冬蔭公公 (已結業)

上月在冬蔭公公吃過晚飯後，有贈卷油鬆餅一客送，今天來吃下午茶順便使用埋贈卷，還沒有吃午飯的我，就要一客迷你泰式南海雞飯，加$9要杯黑珍珠椰汁冰。油鬆餅暖暖又香脆，很不錯，免費更不錯！黑珍珠椰汁冰，很喜歡那滑唧唧的黑珍珠在口腔咀嚼感覺，我在飯後才享受黑珍珠椰汁冰，所以碎冰有時候溶化，甜味又剛剛好，但碎冰溶化又減底椰汁冰的幼滑感。迷你泰式南海雞飯又不是很迷你，雞有肉味，夠熱油飯的味道也好好，但香氣不足，薑蓉沒有薑香又淡。味道濃郁的好味道老火餐湯只有一塊冬瓜，我都不知道老火餐湯用料，又沒有金舌頭，飲不出是什麼老火湯，餐牌只顯示老火湯，真係飲了什麼都不知道，我覺得餐廳有必要讓人客知道是日什麼餐湯奉客！

豬頸肉濛粉 $56湯底係唔太辣既冬陰公，味道balance，食得出用左好多香料黎煮既湯。油鬆餅係用上次光顧送既贈券換既，每次食完都有一張。唔太油膩，幾好食。香葉肉碎配白飯 $64肉碎好香羅勒既味道，白飯有少少硬。非常滿意厚切檸檬熱檸蜜

星期日沙田新城市廣場覓食真有挑戰性，首先你要敵過拖喼同胞，再戰輪後隊員，真係過五關斬六將先有間食店可以坐底，好彩最後選定這間「冬蔭公公」坐位都可以正好我們有張卡位座可以舒舒服服歇腳醫五藏。下午茶都有好多種類可以選擇！木瓜沙律木瓜、青豆角同蘿蔔絲之爽脆配合蝦米鹹香，除開胃之餘更有幫助排解冬蔭功湯之油膩！冬蔭功牛肉米線牛肉韌度適中冬蔭功雞扒米線可能是下午茶餐關係，雞扒真係唔多覺，不過味道算可以冬蔭公蜜汁雞翼幼薯粉薯粉煙韌，吸入冬蔭功湯汁非常開胃。

今晚在冬蔭公公吃晚餐，牛骨湯豬頸肉檬粉，湯底很鮮味，不過我只伴檬粉吃，不會淨喝湯，怕吃畢口渴。另一款是黃咖喱雞扒飯，黃咖喱不辣帶小小香甜，要一份油鬆餅沾咖喱汁吃頗美味！單吃油鬆餅很香脆也不算油膩，配咖喱汁又多一份美味層次。燒魷魚鬚就比較普通，此雪藏魷魚鬚只是落足調味，沒有燒的香味，不是名符其實燒魷魚鬚。很吸睛的馬來脆雪山，原來是一大片圖錐形薄脆，我們用手撕開碎片吃，脆雪山內塗有薄薄糖醬，幾有新鮮感，不過，下次不會再吃，因為吃到手指黐笠笠，幸好有自己有携帶濕紙巾，否則........埋單了！人均消費是$90，都幾貴！有印花和油鬆餅送喎！

我本身唔係特別愛冬蔭公湯，但試過呢度既冬蔭公湯麵之後就成日掛住佢。冬蔭公湯朦+牛肉+生菜 $57牛肉薄身，無咩肥膏，較瘦我鐘意～湯底本身有芽菜、粟米同花生等配料。個湯夠濃郁，每次除左食麵之外湯我都飲大半碗黃咖哩雞扒飯 $72黃咖哩食落都幾甜，但幾香，有椰漿味，薯仔都煮得好粉，如果配埋薄餅更正。

係機場博覽館考完試, 同同學仔山長水遠餓住個肚搭巴士出黎沙田, 真係餓到乜都吞得落肚, 又想食辣野就諗住試下呢間!連城其實都有幾家食店, 不過呢間最爆場. 好彩一黎到有位, 坐位就比較迫唔太舒服...睇完餐牌, 叫左泰國冬蔭海鮮米線 $76 + 馬來拉茶 (凍) $26嘩好有驚喜, 好濃郁既冬蔭公湯底餸有蝦, 蜆, 魷魚鬚, 龍蝦丸湯底好惹味呀, 就咁飲都飲左半碗湯馬來拉茶就無乜特別, 普普通通

