朋友post 大大隻脾嘅相，覺得好吸引，一問之下原來係沙田嘅冬蔭公公，就即心動不如行動，去咗食晚餐！咖哩羊膝配薄餅 ($98)佢最早上嘅係薄餅，咁當然襯佢熱食咗先啦！估唔到佢就咁食都超好味，又熱又香，外脆內軟，正！之後主角:羊膝就登場啦，離遠已經聞到香味一食，不得了！好淋又好香羊味，咖哩唔會搶走咗羊嘅味道，比咗少少同行友人食佢都讚不絕口，話下次要叫呢個喎咖哩軟殻蟹(~$78) +椰汁珍多冰 (~$19)友人叫咗呢個配撘，根據佢嘅意見話當然無我個個咁好味不過都好好，餸飯一流！一定會再幫襯

三年前我係冬陰公公既打手 一直都覺得好好食 又會尊登叫埋朋友去 好多朋友同我講難食我都唔信 今次一係真係不得了我叫左個冬陰公西蘭花牛肉米線 牛肉完全咬唔到 西蘭花仲係生既 米線係我食過最難食 完全食唔落 我最後係將所有野比哂我朋友食 佢因為肚餓先勉強食哂 我最後都係唯有捱餓 唯有再去食個老麥 大家如果食都係食薯粉啦 我上面食既大家就唔好再叫啦 價錢黎講就更加唔合理 一個送既價錢又貴 食個米線要成六十幾蚊 仲要唔包野飲 另叫要再比多廿蚊 不了

沙田食LUNCH真係越黎壙無得揀,特別係新地市,全部都係高級餐廳,有無理過呢度番工SALES既感受........好彩近近地都仲有個連城廣場,難得今日男友放假都肯黎陪我食飯就上去睇下,但今日上去,發現食開既越棧竟然執埋....天啊.....咁唯有食呢間啦...之前同朋友食過都OK既LUNCH時間都算多人,但好彩都唔使等,你知啦,SALES食飯時間好珍貴架,,,,野食都係之前個D無咩大改動珍多椰汁冰唔太夠甜.....亦都唔夠濃郁...豬頸肉泰國冬陰公湯紅薯粉湯底都夠味,但豬頸肉得幾塊....紅薯粉唔會過軟泰式彈牙蝦餅夠香脆,但太實唔太彈牙之前食都覺得不錯,但今次盲有少少失望...而且LUNCH黎講算貴....都係唔會再LUNCH HOUR黎了

#向阳从厦门吃到全世界##香港美食#【冬蔭公公】📍沙田連城廣場許久未到外面覓食 趁著週末課程結束 飢腸轆轆的四人組決定放飛自己 泰式料理就蹦出來了 真的是很中意泰式料理了〈店铺〉就在點心點點心專門店的對面 到的時候已經一點多 排起了隊伍 四人桌偏難等 店舖算開放式 翻桌率還算是快的〈冬阴功湯〉必點菜 點的大份 四個人每人一碗也就沒了 不算多 三隻大蝦草菇和一些經典的配料 中規中矩〈辣肉碎生菜包〉有牛肉豬肉可選 我們選了牛肉 說實在有點硬 難嚼 但份量很足 生菜很新鮮 有些斑點 大概是無公害蔬菜吧 〈泰式木瓜沙律〉爽口的菜一定要有啦 醬汁酸酸甜甜 花生酥脆 就是四季豆真的是生的 但還是不錯吃噠〈咖喱雞扒〉我們選了青咖喱 又是一道必點菜 這裡是配了一份飯的 兩塊雞扒 但很嫩 入味 不錯吃〈馬來脆雪山〉是薄餅 但是是甜品來的 很酥脆 長得像魔法帽 裡面灑了麥芽糖和椰絲 超級香下午兩點就會進入下午茶時段 有優惠的的套餐 但我們還是選擇了單點 一份白飯22港紙嚇到我們了 但好在味道都還不錯 也很飽腹 若是一人食 推薦套餐

來沙田街經常都會嚟食冬陰公公已經唔記得咗你食咗幾多次，今日咁岩又來沙田行街，就想食冬陰公味嘅湯麵依家有下午茶都幾平。叫咗泰國冬陰公湯加燒雞翼中辣，同埋迷你嘅海南雞飯。冬陰公啱啱好又香又有小小辣☺️個飯都幾香有油香味唔錯。經常都會嚟食嘅一間餐廳，唔錯嘅！價錢合理^_^

沙田友每次食飯都會表示煩惱原因係真係唔知應該食咩好皆因沙田食飯出名：貴、冇選擇、難食某日經過連城 見呢間野都幾多人排隊 於是就去食下啦環境方面：坐等唔太舒服 好逼每次有侍應行過 我都會好驚佢撞到我食物方法：1. 串燒拼盤比較細碟 味道如果比起泰式菜 都差好遠下事實係唔太好食 但不至於難食價錢比較貴 差唔多成一百蚊2. 咖喱薄餅普通同超市買既薄餅一樣 冇驚喜咖哩醬都好普通 唔特別推介3. 海南雞飯味道普通 唔香亦冇雞味 總括黎講 沙田呢個美食沙漠 實係冇咩選擇如果你唔係食野好嘴刁既 可以一試