假日去左沙田連城廣場搵野食，成層都係唔同既餐廳美食。最後行左去食呢間「冬蔭公公」，呢個時間咁岩係下午茶時間有優惠添，叫左兩個下午茶套餐，「泰國鮮魚湯$42配餐飲凍奶茶+$5」、「豬扒撈檬粉$48配特飲鹹檸七+$9」。🍜🍹🍴「泰國鮮魚湯」有蘿白、金菇菜、蔥、莞茜、芽菜、乾蔥，麵類選上幼薯粉，配料選上雞扒。成碗麵份量好多，特別既係幼薯粉超多份量，好抵食！但雞扒只有一小塊，感覺有點失望。味道有點淡，食唔出有魚湯既湯味，湯底較淡味。🍜🐔🍗「凍奶茶少甜」茶味好濃好香，有質素既奶茶。🍼☕️「豬扒撈檬粉」成碗麵份量係好多，特別既係檬粉超多份量，好抵食！不過麵身較乾身，要添加大量既甜酸魚露去調味。另外豬扒只有一小塊，感覺有點失望。🍲🐷🍗「鹹檸七」鹹檸檬好夠酸，加入七喜汽水好夾好好飲，好醒胃。🍹「餐牌」我已經影左上載至openrice既「餐牌」入面啦，方便大家查閱相關菜式。📔

沙田區嘅沙田第一城出名多人，係香港第一密度最高嘅商場，要喺商場入邊搵嘢食真係難上加難，尤其是係周末嘅黃金時段..Openrice好嘅地方就係依樣野，禁幾下制搵吓附近有咩餐廳，隨時隨地就可以搵到，唔使兩頭騰。朋友想食泰國嘢所以搵到依間風評唔錯，地點又近第一城仲要唔使等太耐嘅泰國餐館，冬蔭公公！由於自己本身編號食甜甜地嘅咖喱於是乎就點左一個招牌嘅黃咖喱軟殼蟹飯。黃咖喱本身比想像之中甜非常開胃，辣度亦都適中，如果想食辣啲嘅，我諗去試吓青咖喱都係一個唔錯嘅選擇！原來我係揸得博博趣加埋黃咖喱嘅甜，食落口唔會太膩囗！請分量中非常足夠我同女朋友兩個人食已經7分飽，OK抵食！唔掛得知餐廳入邊都好多人幫襯！最後仲叫咗個香蕉薄餅非常之有意思薄餅唔係太趣偏遠新但係加埋香蕉嘅饀料！非常好食！唔似街邊嗰啲求其搭兩片香蕉係薄餅上面就話係香蕉薄餅；而係真係見到有一塊塊嘅香蕉蓉同果肉醬薈係個薄餅入面，幾有意思！難得有機會就當年試吓被譽為泰國嘅絲襪奶茶 - 馬來拉茶。馬來拉茶製法同奶茶大同小異但係味道卻差之毫釐，謬之千里！馬拉差未到比例差濃烈，非常有風味。由於製法繁複， 係香港有好多泰國餐館已經用傳統嘅香港奶茶代替馬來

好耐無黎沙田行街又好耐無食泰國菜係咁多咁岩既時候，就試下你拉!馬拉沙牛腩咖哩飯咖哩顏色較深，味道亦較為濃郁但只算少辣，咖哩香料味頗足用黎撈飯一流而牛腩份量足夠，幾抵食巨峰葡萄乳酸，味道酸酸甜甜由於我地得2個女仔，叫左一個飯，再加埋小食拼盆，就飽哂拼盤份量比想要中多，幾乎食唔哂當中最推介既係燒豬串燒，時間同味道都掌握得好好點埋沙嗲醬真係無得輸蝦餅就好彈牙，配返甜酸醬而豬頸肉同鳳爪都好新鮮鳳爪卜卜脆的說

今日同朋友去連城廣場旅行社搵資料，剛好經過冬蔭公公，睇落好好味，就選擇食這間坐低叫左公公拼盤套餐、海南雞飯、馬沙拉羊膝咖哩配油鬆餅及餐飲品兩杯。 叫左個拼盤可以滿足我想食咁多種泰式食品，裡面有串燒蝦及雞、豬頸肉、泰式鳳爪、蝦餅等，賣相已經非常豐富，味道比我想像很不錯喔！拼盤內我最喜愛泰式鳳爪，鳳爪係要凍食，佢醃製得好爽滑軟身，酸辣味剛好。串燒蝦都好大隻，肉質唔錯一點梅的感覺都冇，真係估吾到。沙嗲串燒雞、豬頸肉都燒得剛好，好入味，蝦餅好大塊，吾多油，好彈牙，只係春卷入面的餡料有點咖哩味，感覺同平時食的有點不一樣。 羊膝咖哩感覺d咖哩都唔算好辣，但食得出D汁有好多香料，羊膝及鬆餅超好食相當合配，羊膝都好大件又吾肥而且好均勻，肉都煮到好冧好容易切開，我們還另外叫多左一份芒果薄餅，就咁食都好好味，幾特別的一個薄餅製法。(還要順勢一提，羊肉食落去都冇膻味。吾食羊的朋友都真係可以試下喔！) 最後介紹埋都係主菜之一海南雞飯配上油飯，水準very Good，飯又夠乾身，一點油的感覺都沒有，雞的肉質好嫩滑，雞有雞味飯有飯味，配上三個醬汁好好味，這個菜一定要order。 飲品跟餐我地叫左杯咸檸疏打

星期六午膳時段的連城廣場人流迫爆，到處都是覓食的人群。連城廣場的每間食肆全都滿座，冬陰公公亦不例外。冬陰公公的食物款式較為簡單，以泰式粉麵作主打，當中食客可自選湯底、配菜和粉麵類型。點餐亦很方便，只需在一張兩頁的點餐紙上勾選需點選的食物交予店員。泰式冬陰公海鮮米線海鮮米線大大碗，配料包括大蝦、蟹柳、魷魚鬚、青口、龍蝦丸和鮑魚片。冬陰公湯底值得一讚，酸辣兼備，配合滑滑的米線，味道不俗。海南雞例牌海南雞的味道很不錯，我這一碟主要為雞髀位置，雞肉相當嫩滑。海南雞附有三款醬汁，黑色甜醬油、泰式酸辣醬和薑蔥。公公拼盤套餐公公拼盤套餐包括泰式雜錦拼盤和飲品兩杯。泰式雜錦拼盤包括蝦餅、酸辣鳳爪、泰式春卷、燒豬頸肉、沙嗲蝦串燒兩串和沙嗲雞串燒兩串。蝦餅和春卷炸得脆卜卜很香口，燒豬頸肉很嫩滑。沙嗲蝦和沙嗲雞串燒沾上帶有粒粒花生碎的沙嗲醬來吃，非常好吃。酸辣鳳爪夾雜着不少我最怕吃的芫荽，基於個人口味放棄了這一道小吃。套餐的飲品可選餐牌上的任何的兩杯飲品和特飲，鮮果乳酸則需每杯加＄10。我點的那杯是木瓜乳酸，餐廳採用了新鮮的木瓜製作，並加入益力多。清甜的木瓜配上酸甜開胃的益力多，味道異常的清新和匹配。冬陰公

下午茶時間，食咗牛骨湯底豬扒薯粉配凍檸蜜，個牛骨湯底幾好味，夠香濃但又未至於會太鹹，入面仲有白蘿蔔添，蘿蔔入晒味，估唔到個亮點是白蘿蔔！而塊豬扒都唔細塊，如果另上會更好，因為浸在湯上塊豬扒都林晒了！雖然是下午茶，但薯粉份量都唔少，不過因為本身都加左唔少蒜片，所以整碗粉蒜味都幾重，如果唔鍾意蒜味的話就未必啱了～ 而我自己就唔抗拒蒜味所以都OK的!而成餐唯一最差就係杯凍檸蜜。。勁甜！飲左兩啖就頂唔順了

暑假去完泰國玩一直心思思想食泰國野係咁快搵唔同既泰國野食因為學校係沙田附近Search下就見到冬蔭公公係唯一比較近同多好評既泰國店所以就試試佢～星期五我同友人七點幾到都有2,3張枱要等我同友人唯有係出面望下menu見到選擇比其他泰國菜店少無一般會叫既泰式炒金邊粉，芒果糯米飯，泰式甜蟹反而主打泰式河粉(有牛肉湯，魚湯同冬蔭公）等左15分鐘到 就入得去lu我友人即刻點左佢揀好既冬蔭公河粉(要左中辣,因為睇食評bb辣無味)我就揀左馬拉咖哩牛腩配簿餅馬拉咖哩牛腩配簿餅先上~顏色並吾吸引所以我就叫友人先試點知佢個樣超級滿意我都即刻食食佢個牛腩嗯～～～佢個咖哩汁好好味好有洋蔥味 辣度適中 熱辣辣配上薄餅 實在意上不到好味！令到我地到主打河粉更有期待了河粉上枱紅紅既湯底 好似不錯我同友人試試冬蔭公湯Ummmm..咁甜既？辣味呢？河粉配上既豬頸肉都麻麻普通既面而已..而且太甜了～失望了另外叫左杯芒果益力多幾好飲！總括，不過不失不正宗泰國食！

友人係沙田放工，所以轉程接佢再係呢到搵好野食之前去開ikea，但大家都食厭左就搵左間泰國餐廳由於夏天太熱，我就唔多想食飯就叫左雞絲撈檬粉檬粉好多，而配料都唔少真係無可能唔飽加入泰式甜酸醬，味道開胃，好適合夏天食而口感都幾豐富，有花生又有蘿蔔絲紅豆椰汁冰，紅豆大大粒，份量足而且紅豆無浸過糖水，味道唔會太甜，又食到紅豆味公公拼盆套餐，又係勁足料鳳爪多到成枱都係，不過我覺得最好食既係燒肉串本身既味道，醃得好入燒得又好香，微焦而蝦都幾大隻下，睇見都開心

差不多一年無黎過冬蔭公公, 最舊點番個海南雞飯.黃油飯唔會太油, 中湯真材實料, 係今次個雞俾左雞胸, 份量少左DD, 不過雞真係好滑, 3隻醬仲KEEP到好好味, 仲KEEP到水準.另1個係BB辣的檬粉, 只有香, 不會辣, 湯底比以前淡左稀左.牛肉片算多. 魚腐有3粒, 算唔錯.不過依家餐廳轉曬用即棄碗及杯, 無甘環保了.