中秋節翌日放假,咁就去左沙田新城市搵個朋友食飯, 咁就行去連城睇下有咩食等佢放飯過黎見到冬蔭公公朋友話都好好食,所以就去試一試啦, 等左陣位就有位了坐下來,點餐是用點餐紙的寫好反3就給服務員下單就點左個試左冬蔭公檬粉-全翼湯底很濃郁，很豐富的冬蔭功味道檬粉細滑彈牙, 美味可口珍多冰美味,好濃郁椰子味粉條軟滑、椰漿香甜,炎炎夏日確實是消暑良伴原來都有幾間分店整體這間餐廳都很滿意,下次都可以再光顧的餐廳,服務迅速,下單有效率,食物很快就到

放咗工搵啲嘢食下⋯突然間很想食海南雞經過沙田諗住試一試!呢一間跟住特登加$8要雞髀！🤦🏼‍♀️點知失望，成個海南雞飯，真係令人非常失望⋯⋯飯係夠見有油但無味，但係啲飯嘅質地唔得個硬字！雞完全冇味🤦🏼‍♀️，個湯有少少冬瓜味，但係好鹹 。所以整體來講這個地方只係食個方便個餐廳贏咗人流！

以前都有經常幫襯的，因佢哋啲海南雞飯好好食的，而其他的食物都唔太差。但我今日再次幫襯，發覺超級難食，我叫了海南雞飯，青咖哩豬扒飯，一杯木瓜乳酸。先講海南雞飯啲雞，非常鞋，無咗以前啲滑雞，成碟飯最好食的都是配菜，花生、青瓜粒及酸菜。而青咖哩豬扒更加難食，豬扒又硬又乾，青咖哩得個甜字。兩種飯質地比較硬。而全餐最好的就是木瓜乳酸。而坐係我旁邊個枱客亦都講佢哋啲嘢食唔多掂。如果下次要再嚟食吓米粉就算。

一個人食晏，唔知食乜好，又唔想浪費時間周圍揾食，見呢間食肆個名幾得意，就走入去食個$68嘅馳名泰式海南雞飯午市套餐。食肆非常擠迫，餐桌很細小，根本沒有足夠空間擺放食物，午市時間，四人座位要坐五個客人，亦有些座位要客人站起來讓位，內裏客人才能走出來，非常騷擾。'個套餐送到，外型討好，除雞、飯外，仲有餐湯---係冬瓜雞湯，雖然無乜材料，但啲湯好好味喎。雞飯加咗椰漿，好香椰汁味，但飯太硬，食落有啲哽胃。主角海南雞無味，唯有沾醬汁搭夠，好彩酸菜味道唔錯，花生亦好脆，有得加分。套餐只包括餐湯，唯有加$5配飲品，不過檸檬茶嘅檸檬篤極都無味。食完呢個午餐，覺得最好味嘅係餐湯、配菜同醬汁，好似有啲諷刺，但總好過所有食物都唔好食。

個冬陰公得個酸字bb辣真係一d都唔辣比較上黎出面食返酸辣米線果類仲好，貪新鮮出面無呢樣就會中伏個牛骨湯簡直係味精開出黎咁款，似車仔麵腩汁湯，堅覺得hea整，加上仲無乜配料，要自己加錢豬扒無味，似炸個放湯既急凍雪藏貨，雞扒細舊加急凍雪味。杯椰汁冰似奶水⋯一d椰味都唔覺有一分錢一分貨，呢個價錢50幾蚊真係去食乜哥米線好過。可能食飯果d無咁伏既見隔離台豬手定豬腳個汁都好香咁架同場黎講呢間算平，見又唔洗等位可能18:30左右去食，咁就伏左⋯好快食完就見開始多人等位⋯

係連城廣場尋找食物，睇到呢間好似平平地，咁就試下。叫左碗麵，加幾個餸（生菜、豬頸肉），已經$50幾了。呢度坐其實都唔係太舒服，因為都有啲迫。叫左豬頸肉、生菜，黎到發現冇左豬頸肉，只有生菜。即刻同職員講，都好快拎左碗豬頸肉過黎。但係啲豬頸肉係凍曬，而且係又韌又冇咬口。我揀左大辣，湯底冇我想像中咁辣，我覺得只係有小辣嘅程度，同埋冬陰公味唔夠，所以湯底都係麻麻。不過麵嘅份量就有好多，一定夠飽，我最後食剩左大半個麵＠＠總結：　應該唔會再食，食過一次就夠。